珠江酒家

Open Now

Now Closed

攞左消肺劵順便同屋企人食返餐。假日好好生意，記得要預約！！！四個人叫左涼拌花甲，蝴蝶腩煲，黃金鮮魷，鼓椒炒大腸，(甜品)潮陽來不及。 (四人一般食量請叫三餸，因為份量好足！！！)花甲超多，同埋少少麻辣，好醒神。黃金鮮魷，面層好鬆化，火路手勢都好好。蝴蝶腩煲超多，肉質同刀功都唔錯，不過胡椒湯味太勁。鼓椒大腸都好味，不過本人唔太好呢味野，所以只能講幾香口。潮陽來不及係炸香蕉，好正，想食就記得留肚！！整體都幾重口味，可能師傅年紀老，鍾意濃味

本應約了幾個朋友happy hour, 但他卻訂了這家地道港式菜館， 而且還點了一桌令人回味但又堪稱極不健康的菜式。我因工作關係遲到了， 所以頭盤的涼拌花蛤青瓜就沒拍照， 但清爽我味道真的很適合在這麼悶熱的天氣和著啤酒吃。最先上的是紅酒燴豬肝， 豬肝煮得入味， 又厚又濃，還可以用生菜夾著吃，更加爽。豉油皇鵝腸，塾了芽菜，鵝腸肥美爽脆，夾著芽菜吃不會膩。這家的蝴蝶腩煲是必點項目。我們配了豬雜， 他只用了帶點胡椒香的湯底，滾著滾著，蝴蝶腩的鮮甜更加突出。粉腸、蘿蔔都煮得很入味，非常好吃。生炒咕嚕肉，鑊氣夠，鮮嫩香脆，酸酸甜甜超醒胃呢。相比下炸大腸就反而變得平凡了。最後一道刴椒魚頭，魚頭肉非常滑，非常鮮味。這兒份量很足，而且都是些地道小炒，很適合大伙人來， 不過就沒有講究的裝修了。

隨着自己嘅年齡選擇餐廳嘅要求都愈來愈唔同。細個時候嘅要求就係冇乜要求/平靚正；人愈大，再好食再難食嘅野都應該慢慢試過，反而會著重嗰環境/同你一齊食飯嘅人。我所講嘅環境未必要係一個好靚，服務招呼好好嘅地方。有時太靚太好嘅野只係令自己周身唔聚財。Well，同愛情💓一樣，唔係搵條件最好，喺搵嗰岩自己嘅，適當嘅時候就留番喺自己嘅comfort zone入面。愈吹愈遠，講返今日間食店 - 珠江飯店大排檔式嘅舖頭分上下兩層，鋪頭都幾老式。賣嘅嘢一啲都唔貴，普通小菜都係一百幾十蚊碟，價錢都幾貼地。今次我地三條友仔6點半就到，坐咗上層，叫咗5碟餸2支藍妹；叫完餸之後就愈來愈多人嚟，同埋愈來愈嘈，到7點左右上層就差唔多滿人。蠔爽 $118第一碟上菜嘅餸，唔知係咪因為肚餓嘅關係，覺得好好食，難得喺我哋三條友都覺得好好食。蠔唔喺好大粒，應該喺沾咗層啲炸漿後就拎去炸。外邊嘅炸漿好薄，一咬就喺蠔肉，細細粒，新鮮好食，非常推介。9/10XO醬蝴蝶腩 $108（豬）開頭我哋以為蝴蝶腩喺牛肉，問左店員先知喺豬。上菜嗰時我又覺得好奇怪，XO醬炒嘅嘢係咁嘅樣？！咁又係嘅XO醬間間都可以唔同。依碟餸酸酸辣辣，一食落去都唔喺

好耐冇同朋友聚一聚，揀左呢間傳統小菜館好似之前啲食評咁講，間野啲調味好重手，要不停飲啤黎沖一沖味蕾，我自己最鍾意就係黃金墨魚咀，用料好足蛋黃夠香，食落仲好爽口，同埋蠔爽，細細粒，每粒都包粉漿，好酥香，蠔仔唔算飽滿但都ok 應該出面唔會有得食強烈建議唔好嗌係佢個豬潤，陣味好壓同埋仲滲緊肉水，明顯係洗得唔夠人均200 蚊左右，作為幾個麻甩佬聚一聚係一個好唔錯嘅地方另外個鵝腸建議如果鍾意食好肥嘅先好嗌，佢應該冇特別刮走啲肥油，如果唔係個底有芽菜，就咁食應該會幾核突

有水準嘅舊式飯店，老香港風味，今時今日真係買少見少，十分值得推介。今次同朋友2個試得唔多野，叫左個凍蜆，蠔爽，豬油抄麵同菜乾湯，4個餸我都俾滿分，超水準。2人2餸一湯一麵已勁飽，因為每碟都好有份量，建議5人以上去食就可以試多幾味餸嘞。

呢間嘢門面完全唔起眼但就相當出名。今次同啲舊同學嚟食，一試之下果然有料到！老同學最鐘意美極汁鴨下巴，超juicy超香口，份量大又有質素！正！！但反而有D大路嘢我哋期望過高而搞到有D失望。唔係話唔好食但可能我哋有啲吹毛求疵，我會expect 多D。但無論如何，呢擋嘢係有料到嘅！絕對會再嚟食！！

懷舊小菜館真係買少見少，珠江酒家絕對係我鍾意食嘅小菜館頭幾名！同朋友食飯一大班人，唔好講笑，一坐低梗係叫一個豉油王鵝腸，鵝腸一睇就知夠晒肥美，絕對係新鮮貨色，配合埋啤酒真係好惹味！簡單炒個通菜都知道師傅有料到，通菜食得出好有鑊氣，仲有少少豬油帶出香味，吵得爽脆，唔會變黃！蠔仔粥嘅蠔仔除咗要夠大粒，鮮味都好緊要，呢度嘅蠔仔粥除咗符合以上兩個條件，份量亦都唔講得笑，不過好食得嘅我哋，一人兩碗都好快清左！欖菜肉碎炒豆角，絕對係撈飯嘅菜式，欖菜香濃，豆角入晒味！至於呢個生炒骨一樣咁正，排骨好酥脆，配合酸酸甜甜嘅醬汁，胃口大增，真係好味到食唔停口！最後呢一個炸蠔爽，配合蔥花椒鹽，又係另一個必食推介，蠔仔大大粒，肥美鮮甜，炸得好乾身，粉漿脆口，忍唔住食多幾粒！

🇭🇰#香港捐窿捐罅記 #撚手小菜麻甩排行榜Instagram: foodkiller_dk太子50年老牌酒家🤨重口味人士既天堂👅近排迷上咗食老牌餐廳，想記錄一下香港老牌食店😈 今日呢家一入到去已經感受到歲月既洗禮🤨 好有feel又幾正😂小菜全部偏向重口味，要叫多幾支啤酒先夠玩😂-🦆 #美極鴨下巴 🦆 （$88）一上枱就有陣美極味，超級香🌝食落啲片好有咬口🙂仲要超有鴨味🦆第一次食就係發現原來咁正😂係全晚最第二正既一個餸🤧.🦪 #潮州蠔爽 🦪 （$118）佢哋店既另一個招牌🌝蠔都幾新鮮😈都幾香口，但就比較偏咸🙂所以食唔到太多粒😀不過蠔都幾大粒下😂好啱我食🤨.🦑 #金沙黃金墨魚嘴 🦑 （$118）墨魚嘴比較細粒😂要食好多粒先夠味😂而且唔夠咸蛋味，可以再落多啲🤧呢個麻麻地可以唔叫🙂.🍌 #潮陽來不及 🍌 （$68）全晚最正既一個餸😂 外脆內軟🐮而且新鮮炸起，所以好正🙂配埋糖醬味道一流🤧 果晚最正既餸😂.⛰️ #涼拌花蛤 ⛰️ （$118）人地話唔食一排會唔舒服😂但我食就覺得好咸😂咸到都食唔曬🐮 大家唔好叫😂有伏🙂總結來説 想體驗下歷史同正常味道可以試😀-🎈 太子荔枝角道138號地下平均傷害：$20

晚上大概7點15分左右到達，行左陣先見到，因為舖個門口比較細同唔明顯，好易就會行過。入到去坐下層，剛剛好有位，我諗遲啲我就可能冇位，下層有5張枱，上層就唔知，冇上過去。店員都幾有禮貌。由於限聚令既關係，3個人都可能坐張大枱。先黎點左個蠔爽。朋友都話唔錯。唔太乾又唔太濕，啱啱好，正之後就叫左個黃金墨魚咀，豉油皇鵝腸，同椒絲腐乳通菜。黃金墨魚咀啲炸粉唔夠黏，一夾起就同墨魚咁分開，唔係想像中咁樣，不過味道都係可以既。豉油皇鵝腸就普普通通，不過不失啦，個色好似唔夠深色。椒絲腐乳通菜好夠鑊氣，好正，好快就食晒。大家都見唔係太飽就叫左個XO醬蝴蝶腩，呢個真係同想像中差好遠，食唔到有XO醬既味道，食到有啲辣同有啲醋味，有啲似口水雞個種味既感覺，有啲怪怪地，唔知係咪比錯左我地。我地都仲有叫左幾枝啤酒飲，不過唔見有冰桶同唔夠凍，如果有冰桶就好了。仲有好多野都想試，不過已經食唔落喇，唯有下次再黎試過啦。

睇返早前照片 久違了珠江的各款小炒 相約朋友去大吃 把酒談歡的日子 希望早日來臨墨魚嘴每次嗌 炸得好乾身 鮮味 送酒必備涼拌花甲耐無食就心卦卦 麻辣鮮香今次有啲失手 絲瓜炒豬膶 豬膶煮老了 而且臊味好勁蠔爽也做得很鮮香 粒粒充滿蠔汁辣子雞也很好吃 就像正宗的 雞切得一件件 好等調味入味 食得好過癮每一次 甜品環節都要來一個朝陽來不及香蕉炸得外脆內軟 加埋糖醬同吃 口感甜蜜延綿 我不喜歡吃甜 來到每件嗌呢碟總要食返兩件 喜歡甜的朋友一定要試下希望疫情快過 早日能再黎呢個可一班fd吹水食飯既老地方

說來珠江酒家已有好幾年，是晚聚會由我發板，我當然趁此機會去一方它。他的位置不算方便，離地鐵站也有一段距離，不過就是貪其夠懷舊，感受一下舊酒樓的風味。餐廳有兩層，面積不大，我們安排上上層，墙上貼滿了菜牌，用手寫的那種，很地道！朋友來了一枝啤酒，我就來了一罐可樂，啤啤佢。很喜歡這裏的酸菜豬肚湯，因為味道夠濃，帶點楜椒微辣，好滋味！椒鹽蠔珠和墨魚咀都係必點的，蠔仔粒粒肉嫩多汁，墨魚咀亦爽口彈牙！難怪成為這裏的招牌菜！還有不了忘了這裏的花甲，十分惹味，食落無沙！送飯一流。比較失色的是豉椒鵝腸，炒得又濕又油，大家都好失望！這裏的菜比較重油有重口味，是港式的大牌檔風，環境也著實舊，但就好地道。有興趣懷舊一下，不妨一訪！

今次同朋友嚟到呢間冇裝修嘅老店 環境就唔多提喇，講番食物先頭抽鮮油渣炒麵 ～淨係聽個名都知嘢味啦不過炒麵最緊要就係夠鑊氣 豬油味好香潮州蠔爽～ 最緊要係隻蠔新鮮 炸嘅粉漿都唔算太厚合格 食物香脆鮮甜 送酒一流鮮蠔蒸班腩～ 班腩夠曬滑 配埋先蠔一齊蒸 一個字【鮮】豉椒炒蜆～ 蜆夠新鮮 冇沙夠鑊氣 濃味最後試下個甜品潮陽來不及 ～即係炸香蕉 唔錯整體嚟講 海鮮係新鮮嘅 所有嘅嘢都係偏濃味 啱曬重口味嘅人或者送酒既朋友

約咗一大班朋友食飯，原本去另一間餐廳，但經同事介紹話呢間好食就即刻轉場啦。首先叫個豬肚湯，個湯有啲辣，但真係好好飲。仲叫咗黃金鮮魷，蠔爽，涼伴花蛤，避風塘准山，沙拉骨，仲有另外兩個菜都唔記叫咩名喇。呢間野啲小菜真係好好食，重點價錢完全唔貴。雖然佢叫酒家，但其實佢唔係一間酒家，以後佢中午時段會做點心，點個原來都只係開夜晚。但略嫌上菜有啲慢，我地八個人八個餸，都要等一段時間先上得齊哂啲餸，不過如果有飯聚又想交通方便都係唔差嘅選擇

表弟遠赴澳洲尋找佢理想👍🏻💪🏻，將有段時間見唔到佢，臨行前食個晚飯祝佢一路順風，今晚表弟話事選擇中菜，我哋係太子友梗係嚟呢度食啦，大家記住記住訂位呀……好爆㗎， 訂咗兩枱我哋呢圍後生仔女，基本叫香口嘢飲吓🍷👍🏻👍🏻，食完喉嚨痛呀🤣凉拌花甲~份量好足，花甲大粒👍🏻👍🏻👍🏻，隻隻有肉唔似出面食一半係殼🤣椒鹽墨魚咀~平時少食，粒粒脆卜卜又幾好味👍🏻避風塘九肚魚~炸過火太乾lu😏蠔爽~👍🏻👍🏻👍🏻蒜香寸骨~ 炸到外脆肉嫩，食落有肉汁👍🏻👍🏻豉油皇鵝腸~肥美好大碟，但唔夠夾口剁椒蒸鉗魚~魚身滑蒸得剛好👍🏻👍🏻，但略嫌棄辣椒唔夠多

今次美食團遇到小小意外，原本期待已久既餐廳無開，誤打誤撞去左呢間珠江酒家。聽個名都知有一定既歷史，舊式裝潢，連餐牌都感覺好有故事性。除左d雞煲豬頭煲外，其餘小菜都係大約$100左右。黃金墨魚咀，幾多咸蛋黃，但略嫌唔夠乾身。椒鹽9兔魚，外型同樓上墨魚咀好似，味道還好。鼓油王鵝腸好似唔記得左落鼓油，同埋呢條腸好肥，好多固體油粒痴住，外貌同味道都麻麻。蠔爽偏咸，要準備多d白飯先好嗌～芥末牛柳粒，可能真係食得太多煎炸野，呢個雖然有刺激既wasabi，但反而有潤喉既感覺，味道都不錯！可能因為我地有adhoc加單，所以有一兩碟食物黎得比較慢，價錢一位$130到都算合理。惟店內比較嘈吵，要好大聲講野先得:）