珠江酒家

Open Now

Now Closed

掛住潮州豪爽, 於是同一班朋友嚟食飯夠鑊氣好好味！大排檔格局坐得特別舒服!特別係豪爽和墨魚咀！夠鑊氣夠新鮮好好味！金銀蛋勝瓜, 簡單嘅菜整得好好味！不過個椒鹽九肚魚就感覺炸粉太厚身,有點失色。6人 連酒水$1258

擇左日同咗兩個同事嚟依度食飯。唔知點解心血來潮叫佢哋book定啲名菜驚到時有錢冇埞洗冇得食。其實誇張咗少少，但係就真係好食👍同埋真材實料👍。大部份菜都好食，同埋，最緊要，其他地方未聽過或者未食過。咁我逐一數下佢。1）羊腩煲 - 唔敢話特別好食，不過就真係足曬料👍，差唔多半隻羊放晒入去。2）金沙黃金鮮魷 - 鹹蛋味滿分👍，同埋依道菜幾得意，將鮮魷打成一舊磚👍。3）潮州蠔爽 - 普普通通幾爽口喎4）涼伴花甲 - 呢度菜好驚喜，凍嘅花甲都幾好食👍。5）朝陽來不及 - 其實係炸香蕉，不過就好新鮮炸👍。仲有一樣嘢未講，就係人情味。啲Service係local街坊生意feel超正超屋企👍。Overall，其實主要係咸咗啲，但有機會我都會想再嚟，因為估佢唔到👍。

今日同同事過咗嚟食，一行三人叫咗五味餸分別係：涼拌花甲($138)：味道同涼拌青瓜差唔多，但係非常大堆頭亦好惹味，值得試下。金莎黃金鮮魷$138)：真係估你唔到，以為係魷魚鬚或者係墨魚餅，點知原來係勁厚切嘅魷魚，真係未食過呢種口感，一生人應該試一次，非常香口送酒一流，但係鹹咗少少，加上好大碟，我哋得三個人真係食唔曬。潮州豪爽($138): 呢個真係好好味，我張相已經係食咗一輪㗎啦，我又好遲先記得影相。呢個係必食菜之一。唐芹豬肺：超好味，重胡椒味重啲豬肺又唔會太淋有咬口，亦係我必食之選。豉油王炒粗麵：有鑊氣，味道不妨一試。佢雖然要夾都百幾蚊唔平，不過真係好味又大碟，想食小炒就過嚟試下啦。

大大個訂位招牌吊高行人路迎面當眼處，不是虛張聲勢，試過隨便walk in，下場是不得其門入。於是幫襯前哪管是平日還是假日，志在必得還是要訂位就記在腦海。這回順利入舖，舖內就得十張以下4至8人不等的枱，而且一入舖只招呼上樓上埋位，下層基本不坐客，一切已明瞭，是類近私房菜格局。扶着有幾分似電梯扶手的樓梯扶手，及至舊樓閣樓，本就預定隔音差，食客高談闊論聲浪都困於低樓底之下，在場沒人猜拳、髒罵聲，已屬萬幸。古色古香、七八十年代的地磚裝潢等算是保持得狀態不錯，枱與枱之間擺放是極盡可攝盡攝之能事，有機會椅背貼椅背。據知此處「炸物」出色，冒住喉痛流鼻血等風險一口氣點「潮州蠔爽」$138、「避風塘竹仔魚」$108。「蠔爽」菜名改的一絕，也不知是易叫還是潮州代表作，見八成枱都「蠔爽」一番。每粒粉漿分明不互相藕斷絲連糾纏一起，磨砂面的脆皮做到「爽」，每顆蠔仔豐滿鮮味，入口帶些蠔汁滋潤又不覺熱氣。竹仔魚於潮汕的另一種意義等同香港的「藤條炆豬肉」。此味今回凶不到同桌的縮水阿伯，反化身補鈣恩物，脆漿薄，由頭至尾、骨肉炸得全脆酥化，避風塘式是含蓄辣度，相對蠔爽乾身。如不強求綠色蔬菜，「豉油皇鵝腸」$108底部墊的

和同事約了半年終於成功食到珠江洒家，6點先開鋪，嚴重建議先訂枱，當日見到幾次walk-in客都冇位。菜式特別，很多未試過的菜，豉油王鵝腸爽口好味，𧐢爽好大碟，味道偏重。樓面姐姐很客氣，我們早到了半小時，她也願意讓我們坐到夠鐘。所有菜式都很大碟，還有偏重口。價錢貴十幾蚊比起附近其他同類餐廳，所以如其去對面大排檔倒不如去這裡吃。這次可惜吃不到紅炆豬肉煲，聽說是這裡的招牌菜。希望下次能順利約到朋友再來。

珠江酒家，真係大大話話都十多年沒有過來，有時候真係會遺忘了一些食店。他的門口，往往令人想起澳門一些小店，從地下，長長樓梯上二樓，真的很有懷舊氣色。金沙墨魚咀~脹卜卜的墨魚咀，朋友立即點了啤酒。芹菜豬肺~中芹嘅香氣，配豬肺，陣陣胡椒味，筆者當晚至愛。沙嗲鵝腸~椒鹽墨魚~每次到來都會點的，就是喜歡它夠晒厚身。涼拌花甲青瓜~點點辣，很惹味，青瓜墊底陣陣青草味。酥炸爽蠔~又一下洒小吃，配啤酒🍻爽呀！這個朋友點的，忘了是什麼腩肉。美極鴨下巴~下酒美食絕配，當晚配威士忌🥃很夾檔。蒜芯炒手肉~牛肉充滿梳打魅力，蒜芯頗老身。咕嚕肉~足份量，啖啖肉。黃金涼瓜~很油膩，失去了黃金的感覺。整體來說:味道扁濃，但仍保留麻甩氣氛，周圍的食客飲啤酒飲到面紅耳熱，唯獨是男女共用厠所，水箱又壞了，只得一條水喉及水桶🪣冲厠，當晚很多啤酒食客，所以整個地面濕滑，真的小心小心地滑。

忽然想食小菜🤔 諗起屋企附近就有間老字號🙂就即刻行過嚟 因為冇訂枱所以要先到先有得食😅😅晚飯食小菜例牌叫支冰凍啤酒先🍻🍻🤤🤤🤤🤤🤤餐前餸酒小食叫咗隻燒乳鴿🐦食住諗😅剛剛炸起皮脆熱辣辣少少汁略嫌乾咗啲 味道都有啲重手 食細細啖就可以飲杯啤酒😅😅😅😅😋😋😋上次打冷冇食蠔粥🥲 見到有即刻叫喇😍😍 足料對味 蠔肉粒粒飽滿 肉碎炸菜芫茜薑絲魷魚絲燒肉皮魚乾加埋飯粒混埋胡椒粉正😋😋😋😋食完粥口淡淡 想刺激返下味蕾 叫咗個水煮牛 料入面嘅款式就冇真正京川菜館咁多 好多牛肉 牛肉醃過食落去滑唔會醃太過龍 仲有好多芽菜 食得嘅就係厘兩樣😅😅😅食咗半個鐘時已經開始滿座 好彩嚟得早😆😆冇訂枱坐喺樓上到走果陣時 見好多枱都叫生炒骨下次嚟都要試下先😊😊😊😊

因為朋友介紹所以來呢到一試佢話有時候一星期前來book 都已經full 曬好彩提早左小小book 先有位來到試左幾碟菜扇貝拍青瓜最值得推介個汁真係好好食仲有個墨魚咀都好正

Opened since 1964, 珠江酒家 in Sham Shui Po is one of the oldest restaurants in Hong Kong. The restaurant has two floors, no fancy decor, but you can see old signs from the 60s or 70s like "no spitting on the floor".炸乳鴿 Deep-fried Pigeon $68Pipping hot, juicy meat, crispy skin, but a bit too salty.潮州蠔仔粥 Oyster Congee $118Huge pot of Chiu Chau style congee with lots of oysters, pickled radish, minced pork, spring onions and coriander. Again too much MSG.水煮牛肉 Sichuan Style BeefThought it would be a bo

# 珠江 # 麻甩聚 # 那些年今晚同呢2個麻甩佬食飯自自然然就梗係食麻甩嘢一齊食左珠江幾次，每次都係一講就去食證明佢嘅吸引力係有幾大😋😋今次食前一日打去book位打咗半日都冇人聽於是我個朋友心急到驚冇得食第二日特登走去book位😂真係辛苦晒。到埋單嘅時候我哋問佢點解琴日冇人聽電話。佢話原來琴日休息真係鬆咗一口氣。都好驚佢會執笠㗎。咁就食唔到好味嘅嘢啦。順便提一提呢度係會比較嘈。但係當嘈嘅人走咗你就會覺得好似爭緊啲嘢咁。所以嘈係另一番風味。呢啲叫做熱鬧呀識唔識呀😂😆😂😆蠔爽。係必食，最好訂位時留定佢啲嘢食好多內臟鍾意食呢啲嘢嘅人就會覺得好正其實間唔中一次冇乜所謂啦。仲有佢嘅山豬肉都好正㗎。

話說星期日晚家庭聚會要搵餐廳飯局，好耐之前黎過珠江酒家，對個美極鴨下巴一直念念不忘，但因得2個人試唔到太多野食，今次6個人就fit晒。珠江酒家係舊式裝潢，70年代感覺，不過地方都算乾淨企理，我地主要係享受美食咁冇問題啦。餐廳有分上下2層，今日安排左係地下一張大圓枱位置。我地點左8樣野食美極鴨下巴我自己本身鍾意食開鴨舌, 而家仲可以連埋成個下巴食, 一流!生炒牛肉飯酥炸大腸金沙黃金墨魚咀, 係堅正, 入口鬆軟肉味濃, 正!山西雪梨雞蠔爽生炒骨頭抽豉油王炒麵

約左老人家食飯，就佢地想揾啲地理位置方便，又有傳統啲嘅中菜食就比較啱佢地食啦。環境唔算新派酒樓咁大，但裝修都乾淨企理。涼拌花蛤花蛤都幾大隻，又唔會殼肉分離，味道酸酸辣辣，青瓜爽甜，特別開胃。潮洲蠔爽蠔仔幾大粒，又唔太腥，最好就係炸粉唔會太厚，好似只係食粉漿咁冰梅金沙骨金沙骨好大件，肉比較稔身，亮點就係個醬汁，酸酸甜甜，好好食Xo醬蝴蝶腩味道一般，蝴蝶腩無咩味，主要係xo醬個味，可惜太辣，欣賞唔到腩肉肉質椒鹽墨魚咀外面唔係常有嘅菜色，粉漿薄，墨魚咀爽，食落特別香脆，會令人食唔停口淮山杞子浸豬潤淮山唔會好粉，仲有咬口，豬潤大塊份量夠，但未係好滑，唔係太出色。豉椒鵝腸又油, 腸又太肥，唔得總結就係飯菜尚可，但上菜時間太慢，等到肚子都餓了

呢間酒家我去過好多次，但係第一次寫，目的係想比更多人知佢幾好食！呢度最出名既一定係涼伴花甲同蠔爽，涼伴花甲鮮味，開胃，對我黎講唔算太辣，超正！好多人唔知蠔爽係咩，其實就係炸蠔仔，香口又鮮味，一路食一路送酒，一流！另外我好中意呢度個咕嚕肉，可能好多人話咕嚕肉周圍都食到，但係好食既真係唔多，周圍都整得唔脆口，已經係失敗，呢度就永遠唔會令人失望，佢次次都整到卜卜脆！仲有蝴蝶腩煲又係不得了，蝴蝶腩其實係豬，大家唔好以為係牛，冬天食呢個一定暖lovelove～～呢間酒家仔我食左好多年，前排疫疫冇得食，我不時經過都會諗，佢會唔會頂唔住？我希望多ｄ人知佢真係好好食！佢整野係好用心！如果佢執左，我應該會喊😭

朋友一直推介呢間嘅肥鵝腸，終於緣分到啦😬豉椒鵝腸(圖三，淨係睇到少少鵝腸所以特別指明🤣)真係好肥，喺piggy食個最肥嘅鵝腸，正😋 其他菜式出面都好少見，椒鹽粉腸， 醬爆生腸，蠔爽，涼拌花甲同牙帶魚，係名副其實嘅懷舊刁鑽菜，如果唔介意地方比較地道，真係好值得一試👍👍👍

之前同莊員食飯，揀咗呢間地踎餐館，好有當年on show後去慶功的感覺。叫了七餸一湯，但掛住食，有啲食物無影到。蠔爽係必食，即係酥炸蠔仔，size唔細，絕對大粒過蠔仔粥啲蠔仔，而且洗得乾淨，一啲都唔腥，少少鹽調味，好正。每次必叫川辣蝴蝶腩魚麵，個湯既辣且香，蝴蝶腩有啲韌但可接受，魚麵係最特別的，因為佢係魚片質地，好好食㗎～黃金墨魚咀的鹹蛋味好香，脆卜卜好惹味；干鍋豬潤粉腸第一次叫嚟食，豬潤係厚切，不過呢味鹹咗啲； 魚香茄子煲比較遲嚟，上枱時仲滾緊，起哂泡泡，撈飯一流。無影相的仲有必食涼拌花甲，係前菜嚟，啲花甲好大隻，但今次鹹咗少少～呢間嘢碟頭好大，最好多人嚟食先可以試多幾樣，否則兩三個，其實叫兩三道菜都會勁飽咁離開～