正記菜館

Open Now

Now Closed

去到元朗五知食咩去，經過正記見到有好多人，好啦，揀佢啦！兩個人叫三個餸，都幾好食呀！首先值得一讚o既係，上菜速度係神速，達致神級水平，勁！豉椒炒蜆，五會話有好多殼，夠味，只係食都一兩粒沙！椒絲腐乳通菜就厲害啦，明明上台都無咩色，食落好夠味！菠蘿咕嚕肉都幾好，o的肉五會好厚粉！總括來講，o的餸好大碟，幾好味，不妨來試下神速上菜係點！！！

正記已吃了幾次，縱使是同一款菜式每次的味道都有所不同。但是總括而言菜色的味道算是不錯。在元朗大排檔來說已經是很好。但始终食物水平能保持平隱便更好了。今次吃的都很好，會再去！   通菜味道很好；蠔餅味道好又多蠔，比附近幾間的餐廳的小炒店都好；豉汁蒸魚雲味道更好家人十分喜愛。

近日與朋友到元朗郊遊，回到市中心時間尚早，大家開始為晚間覓食之際，想起元朗正記的潮洲打冷。經一輪找路後到達，幸好還是即時找到座位。點了以下數款美食:炸蠔餅: 蠔餅的蠔量很充足，有甚麼比每口都是蠔來得滿足呢！這個蠔餅風味正宗，口感十足！要提醒的是，蠔餅本來就是油炸的，油是一定的了，如果怕油和熱氣就不要點了。鹵水鵝拼豬頸肉: 大大份，好抵食。鵝肉及豬頸肉都份量足，另有魷片伴碟，鹵味十足。椒鹽雜拼: 有豬頸肉，魷魚，雞軟骨等。炸野就當然好食啦 ! 值得一提，伴菜的花生也好吃呢。豉椒炒蜆: 遲左黎，但足料，不過當中也有不少未吐沙的，下次未必會再吃這個了(怕麻煩)菜煲: 不太記得了，因不是太突出，純粹是為了中和之前的肉類而叫的菜總的來說，在這個有氣氛的街邊檔食打冷，的確是十分舒暢的一晚！當然價錢唔貴都好重要，所以下面是部分菜單

碟聖子一來我地已經見到鋪滿殼.於是我即刻夾開d殼睇下有幾多隻.就係得12隻.(有相為証).於是我即刻反映意見,點知佢睇完5理我走左.於是我再同第二個投訴佢話係咁,係得十幾隻!!!最後佢先肯同我cancel order5知仲以為我叫ga係聖子王,要差不多$10一隻.

今天外面一直在一陣陣的下著大雨，我們又來逛上水，每次來都會感覺上水這邊的人越來越多，也會發現商場裏面多了很多遊客來買東西。之後一路開到元朗錦繡花園，又來探望那幾只可愛的黑天鵝和白天鵝啦。已經不記得上一次是幾時來。感覺並不是很遠，當發現新開的Pacific Coffee時，才意識到那至少已是一年前的事情啦。在Pacific Coffee hea足整個下午後，我們來到元朗穩食啦。 在我印象裏元朗一直是一個充滿樂趣的地方，很多不同的小店，夠特別。轉了一圈之後在各種餐廳之間我們選擇了大排檔，來元朗當然要體驗坐在大排檔這種戶外的感覺，哈哈。 我們選擇了正記，因為時間尚早，所以不用等位，雖然坐在室外，但是整晚都沒有什麼人吸煙，開心. 豉汁蒸紅鮋 雖然汁不是太多，不過味道很好，魚也蒸的恰到好處。和味蟹 類似於四川菜，加了很多孜然等香料，辣的好正，我喜歡吃裡面的蒜頭，裹滿了香料，好味。潮式蠔仔粥 蠔仔超級足料，也很新鮮，很傳統的潮式粥，就像稀飯，我還是比較鍾情綿滑的廣東粥啦。鮮腐竹浸小唐菜 腐竹有些硬硬的，不過小唐菜夠新鮮。總之，感覺很好的晚餐，餐廳的人會不停的幫食客加茶

是晚只叫了1蠔仔肉碎粥 (碗)蠔仔新鮮肥美，這個比許多打冷店舖做得更好2蒜蓉蒸海蝦是否海蝦倒沒有深究，但絕對必吃之選上次吃過一直念念不忘，大排檔那些年的海鮮現在不是容易再吃到蒜蓉多，入味，而且刀工細膩(雖然很細小的蝦也做到開邊)錦上添花的粉絲舖在底吸盡蒜蓉蝦汁的精華3什菜粉絲煲清湯伴白菜,西蘭花,西生菜,魷魚和粉絲，煲上什菜鮮,清甜,略淋，整體不錯總結: 本來很想很想吃豉汁蒸紅鮋，但每次來到也賣光光，唉侍應哥哥服務很好，知道有其他魚回來告知，加分雖然天氣炎熱地在街邊吃飯，但有強力風扇和充足射燈，大排檔風情十足食物令人回味最後承惠一百七十九，啤酒另計

今日晚餐和爸媽去正記食, 由於是星期日人很多,但都很易找到座位. 點菜時看到很多枱都有叫"椒鹽雜錦", 所以我們也跟著點了這個菜, 另外还點了"蠔仔粥", "士多啤利燴牛排"和一個清菜. 潮式蠔仔粥d蠔幾新鮮, 唔錯 , 但個椒鹽雜錦就好咸, 而個士多啤利燴牛排就真係麻麻, 因為菜單張相係有士多啤利, 而真實係用菠蘿代替左士多啤利, 以為佢嚟錯左,問仕應大叔就話"係啤利汁"喎, 禁都比你駁倒... 大排檔唔衛生就預左,但仕應大叔不時係度吐痰真係好嘔心

八號風球落波後，因悶了一整天，隨即相約幾位晚飯原本今晚飯局目的地是火炭大排檔，但友人提議入元神「森記」，,誰知它對著垃圾站之後再附近逛逛，原來元朗有很多大排檔，(只要不介意衛生環境)不愁沒選擇。一到就有位坐，因為3個都是吸煙者，故坐對面較空礦位置用膳全程，伙計阿叔阿姐們都很友善&helpful。兜口兜面噴煙都無炸型，而且有傾有講。good 我們點了豉椒炒蜆、蠔仔粥(碗)、黑醋排骨、鹵水鵝拼大腸。蠔仔粥與menu 相差什遠。送上來時,還以為是什麼湯,極之泡飯feel ....頗失望!黑醋排骨+脆口，但代價是炸到肉感全失，在吃炸嚡口"肉"。不過黑醋做得好好味而且入味。鹵水鵝很大碟，大家都說好吃，仲 encore成晚坐左成3個幾鐘先捨得搭車走，下次再黎過下次補返相...今次掛住吹水冇影

去到已經爆晒棚！叫你自己搵位搵到就坐，兩個人分兩張桌等，足足等了十五分鐘.....有位坐低叫了伙記多次清理桌子都得個應字無行動，終於有伙記清理順便落單叫了三個菜、一罐汽水！一罐汽水五分鐘內到，等了差唔多二十分鐘，見人地遲來的客都有一、兩個菜上，我那桌就一碟都未有，叫伙記跟跟張單驚漏單！點知個伙記話你唔好追，今晚好忙追都無用，我就話驚漏單想你跟跟，個伙記拿起我張單睇，唔關我事喎唔係我落單！我就話我知唔係你落單，只不過想你幫忙跟跟張單吧！點知佢一句得啦就行了去，一去無回音........如是者又過了二十分鐘，都係無食物送上？罐汽水都飲晒！出收銀櫃再追，收銀員話等多陣今日廚房好忙！嘩！咁如果我張桌的單漏了我咪一直等？最終拿埋張單比汽水錢走，排隊比錢其間另外一位在前面埋單食客不斷罵，個幾鐘四碟食物先來得兩碟.......，而伙記、收銀員都毫不在乎你走咪走唔憂做般！

原本今晚飯局目的地是「森記」,誰知它對著垃圾站,之後再附近逛逛,原來元朗有很多大排檔,(只要不介意衛生環境)不愁沒選擇。七點幾,剛好有枱客完膳,如果再晏少少,恐怕要等了。用膳全程,伙計阿叔阿姐們都很友善&helpful。好像我們倒卸茶,叫人拿布抹,阿叔很快地幫手,還擔心我們有沒有"陸"親。我六人吃了腐乳通菜、豉椒炒蜆、蒜蓉開邊蒸蝦、涼瓜炆倉魚、蠔仔粥(碗)、黑醋排骨、鹵水鵝拼大腸。炒蜆很多汁,好似熟了番炒,唔好食。蒜蓉蝦,蝦鮮甜,不過很細隻,粉絲太腍,很多很多的蒜蓉。炆倉魚,黃立倉煎過,有香脆口感,肉質滑滑。蠔仔粥,與menu相,相差什遠。送上來時,還以為是什麼湯,極之湯飯feel,還要是清湯!太失望!黑醋排骨,脆口,但代價是炸到肉感全失,在吃炸嚡口"肉"。不過黑醋做得好好味而且入味。鹵水鵝$75,很大碟,大家都說好吃,但我不喜歡鵝/鴨,沒吃。整體味道偏咸,水準一般,勝在抵食。p.s.吃飯時在Openrice Apps search"正記"沒資料登記,所以沒影相for食評,誰知在電腦search又有噃!沒相attach真是失色。

唔多講了.4個人叫左6樣野.先黎左個蠔仔粥, 其實起初食既時間味道都唔錯, 蠔仔味道幾鮮....可惜我就食到多蠔殼,成塊拍甲咁大喎....當我唔好運啦.然後黎左炸大腸, 其實我本身都幾鐘意食炸大腸既, 不過呢度既大腸真都幾肥, 炸完出黎竟然唔熱的呢個蠔餅最失敗, 食打冷必叫既蠔餅個師傅都可以攪成咁, 首先個外觀似係有d炸過龍,口感好林身, (但其實個味道係唔錯的), 炸完出黎可以一d都唔脆!.食到底果2塊仲比d鼓油浸到林晒.....散晒..... 拼盤黎講鵝腸唔爽口, 覺得較為好食既係個腎, 同埋豬肉.豆卜芽菜呢味送合格, 同埋都算夠大碟, $32.鵝片等左好耐先到, 鵝肉冇咩鵝味, 肉質韌. 唔似我食開果d咁好食.anyway, 如果係打冷我自己就唔會再黎.

成日黎幫襯都無黎寫食評~~今日得閒就寫下啦~~一班朋友仔7個人黎食~~~~芝士海蝦e面~~~好味道呀~~!!!好多芝士~~=] 好似$68呢個係又必叫~~炒牛柳粒~~d薯仔粒好好味!!!!避風塘炒豬勁肉~~~好好味但好熱氣~!!仲有叫左2個煲仔飯同返個菜好似仲有個餸唔記得左咩黎..........hahaha7個人食左$364蚊~~~!!p.s. 可以去附近買杯珍珠奶茶帶入去飲~~!!=]

剛剛讀過之前的食評，原來，上次跟你見面是6月16日。見面時的親切感覺令我忘記了，已經，一個月了。跟你打波是很愉快的事情，只因有你的投入。可以盡情發洩，直至汗流乾為止。打完波又是晚飯時候了。1) 菜莆花生 - 菜莆咸酸菜花生全部都是我喜歡的飯前小吃，於是，會爭食囉！味道不過不失，不妨一叫的小吃。2) 杬豉炒田雞 - 田雞炒得過份熟，肉質不夠嫩滑，但d醬汁幾好味。3) 蒜蓉蒸海蝦 - 海蝦無乜肉唔新鮮，只係得蒜蓉味，最好味係粉絲。4) 鹵水鵝片 - 正！好有鹵水鵝味。(即係點呢?唔好意思我唔識形容鹵水鵝嘅味道)5) Asahi啤酒一支 - 是夜我有點咳喉嚨有點痛，抱歉未能跟你暢飲。相信正記最拿手的小菜是鹵味，今晚鹵味以外的菜式只是一般，但以此價錢味道是合格的。親愛的，無論順境逆境，我都支持你。

前2星期，朋友說一間店打冷不錯..是正記終於有時間去試...與其餘5位朋友試去到都很多人，慶幸朋友早到..已點了菜..估不到事件就發生(1)食雙拼，來了個單拼(2)食九肚魚變椒鹽鮮魷,,,(還要大家對呢個鮮魷輿趣一般)(3)叫了幾次，才回應，或者很忙呢但沒有辦法，食物太好食蠔餅，大大件..而且勁多蠔炒蜆，最正...炒得入味... 魚肚栗米，最好味...送飯必選整體是因為食物好食...所以可以OK

2010年04月30日，20:30帶著不爽的心情南下，一心想找爽爽解悶，迷路、電話無人接聽。祇好放棄，見這大排檔有粥，便一試。想吃生滾粥，便放棄粥餐，要了魚腩粥和牛利酥；炸物沽清，轉炒麵好了。炒麵：賣相尚可，雖然凍了，掛有醬油的麵，仍夠爽口魚腩粥：不綿、不香，魚腩不夠鮮甜，過熟不滑。假期前夕，好熱鬧，客要等位；不想阻人家發財，盡快離開。這店賣小菜為主，風沙一族色、香俱全，應可一試。題外話：後來得知爽爽麵店，19:00關門，趁南下順道一試成泡影