斗斗台灣料理

Open Now

Now Closed

喺上環返工好難搵平嘅嘢食，呢度lunch time好快有位，睇Menu價錢相宜，所以都食咗幾次～今次係第二次食佢嘅擔擔麵～ 第一次試嘅時候未攪勻以為好淡，但攪勻咗之後其實好濃郁，花生味都好夠～呢到menu有好多唔同選擇同配搭，今次嗌擔擔麵配左鹽酥雞。鹽酥雞份量比我預期多好多，好大舊又多直頭食唔哂😂 醃得夠味，炸得夠香脆，入面嘅雞肉唔會乾，沾上擔擔面嘅汁都幾好食。$55唔包飲品，但呢個份量同味道都ok啦！

其實都食左幾次，門口姐姐好熱情，之前次次都系食牛筋飯。牛筋燜得好入味，又林。飯好大兜，不過覺得佢Ｄ飯好硬。中意食硬飯既人會好中意。今次試呢個台式擔擔面，四川擔擔麵就食得多，台式第一次試。不過其實差不多，都系有濃厚花生醬味同埋一Ｄ肉碎，但不同的是，真系得少少少少辣，少到我幾乎食唔出。不過整體都好味的，同酸醋豬軟骨都好夾。值得一試。同埋會送杯茶。＄５０算very good la!如果take away仲會有9折! 下午茶時間又可以減10蚊!! 

有日放lunch跟同事去咗食 本來都冇乜期望 點知意外地好食😋湯底味道香濃 咸味辣味加上花生醬嘅甜味同香味相輔相乘 麵亦都軟硬度適中 重點係個麵好掛湯令到每一啖都好好味花枝丸係另加嘅 就係普通炸左嘅花枝丸🤣另外值得一提嘅係 佢地有台灣罐裝芭樂汁 香港好少見 我個人好鍾意飲😋

俗話說得好，常在河邊走哪有不濕鞋，今次真心伏左以前，我一直以為滷肉飯只有分好食同一般，然後我今次終於明白原來滷肉飯都可以整得好難食鹽酥雞肉燥飯($47)其實未打開個盒已經透過個半透明餐盒feel到少少伏味，因為佢個滷肉同平時出面食開果d，有少少唔同樣，不過因為落單的時候都有唔少人order呢個，決定比多少少信任佢，結果一入口……滷肉好難形容，完全唔係平時食開果種滷肉味道，而且有種其他的味道，我只能歸類佢係超唔新鮮成個飯應該得鹽酥雞算係比較正常，自問平時係一個唔會浪費的人，但都頂唔順食半盒就byebye

不是台式的台式料理🤭🤭🤭Ⓛⓤⓝⓒⓗ ⓣⓘⓜⓔ見到都幾多人食😝所以又湊下熱鬧😚😚..............................我以為食肉燥飯嘅餐廳🤣🤣點知誤會左😌😌唯有見到有咩就揀啦‼️‼️全部套餐-$10✨✨①川辣口水雞飯 $58-$10比左雞胸我😌😌啖啖肉🤣🤣雖然係雞胸位，但肉質唔鞋，算嫩滑可惜辣味唔夠②咖哩牛腩飯 $56-$10咖哩味香⭐️⭐️牛腩多過薯仔🥔.............................整體主要係抵食👍🏻👍🏻👍🏻

嗌咗個海南雞飯，原價60折咗50，價錢我覺得合理，問題1：啲雞煮到勁熟柴哂，一啲都唔新鮮，第一次食熱辣辣既海南雞問題2：啲雞唔同部位砌埋一碟，全部下欄骨位，想點先？問題3：啲飯太硬身，又乾結論：隻雞死得唔眼閉

呢間台式餐廳好似喺順德中心新開嘅，午餐就決定喺度食。一坐低老闆娘就有茶水招待，揀咗一陣決定食醉雞飯 。醉雞飯唔使5分鐘就上菜 醉雞都算入味 同埋都幾大碟 有齊雞髀同雞翼位因為口痕仲加咗皮蛋 水準就正常發揮 不過不失

今日又係順德中心食野啦，以前呢個位係一間越式餐廳，今日經過見到招牌唔同左，原來俾隔離間台式斗斗餐廳佔用埋啦。餐牌同斗斗又有d唔同，又唔係台式食物喎。但我地係呢間門口話搵位，個店員又帶左我去斗斗果邊坐，究竟邊間打邊間呢？😅我叫左個紅酒薈牛尾飯，整得都幾好食，d牛尾保留左牛筋既煙韌，但又唔會太硬，個汁味道調得剛剛好，送飯一流!我有同事叫左個海南雞飯，d雞係醃過既，個人覺得鹹得制啦，鹹到連d醬料都用唔上了，其實d雞淡淡地唔醃過唔係更有鮮味咩？🤔另一個同事就叫左椒鹽豬扒飯，個豬扒係炸既，都炸得幾香既。俾錢時店員又唔俾我地係返左邊既斗斗俾錢，要去返右邊間野俾喎，咁究竟右邊呢間係斗斗定咩呢？傻傻搞不清啊🤯

平日上班既我，一到中午食飯，總會問同事”我們今日食咩好呢”，外面天氣開始落雨，我們就去信德中心睇下有咩食，在遠處見到有間餐廳排晒長籠，原來這間係食台灣野，我們決定選這間，在等位期間看到其他人食鹽酥雞，望落好吸引，我和同事也點選鹽酥雞肉燥擔擔麵，點餐來了，麵和雞係分開上，擔擔面湯底有少許辣，辣得黎甜甜地，擔擔麵食落去好有口感，唔會太軟身又唔會太硬身，煮得剛剛好，鹽酥雞炸得好香趣，食落好香鹽酥味，感覺身處台灣食緊鹽酥雞一樣，好好味，下次食lunch有多個餐廳可以選擇。

原本到信德中心是想吃泰國菜，進店後才知道換了台式面店，這也變的太快了吧。其實台式也不錯，貌似信德沒有台式店。選擇挺多的，有飯，湯面，擔擔面和小食，不過這天胃口不好，最後只點了貢丸面，燙青菜，配可樂。貢丸面不錯，很有台式貢丸的口感，彈牙，不知是否胃口問題，湯淡淡的，沒有很鹹。米粉有點像新竹米粉，人家說新竹米粉有點硬，不像其他米粉，一不一咬就斷，反而青菜像是加了肉燥，還挺好吃的。信德有台式餐店總算是驚喜

次次去似住百幾蚊張船飛唔系好貴，又唔使好似搭飛機咁兩個鐘之前要check-in 定，搞到次次澳門玩都趕頭趕命，連食個飯都要睇住時間快食唔知係咪因為香港人大多數好似大食會咁樣嘅性格，所以信德中心大部份嘅食店都係快餐店，個個都快食完趕船快餐店最緊要就係快，所以好多時候都係賣碟頭飯，骨都唔使啃呀嘛但係快餐店真係唔係間間都咁好食，今次大食妹就揀左間台灣料理嚟試吓<香酥豬扒肉燥飯$51>間餐廳唔係好大，大概都系得得10零20個位，唔知係咪夜晚信德中心少人食飯，餐廳得個一、兩個食客睇一睇餐牌，叫咗個香酥豬扒肉操飯，五十蚊連嘢飲，同大型連鎖店差唔多價錢野食出得好快，香酥豬扒層炸粉好薄，豬扒切開都有四、五舊，好夠食肉燥偏瘦同乾，唔夠淋，不過用黎撈飯食都OK ge 五十蚊咁的素質，不過不失喇

同事話食過兩次覺得幾好由國金行天橋又唔使哂諗住平有平食就試吓一般茶記格局食完就要閃佢就嗌咗個豬扒麵我就嗌咗個鹽酥雞米粉 當然唔算好正宗紫蘇葉都冇大概四五件鹽酥雞同麵分開上肉躁都算多但就咸咗啲但價錢就好平48蚊想快食平食都ok

中午想食台灣料理，咁有朋友就介紹咗喺上環信德中心3樓嘅斗斗台灣料理，朋友話平時都好多人㗎排晒長龍，但係今日好好彩我去到嗰陣都唔使等位喎，所以諗都唔諗就坐低左啦。咁呢佢就好似酒樓咁就劃只仔點餐嘅，咁價錢都列晒喺度㗎啦。咁我就揀咗個香酥豬扒麵，另外加咗個小食就係香酥花枝丸。咁香酥豬扒麵呢就$47都唔算貴呀喺上環呢個地咁我就揀咗個香酥豬扒麵，另外加咗個小食就係香酥花枝丸。咁香酥豬扒面呢就$47都唔算貴呀喺上環信德中心來講。個麵就係幼麵黎嘅，都幾爽口彈牙㗎，上面有啲乾蔥頭令到個湯香左好多。再講下塊豬扒啦外層鬆脆，入邊又有肉汁，外脆內軟架。另外仲有個花枝丸，個花枝丸就比較一般，齋講口感都好彈牙嘅，佢就灑左啲淮鹽喺面，好似灑得多左少少，如果可以比我自己選擇落幾多就更加好啦。依家餐廳總括嚟講啲嘢食質素都唔錯，都好值得一試。

間鋪好細,座位好少,有幾張枱擺左出門口側邊,環境侷促,不過阿姐好好人，又nice,見過老闆都一樣好人，冇架子。斗斗主打台灣食品,但未見有珍珠奶茶。一坐低,店鋪阿姐會送上中國茶一杯,杯有陣膠味,不好聞。但野食不過不失啦!經常叫豬肚,今次叫大腸,貪佢酸菜配合埋夠香。米粉估計應該用左新竹米粉,好味,唔粗唔'鞋'。好失望,原本以為花枝丸係炸過 (因平時加小食花枝丸,d花枝丸係炸過,幾好食),但跟麵餐就變成咁。不過冇炸o既花枝丸都唔差,但我都係鍾意食炸過o既花枝丸。見隔離枱個碟咁靚,跟風叫一碟,又幾好食喎,肉燥唔會太多油,菜都爽脆。

港澳碼頭信德中心一直給我美食沙漠的印象，只有一堆大型連鎖食肆，今日偶然經過，發現隱藏了一間台式料理店，一試下驚為天人，以後上船落船都不愁沒地方吃飯了。「斗斗」提供多款飯、麵及小食，款式頗多，而且價錢相宜，多款小食只需$40以下。鹽酥雞肉燥飯份量頗豐，約有五大塊鹽酥雞，雞肉夠味，薄薄的炸粉令它外脆內嫩，飯亦另有配菜，可減輕煎炸的油膩感。花枝丸即包裹著炸粉的墨魚丸，蘸著甜酸著吃很可口。腐皮蚵卷十分惹味，薄薄的香脆薄皮包裹著蚵仔、香茜及豬肉，香茜及蒜香味濃郁，熱愛芫茜的人必定喜歡。冷盤小食一向是我的最愛，這涼拌茄子亦不例外，帶酸的醬汁更被我拿來蘸蚵卷及花枝等。香茜酒煮雞比想像中有酒味，雞肉嫩滑，煲內的湯更被我當成湯來喝，就像在呷酒一樣。值得一讚的是店員服務態度良好，回應迅速，又會主動提供碗筷、骨碟等。