0
2
1
Opening Hours
Mon - Sun
11:00 - 01:00
Above information is for reference only. Please check details with the restaurant.
跟珍妮的初夜，多謝雪兒好介紹囉，好高興認識您喇！如果唔係雪兒要黎試，我真係無打算到此一遊。雞煲火鍋埋單 $610，無海鮮無啤酒，每客份量偏少，而且種類不多，主要提供大路肉類及丸類，走親民路線。難得一班年青人服務有熱誠，good luck。串燒暫停供應，賣剩芫茜同油麥菜。牛就只有安格斯雪花牛、美國肥牛提供，無手切牛、無牛勁脊，極度失望 ﹗奇味雞煲小辣半隻，唔食得辣就唔好約我食辣雞煲啦，起碼中辣先好食，唔辣不如食醬油雞煲囉。又是我最討厭的無醃雪藏雞，除表面有少許紅油辣味外，裡面什麼味道也沒有。雞肉未算乾鞋，屬嚥韌有咬口類型。痲辣湯汁味道單調而平淡，香料味道微弱而陰沉，油味霸道不喜歡。唔難食，一般的普普通通。痲辣魚蛋，FB 打咭讚好送小食，多謝。粗製濫造，倒堆辣椒粉就當係，有趣 ﹗又幾好食架喎，比雞煲更美味。魚蛋微彈帶爽，味濃帶中辣，夠刺激。美國肥牛，平價貨食到成口油，肥膏位爽脆、瘦肉位嚥韌，欠牛味欠鮮味欠肉甜味，麻麻地。豚肉，什麼來的？又鞋又韌又無味，好可怕，不吃也罷 ﹗蟹籽墨魚滑，其他賣晒，獨孤一味。難得味鮮而彈牙，真材實料，粉不多、肥膏不多，合格。美國桶蠔，海鮮只剩桶蠔及海蝦，花蛤及貴妃蚌賣晒，無選擇，是鬼但。桶蠔，大路穩陣外購罐貨。太大隻唔好食架，裙邊及帶子都起晒渣食唔到。肚身肥邊可口，一咬爆汁又蠔味濃，滿意。野生竹笙，本身原全無味，味道只能來至湯底，但個只油不香不美味，那會可口呢。台灣貢丸，味道、質感、香氣都麻麻，一試無妨，好悶啊。蟹籽包心丸，十分驚喜，居然好好味 ﹗流心餡甜甜的，又帶點咸咸的，丸皮彈彈，不錯不錯。油麥菜，索晒湯裡所有油，油淋淋好難食，下次要撇晒油先好烚菜囉。全晚最好味係麻辣魚蛋及蟹籽包心丸，應該無下次，再見。
continue reading
今日中秋節假期諗住試吓新野喺附近 我地夜晚就去咗呢間食任食打邊爐 價錢算幾平百幾蚊因為有任飲啤酒，但亦係我食過咁多間任食火鍋呢間真係算態度一定係最差 先講環境 非常之迫 但舖位係好細架放得嗰10張枱都冇 冷氣又唔夠一路食一路流晒汗 ，嘢食好似擺咗喺雪櫃雪左好耐咁 同埋好鹹。落單無論落幾多次單同一張火鍋紙只係比唔同顏色嘅筆畫😨第一次見 俾人感覺非常之唔方便 ，嘢食通常叫丸同牛肉都係丸比最多牛肉得幾塊 好明顯係唔想我哋食任食貴牛肉。其實如果係咁嘅話就唔好做任食😡😡😡😡。講到最重點就係埋單嘅時候 我哋叫咗個藥材雞湯做湯底入邊我地食淨有幾隻雞腳 ， 然後我哋叫埋單其實諗住買咗單食埋少少就走，然後有個女人就沖出嚟話你哋未食完喎😡我話下，未食完就唔可以埋單啊，我又唔係即刻走？然後佢就話你浪費食物 (其實個煲淨係得返少少雞腳)， 仲要係湯底d渣，唔通就一定要食晒佢咩？之後我話咁食唔完咁點佢話食唔完咪俾錢囉你浪費食物 我即刻0左咀. 我諗冇人會食打邊爐食到個湯底連啲渣都冇掛。然後佢仲要拎住張火鍋只同我地理論 ，咁其實我都係埋單姐冇話要即走喎😨非常之趕客 最後咪一樣俾我哋埋單 呢間野一定唔會有第二次。態度超級超級惡劣
continue reading
某日經過見到，再上網看看食評，得1個評論，咁就親身試下。平日午市店內都只是得2枱客，非常靜局，店面細小，似一般小型粉麵店，店內主要係卡位，見它晚市有麻辣火鍋，但店舖咁細，做火鍋有點危險！晚市見它如果係facebook打卡有半價，但限左人均消費最少$168才享有優惠。外賣車仔粉麵可選3餸或4餸，麵可選寛木薯粉、扭扭粉等；湯底可選酸辣、麻辣等，外賣加$2。選了4餸，包括魚片頭，豬皮，豬紅，午餐肉，各有2件，魚片頭一般貨式無特別；豬皮唔夠淋，未入味；豬紅都係淡味；午餐肉係薄切而且好淋，一咬就散。唔知係本身少湯還是木薯粉吸晒，成碗野無咩湯，木薯粉好多，但因為個湯只有辣油味無鮮甜味，所以食曬D餸後，D木薯粉仲剩一大半已唔想食。另外，奇怪的係唔知點解要係碗麵落好多生蒜碎，唔食蒜頭的應該好難頂。由於此店位置偏僻，D野食又唔夠吸引，相信難以吸引人流。
continue reading
中午黎試下新野，叫左個小辣麻辣湯底既扭扭粉。辣就好夠，但都係黎自個辣油，個湯好淡，唔夠香。環境坐得舒服，加上因為無咩人識黎所以大把位。下次可能會再試下佢d小菜既，但車仔麵就應該唔會lu...
continue reading