亂炒一通 (Closed)

今晚約左同事一齊食飯, 朋友介绍光輝圍附近有一少炒店都不錯, 於是便前往此店一嘗。店內裝潢簡單平民化, 似一般的打冷舗大排檔，一張張圓桌, 牆上張貼滿食物的相片。但餐牌一啲都唔馬虎, 正正齊齊, 乾乾淨淨。王朝脆皮豆腐 $72這個脆皮豆腐比我想像中好吃, 真的是外脆內軟, 外面脆皮內𥚃豆腐軟滑, 內外都熱騰騰, 沾上醬汁增加味覺層次。夾起時一定要用湯匙盛載, 否則很容易散開。人氣一口牛柳 $108這個人氣一口牛柳令我一試難忘, 先講賣相, 一出場就已經好有氣勢吱吱聲, 原来係用鐵板來盛載, 上面還有白色一條條的疑似麵條, 雖然不是脆卜卜, 但𡁻落去有少少煙煙靭靭。牛柳切得细件, 可以一口放入口, 牛柳肉質𣺉滑容易咬開, 亦有牛肉味, 醬汁比較濃郁和多, 甜甜地但亦很開胃。椒鹽双魷 $88平時食開一般都是椒鹽鮮魷, 這店居然係椒鹽双魷, 原來係干魷和鮮魷混合。味道香口適合, 鮮魷鲜甜易咬開, 亦很爽口; 至於干魷就比較不易咬開, 比較靭, 要𡁻很久才可。還有其他配菜红椒, 使其添上色彩不再單調。Asahi $27。 獅威 $22食這些香囗食物, 又點會没有啤酒陪伴, 我們一邊食一邊暢

前日去左葵興探朋友，佢就帶我去左佢屋企留下食嘢，去左間叫做亂炒一通既餐廳食嘢睇下個餐牌，食物選擇都有幾多既然今餐係朋友請客，就一於佢負責叫餸，我就坐定定喺度等首先嚟到嘅就係人氣一口牛柳，仲要用鐵板上，夠曬熱辣辣。面頭上一條條嘅嘢我哋唔知係咩，質地煙韌，仲好脆，原來係烏冬嚟嘅好有創意！牛柳細細粒，好嫩口呢個係椒鹽魷魚，件件魷魚都炸到脆bob bob 咁，魷魚好爽口彈牙，再加埋啲椒鹽好香我哋仲叫咗個楊州炒飯，份量都幾多㗎。炒得好有鑊氣，飯粒粒分明，再加埋啲叉燒同蝦仁咁好香

平時食親小菜都係去茶樓食,今次就和友人試下街坊地道小炒。 去了一間個名好得意“亂炒一通”去到地方都好潤落，有多張大枱,最啱一班朋友吹人。這裏有好多小菜選擇，圖文並茂，好清楚。仲可以火鍋我和友人叫了個蜜味手揸骨，豆腐魚雲湯和九菜花炒牛肉。九菜花炒牛肉，炒得好有鑊氣,九菜花如果無鑊氣會好靭,但這裏炒得好爽,牛肉都好大件，林滑,個献好好味,甜甜地 ,啲九菜花索晒啲汁好正。豆腐魚雲湯超大碗，6個人都夠飲。奶白色個湯好足料,好多豆腐，魚雲和白菜,魚湯一定要夠姜,這個湯都做到,魚雲切到細細件,容易出味,飲完個湯連埋啲湯料真係好飽。蜜味手揸骨,有5件,好似雞脾咁,揸住食,啖啖肉,個甜酸味有調得好好,開胃。手抓骨雖然啖啖肉,但係一咬啲肉就離晒骨,唔痴牙。食完兩餸一湯,好飽,加埋兩個飯都係260元,抵食

今晚去左葵興探朋友，朋友帶左我食一間街坊小炒，估唔到係呢度可以食到咁好食既小菜唔怪得之人流不斷啦好多選擇，見到隔離檯啲小炒已經好吸引，仲好大碟，樣樣都好想食啫啫生菜煲 $78好大煲呀，啲生菜超級入味，但一啲都唔咸個煲黎到仲係滾熱辣的，證明真係原煲整椒鹽白飯魚$78份量一點都不少，而且每條白飯魚都好肥嘟嘟的好香口，送酒一流蜜味手楂骨 $98味道好好味呀，甜甜地，好開胃而且肉質好易咬開，平時食唔哂一碗飯既我，今晚被呢碟骨吸引到成碗飯都KO哂

之前想食街坊小炒，有時我地會出深水埗，不過今日想搵近近地食完去掃貨就試下呢間，原來友人一早已經黎過呢到食，佢話呢到出名足料又好食。 點左呢個 <人氣一口牛柳 $108> 是餐廳出名之一，以鐵板形式上菜，果然香氣撲鼻，牛柳份量蠻多，一口牛柳很有口感，重點牛柳不會很多脂肪，不帶半點油膩感，牛柳的醬汁甜甜的配飯同食好味，比較特別牛柳佈滿炸烏冬，炸烏冬口感QQ的，撈埋醬汁食會更美味。 <時令清炒時蔬 $52> 時蔬選擇非常多，基本上大路款式有齊晒，我地要左芥蘭用蒜蓉炒，芥蘭份量不少，炒得翠綠爽脆。 <椒鹽脆豆腐 $68> 外脆內軟，內層完成不乾，仍保持水份，椒鹽惹味，味道香而不咸，味道不錯。 呢到每碟小菜份量不少，所以岩晒一班朋友一齊黎食可以試多D款。

有時落樓食吓小菜都有意外驚喜，今晚就食左個鬼馬炒蝦球$88，係用油炸鬼加西芹，蝦球一起炒的。油炸鬼都可以這樣食法，都好脆，西芹夠爽口，蝦球夠大隻又爽口彈牙。海鮮粉絲什菜煲$78，用料十足，有班塊，鮮魷魚，蝦球，什菜都有3種，粉絲份量適中，味道清甜。黃金軟殻蟹$88，例牌都幾多，全隻蟹都有齊，就連蟹蓋都食到，外脆內軟，連同金黃色鹹蛋黃漿一起食，鹹鹹地都幾特別。人氣一口牛柳$108，呢個係店裏招牌菜，好多人食，牛柳嫩滑入口溶化，有鮮牛香味，再加上炸過嘅烏冬，煙煙靭靭，真係配啤酒一流。

男朋友鐘意食大排檔小炒, 鐘意小炒既香港風味, 成日搭車經過一間叫亂炒一通既小炒店, 個名玩味十足, 好想去試下, 所以今日就去左試下!D間亂炒一通位於光輝圍, 近我屋企!大排檔應有既小炒都齊晒! 多到花多眼亂呀!椒鹽白飯魚-$78: 夠晒香口, 薄粉, 外皮好香脆, 白飯魚都唔會有腥味, 會有令你想不停食既感覺西蘭花炒班片-$78: 班片肉質鮮嫩, 食完會覺得可以補充到骨膠原, 對皮膚好, 而且西蘭花炒得夠晒鑊氣, 又夠味, 我地都覺得唔洗點蝦膏已經好好味蜜汁雞翼-$78: 有八隻雞翼, 估唔到有咁多, 都幾抵, 做法係雞翼先炸一炸, 令雞翼夠晒香口先, 跟住整個汁炒落雞翼既外皮有晒味, 個汁係酸酸甜甜咁, 好開胃, 飯都食多碗總結黎講,  亂炒一通夠晒風味, 唔洗加一夠晒明碼實價, 白飯都係$10碗, 兩個人二百幾就夠晒飽, 性價比高!

在葵興光輝圍裏有不同大小的小菜廳我今次就選了一間地方唔算大，但菜式新穎嘅小店食飯。先來個爽口嘅新鮮鯇魚皮$78，鯇魚皮加上蔥花沾些辣豉油一起入口，鮮味無窮，好爽口。同時伴碟嘅花生都唔錯的。人氣一口牛柳$108，呢個係老闆娘介紹，果然唔錯，拿出來時仲係熱騰騰。當然要立即試一試，好嫩滑，入口溶化，醬汁夠濃味。上面一條條嘅烏冬，仲好煙靭，加些牛柳汁食仲好好食。在加個鹹魚雞粒炒飯，大大碟，夠低食，雞粒和鹹魚粒夠多。炒飯粒粒濕潤可口，好食。呢度仲有好多小菜選擇，你講出來就有，價錢仲好實惠，份份種平過自己煮。

今日夜左收工，同事話不如食埋飯先返屋企，因為平時都好少係呢頭收工，所以由個同事帶路去佢平時食開既「亂炒一通」！估佢唔到舖仔細細都有咁多選擇🤤真係花多眼亂，款款都想食！地方雖然唔大，但坐得唔會逼夾，重有電視可以餸飯我地叫左個人氣一口牛柳$108講真開頭對小店既牛都不敢抱有太大期望🙊，但估唔到又幾有驚喜個牛入口夠淋好咬口但絕對唔係鬆肉粉果種淋，份量都幾多，面頭既炸烏冬煙煙un un幾好味海鮮粉絲什菜煲$78菜有西蘭花、小棠菜、白菜仔、菇、木耳海鮮有蝦、魷魚、魚三款海鮮都新鮮，由其蝦非常爽口係菜有少少煮耐左偏淋椒鹽鮮魷$78好味粉唔會過多，外皮好脆口，魷魚好新鮮，每件都咬得開，之前係第度食過d咬唔開、一咬就成條扯曬出黎三款都好岩食又好食大話七，$18/杯

最近同朋友在葵涌光輝圍食晚餐，因為朋友揸埋車出來，嗰度好難有 車位 泊車，揾咗好耐，才見到有間 「亂炒一通 」門口可以泊車 ，可以方便朋友一邊食飯一邊看車 ，非常放心。我們很快被安排入座， 餐廳內環境整齊， 牆壁 上貼滿了 精緻 的小菜圖片， 我們先點了一碟避風塘茄子， 茄子份量很足夠， 炸過的茄子 有脆口的感， 不算太油膩。我們還點選了一碟 西蘭花炒班片， 翠綠的 西蘭花， 上面鋪上 肉質嫩滑鮮味的斑塊， 但斑塊份量較少。 再嚟多兩碗白飯， 我們肚子已經 飽飽。

日前朋友介紹，葵涌，光輝圍有間， 名為(亂炒一通) 食肆 ，裏面有一度小菜 非常好食， 蜂巢 蠔仔餅 $72所以專誠和家人來試吓， 餐廳内的 環境清潔， 整齊， 光線充足。餐廳內的 老闆娘，很有禮貌地遞上餐牌、我先柯打咗 蜂巢蠔仔餅， 鐵板三杯雞和 蒜蓉炒豆苗 。 很快鐵板三杯雞就送到枱上 ，鐵板上 熱辣辣的雞件 細舊 冇乜肉而且很鹹 ， 感到 有點失望。 不久之後 ，雀巢蠔仔餅 已經出場， 蠔仔餅 外面卜卜脆， 裏面豪仔肉颇算多， 總算朋友冇介紹錯。蒜蓉炒豆苗， 欠缺蒜蓉味，但 豆苗很新鮮翠綠。

依排天氣非常寒冷，未放工已經肚餓，今年仲未食過羊腩煲，所以今晚一於去食返個。因為要方便泊車，所以去咗光輝圍就，依度有間叫亂炒一通既小炒鋪有羊腩煲食。我兩個人叫咗一個羊腩煲同一個蜂巢蠔仔餅，仲有一支新出既喜事百smooth draught。 蜂巢蠔仔餅好快有得食, 熱辣辣十分香口, 蠔仔份量好足, 好夠味。羊腩煲一黎到打開成煲好滿, 份量十足, 湯汁十分濃, 店員要將部份羊肉放在另一碟上，再加水先煲。羊腩可口，好林，唔知係咪因爲加得水多，湯汁無想像中咁濃味，但可以點佢提供醬汁，都好配合。份量都好足，仲有跟一碟菜，兩個人食就好滿足喇。

這家中國餐廳非常有吸引力，相信深受附近的居民歡迎，見到不少熟客幫襯，同老闆娘有説有笑。 雖然餐廳不大，只有10桌左右，但仍然十分舒適，有滾熱水供應洗碗洗杯。 很適合一大群人聚會或夫婦/情侶二人來拍拖食飯。 因為可以從菜單中選擇多種食物，包括一些非常地道的大排檔小炒，由到焗魚腸，蒸海上鮮，蒜蓉蝦蓋飯，黃金大蝦/蟹，魚香茄子煲，到BB乳鴿等小菜，講得出菜名都有，麻雀雖小，五臟俱全，啱哂鈡意鑊氣嘅為食朋友，歎住冷氣享受排檔風味

如果你黎開葵涌，而又想感受鑊氣小炒，而間「亂炒一通」，絕對可以一試！之前未黎過葵興，今日係偶然下經過呢間小店，果然並非亂炒入到去，見天寒地凍叫咗個羊腩煲取暖，凍冰冰配熱辣辣，滾滾下咁先配合叫得自己做亂炒，當然要試下啦，於是叫咗蠔餅，叫做「蜂巢蠔餅」等咗咁耐，我們的主角—羊腩煲終於到枱了，羊腩煲係包一碟菜，價錢＄298 ，最啱冬天的時候滾下滾下服務員很細心，另外用一個碗裝起羊腩，因為實在份量太多，又唔洗滾出煲外另外值得一提的，是腐乳醬，本人認為羊腩另一重點就是該餐廳的醬，今次亦都令我喜出望外，因為餐廳另外加了檸檬葉去調味，既可平衡腐乳的鹹，又能帶出香味羊腩煲分量很大，另外配菜都很粥，包括知足、冬菇、馬蹄，對於我們今次只有兩人，分量真的是很多！終於要捧着肚子離開， 10分滿足的一餐。下一次我們會再挑戰佢其他的小炒！

今日一行8人去左呢間餐廳食，第一次入去見到店內貼滿左好多張相，同朋友一人揀一個餸，而我就揀左個炸豆腐，出面脆入面滑，有個一口牛肉因爲我唔食牛，但係試左牛肉上面一條條既烏冬，好特別第一次食炸烏冬，人均消費大約100，下次同屋企人嚟試試