大肚腩點心腸粉專門店 (Closed)

好耐冇飲茶, 今日經過教育路呢間舖頭, 係食點心嘅, 就走入去試一試。裝修唔錯, 仲有少少埃及feel. 早的話仲可坐卡位。見佢嘅點心紙, 價錢不太貴, 可試多幾款點心。食點心當然要有叉燒包同腸粉, 先具代表性。今次我就點了:雪山叉燒飽: 送到枱上時都覺得熱辣辣, 食雪山皮時好似食緊個墨西哥飽咁。 咬一啖後, 裏面仲有烟出, 而裏面的叉燒, (冇乜肥豬肉), 好好味。 比起一般的叉燒餐飽更有誠意。鮮露筍帶子腸: 帶子略為細了點。魚湯鮮竹卷: 呢個鮮竹卷一定要讚, 個湯好特別, 魚湯有點似豆漿(好鮮甜), 食的時候好似鮮竹卷配豆漿咁, 比起一般的蠔油鮮竹卷更有特色。蟹子鮮蝦燒賣: 燒賣大大粒, 上面的蝦好大隻, 而且好爽。食到中間, 原來裏面仲有蝦。而佢又不似一般酒樓咁, 加好多肥豬肉, 所以燒賣我都like 。其他還點了飄香榴槤酥, 松草棉花鷄及灌湯小籠包。總括此店的點心還算不錯。如果再想食點心時, 我都會諗起大肚腩。

第一次去食大肚腩食點心，星期六下午兩點半到達，不用等位就能夠入座。餐廳環境衛生都OK，裝修有點奇怪，古埃及風格。兩個人叫咗六樣點心。佢地D點心大部分都是兩件一碟，適合兩個人去食。金沙海鮮脆卷腸，腸粉皮包海鮮卷，皮薄內脆，入面啲蝦膠蝦好多汁，真係必試推介！汁爆牛肉餅，上網啲人話好好味。牛肉餅好熱好多汁，要小心食，我覺得啲餡偏鹹，如果要食牛肉餅，我覺得清真牛肉館比它好食啲。蟹子鮮蝦燒賣，兩件一籠，好大粒，原隻大蝦喺上面，味道晤錯，可以一試。鵪鶉蛋燒賣，正常味道，唔怕膽固醇可以試試。五香金錢肚，味道ok，正常茶樓水準。最後叫左楊枝金露做甜品，可能不是出名甜品的關係，楊枝金露真係好一般，比起我最愛吃的旺角利苑楊枝金露還有一斷距離。整體上，因為點心都是兩件一籠，＄16 - $20籠，計落比茶樓還要貴。但有啲點心比普通茶樓味道要好，可能一試。

是晚好想飲茶, 平時食開至友, 上次同屋企人試過東可, 最後係大肚腩同老點之爭...但經過漫長既研究後, 今次先試大肚腩...我地點左蟹子鮮蝦燒賣, 大肚腩蝦餃皇, 鮮帶子菜苗餃, 黑松露野菌餃, 鳳爪肉排竹筒飯, 爆汁牛肉餅, XO醬炒蘿蔔糕, 雪山叉燒飽, 金莎海鮮脆卷腸...XO醬炒蘿蔔糕: 喂!點解無咩XO醬味既?但係幾香口...都OK既...爆汁牛肉餅: 外貌好似台灣胡椒餅...一咬落去d汁流哂出黎...好好食...如果可以多d就好啦...蟹子鮮蝦燒賣: 一咬落去本身覺得好多豬肉, 但係咬咬下又覺得剛剛好...都幾大粒...大肚腩蝦餃皇: d蝦好彈牙, 餃皮唔厚, 而且好Q好煙UN...黑松露野菌餃: 無咩黑松露香, 無咩特別既菇餃...鮮帶子菜苗餃: 帶子其實唔係太突出, 但係個菜苗唔會太咸/淡...金莎海鮮脆卷腸: 脆脆唔夠脆唔夠薄, 舊時新元中個間好彩正d...但係呢間有蝦係入面幾有趣...鳳爪肉排竹筒飯: 又係無咩特別既飯, 肉排無骨, 但係份量得好少...雪山叉燒飽: 之前返工係上環食過聚點坊, 自己可以食2-3個...但係呢一間我就食唔到, 因為個表皮唔夠脆, 入