101肉燥飯專門店 (厚福街) (Closed)

夜晚係尖沙咀真係好容易會有選擇困難症😵，經過厚福街，係門口經過見到個鍋價錢🤑好吸引下就引唔住入去試下。一個$67蚊既套餐，有14款鍋選擇🙌肉類 + 鍋物 + 主食 + 飲品 😲 實在係好抵呀！！！ 我地三個人，各自點左其中一款：{台灣古早牛肉火鍋}比我地認為係三個鍋之中，個湯最好味既一款😋，味道好似食台灣牛肉麵既湯底味，好香好濃，就咁飲都好正👍{沙茶牛肉小火鍋}意外地有少少酸味，仲有少少辣辣地，其實都唔錯😃{蕃茄牛肉小火鍋}🍅🍅蕃茄控既我當然係點呢個啦😆朋友覺得佢茄味夠濃，但本人就覺得可以再濃一點，三款鍋裏面都非常足料😲食到近7成已經覺得唔係好食得落主食啦😂但如果係大胃王，仲可以加錢另加配料🤓好滿足既一餐😇雖然佢裝修並不華麗，但其實睇到佢其他飯餐價錢都好公道，下次都想試下😙

上次食過尖沙咀8鍋臭臭鍋, 今次直接係厚福街搵食. 101 肉燥飯專門店平日係唔少TST人既 lunch 食堂, 全因價錢夠平又大份!🌝打開餐牌, 直接睇涮涮鍋~🥘我和女朋友分別點了「沙茶牛肉小火鍋」和「蕃茄濃湯牛肉小火鍋」, 配米線和手工拉麵. 另外, 我地都加左3蚊叫珍珠奶茶同芒果汁, 都係大大杯咖🥤坦白講, 呢個涮涮鍋有牛肉片、魚腐、包心菜、玉子豆腐、豆腐卜、台灣腸、栗米、金茹等...配料超豐富，而且有台灣特色！跟餐可點台灣手工打麵、新竹米粉 👅 唔酬要再追加食材, 一個人已經食得飽飽~!除此之外, 門口仲推介3款65蚊涮涮鍋, 都勁岩獨食朋友(PS 果晚有個小插曲, 有一台客人A, 比侍應甲單打...😹 我大概get到是因為食物遲遲未到, 客人A追了幾次都無反應...而侍應甲就當然追番廚房啦!! ...但大家都知啦, 廚房佬最大, 侍應又夾係中間....所以個侍應甲都燥左..發洩了在個客人A身上..而另一邊廂侍應B又唔小心倒瀉了飲品落客人B.....唉, 全場得2個侍應企堂...收錢、執台、落單、傳菜都係佢地...😵😵 老細唔該諗諗佢啦)—————————— 食物質素：7/10