陶陶居海鮮火鍋酒家 (已結業)

一個充滿驚喜既早餐，11點到，招乎週到，環境好，上菜快，簡單形容，食左16樣野，7大小食，$6xx, 服務好，食物有酒店級質素，點心有特色，，就連簡單既鳳爪都好味過人👍🏼👍🏼下次去澳門，一定會再黎😎👍🏼

爸媽在我出生時已是在陶陶居吃的滿月酒，可想而知那情意结。回澳門必吃的地方。 幸好陶陶居然沒有讓我們失望! 一直以來都保持水準! 東西一直都非常好吃，只是價錢有點提高但還可接受。雖然便飯一頓但菜式依舊美味。※蝦籽柚皮~惹味，柚皮鬆軟，入口即化※雞湯魚滑浸時蔬~ 魚滑一點腥味也沒有。雞湯讓菜吃來非常香甜※鮮菠蘿咕嚕肉~ 多年以來的招牌傳統粤菜! 咕嚕肉的甜味恰到好處外脆內軟，菠蘿用新鮮的，令整酸甜味帶了水果的清新小菜的浸蘿蔔也非常美味每次到澳門總有一餐是在陶陶居的。它的美味總令人難以忘懷!

上次來食，已是數年前的事，今次再來澳門，即管再來食晚飯，看到食評說這裡必須先訂位，早兩日在香港已打定電話訂位，那天中午有位姐姐打來確定並問我們有無菜式要預訂，很細心，晚上準時到達，等了5分鐘便可入座，我們3人叫了招牌雞煲翅，1隻大紅蟹，3隻瀨尿蝦(這裡叫富貴蝦)，先來煲翅，湯頭一流，翅份量亦夠，大紅蟹很新鮮，肉質豐富彈牙，薑蔥煮得好入味，蟹肉鮮甜，椒鹽瀨尿蝦，肉質鮮甜，香濃野味，還有這裡的招呼也很到位，經常換碟，今次陶陶居給我們留下一個美好印象，下次去澳門也會再食。

每次去澳門多數都係掃街、食小炒或且萄國菜，好少去試吓中式點心，今次同朋友行到攰攰地就找個地方休息吓吹吓水，見到陶陶居另我想起以前陶陶居在廣州係出名大茶樓d嘢食好好味水準好高，唔知澳門呢間又是否一樣，一於入去歎茶先入到去環境都幾好，但可能澳門唔係太多人喜歡飲茶，還是我哋下午一點半先到，見到內裏不是太多人，所以唔使預早定位和等位，可以坐得舒舒服服歎茶坐低睇到餐牌真係好多美食，有高級和平民小炒，不過我哋大家都比較喜歡點心，所以就選左十幾款點心品嚐，坐左大约十幾分鐘d點心開始奉上，睇賣相樣樣都好新鮮好飽滿，首先試吓鹹水角，皮脆內軟，剛剛炸出來好熱，咬開見到裏面好多餡，有韭菜、蝦米、菜甫、肉碎等來增加口感，味道適中豉汁鳳爪，睇已經覺得正，比現在香港既鳳爪大隻還要不是一隻開三件真係隻隻有肉唔係營養不良，食落好淋滑而且入晒味墊底d花生都好好味，軟硬適中潮洲粉果，晶瑩剔透、皮薄餡靚，內裏包住豬肉粒、蔥粒、西芹粒、韮菜粒、冬菇粒和花生，點解話佢好食呢！因為除左餡多，而且個花生真係好脆增加個口感，係新鮮包完，即叫即蒸先可以做到流沙奶黄包，包皮鬆嫩軟滑，奶黃流沙甘香可口糯米卷，大細適中，糯米軟硬程度和味道調

原來一心想飲佢個湯 爸爸媽媽就想食翅 不過佢地病左唔可以咁補 湯品又一早俾人訂曬 結果叫左 清蒸東星斑 栗子豬尾煲 雪蛤賽螃蟹未叫就有餐前小食係菇菇同腐竹 清清地 食住等海鮮可以自己落去揀 大大個魚缸 有好多魚咖! 細個最鍾意望魚魚 回憶丫條東星自己揀 隔離仲有個人劏緊龍躉 現場表演?! 一上菜唔記得蒸得老左少少 有d可惜BTW 好多海鮮類都唔係餐牌度 自己落去揀啦!栗子豬尾煲完全係骨膠原煲 仲痴口過花膠煲!!!!!!!! 好好味，好濃既汁，有少少｢留｣ 送飯一流 空口食好快就｢留住留住｣ 不過值得一讚 佢去左肥膏 雖然都仲會有d 但唔膩栗子好入味好淋，碳水fans就會明其實仲好味過個豬尾!雪蛤賽螃蟹滑溜溜既蛋白 爽口既雪蛤膏 朋友冇睇餐牌仲問我係咪燕窩燉蛋白 我笑左xx 不過呢個係相對上面係清淡之選， 少少鹹，質地真係似食緊甜品 (聽說可以美顏喔!)雖然已經好飽 不過都再叫左個杏仁燉蛋白燉蛋白係太甜啦 食完要食返個果盤 (咩道理?!)今餐感覺好美容!

每2-3個月就會與家人到澳門一遊，每次到澳門，陶陶居都是我晚謄的首選，普通小菜看上去沒有特別的地方，但吃上去就吃得出分別，而且坐得舒服、上菜快，比貴點也是值得的！十‧一黃金周到澳門，市面比平常的星期六、日少人，今次到來順便慶祝父親大人生日，便到陶陶居食爸爸最愛海鮮！雖然每兩價錢較貴，至少沒有呃秤。今天叫了5餸1湯：1) 古法瓦罉雞煲翅($598/例，足6兩翅)：平日我麻麻地食翅，但爸爸喜愛就叫給他吃吧！雖然唔少食評說少了翅，但味道係比出面食的好，不過都有唔少味精。2) 潮式滷水窩($128)：我只吃了蛋及豆腐，其他給父母吃光了應該示差吧！3) 魚湯浸莧菜($88)：明火上，可以保持溫度！其實我們想叫西洋菜，但時令菜未咁快上市，不過這裡的菜又多又嫩！4) 豉油王焗花竹蝦($40/兩)：叫了6隻共10.6兩，味道很好，大大隻又啖啖肉，前一晚係第2間見了6隻大頭蝦，細隻好多都要10兩。5) 蒜茸粉絲蒸聖子($25/兩)：叫了3隻共9.15兩，比我手掌連手指還要大條，第一次見聖子在冰箱內，味道不過不失。6) 清蒸大連鮑魚($33/兩)：叫了3隻共8兩，因為幾大隻，蒸好了有點硬，但清腸清得很乾淨

不論旅遊、商遇、朋聚，早晚餐，我也很喜愛。今次家庭宴會四席，食物材料很豐富、又新鮮，配合上美妙刀風賣相一流，味道也是一等一。最妙的冰鎮鮑魚是很令人吃了回甘；翅湯當然用上好材料；甜品有最多人關注的楊枝甘露，永遠不會失望。

2016/8/9澳門陶陶居今日同大陸客人去吃魚翅還有一道柚子皮合作左兩年今日第一次見面說來神奇由單身到他結婚到baby都一歲了才在澳門見面～～希望大家可以一直合作愉快雖然是寫食評但內容像日記多一些

我地食完個把鬼既翅...好明顯未飽啦...在翅果邊等位既同時 !! 我地都澎澎聲拎埋呢邊位 !! 食完翅行一陣就有位喇 !! 我入到去...勁俾同伴串啦...介紹埋d咁既翅...浪費 quota !! 咁我都唔想架...睇完陶陶居仲張海報俾人串得仲勁...問知唔知咩係翅...你睇下張海報...我地上左二樓安座 !! 澎澎聲寫野食...好餓呀 !! 1. 金錢雞 (呢個好毒物，依定唔係道道有得食架喇 !! 味道同兒時食既冇咩分別...都係叉燒咁既味 !! 哈哈 ~~ 佢入面既肝好香 !! 肥豬肉唔漏 !!) 2.  鵝紅 (好好味呀 !! 好明顯同出面唔同 ~~ 唔會一夾就散 !! 食落去唔似溝左其他成份 !! 同台灣食既鴨血有得揮 !! 呢個值得 encore)3. 流沙包 ~~ 同伴好想食 !! 我覺得都唔錯 ~~ 奶皇味不足，但都起哂沙 !! 好味 ~~ 4. 鳳爪唔駛講啦 ~~ 都係酒樓咁上下 ~~5. 叉燒包 ~~ 呢道既叉燒包好好味 !! 佢地既叉燒唔會只係得個肥 !! 同埋叉燒既份量都唔少架 !! 唔昃好似香港咁得一兩片...6. 煎墨魚餅 ~~ 呢個墨魚汁好香 !! 入面

每次到澳門,我同家人必定有一餐於陶陶居食用。午茶和晚餐都食過幾次,真係好好好好好好...正!今次打電話訂了桌,所以唔洗等太耐,而且訂埋乳香雞和蟹盒乳香雞:好滑,好香南乳味,皮薄,炸得外脆內滑,唔會太油膩蟹盒:今次失水準,好油,唔得香脆炒芥蘭:好脆,好幼,好正,冇渣奶皇包:我的至愛,吃10個也可!好香蛋黃,好滑,流沙很好!

是晚同男友一家食晚飯，佢地係陶陶居粉絲，每次到澳門定必幫襯！而呢度最出色就係新鮮海鮮~上湯澮龍蝦，新鮮彈牙又厚肉，啖啖肉好好味！炸筒蠔，炸漿很香脆，蠔很大隻，肥美鮮甜清蒸石斑魚，剛剛熟口感滑嫩，特別調製既甜豉油吊出魚鮮味，撈飯亦一流清蒸開邊鮑魚 3隻，煙韌彈牙，味道清甜甘香！

陶陶居已有八十多年的歷史，很多時候在公司聚餐或跟長輩吃飯都會提及到的同時也被很多旅人列為必吃的店家之一，而我嘛...過來也一年多的時間都還沒到訪過這天就拉你陪我來啦～ 建議先打電話過來預約好才不會等那麼久啊種類很多的海產，看起來都很不錯喲網絡上很多人都推薦它的海鮮很棒可以一試不過這天在中午來訪先來品嚐點心嚕～點心的價位分別是 小點MOP$18；中點MOP$23；大點MOP$28；特點MOP$32 跟 頂點MOP$36茶資 MOP$10/位～ 以傳統粵菜老酒家來說都不會很貴啊來這邊的都以家庭客跟長輩為主，好像沒什麼像我們這樣的而且整個環境都很擠，近乎是沒什麼空間可言的啦我倆都坐得超不舒服，連聊天都要喊出來有點像在菜市場！終於點你來吃了～ 家鄉咸水角﹝MOP$18/小﹞我最愛的咸水角炸得香酥帶微油份但不算油膩外皮做得很軟糯綿綿的，餡料鮮香可口有大量的冬菇跟肉末碧綠鮮蝦帶子餃﹝MOP$36/頂﹞有著精美的賣相透出迷人碧綠色的外皮不會過厚，包裹著鮮嫩的菜葉 爽脆的蝦子 鮮甜的干貝誰也不搶誰的風頭，每樣都發揮到自己的風格～ 很喜歡這個蜂蜜黑椒蒸鳳爪﹝MOP$28/大﹞蜂蜜味真的嚐不出來啦不過黑椒

8時到達, 等位半小時, 其實不算太長, 可接受吧.  但不斷只進兩人枱及中枱, 我們一行四人要留守到最後, 雖然我們不是最後到的.  奇怪 !!?? 一般來說不是四人枱比兩人枱多的嗎 ??!!一坐定就先點蟹盒 8 個, 再問女待應何有重點介紹, 她說蝦子柚皮, 那好, 我們要一個.  跟著有另一個女待應過來, 我們繼續點其他, 包括山楂肉排, 浸勝瓜, 例湯, 再點女待應推介的黑椒牛筋粒.到最後, 蟹盒只有 3 個, 當時只是 8 時半, 係咪咁好賣呀! 雖然係推介, 但係平平無奇, 一個不是蟹拑型的炸蟹拑; 不過不得否認炸得剛好, 尚有肉汁.例湯係蘋果雪梨湯, 但係煲內臟而不是一般的豬 '月展', 除了降低成本之外, 實在想不出為何以內臟煲湯, 又唔係杏汁豬肺湯.山楂肉排, 想不出任何評語, 實在太一般, 大排檔不如.浸勝瓜, 瓜好新鮮, 好甜.  但係呢個菜係煲仔, 有火熱住的; 但係個火大約只有一分鐘就熄了.  向經理反映, 佢話係呀, 個餸煮熟咗咖啦, 個火係裝飾, 不過如果你地要, 我立即幫我地點返...... 好! 非常好的服務態度, 但加上牽強的理由, 打和啦! 但係個

澳門遊第二曰中午，去完路環，因99 想食蟹盒，去了陶陶居，到了有D人等位！如不吃點心，食小菜就不需等位！環保我們D冇叫翅食，叫了西蘭花帶子，蟹盒$15 —個，叫咗3個，啫啫貢莱及—個蟹肉伊麵！ 但覺得冇以前咁好食！最好食帶子亦最貴$188，蟹盒係香港好少有得食，但很多油分！伊麵太淋了！最欣賞係啫啫貢莱，將貢莱枝部切碎来炒，好嘢味！不過，整体 D service 不好！叫咗茶好耐都唔来，唔休做咁！＠(￣-￣)＠

此酒樓的點心固然製作精美、口感極佳和絕不油膩，我最欣賞的是那碟巧克力椰汁桂花糕，一層一層的製造，絕不粗略，而巧克力和椰汁的美味更是齒夾留香，再加上一層桂花糕，實在很色香味俱全！每款點心均有金紙托底，賣相十足。即使是普通的點心，經這樣的修飾後，也顯得名貴起來。不過更令人喜出望外的是，提供全天候極速wifi，實在叫人讚不絕口！