熊貓葡國餐廳

營業中

休息中

見openrice的食評咁好，so特地去搵這問Panda去試下︿︿我地3個 8：45pm先入去，去到只得2張table有人，加埋我地整個restaurant只得3台客，侍應都好得閒…我地叫左4個菜，好快就到：1. 炸馬介休球好食！有6個，炸得好香口！可一試~2. 3個餐包 (送的)外面好硬，但裡面好軟，幾好食。不過我覺得係for渴湯or葡國雞D汁的。3. 祕制燒風鱔有3舊，好食！加生菜包起來食再加lemon汁更好！4. 焗海鮮飯一定要叫！好好食！好多海鮮！飯夠3個人食~5.芥茉羊肉有3舊，都幾大舊。ok啦這個，冇咩特別。有薯條跟，薯條幾好食。侍應幾好！拿東西and送菜都幾快，可能因為冇人。整個restaurant我地好似包晒咁。如果唔係人地台有個小朋友在叫下，一定好靜……一共 $377.8價錢ok，環境一流，泠氣好！

差不多3點先行到呢間餐廳食葡餐. 好肚餓, 好熱, 街上差不多33,4度, 好累..服務員姐姐一來便為我們送上一壺熱茶, 但不知什地, 竟然自己覺得有點受落, 因為壺茶夠滖,好滑, 有茶味, 唔係得的色水. 點了葡國雞, 馬介休炒雜菜, 焗海鮮飯.葡國雞: 雞好滑, 應該係鮮肉, 成隻雞各部分都有, 葡汁稍為淡味, 但都好食.馬介休炒雜菜: 一小絲一小絲的馬介休夾雜於雜菜間, 無失手.焗海鮮飯: 係推介, 好多海鮮, 飯底索了海鮮汁之後係好香, 而且個飯好厚, 抵食.服務都幾好, 幫我地影相, 服務員姐姐仲主動問我地o唔ok, 可以再同我地影

對葡國菜無咩概念，只係知最出名係馬介休、乳豬、非洲雞之類。今次叫左六樣野: 炸馬介休球，賣相好靚 咖喱炒蟹，OK辣，不過佢炸ｄ蟹太耐喇，乾晒～～ 炒雜菜，OK 燒羊扒，燒得幾香，幾好味 燒乳豬，好乾，冇咩肉食 焗鴨飯，得ｄ鴨絲，冇咩特別整體黎講味道可以叫OK啦，不過不失咁，又冇咩邊樣係好值得回味，又係一間「一試無妨」既餐廳。

友人想食呢間，所以就入左去~呢度D 環境幾好~個位坐得好舒服~1)豬仔包 : 外脆內軟，加埋牛油就更好味!!!2)焗海鮮飯 : 我唔係太鍾意食海鮮，所以食左少少，我覺得還可以，唔算好食又唔算難食。但係D飯就好好味!!!3)忌廉焗馬介休 : 佢D馬介休超鹹，如果唔食D魚，淨係食D飯就幾好~因為佢個汁同D洋蔥好味~4)烤焗牛仔肉 : 佢D牛仔肉無咩特別，我諗下次唔會再食~

長大後第一次同屋企人一齊去澳門,一定要搵間好食同舒服既比家人,因為我地有成10個人,所以一早搵定食邊間,呢間就係其中一間喇,我地揀左呢間食LUNCH ,一齊睇下我地食左D乜 : 焗海鮮飯我覺得好好食,飯又唔會太林或者太干,汁好香又好食馬介休球一碟好似有7件,不過我就覺得麻麻地,唔難食既,係唔特別囉非洲雞超辣,食得辣既朋友不妨一試西洋鴨飯比起我上次係第二間食係濕d既,不過都ok,但係相比下,海鮮飯好食D紅豆豬手:呢個真係好好食,好甜,豬手又好林,又多炒什菜唔錯,唔會太多油羊扒九十幾蚊有三塊,我無食呀,不過屋企人話OK雖然好似叫左好少野,因為我地當中有4個係小朋友,同埋佢地D份量都算大架,都好抵食,相信我會再去,至於服務態度就一般喇,唔係好熱情個隻,不過都KEEP住幫我地加水同執野,總括黎講都係PASS

復活節到氹仔，當然會去官也街拜訪一下，有市集（好細），有手信行（買我至愛的咖哩肉鬆蛋卷），有名勝（行博物館）等。由於手信行好多人，我們便走遠少少，到未試過的熊貓食過late lunch。下午三時左右，餐廳客人不多，環境算清靜。我們點了：白酒胡椒煮蜆：上菜時很香，令肚餓的我大為歡喜，但放進口裡後發現胡椒味過濃，遮掩了白酒的味道，蜆很乾淨但肉也很小。看似份量很大，其實吃了差不多等於無吃…味道一般，其他葡國餐廳（例：加米路）弄得好吃好多。海鮮焗飯：此菜就真的有驚喜，海鮮中的魷魚很好吃，有咬感，而且除了一般海鮮如：魚，青口外，還有蟹。最欣賞是它的飯，吸了汁的味道，而且不會太硬太軟，煙煙韌韌的，很好味，我吃了很多…1/4隻萄式烤乳豬：這裡的名菜吧。友人很欣賞。皮很香很脆，跟港式的乳豬不一樣，此餐廳的乳豬皮會連一大舊肉吃。而且乳豬感覺有用香料醃製，有香料的味道，故上菜時亦沒有提供港式的乳豬醬。味道是很不錯，不過，點慣乳豬醬的我有點不慣。這餐約三百多元吧。欣賞檯與檯之間有寬闊的空間，環境也算不錯。可再來…

the BBQ pork and duck rice is superbservice is not too nice and not easy to find.and it is a nice place for a dinner for the night!

食物方面:1. 炸馬介休球 (好普通，冇驚喜。) 2. 雜菌炒椰菜 (普通)3. 萄國雞 (唔錯，幾好味。) 4. 萄式烤乳豬 (唔錯，皮好脆。味道跟港式乳豬差不多。) 5. 澳門牌子 "沙路士" 啤酒 (跟其他啤酒的味道差不多，正常。)6. 焗蒜蓉包 (這個最差。包好硬，食得比較吃力。而且一點脆既感覺都冇、又唔熱。) 服務方面:這餐廳共有兩個Area(間開咗)，我坐在入門口右手邊的Area, 唔知係咪左面Area先係主廳的關係，右面Area係冇侍應招呼，次次都要客人(包括隔離枱既客人) 親自行去叫他們過來，如點菜、拿醬油及結帳等。

一入去就發覺唔係好對路，計埋我地都係得三枱客。--叫左個蒜容包，好唔新鮮。--非洲雞得幾舊皮多過肉既雞，味道亦唔得。--蒜容炒什棻，有陣"叔"左既味，3個鐘後返屋企肚痌。--鹽燒黃腳立,唯一一樣可以既...所以叫左兩條頂肚貴就唔貴，咁都係$300，但唔值得去囉!

我今次睇完網上既食評就決定去試下...我去到既時間大概12點到啦..員工就食緊飯但係一見到我地入黎都立刻招呼...我地叫左3個餸...馬介休球..葡式燒乳豬...非洲雞...馬介休球都炸得幾鬆化但係就冇咩味...(好淡)...非洲雞d汁辣辣地用黎點個飽都幾好食.....葡式燒乳豬d肉幾鬆化..皮都好脆...今餐午餐正係好豐富...兩個人食正係好飽呀...之餘個侍應姐姐正係長期黑口黑面..冇水洗面咁既樣..食物ok..但係今時今日既服務態度唔係咁囉...

去澳門最重要的當然是飲飲食食啦！以前淨係知道大三巴同媽閣多好野食，今次行氹仔市中心先發現原來氹仔有咁多好味野！而且平過媽閣好多！真係食幾日都試唔夠呀今次澳門遊最驚喜的就是這間熊貓了佢地理位置唔係幾好，係街尾，但係都幾多人食，可見佢幾有質素啦！一睇價錢，居然比尋日食的公雞平！但係熊貓就坐得舒服好多！而且服務都nice好多！早知尋日就食呢度啦......相逢恨晚啊！佢張墊枱紙原來全部都係佢地menu上面Ｄ食物0既圖圖，幾有心思呢！樣樣都好似好好味，不過兩個人食唔到好多野。。。好遺憾！葡國麵包：即係豬仔飽！即焗的，外脆內軟，抹牛油一流！忌廉焗馬介休：一直想知道咩係馬介休（見澳門餐廳一定有呢味），今次終於叫左，原來係codfish，呢度係白汁焗馬介休，仲有好多洋葱，磨菇同薯蓉，個汁好好味，雖然有Ｄ滯，但係沙漠王子同我照清晒！codfish偏咸，唔知係烹調問題定係條魚本身問題呢？但係真係好好味呀！炭燒牛肋骨：其實就係牛仔骨，２大件，肉幾飪，唔錯～雜果賓治：$22好大杯！一杯等於人兩杯！好抵！食完熊貓，為我地的澳門遊劃上完美的美食句號，下次我一定要再黎！

試過幾間葡菜館, 想試新野, 睇到網友推介, 所以試下.侍應木無表情, 人又唔係多, 但成日唔見人, 十分趕客.至於野食, 評價如下:海鮮焗飯: 冇香味, 唔入味, 同船屋, 長城冇得比.乳豬: 等得耐, 但又唔係好, 得好少舊, 唔夠味, 又唔香馬介休球: 不過不失, 算最好帶子鮑魚湯: 即忌薕湯, 不試也罷又冇豬仔包送總之, 冇下次

近幾年遊濠江，必然到熊貓吃葡國餐除了回味熊貓葡國餐的味道，還因為較易搵位今次我們叫了馬介休球、西洋鴨飯、葡式燒乳豬馬介休球︰炸得幾香脆可口，薯仔與馬介休味道融合在一起；唯一值得批評的，是馬介休球比較鬆軟，不太容易用餐具夾起西洋鴨飯︰無論賣相、味道，十分似中國的蠟味飯；飯的面頭鋪上葡式煙肉，味道似是中國的蠟腸；焗飯內混合了提子及鴨肉，配搭得幾好，提子的清爽，補足了鴨肉焗飯的乾身葡式燒乳豬︰儘管乳豬肉質未算太靚，但乳豬實在燒得火候剛剛好，味道一流。皮脆而肉嫩，燒汁鎖死了在乳豬肉內，更顯得火候調校的準確熊貓的服務水平，也許有值得改善的必要除了侍應姐姐長年欠缺笑容，上菜的速度也須改善晚上7:00落單叫葡式燒乳豬，但經多返催促後，竟在8:10才送上葡式燒乳豬的火候雖一流，但也未至於要等超過一小時吧？

上次來澳門試過法蘭度，味道不錯(但不是好到要排個幾鐘)，所以係排隊等位等得太耐而要對佢勁扣分今次唔想再浪費時間排，看過其他人的評語後決定試下熊貓~果然無介紹錯首先來個湯，有帶子+鮑片係入面掛住飲完全忘記影相之後既食物我就廢話少說，請大家自己睇相計埋支酒mateus rose (老豆話以前d人唔識英文叫佢碼頭老鼠)五個人大約八舊水找數

看了這裡的食評，決定試試。初時看餐牌不覺得吸引我去試，於是唯有等男友點菜算了...點了三款菜式：炸馬介休球(這個普通啦)燒豬仔骨(這個推介呀，肉又軟，又香又入味)鹽燒鱸魚(不過當天沒有鱸魚，但又忘記這條是甚麼...，這個鮮味，肉又滑，味又剛剛好)總括來說，都是十分好的，令我十分回味，男友都讚十分好。不算太多人，可能我6:30pm已到，時間尚早。環境都不錯，只可惜有人食煙。