沙度娜

營業中

休息中

行過見到佢有蒲撻賣10蚊3隻好似幾抵食咁就入去買黎食都估到佢係賣pudding既應該唔會好特別不過真係冇諗過會咁差個皮係凍既仲硬左但cream卻是熱的真係好難食好鹹食完好口渴KFC既真係好味過佢好多

今日食完粥及榴槤雪糕, 之後就去左e間店叫左曲奇木槺布甸及原味木槺布甸, 好硬, 冇想像中好食, 不及 自助山的芝士木槺布甸, 自助山的芝士木槺布甸超好食

點了 曲奇, 榴槤, 芒果味的布甸...都ok...喜歡榴槤的朋友 - 必試芒果雪芭 - 好味, 天氣熱, 來一杯, 超涼快

食完牛腩飯，去完教堂參觀，行到熱熱地，就去左沙度娜。由於唔係太好木糠布甸，同埋個牛腩飯實在太飽，所以同屋企人買哂3款雪葩(各MOP 13)，坐係沙度娜一路嘆冷氣，一路交換食。芒果雪葩好真材實料，唔係好似其實鋪頭用果汁充數，你會好實在咁見到一絲絲的芒果纖維，但食入口又好綿，好軟滑。紅莓雪葩就好啱好似我果日咁哂到差D中暑的人，酸酸甜甜好醒神，好解渴，同埋同新鮮紅莓整，杰身，唔會好似果汁咁水水的，最緊要係無果汁個種藥水味!藍莓味都幾好食的，但我自己就鍾意之前兩種味多D，因為味道好嗆。但我阿媽同阿哥就偏愛藍莓味多D，各有各喜好啦!

太好食啦太好食啦佢的雪芭,勁好味味道好濃郁! 好似直程食緊mango or 藍莓咁!d木康布丁都唔錯呀,不過~個人認為曲奇味幾好食,石板街味就一般d老闆仲好好人咁介紹添good!

上次在漁人碼頭買了些沙度娜出品的木糠布甸，無論何種口味，都硬實得很，不太好吃。今次來到總店，試了芒果木糠布甸，無論賣相和味道，都優勝得多，最重要是又軟又滑。不禁問問店方，回答是那邊難以準确控制雪櫃的温度，現在巳沒有再在那裏賣了。想想也是，這裏人流多，起碼也夠新鮮。不過這裏的木糠布甸$13一個呢。

在openrice看過, 原來沙度娜的木糠布丁很出名的, 所以都來試試看看莫義記的好味, 還這一個為了有更清楚的比較, 我們吃了最原味的木糠布丁一吃便已分出高下這個木糠布丁很硬, 連羹也插不進去, 可能雪得太久吧而且, 它不夠香滑, 這一回它似乎輸了另外, 我們吃了十元三個mini葡撻可能我對這裡的期望太大, 吃下去又真的出乎預期佢本身的size很少它的酥皮不夠酥脆, 而且蛋漿不夠蛋香吃完後覺得十元三個真的十分貴!但唯一有好處, 就是店內有得坐, 可以食完先走人~~

去完新好利食豬扒包...好口渴呢...突然好想食個甜品!直落行去沙度那食返個甜品先.. 姐姐要了個石板街木槺布甸$11 :同普通木槺布甸差唔多..不過就多左點木槺粉 我就叫了個紅莓雪芭 $13 : 一開 ...睇落個色好怪地...似藥水咁..諗住唔方好食..點知食落反而仲好食過木槺布甸...酸酸地..好開胃..成個人即刻醒曬...透心涼~~~比錢個時個收銀見到係比港幣..即刻黑曬面....

三月十二日(星期四)我們吃完了木偶後,當然不夠飽,就預留了肚子吃甜品,老公吃完了莫義記的榴槤雪糕後,就陪我們到了沙度娜吃木糠布甸!我都吃過幾次,雖然質素不夠九如坊的高,但是平平的11元一杯,一邊行一邊吃都算是不鈤的選擇吧!我當然要了曲奇味呢,之前與屋企有有coupon試過了原味,都覺得不錯!曲奇味都吃過兩三次都好評!今次不亂試其他,吃點老本行曲奇味吧!面滿是曲奇碎!往日的cream加上曲奇,今次覺得味道似乎淡了沒有昔日的濃!同時,可能當日不夠熱或者雪得太凍,要大力點才吃到!有點困難!學同事說木糠布甸應該很肥的,是很多cream做的,少吃為妙吧,偶然一次,算吧!不過我似乎愛上了九如坊的吧!另外威廉要了個火焰木糠雪山,首先服務員放了一個似"雪山"的木糠布甸入微波爐叮,外面是凍的,內面是朱古力雪糕的物體!體積比較少

08-12-164/14木糠布甸$11香港曾經有一間,但係評語麻麻,所以嚟到澳門特登試原裝正版佢雪到好似雪糕咁,似食cream咁, 質感几滑,味道食落有奶味及點點呍呢嗱味,唔太甜唔’漏’,面頭木糠即係餅乾碎粉,似麥維他消化餅,雪到仲乾身冇水氣, 伴住一啖一啖咁食,味道不俗合共$11

澳門之旅 20/12 - 21/12事前響OR做左唔少資料搜集揀左好幾間一定要食既呢間就係其中一間等待豬扒包出爐期間，入左黎抖一抖，順便試埋呢度既木糠布甸冰火木糠布甸(原味)($11):口感豐富，第一層係暖既皮，第二層係cream，第三層係雪糕，最底還有些木慷，不過食唔出咩味，其實呢個甜品點解要叫做布甸呢?友人既曲奇木糠布甸:上層加了曲奇，大同小異忘了食埋雪葩先走，失策失策

見旅遊書介紹佢呢間出名的雪葩，經過便試下。雪葩只有三隻味: 紅莓, 藍莓, 芒果 (一律12蚊)。我係芒果愛好者當然食芒果啦！個芒果雪葩非常細滑，佢應該係用泰國或澳洲芒果做的，因為唔係一般呂宋芒的味道，有芒果味，唔會太甜，不過唔算好濃味。都值得一試的！不過如果有多d味道選擇同平少少會好d。

第一次吃木糠布甸要了個原味的坐在店里面慢慢吃的感覺都還滿好的像雪糕一樣不過比一般的冰淇淋的口感要粗一些其實都不知道布糠指的是什麽……

旅遊書介紹~話香港都有,不過澳門比香港平一半~我叫左個味木糠布甸 好好味~~唔貴~ 十幾蚊一個.. 又有得坐~ 環境都幾好,,如果口喝, 仲可以問店員玀杯水飲忝~ ^^

記得沙度娜曾經係香港留下過佢ge 足跡~~~我都係o個個時候聽朋友講先知道有"木糠布甸"呢樣甜品....不過一路都未試過唔知係咩味...今次o黎到澳門....點可以食唔到木糠布甸呢!!!咁就同朋一齊o黎到沙度娜~~~揀左幾杯坐低慢慢食~~~~食左個芒果木糠布甸先....感覺有d 似食緊雪糕...不過係唔會溶ge 雪糕咁~~~入口有d 乾乾地ge 感覺~~~芒果味唔算好重~~~不過都好香ar~~~第一次食木糠布甸...真係估唔到佢個口感係咁特別....我覺得係軟綿綿ge 雪糕ar~~~再食朱古力木糠布甸....朱古力味道幾重...不過都係鍾意芒果木糠布甸味道清淡d ar~~~最後食埋個芒果雪葩~~~正ar!!好重芒果味架..唔駛一陣就俾我食哂啦~~~~如果唔係要番個肚食第二d 美食....我一定會買多杯o黎食架....