梓記牛什

營業中

休息中

牛雜一碟 $30 - 細細的一碟. 可能是時間上不配合. 早上十一時多到達. 汁都未滾, 要等約五分鐘啲汁滾起, 先可以有得食. 所以牛雜都係一般般. 無咩味道.雖然牛雜非預期好味. 但碟牛雜混入多片牛脷, 真係有驚喜. 叫了隣檔沙煲奶茶, 可以不試

梓記牛什的質數真的是有目共睹，不是什麼權威，看看以「營地」作為地址的關鍵詞檢索一下，最高積分的食店原來就是它了，所以是次再遊濠江，家人突然說想吃雜，雖然也有不少選擇，不過論地點的方便程度及食物質素，加上來最好的真的非它莫屬了。三個人要過一過牛雜癮，就只點了一碗牛雜麵，畢竟重頭戲是下午已經訂了座的八餐廳，大姐一輪剪刀的雜雜聲，我們就很快有牛雜麵吃了。此檔賣的牛雜麵會加上不少的蔥花，加上其腩汁溝出來的鹵水湯，喝起來本期望是既香且濃，不過喝一口湯就知出事，湯是沒肉味的味水，加上粗麵也是不甚彈性，這也罷了，麵身更有點粉散的跡象，下回來真的光吃牛什好了。幸而牛雜也是一貫的非常不錯，阿姐發板剪了出來，有什麼就吃什麼，今次吃的是牛粉腸、牛草肚、牛膀及牛筋腩，牛草肚爽口中帶咬勁，煙煙韌韌又不會像吃橡皮擦，但稍嫌是鹵水味不夠強，強一點吃得更愉快。至於那牛粉腸，沒有大腸的肥美，但腸衣也是很軟腍又煙韌，吃起來很有彈性而一點異味也沒有，留下的就只有醃牛雜的鹵水味；牛膀帶一陣近乎膶香的味道，吸飽了鹵水後，更是豐腴而夠香；而最後的牛筋腩也非常上乘，筋位軟腍黏口，有充份的膠質，肉的位置炆得軟腍，吃起來也相當不錯。不

本來尋日食可惜下午到達時, 已經賣晒~今日中午一點左右再來, 終於食到喇!叫左一碗牛雜, 不過好可惜, 無咩特別, 細細碟平時香港$10-15都可以食到,呢度竟然要$30 蚊唯有可取之處係, 佢真係洗得好乾淨, 無左果陣內臟味

各式各樣的牛什併合得一應俱全, 配上芥辣, 相得益彰牛蒡: 入口粉嫩 牛肺: 鬆化而帶彈性 牛腸: 帶少許肥, 味甘香, 不覺肥膩 牛肚: 口感軟綿綿, 炆得入味 牛脆骨: 有質感和咬口 牛筋: 入口即融, 炆得淋糯軟滑 整體牛雜吸收了牛什汁的精華, 五十年的火候經驗掌握得十分到家, 炆得各類牛雜入味而不失質感和嚼勁, 價錢雖然是貴一點, 份量是少一點, 但濃鮮味美, 也不應投訴了!

牛什味道淡及麵偏細碗!-->可接受!(講真官塘裕民坊大排檔的牛什麵比起梓記出色好多~)**支裝汽水個人覺得偏貴:細支MOP7/大支MOP9 (未計另加按樽錢mop1). 注意:飲完記得向店員交回汽水樽取回按樽錢mop1!服務几好,店員好有禮貌!

來到營地街市搵食,這裡有出名的咖啡同牛雜。淨牛雜28元,牛雜麵就14元。本來諗住食牛雜麵,不過男友見淨牛雜唔係好大碟,就點左一碟。不過我就覺得28元來說就好細碟。都幾乾淨,無乜異味,有d唔知咩黎,有點靭,其他都好冧。男朋友,平時唔多食內臟,都試食左一部份,佢話聞落都幾香,味到唔錯,接受到。平時都會點少少芥辣,但係我地都覺得佢既芥辣好難食,好在我地只係加係傍邊。

今次同老公去macua玩@@老公就帶我黎街市搵好野食@@黎左呢間野食@@最好食既牛什.. 但我唔食牛什既..哈哈..我同老公叫左豬紅同埋魚肉''遠''果然好好味呀..特別係d豬紅.. 同平時食開果d真係好唔同呀..真係好正呀~真係好夠味同埋好滑~~真係好想食多幾碗呀..ps.. 碟干抄牛河都好正嫁@@不過係第二間買既~

行過這裡，一於上黎試下早前電視機介紹既牛什。人氣旺盛，排哂長龍，電視機既威力真係唔係講笑。一場黎到，等下就等下啦。牛什賣廿八蚊兜，加多碗鯪魚球試下。牛什唔算太多，勝在咩都有，這裡的牛腸幾健康下，無咩肥，牛肺幾鬆化下，牛肚夠哂爽口，個脆骨第一食，很好吃，牛什整體也很入味，真的很不錯的牛什。鯪魚肉很彈牙，食落有嚼口，有鯪魚香味，好吃。營地街市，有好食的牛什。

都知道呢間野係多人食既，所以點幾就去到。點知始終都係要排好長龍買，真係長得好誇張！等位都仲快過等到碟牛什。佢點幾鐘都就黎賣哂，所以多數都係畀牛肚同牛筋。我第二次食，但始終都覺得佢個汁真係好好味。香港好多腩汁食落口個感覺好肥…但佢呢度個汁，濃得黎又覺得好清咁。食牛什，個汁真係好緊要，重要到幾乎可以決定成碟牛什好唔好食！同埋佢ｄ牛肚同牛筋都炆到個軟度係岩岩好，唔會太林，但又唔會咬唔開咁。食得過既我覺得係！

呢間嘢我已經知道咗幾年, 一路想試但係無機會, 一早到澳門, 於是過來試下, 28蚊一小碟牛雜, 當然係貴, 但抱住試嘅心態無所謂, 朋友去買, 碟嘢一放低已經覺得唔掂, 食落完全想死. 湯汁唔夠香, 牛雜無咬口, 喂, 咁嘅質素竟然被全城食家推介, 大家無事呀, 如果咁都係好嘢, 我食開屯門嗰間牛雜麵直情係極品...............

去到街市, 地方出奇地清潔, 看來政府管理得不錯到步即叫淨牛什, 老闆娘好似聽唔到咁, 毫無反應再叫, 她才說: "得....知道喇"...... 好在食物味道搭夠!牛什一碟, 約手掌般大先嚐牛什汁, 很清澈! 非常惹味, 甜與咸洽到好處, 應該不是味精水以味道排序, 最好味是:1. 牛筋 - 好稔, 好入味~入口即融2. 牛肚, - 一樣很入味, 吸收了牛什汁精華 3. 牛腸, - 很甘香, 愛吃肥的, 必食4. 牛蒡, - 本人覺得好, 但不喜歡其質感的, 可能會不喜歡5. 牛肺 - 不入味, 十分一般

鴨紅菜-18$-好滑牛雜-25$-好林好好味飲多杯野都已經成60蚊都幾貴,但小試無防

下午，經過議事亭前地無乜人，我地既目的地係營地街市綜合大樓3樓梓記牛什。識得搵梓記牛什，梗係識得喺地下搭升降機直上3樓喇...打開升降機門已經係梓記大本營。朋友第一次來，喺咁對住老闆娘盤牛什影相。我自己叫咗碗牛什麵，朋友就食牛肚麵。牛什麵$13--牛什依舊軟腍，汁水入味。同樣，個麵仍然係次級品質，好泡丫...牛肚麵$13--可能老闆娘見朋友趣緻，全部剪晒牛筋金錢肚，$13抵食到爛。有人話楊六記牛什好食過梓記牛什，我就試過牛肚質素肯定比楊六記好食。最衰我唔敢食楊六記嗰煲牛皮、牛眼、牛春、牛鞭...否則，一定話埋比大家知牛什邊個最好食...

這家店果然相當受歡迎從大樓的電梯出來, 還沒有看到店面就已經看到長長的輪候隊伍和剪牛雜的聲音2人share了一碟淨牛雜牛雜煮得非常入味煮牛雜的湯汁相當美味, 味道剛剛好, 不會像一般店家那樣有太鹹的問題吃的時候沾上芥末, 一流!!!不過價錢有點小貴牛雜面14元, 淨牛雜卻要雙倍價錢看來最近是加價了不過難得來澳門吃，這個價錢值得啦

一向很喜歡吃牛雜,我倆吃罷豆花之後,便來到營地街市的熟食中心,上次路過而沒有停下的"梓記牛什".走過去檔口看一看,見到店主正在忙於處理牛雜,未吃已經食指大動.不要什麼牛什麵,索性來一碟淨牛什.$25一碟,份量不多,但總算包羅萬有.牛腸內裏沒有肥膏,怕肥之人見到會喜歡,我這些愛肥膩的人,就覺得不夠甘香,牛肺爽口帶彈性,牛肚軟綿綿之外亦不失爽口.女友最愛吃牛膀,入口粉嫩.兩個人三扒兩撥吃清光,再來一碟?不必了,少吃多滋味,還要留肚去下一站.至於梓記的其他牛心定,牛脆骨,下一回再來分解吧.