天娜餅店 (已結業)

享受完蝦子撈麵之後,一心去爛鬼樓後巷的"楊六記",來個牛鞭牛波子牛頭皮牛腳甲,可惜是撞正休息三天,這趟真欠運.唯有早一點去下塌的酒店Check-in.安頓之後,在新濠天地坐巴士,來到氹仔城區,目的是 - 吃榴蓮雪糕.我什麼都吃,但榴蓮是我天敵.真的接受不了.不過女友喜歡吃,作為男友,也要嘗試一下.估不到月前在中環妳陪我在燒臘店門外吃雞肝,今趟就到我陪你吃榴蓮.來到"天娜餅店",毫不猶疑,放下$12,來個榴蓮雪糕分甘同味.小弟上一次用舌頭去接觸榴蓮,大約是十六,七年前,記得事後一陣貓屎味,在口腔停留數天不散.用金枕頭做成的榴蓮,果然很"勁".我對榴蓮的感覺,一味是臭,越臭就越對路.濃烈的味道,直上心頭.女友越吃越起勁,我就繼續嘗試同榴蓮發生關係.結果,與榴蓮雪糕愛慾交纏過後,大家"臭味相投",濃情到化不開.彼此身上的氣味,盡是榴蓮的"香"氣.情侶其中一樣相處之道,是互相感染一下彼此的喜好,這次"瓜子吃榴蓮"之後,下一次,會到什麼?

真係不得不提呢度既榴槤雪糕.榴槤味好香!食落去簡直覺得食緊真榴槤味道好濃 榴槤肉架好正!順帶一提佢既葡撻都唔錯 可以試下

往遊覽「龍環葡韻」途中，在小樓梯傍有這小餅店，售賣大菜糕，木糠布甸等，姑且停一停，抖一抖，買了一個木糠布甸和忌廉芝士布甸試試。走到官也街旁的涼亭，慢慢試真味道，木糠布甸雪硬了，質地像雪糕，奶味濃郁，混了像木糠的餅乾碎，增加了口感和味道。另一杯忌廉芝士布甸，上面放了朱古力碎和朱古力粉，帶微酸的忌廉芝士，味道不及香港的酒店出品，質素一般，路過試試則無妨，不必專誠到來。

比沙度娜同莫義記, 這間鋪仔細細反而係三間'名店'之中, 木糠布甸同榴槤雪糕係最好味, 不過澳門既木槺布甸冇我心目中咁好, 香港pizza hut既雪硬左仲好食, 下次食榴槤雪糕得勒同埋佢地已經遊客化左, 好細杯 (沙度娜好似大杯好多不過個底好淺架咋), 要成十(幾)蚊, 同澳門既消費水平唔夾

吃過午飯，我和老公便往近來甚獲好評的天娜餅店買甜品吃，我們叫了芒果雪糕和原味木槺布丁，果然味道唔錯‧芒果雪糕內可見有芒果粒，而且雪糕充滿芒果味，今時今日真的很少有了‧至於原味木槺布丁的味道就比芒果雪糕更好，因為吃時感覺似吃蛋糕，充滿芝士味道之餘，但又有雪糕的質感在內，十分好味，值得推介‧

25-10-2009一向喜歡「莫義記」的榴槤雪糕 (http://www.openrice.com/restaurant/commentdetail.htm?commentid=1977283), 但睇了食友的 Facebook 相片及評語, 對呢度出品讚口不絕, 又跟風嚟試試.呢度的榴槤雪糕 (好似 $11) 質地係 100% 挺身雪糕狀, 同莫義記的「疑似結冰奶昔」唔同. 一打開膠杯, 就已經聞到勁濃烈榴槤味 , 食落更不得了 -- 榴槤味極濃烈香甜, 十分 creamy, 仲極多實實在在的榴槤肉, 絕對可用「超級勁爆好食」來形容 莫義記的已好好食, 但呢度的係更更更好食, 天呀! 實在太滿足了! 見櫃內仲有焦糖雞蛋布丁賣, 下次試埋先.

吃完葡國大餐後，其實我已經很飽飽了～但之前因為我釀著要吃椰子雪糕而大佬說椰子雪糕就在後街，於是乎就出發吃甜品喇～～原來後街即是手信區，大佬說明早可以過來買完手信才返港買著雪糕可有幾間店子耶～大佬說這間比較好食！看著眼前有雪糕～大菜糕～布丁，而且有著各種不同味道心思思不知吃什麼才好？大菜糕是我至愛，貪它清甜爽口的味道又想吃椰子，又有榴槤～芒果也不錯呀～～我的選揀恐懼症又出現喇～番石榴雪糕突然發現有番石榴口味，而且全天然，好少有得買架～就選了這個急不及特買完就即食，好硬！太心急喇我～唔．．有少少似冰的質地又不太似雪糕喎～完全以為自己像吃了雪冰了得的番石榴似的，清甜！原味大菜糕請大佬吃的，因為他當天請了我吃很多美味的東西！＄５收買他喇～抵榴槤大菜糕因為一定要試大菜糕，所以唯有留待明天吃，於是乎雪住酒店個雪櫃先哈哈．．雪了一晚依然好吃，超勁榴槤味，好彩吃完不覺自己有口氣啫～

跟著旅遊書想在官也街某店吃焦糖雞蛋布丁, 但1進到店子坐下看看餐牌, 和款甜品都要10多20元, per person per order 不單止更有加1服務費... 感覺不好,, 於是妹妹就提出馬上離開那店 _= 走到官也街的盡頭, 過對面馬路來到天娜~ 玻璃櫃內許多黃澄澄的雞蛋布丁1排1排的列著, 好吸引 @v@ 而且只是$9 就有1杯布丁~~~!! 店員將1杯布丁"起底" 1反, 布丁就如照片中的漂亮登場~~ 糖漿帶點黑糖味, 布丁充滿雞蛋香味, 黑糖糖漿甜得來帶點澀澀的~ 在炎炎夏日吃到甜得來清新的雞蛋布丁, 很棒呢 >u<

食完豬扒包及葡撻，繼續找尋公雞之際，老公就被天娜當眼的榴槤雪糕招牌吸引了。門口一些人龍也給了我一定信心，那就一起再吃頓甜品吧：　　榴槤雪糕-小小的一杯，拿出來還不覺得，吃下去就感到濃重的榴槤味滿佈口腔，味道濃郁可比榴槤實物，但就有著雪糕的口感，幾特別的。個人只能接受有程度的榴槤味，所以一啖就夠，但見老公食得滿足開心，也會推介給愛好此味的食家!　木槺布甸-很愛澳門的木槺布甸，隨便一家都有不錯的水準，而充滿馬莉餅香的原味是我的最愛。天娜的出品是很大路的普通水準，但其輕柔香軟已夠滿足我，絕對比對面街的沙度娜好十倍。　付錢時順便也向老闆娘問路，她往前一指，原來目標的公雞就在前方；於是，兩個人在一小時內又吃第三頓了~

同事介紹「天娜」榴槤雪糕。試完後,去埋莫義記compare吓先~。雪糕好CREAMY!!(相信好落左多奶,難消化,不停胃氣)加有榴槤肉食!增加味道&口感。對上次食,城中出色的榴槤雪糕,MilkTxx,都無呢個咁好食。唔怪之得,同事每次來都食啦!

由酒店出發搭巴士到氹仔，o係官也街一落車就係我們的第一個目的地 - 天娜每一次都要買它的木糠布甸 好滑呢~至於榴槤雪糕....因為本人唔食榴槤...同行的一打開個蓋........嘩~~~~~~~~~~~~~~~~好勁榴槤味~~~~~~~~~~~~~~佢話啖啖都有好香的榴槤味喎..........我不懂欣賞了.............木糠布甸︰$9榴槤雪糕︰$11

每次回澳門，天娜餅店是必到站，這裡的榴槤雪糕真的好好味，跟小妹同是榴槤鍾愛者的人，不可錯過呢。榴槤雪糕：一打開個蓋，就已經榴槤飄香，不吃榴槤的人一定會頂不住，哈哈。雪糕香滑，不易溶，榴槤味濃郁，而且每一口都像吃榴槤肉似的，感覺實在。如果有大size選擇就好了芒果雪糕：這口味亦值得一試。雪糕同樣細滑，芒果味亦香甜，加上有芒果粒作伴，味道更fresh不錯不錯!在香港用榴槤做的甜品通常是榴槤班戟，很少有榴槤雪糕呢，每當想吃的時候，不其然便會想起天娜

第七站--天娜呢個真係unplanned~之前黎澳門幾次都有食原本諗住唔食ga la, 但經過, 又抵受唔住呢個temptation又走去食了~三個人share 一杯, 都唔食好過份jei~原味木糠布甸, 原味是最好食的~ 咁多次gei 水準都keep 到! very good 呀! 夠滑夠濃, good!

本身是榴槤的發燒友，對榴槤產品亦十分鍾愛。試過很多榴槤雪糕，天娜餅店的算得上十分出色。好似真係食緊榴槤咁，又唔太甜。總之就係正正正啦~~~~~~中意榴槤的朋友一定要試下。

黎澳門....呢間反而係我必食之店....皆因佢D雪糕係自家製....而且仲有我最愛的榴槤味.............一杯 MOP10.....我覺得絕對抵