大聖豬扒包

營業中

休息中

店員服務態度惡劣，食物也不好，豬扒乾到不行，完全不好吃。飲品也是完全沒味道，混了很多水入飲品中。劣評！不建議吃，只會用取巧方法，騙遊客。由其是態度，你買得不多，馬上變臉！

去到澳門第一站去左大三巴掃街見到大聖豬扒包好似唔錯咁就食啦豬扒包 個包係好大舊而塊豬扒薄到呢味道無特別而萄撻個皮又厚又唔鬆化個蛋心過熟仲要係凍既$20/2個 但好細個其實唔係好抵食

琴日稔住同男朋友行上大三巴，但見天氣嚴熱，斷估愈行上去啲凍飲就愈貴，所以稔住係斜路中段買杯野飲先行行下見到呢間大聖豬扒包，佢大大隻字貼出黎講話" 特價賣5蚊一杯沙冰(有草莓，檸檬同唔記得係咩)。見到咁平，我地梗係仆倒去買啦。點知佢講話5蚊個啲賣哂 得番20蚊一杯嘅芒果流沙冰。咁我地睇佢貼出黎個杯沙冰圖都幾好樣，咁都照買啦。 :點知佢最後出到黎嘅成品係完全同張相唔一樣佢所謂嘅沙冰，係芒果味調味劑 加 細粒嘅冇味冰(唔係碎冰，只係細粒)，簡單啲黎講，就只係一杯芒果味冰水，認真大伏It was really hot when my boyfriend and I were heading towards the Run is of St Paul's, so we planned to buy an iced drink. On the way , we were attracted by a big canvas written "special offer : $5 per iced fruit drink ( strawberry , lemon and xxx flavor) ."

這間店鋪位於大三巴牌坊附近，遠處便能看到這個宣傳牌，豎立在道路的正中央。門口不算大，可是很多入聚集在店鋪的門口，排隊購買豬扒包，或是在領除食物。葡撻2個為20MOP,我和男友一人一個。葡撻不算大，比手掌心小一點點。我們剛剛錯過了出爐時間，所以入口有點冷，酥皮頗香，甜度也適中。

來澳門冇理由吾食豬扒包，帶星加坡朋友來澳門一日遊，臨走決定要食番個。豬仔包係幾靚，外脆內軟，可借塊豬扒紙般薄，味道好一般無乜味，鹽味豉油味完全食吾到，吾通切完豬扒就放落去煎?真係一般快餐店貨色也比不上，有小小油，豬扒肉超乾嚡口無任何味道! 同一塊有骨的煲湯瘦肉無分別，整體結果似係食左個大豬仔包，仲要係有骨的豬仔包(豬扒骨)，呢間野無下次!

葡撻豬扒包都為澳門岀名小食之一，但試後感覺葡撻明顯水準之下，酥皮變了硬皮，豬扒包則普通，不算太差，就是一個到處可吃到的豬扒。而且近日有一特價飲品，味道也是淡如水，不過很便宜就是。

在到訪大三巴的途中，經過大聖豬扒包，門外有人宣傳買葡撻送飲品，$5 鮮果沙冰... 聽落幾吸引，一於試試。行到收銀處，才知要買一打葡撻才有飲品送，不要緊... 想買一件葡撻，但被告知一買要買兩件，不要緊... $5 沙冰呢？只有檸檬沙冰一款，不要緊...等一分鐘有得吃，葡撻唔熱已走氣，外皮不酥脆，味道令人失望。至於所謂檸檬沙冰，極其量只是無味糖水，$5 也嫌不值，不知所謂！

難得去澳門就一定要食反個豬扒包同葡撻，黎到大三巴行左陣，時間尚早就求求奇奇見到有就食下先，同朋友點左個包同葡撻。太餓吾記得影個包，不過食落同香港D面包最大分別就係豬扒有調味過，但個隻調味其實我樓下間餐廳都一樣。另外個葡撻就，皮係較速食店酥，蛋味濃D，不過一分錢一分貨，算係禁上下，因為之後食到有更好食的。

本以為是出名，雖然價錢屬區內較高$25一個豬扒包 (其他店售 $20) 出名麻，姑且一試。豬扒完全是淡而無味，也不香，明顯沒有醃制。肉質也不稔，淡而無味的豬扒就這樣夾上不能再普通的麵包。。 你送給我也不吃。服務差，食品更差。不是貼錢買難受，是什麼？

我同我兩個朋友諗住住咗咁多年澳門都無試過呢間嘢所以就貪得意去試下。哇，我真係住咗澳門三年都無食過一個咁咸嘅豬扒包！！ 塊豬扒好似腌咗十幾廿年咁，又硬又肥，同埋連個包都難食！！！！豬扒包嘅包係應該硬得嚟好crispy，我唔個crispy去咗邊囉。 sor但係我就一定一定唔會再嚟呢到食豬扒包同埋一定唔會帶朋友嚟食！好失望！

行上大三巴既時候經過咁啱肚餓當然試下豬扒包啦佢注明豬扒有5mm厚 豬扒重3安士等左一陣就有啦！豬扒包有微溫 豬扒好薄 都冇5mm既😢😢(可能我太天真) 但味道都可以既 豬扒有醃過既味道但下次經過都唔會食lu😣😣😣

來到澳門，遊客們都會聯想起賭場和美食。而當想到美食的時候, 我們一定會去食澳門最出名的豬扒包。近年來, 澳門已經出現咗好多自稱 “澳門著名豬扒包”. 但講真有8成都唔好食. 作位澳門人的我都感到難過. 所以, 為了大家吃到真正好吃的豬扒包, 我決定去尋找真正好吃的傳統豬扒包! 首先介紹就係Tea Plus. 大聖豬扒包(Tea Plus) 是位於新馬路大三巴斜路, 大家唔怕搵唔到, 因為實在太多牌/喇叭/人行公仔, 一定會見到! 食客算多, 氣氛嘈雜, 人逼人為咗食豬扒包… 嚇死人! 著名的有珍珠奶茶、葡撻、豬扒包. 佢地MARKETING做得非常好, 有韓星拍劇幫佢地做免費廣告, 吸引好多遊客. BUT食物質素好唔好? 試一試先。著名豬扒包, ＄16. 拿上手唔熱, 已經有小小失望。包本身非常的硬, 打落去”bok bok” 聲. 唔熱又硬只有隔夜麵包先做到這效果. 豬扒睇落好佌好大塊, 但係原來用麵包夾住豬扒係錯覺, 其實豬扒無咗一半 估我睇唔到! 豬扒除了細塊, 而且沒味道 & 好油。葡式蛋撻,＄5. 價錢算低. 外貌睇起來都唔差. 但是又係唔熱，撻皮非常厚, 有1cm厚,

九月五日(星期三)與家人品嚐了8的精彩後，就到新馬路逛逛計劃好今晚才到氹仔買手信，於是只打算吃小食行到大聖豬扒包門口，有人舉起紙版，版上寫著五元一杯水果沙冰此時，正好有點口喝，就買一杯所謂的沙冰試試付款後，店員給收據到另一邊拿飲品另一店員於是打開雪櫃拿出沙冰，點的是一杯荔枝沙冰最初的一杯只有半杯的份量，內裡一點冰也沒有當然要店員更換，拿出了好幾杯沒有沙冰最後，拿出了七八杯後，終於有杯面層有薄薄的沙冰，我們也被迫收貨，免得再浪費時間荔枝味少而且十分甜，是糖來的!第一次飲到冰與汁分離的所謂沙冰結論是貪平惹的禍，這家店舖也會black-listed

行去大三巴途中, 見肚餓, 於是睇下有咩食...去到見到呢間大聖, 好多人排隊, 心諗應該唔差, 於是就試下,點知好有中計feel囉!1. 員工態度十分惡劣, 我們問套餐點賣, 佢答$35, 我們諗緊要order d 咩之際, 停左2秒, 只係2秒, 佢就話下一位啦, 完全唔尊重顧客..好...我以為佢地d野好好食, 好巴閉, 算, 我忍你...2. 套餐賣$35, 其實就係$20的豬扒包+$15的珍珠奶茶, 套餐同散叫一樣價錢, 何來是套餐呢? 又中計...3. 等左好耐, 叫晒其他人都未叫我地, 於是去問下店員, 點知店員又好晦氣話叫左你好耐啦....我地其實都冇離開過間舖頭, 自己自問都好留心去聽叫number, 真係聽唔到有叫囉, 好...佢話叫左, 可能自己撞斗聾, 唔同佢計較...4. 食一啖豬扒包就出事, 個包唔脆, 舊豬扒完全唔得, 冇味, 唔係煎唔係炸, 有點硬, 唔夠熱...5. 珍珠奶茶都唔ok, d珍珠好"林", 杯奶茶好淡...真係一路行, 一路食, 一路彈...

行過有點肚餓，職員又好努力拉客，所以一試。20蚊一個包，得半片薄扒仲要特薄，個包都尚算可以但因一早弄好，所以包內已濕。(平時吃到的多數是大大塊豬扒，個包又香又脆)珍珠奶茶好淡，珍珠好軟。