"和"越式牛肉粉 (路氹城)

嚟澳門做嘢，有時都會一個人去公司附近呢間舖頭食午餐，今日我就叫咗一個火車頭湯河，都好難食得晒。餸菜方面有牛筋、生牛肉、熟牛肉、牛柏葉同埋牛丸，全部都係固定嘅，你當然亦可以揀單拼。最好味係生牛肉，又嫩又滑，熟牛肉略嫌淥得太熟，有點嚡口，其他都做得唔錯，有口感唔會稔晒！主食係細滑河粉，配上超強湯底，充滿強烈原始牛味，喝後毫不口渴，雖然好大碗實飲唔晒，但係又唔捨得唔飲！拌食嘅配料方面亦唔馬虎，有金不換、辣椒、青檸、芽菜同埋好似 xo 醬嘅辣醬，撈埋落啲湯河度就好有正宗越南風味嘞！

嚟澳門做嘢，有時都會一個人去公司附近呢間舖頭食午餐，今日我就叫咗一個火車頭湯河，都好難食得晒。
餸菜方面有牛筋、生牛肉、熟牛肉、牛柏葉同埋牛丸，全部都係固定嘅，你當然亦可以揀單拼。最好味係生牛肉，又嫩又滑，熟牛肉略嫌淥得太熟，有點嚡口，其他都做得唔錯，有口感唔會稔晒！主食係細滑河粉，配上超強湯底，充滿強烈原始牛味，喝後毫不口渴，雖然好大碗實飲唔晒，但係又唔捨得唔飲！

拌食嘅配料方面亦唔馬虎，有金不換、辣椒、青檸、芽菜同埋好似 xo 醬嘅辣醬，撈埋落啲湯河度就好有正宗越南風味嘞！