勝記咖啡

營業中

休息中

坐早船來到梳打埠,一到步就拉隊來到營地街市喝杯茶,此檔茶檔名叫"勝記".用藥煲來煲咖啡是其特色,此檔口的奶茶,似足英式規格.杯同壺分開上,自行隔渣.自己沖當然沒有那麼好喝,小弟一向沖奶茶沖到一劈野.之所以去喝英式下午茶,不如藏拙,索性淨喝茶,不下奶.但勝記的茶味頗甘.再打開壺蓋一看,內裏的是茶渣,正所謂男人三十一支花,女人三十就...我無意見.

一月上旬下午茶雖然不太愛咖啡，除了朝早到勝香園會喝杯大老遠也嗅到咖啡香的提神咖啡外，也真的好少追著推介去試咖啡。到澳門之旅的一環是掃街市，等池記的竹昇麵時，四圍走，若非見到勝記老闆用大藥煲煲咖啡，單憑味道也真的很難有衝動會試，見得意，買杯來試試。要了齋啡，由藥煲倒到小口的新淨瓷杯，溫溫吞吞的，喝起來自然不會嚐到濃香咖啡味，稀如水是幾底成本製作。這煲定的咖啡，想影過程都唔得，收七元（無記錯的話）真的好貴，二人喝到烏煙。

落船, 第一步便有人建議來嘆杯奶茶咖啡, 首先令周公撤軍. 香港的熟食市場去得多, 但澳門的熟食市場則第一次踏足. 登上營地街市3樓, 菜嬸搖指街市新翼, 一個地方不大, 卻小檔林立的大排檔, 售著各類美食, 簡單得黎, 又有吸引之處.是早上, 我們選擇了馳名的砂煲咖啡. 其實感覺用什麼去煲咖啡都沒有什麼分別, 咖啡的好壞, 是咖啡豆同咖啡師的分別. 砂煲只是標奇立異之舉. 不過, 砂煲咁大個拳頭見過, 但砂煲咁大煲咖啡, 真係第一次見.見其特別, 當然要試, 順便擊退周公. 用這煲中藥專用的砂煲, 會否有中藥味道???答案是有的, 因為都是苦菜一杯 . 若配上山楂餅 或 加應子, 加上齋啡, 可能會碰出咖啡的新味道. 下次過黎值得一試. 味道香濃, 亦有別於其他咖啡, 這杯咖啡果然帶點中藥的感覺, 味道能留在口中, 金金地味. 不知李時珍有沒有把咖啡典入其巨著; 神農氏嘗百草時, 有沒有嘗過咖啡豆呢? 奶茶, 澳式奶茶麼, 茶業粉仍然在壺中, 需要隔一隔茶渣才上杯. 濃的奶茶夾著渣, 有如希臘/土耳其咖啡, 要連渣一起才有feel. 澳門的豬扒包, 建議盡量在細鋪頭找, 往往帶出驚喜

～★同老公第2次遊澳門之 02篇☺同梓記牛什一樣啦, 呢間店所在既街市綜合大樓既3樓…同一層, 另一邊賣肉賣菜.. 硬係覺得唔夠衛生..不過呢間勝記咖啡好多人圍住..加上旅遊書又介紹話幾特別呀``個店又貼哂Ｄ報紙介紹呀咁..好似話用瓦煲沖喎"? 好似幾吸引..於是就買一杯咖啡一杯奶茶試下啦.. 咖啡唉真係唔好提**哇!真係好特別..係一陣好特別既怪味囉 =3="我地都覺得唔好飲囉" 陣味超怪 X'(老公話個陣係唔知想點既怪味..而我呢就其實..覺得杯咖啡有陣「漂白水」味..真係唔多想再飲落去..好失望奶茶其實都係麻麻地..太甜..不過呢"同咖啡比呢..呢杯奶茶就真係好好好好好味囉"結果"我地係飲哂杯奶茶. 剩返大半杯咖啡"

** 此 食 肆 的 第 一 個 笑 **(第307篇食評為澳門的第一篇)(24-10-08Fri)中午同男友到達澳門,約1:30pm到o黎營地街市,男友先到池記牛什排隊等買牛什撈麵,因太多人喇,佢知隔離呢間勝記咖啡都好出名,於是叫我先幫佢買杯熱鴛鴦,咁我都買杯熱奶茶畀自己先.o係等o既時候,見有即煎豬扒做豬扒包,不過唔問男友住,因唔知牛什撈麵有幾大碗,老闆分別加o左適量o既奶同咖啡到兩個杯,然後畀兩個紅茶壺,茶隔同一杯熱水我,真好人,糖就要自己加o既,有兩個好心人畀兩個位我,多謝晒.見男友等好耐,我於是我問男友食唔食豬扒包,佢話食,咁我又買.咁我先飲加紅茶,調好味,飲一啖,嘩!好滑呀!真係好正,不過呢兩杯飲品共$13.00,都幾貴.$9.00o既豬扒包整好喇,老闆好好人虔過o黎,件豬扒好薄同細件,但麵包都烘過,脆脆的,我覺得OK o既,不過唔算抵食,但誠意加分.Total: $22.00

見到旅遊書介紹勝記出名是瓦煲咖啡, 一心同屋企人來試, 去之前都知道o個到係街市上面d熟食中心, 都唔會有咩人招呼, 所以都冇抱咩期望, 諗住嗱嗱聲食完早餐就去第二度玩。 但去到企左o係檔口前面成10分鐘都冇人問你要咩, 老板娘仲要"啤"住你, 覺得你好阻街咁, 但其實當時都冇乜客。 我爸爸想食通粉, 見佢個所謂menu冇呢樣野, 咪問佢有冇通粉o羅, 點知佢好惡好大聲咁話: "咩話? 通粉? 冇呀! 咩都冇呀! 個牌有就有冇就冇架啦!!!" 冇咪冇o羅, 唔洗咁惡o者... 最後我地去左後面另一檔瓦煲咖啡。