壹燕糖甜品

壹燕糖顧名思義係以燕窩作為主打，定價親民，實行將燕窩平民化。當然除左比較傳統嘅燕窩甜品，小店尚有其他特式糖水、小食，值得一試。壹燕糖就位於福隆新街1號，門外保留街道嘅舊有風味。店內相當闊落，而且乾淨企理。由於時間比較夜，我地都係當日最後嘅客人。甜品款式唔少，分燕窩系列、芒果甜品、傳統石磨糖水、中式糖水。另外有不同款式嘅小食，例如撈麵、蛋撻、豬扒包等。椰皇燉官燕 $98話明主打係燕窩，當然要試下佢地嘅招牌！燕窩款式都有幾款，有椰皇、燉奶、更滋補嘅花膠燉燕窩等，價錢唔貴。燕窩可以選擇燕盞或碎燕，當然價錢有別，相差幾十蚊。一場黎到，我又唔係成日有燕窩食，當然係點燕盞，呢款椰皇燉官燕有足足一両燕窩架，相當足料！椰皇裡面滿滿係燕窩，由於原隻椰皇燉，椰子味相當強烈，老闆話仲加左椰子水、奶等材料，難怪味道咁清新！燕窩足料唔洗講，睇番份量都真係相當抵食睇番香港食椰皇燉幾粒湯丸都六、七十蚊…芒果腸粉 $32芒果腸粉睇番評語都係必試系列，食過後都覺得不能錯過。腸粉睇落已經好滑溜，而且做得相當薄身，用上椰汁製作腸粉皮，所以都帶清甜椰子味芒果肉雖然唔算澎湃，但微微香甜，唔會有甜水感覺，食哂都唔覺得膩。鮑魚撈麵 (鮑汁/XO) $120賣相好吸引！兩隻大鮑魚、撈麵、生菜，好豐富。由於我地食過晚飯，所以二人分享，份量剛好。鮑魚大大隻，煮得腍身，食落爽口，鮑汁入味，唔係一般喺其他鋪頭食到嘅惹味！麵嘅份量唔少，面頭有蝦米仔，食落唔腥。明明幾分鐘前話飽，但我同男朋友都忍唔住一口接一口。燕窩薏米水 $25食完鮑魚麵飲番杯薏米水，十分清涼。薏米水有利水祛水功效，啱哂女士。總括黎講，壹燕糖嘅甜品都幾有水準，價錢合理。如果有多幾個朋友一齊分享，可以試更多款式，特別推介椰皇燉官燕、鮑魚撈麵！…查看更多

前續:同班Friends話過澳門由五月份講到七月份，終於唔係齋Up 係七月的第一個weekend終於出發啦👻不過往往明天同意外我地都無法預料誰先來，本來我地四條Queen一齊出發嘎嘛，結果臨出發噶前一晚Jackie的簽證還未收到，結果咁就少左個人一齊去。咁都算了，點知意外接種而來，當我地搭緊直通巴士嘎時候，Tenly媽告訴我，她的簽證大半年前用左~結果距就落車回程，又一個小夥伴離開隊伍。當時心裡活動:💃🏻👻😍👉👩‍👩‍👧‍👧👩‍👩‍👧👭👉😰😔😑正題於是乎我重整心情，帶住依舊年輕的心出發。用搭車噶時間用來瀏覽我至愛用噶Openrice，睇下邊度有好嘢食😋😋😋從關閘落車之後我地決定搭巴士，🚍搭16號到粵通碼頭落車，落車之後用我個離線地圖終於定位到達我要去噶目的地-福隆新街1號•壹燕堂甜品。呢條街都係食食食 岩曬我由於太早來到，Miu到人地噶營業時間寫住12:00~?! 唔記得佐添..呢一個鐘我帶住Migo🐷梗係去掃貨啦！非常滿足，兩個已經失控噶人。兩粒鐘之後，我哋回到最初嘎地方-壹燕堂壹場來到梗係要試試大家推薦噶芒果腸粉啦，$38Mop價錢公道，物美味道好薏米水都值得推薦，特別係d薏米好Q好好噘，好飲🍸當然貪新鮮試埋牛奶燕窩撻同燕窩葡撻😋Miko🐷話想食呢個👇如果你本身係咸底噶話，就唔好試了👆🙄真係真係好咸。最後呢間壹燕堂甜品真係值得一試噶WeChat Name:terry➕我打備註，Open rice😁…查看更多

行過見到門前既電視播住「台灣美食節目」，台灣節目都大讚？試下便知龍與鳳呢度既甜品賣相都幾好，不過因為一陣又食晚飯唯有試下比較輕食晚芒果腸粉。芒果腸粉 MOP32睇落個賣相真係好靚, 唔知真係以為係用腸粉皮黎做芒果腸粉係用椰汁+蒟蒻粉做皮, 雖然入面加上有好多芒果做料但唔會一夾就爛, 而且食落個口感超滑溜!!! 滑到差d完全夾唔到上黎食! 本身芒果粒已經好甜, 而芒果腸粉個面再加上左芒果汁上面, 芒果同腸粉個口感食起上黎真係好夾。可能平日比較少人，所以雪得好夠時間，好冰凍天氣熱辣辣食個涼浸浸既甜品真係好透心涼，冇得頂！係香港暫時食唔到好似有佢整到咁滑既芒果腸粉喇下次會再試下其他產品。…查看更多