香港新派有機餐廳
2019-07-17
我們每天將咁多野食落肚,但大家又有無關注過食品背後嘅來源、質量同營養呢?外國流行已久嘅有機飲食、Raw food風潮,近年都慢慢吹到香港,香港愈來愈多餐廳加入有機健康食品,快啲同小編一齊訪尋有機鮮味啦!

Chill Cafe Bar & Grill (九龍灣)      
開業已經三至四年嘅chill Cafe Bar &Grill位於國際交易中心二樓平台花園,提供天然有機食材選擇,主攻肉食,更經常羅致全球不同地區的健康及美味食材,餐廳Special定時更換款式。務求為區內區外食客提供一個多元化飲食選擇。

慢煮和牛牛面肉配砵酒汁 (Slow Cooked Wagyu Beef Cheek)  
大廚用上嚟自澳洲嘅牛面肉,低溫慢煮方式足足8個鐘,令和牛保持肉質嫩滑,更令維他命唔易流失。最後配上自家調製嘅砵酒汁,薯條同沙律菜,令口感昇華去另一層次! 

慢煮雞胸肉配温泉蛋及蔬菜 (Slow Cooked Chicken Breast with Mix veggie)
用上嚟自美國嘅優質雞胸肉,完全無粗嚡嘅口感,比一般市面上嘅雞胸肉嫩滑得多,加上用低溫慢煮方式,令雞胸肉更為嫩滑,再配上溫泉蛋同新鮮蔬菜,係美味可口又健康嘅首選! 

脆皮德國咸豬手 (Crispy Pig's Knuckle) 
Chill cafe嘅招牌菜式之一。即叫即炸,皮脆肉嫩,配上傳統嘅酸菜夾食,可中和油膩感,係大顆兒飲酒歡聚,作主食或佐酒嘅最佳選擇!

燒美國極級黑安格斯肉眼扒 (Grilled USDA Prime Angus Rib Eye Steak)
餐廳選用好多「食肉獸」朋友喜愛嘅美國極級黑安格斯肉眼扒,其油花大理石紋豐富,牛味重,肉嫩多汁,只要簡單以海鹽同胡椒調味,直接火爐上燒烤,已經美味無窮。配上味濃燒汁,薯條及沙律配菜。保證回味無窮! 


Food Lab (沙田)       
Food Lab係一間推廣健康有機飲食嘅餐廳,以「Farm-to-table」為煮食理念,提供有機、冇味精、無化學添加劑嘅食品。餐廳大廚會好似科學家咁利用本地新鮮有機農場嘅天然食材,讓食客品嚐到健康又美味嘅佳餚。 餐廳裝潢行簡約時尚路線,備有室內及戶外空間,由全落地玻璃將兩個區域分隔,環境廣闊和寧靜,氣氛休閒舒適,最啱減緊肥嘅女士同追求健康嘅人士,亦係Green Monday 嘅好去處!

紅菜頭藜麥什莓沙律 
有機紅菜頭,三色藜麥,發達芝士,薄荷葉,時令野莓(草莓,藍莓,紅桑子等)加上酸酸甜甜嘅檸檬油醋汁,好refreshing!小編食餐廳嘅沙律食到停唔到口 !

煙三文魚薄餅 
薄餅有煙三文魚、馬蘇里拉芝士、水瓜柳、紅洋蔥、刁草同蜜糖芥末醬,非常豐富!

波士頓龍蝦尾扁意粉配龍蝦汁
香煎波士頓龍蝦尾配上聖女茄同羅勒葉,再加上自家調配嘅龍蝦汁同檸檬欖油,令成個扁意粉升華到去另一個層次! 

珍寶帶子牛肝菌洋意米意大利飯

餐廳特意選用大大隻嘅日本珍寶帶子,加上香氣十足嘅牛肝菌,同洋薏米,再用埋特級初榨橄欖油同巴馬臣芝士煮意大利飯,真係令人食唔停口呀!

扒美國頂級有骨肉眼扒30oz
份量十足,有成30oz嘅美國頂級有骨肉眼扒,配上黑松露薯蓉、有機時令蔬菜、喜馬拉雅山鹽,同用24小時煮成嘅紅酒汁,足夠2-3個朋友仔一齊開心share!  


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異
關鍵字
Farm-to-table
有機
冇味精
無化學添加劑
no msg
有機食品
多元飲食
Green Monday
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【蠔癡必看】生蠔海鮮的浪漫盛宴!
6天前
【滾出好味來】性價比高火鍋推介!
1天前
隱世湯麵小店
2019-08-13
粵食粵滋味
2019-08-09
走肉新風潮
2天前