隱世湯麵小店
2019-09-06
湯麵料理總係有一種神奇嘅魔力無論春夏秋冬都會好想食:冬天飲啖熱湯,成個人會即刻暖溫翻晒;夏天嘅時候,就算食到滿頭大汗,依然忍不住大口大口食。湯麵既有湯,又有粉麵,一次可以滿足食客兩個願望,還有唔同嘅配菜可以隨意搭配,又可以隨着自己嘅口味選擇,實在找不到拒絕湯麵嘅理由!

牛霸小面店 (灣仔)       
牛霸小面店主打正宗台灣美食,裝修以清新田園風格為主,傢俬以淺色嘅木材為主,配以綠色植物、蝴蝶、植物玻璃球同掛燈,入到去好有大自然嘅感覺,比食客喺繁忙嘅灣仔都可以休閒舒適地享用台灣美食!

紅燒牛肉湯麵
用美國高級牛肉秘制嘅正宗台灣紅燒牛肉麵,配上軟硬適中嘅麵條,同用牛骨慢火熬煮八小時嘅湯底,每一口都可以嚐出甘醇嘅廚師嘅心機!

牛三寶牛肉麵
牛三寶有牛𦟌、牛腩、牛筋;牛肉煮得十分軟腍入味,只需輕輕夾開就能分成小塊。牛展口感比牛肉爽口得多,但也不靭,牛筋彈牙又淋又滑,一口咬下去膠質充滿口中!牛腩煮得軟腍入味,配合紅燒牛肉麵/麻辣湯底既湯,非常惹味! 麵質頗為彈牙!

鹽酥雞滷肉便當
鹽酥雞外酥內嫩,裡面厚肉多汁,配上甘香不油膩嘅正宗台灣米滷肉飯,每一口又香又甜,米香濃郁,滿足又飽肚!

痳辣排骨拌麵

炸排骨加上非油炸,天然日曬下無落防腐劑嘅台灣乾麵,卡路里比油炸即食麵低,麵質Q彈又煙韌,加上又香又惹味嘅麻辣汁,啱晒keep緊fit又為食嘅您!


尚月廚房 (餃子湯麵專門店) (馬鞍山)   
曾幾何時,馬鞍山一直被稱為「美食沙漠」,就連開間吉野家都畀大家視為珍而重之嘅綠洲,不過嚟到2019年中,其實已經有唔少餐廳進駐咗,仲有唔少係心機小店添!最近就有新開嘅餃子專門店-尚月廚房 (餃子湯麵專門店) ,裝修行簡約風,賣點鮮明,價錢親民,平絕鄰近區域,店內餃子全部皆於店內即製即包,餡料十足!

五香併盤
併盤有厚切牛展、雞翼和滷水蛋。牛展經慢煮烹調,特別軟淋入味,食落有果凍感。雞翼經超過6小時醃制,非常入味,再加上特制嘅醬汁,味道香甜,令人想一食再食!

湯餃配菠菜麵 
每日以新鮮本地豬肉及新鮮蔬菜製作,並以人手即製即包,用料新鮮,餡料足! 仲有多款選擇:韭菜豬肉餃、椰菜豬肉餃、粟米豬肉餃、韓式辣味豬肉餃、香菇素菜餃,款款都係心機之作!配以優質麵廠製造嘅波菜麵,仲可以加埋新鮮自家炒製辣菜脯一齊食,簡直係大滿足!

煎餃上海麵配麻辣湯底
即叫即煎嘅生煎水餃,非常香脆,多肉汁多! 粟米豬肉煎餃煎得香口飽滿,肉餡多汁不算乾澀。而嚐辣人士可以揀韓式口味,惹味辣醬配豬肉餡提升食慾。配合優質上海麵同特制麻辣湯底,味道同香味都非常吸引!

濃味多汁牛丸麵 
牛丸多汁又彈牙,而且粒粒都非常大粒,配彈牙上海麵勁夾!


火五越式牛肉粉專門店 (太子)       
Pho 5係一間新開嘅越式牛肉粉專門店,位於太子和深水埗之間嘅界限街,裝修光猛企理,價格貼地,供應地道越式料理,係價錢實惠嘅高質越南餐廳! 

越式炸蝦春卷
自家製純人手以蝦膠包製嘅蝦春卷,炸到香脆,再用生菜夾住,沾上自製越式甜酸汁一齊食,令平凡嘅春卷,都令人食得回味! 

黃金炸魚皮
自家製咸旦黃醬炒特選鬆化嘅越南魚皮,披上黃金戰衣嘅魚皮,係會令人上癮嘅危險食物!  

招牌生牛肉湯河
湯底用牛骨加上16種香料低溫煲煮超過8小時,湯頭清澈,帶淡淡牛肉香氣!牛肉選用牛柳頭部位, 特別香滑軟嫩。將滾熱嘅牛骨清湯加入碗中,生牛肉瞬間變成嫩粉紅色,惹人垂涎。湯河份量十足,而且仲可以免費加粉,保證食得飽!仲可以加埋自家製嘅是拉差辣椒醬/原塊辣椒/海鮮醬、XO 醬自行調配適合自己口味湯底!

法式咖哩牛筋撈檬

用上足料新鮮蕃茄、洋蔥等煲至溶化嘅法式咖哩,配埋入口即化,以秘密鹵水香料自家慢火炆煮足8小時嘅牛筋條,係令人想一嘗再嘗嘅獨特滋味!

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany
關鍵字
餃子
湯麵
馬鞍山
煎餃
小店
粉麵
牛肉麵
台灣
滷肉
牛肉粉
生牛河
撈檬
pho
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
高CP值火鍋放題 (1)
2天前
幾時都要打邊爐!火鍋控必試特色店!
2019-09-24
試盡異國風情,港島外國特色菜館推介!
2019-10-09
首度兩間餐廳齊摘三星 !2019新加坡米芝蓮名單出爐
2019-09-20
酸酸辣辣 食上癮泰國菜 (2)
2019-09-24