走肉新風潮 (2)
2019-09-02
近年香港推崇健康飲食文化,愈來愈多人相繼由肉食變成素食甚至純素食者 ,有見及此坊間不少餐廳都推出多菜少肉或素食餐單,素食餐廳越開越普及,食物款式亦應有盡有。今次就同大家分享幾間就算無肉都一樣色香味俱全嘅特色素食餐廳,等大家食得有營又有型!亦係大家Green Monday嘅好去處!

入素 (沙田)       
住沙田區嘅朋友仔有時想轉下口味食清啲?不妨嚟離石門站只係幾分鐘腳程嘅京瑞廣場試下小店呀!「入素」店內環境簡潔,主打西式及亞洲風味素食,「健康素食用心演繹」,大部分食品同醬汁都係自己調製,全不含五辛,食物種類多元化一定有一款啱您口味!

純素片皮鴨
腐皮加上傳統鴨皮醬風乾已成,少啲心少啲心事細都做唔到!

咖喱吉列豬扒飯
東南亞風味嘅咖哩由多種香料自家調製而成,加上自家製豆類做嘅素豬肉,非常有心思!

安格斯牛肉漢堡
新豬肉、豆類產品、香草製成嘅漢堡肉,加上紅菜頭汁液做成嘅肉汁,唔講都唔知自己食緊素!

海南雞飯

用腐皮製造嘅素雞肉加上用澄麵黃薑粉做成嘅雞皮,做到好似真嘅一樣!油飯用上幾種薑去煲成 ,有飯香又唔油,無論味道但係外貌絕對唔會比肉食版本輸蝕!

松露野菌天使麵
用松露醬加幾種新鮮菌類烹煮而成,係純天然、純素、不含五辛嘅美味之選! 


素街 (觀塘)   
香港流行速食文化,食野追求gimmick,觀塘最近新開嘅素食自助餐「素街」,主打唔同年代嘅本港經典街頭美食,希望將香港嘅一些本土文化透過餐飲體驗帶比客人!
餐廳裝修主題充滿香港情懷同素食環保概念,嚟到素街名符其實讓食客有掃街嘅體驗 ,除了大飽口腹之慾,仲可以可以尋回集體回憶,感受一種久違了嘅香港精神!

花雕醉鷄
只會係晚上供應嘅依款涼菜小吃用上大豆做嘅素雞,配以秘製醬汁,入口酒香撲鼻,口感仿似真鷄肉! 

黑松露炒蛋刈包
近年唔同嘅茶餐廳都供應黑松露炒蛋,係到除咗就咁食炒蛋,仲可以加上香港係千禧年代非常流行嘅臺式食品–刈包一齊食,依個fusion混合懷舊菜式,估唔到又幾夾喎!

懷舊蝦多士
全日供應嘅蝦多士50-60年代香港地道美食,素蝦多士是大豆纖維及蒟蒻的製品。選用了無蛋的炸漿,即來即炸,一塊塊金黃色的素食蝦多士,是素街客人的必吃食物,配沙律醬食頗像真!

街頭碗仔翅 
從前唔係人人都可以魚翅撈飯,但一碗碗仔翅個都能負擔得起,所以成為咗香港著名嘅街頭小食之一!裏面有木耳絲,蘿蔔絲,粉絲,腐竹絲,可以加紅醋,胡椒粉一齊食增加層次!

黃糖糕
香港嘅懷舊小食黃糖糕,依家已經買少見少,估唔到喺度可以食到有香濃片糖味道嘅傳統味道!


更多素食推介: 
https://s.openrice.com/QrbcArnO000

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany

關鍵字
素食
石門
食清啲
京瑞廣場
不含五辛
海南雞飯
素雞
素豬肉
懷舊
街頭美食
素食自助餐
gimmick
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【蠔癡必看】生蠔海鮮的浪漫盛宴!
2019-08-27
隱世湯麵小店
2019-09-06
高CP值火鍋放題
2019-09-02
【滾出好味來】性價比高火鍋推介!
2019-08-30
粵食粵滋味
3天前