試盡異國風情,港島外國特色菜館推介!
2019-10-09
每日食嚟食去都係茶記、自助餐、中西日韓菜?其實香港作為美食之都重有好多選擇㗎!今次小編就決定同大家一齊走訪港島區,尋找值得一試嘅異國特色餐廳,一試香港都有嘅異國風情!

Ask For Alonzo(鰂魚涌)      
鰂魚涌第一間意式家常菜館,主廚對南意烹飪充滿熱情,鍾情於烹調各種意大利麵食,餐廳菜式更揉合了傳統意大利菜及新派大都會的文化,並提供多款開胃惹味嘅下酒小食及主菜,適合三五知己聚舊!

巴馬臣芝士番茄肉丸 (Alonzo's Meatballs)
肉丸好札實飽滿,肉汁同味道亦十分豐富,配上自家製惹味蕃茄醬及巴馬臣芝士,簡直係絕配!

布拉塔乳酪 (Burrata Pomadoro)
Burrata Cheese 係意大利菜中常見嘅食材之一,味道豐富濃郁,呈圓球狀,食客宜將芝士切開配上番茄片一同進食,口感層次非常豐富!

Chivasso芝士配巴馬火腿 (Chiavasso Cheese with Parma Ham)
香巴馬火腿包裹羊奶芝士,甫切開即有香濃嘅羊奶芝士流出,主廚更細心地伴以意大利蔬菜解膩!

蛤蜊意大利麵 (Spagetti vongole)

主廚擅長烹飪意大利麵,先將香蒜、洋葱、辣椒炒香,加入意大利麵,並淋上白酒及新鮮香草,未食離遠都聞到香味!

松露雜菌義大利寬麵條 (Truffle Mushroom Fettuccini with Poached Egg)
主廚用上新鮮磨菇切片配上粗寬嘅意大利麵條,食客可按照自己喜好將半熟蛋拌勻麵條。意粉沾滿香氣十足嘅醬汁,加上煮得剛好嘅正宗意大利麵條,令人不得不愛上!   


Picada(中環)  
位於中環雲咸街嘅Picada 前身係一間拉丁酒吧,現在更搖身一變成為一家拉丁餐廳,為顧客提供各款拉丁美洲美食,成為香港第一間拉丁風格嘅餐廳及酒吧!餐廳名稱「Picada」亦十分有意思,泛指來自哥倫比亞嘅一種分享盤,意思係餐廳會提供哥倫比亞風味、委內瑞拉帝國菜、墨西哥玉米餅等嘅拉丁美食。

秘魯烤雞肉 (Chicken a la brasa)
餐雞肉以迷迭香、小茴香等多種香料醃漬並烤至金黃色,入口時皮脆肉嫩又juicy,雞皮雞肉都滲透住香料嘅幽香,令人一試就愛上! 

牛油果醬配三色墨西哥玉米片(Design your own Guacamole)
別具特色由你話事嘅前菜!服務員會係客人嘅餐桌上製作出屬於客人嘅專屬牛油果醬,客人可隨意指示服務員加入自己喜歡嘅精選配料,牛油果醬搭配三色墨西哥玉米片,口感一流!

秘魯酸橘汁醃魚(Peruvian Ceviche)
秘魯醃魚味道帶微酸,配上粟米同洋蔥,及鮮味嘅「魚肉」,食起來十分開胃!Picada 更備有秘魯醃魚吧,各位顧客重可以睇到廚師製作新鮮嘅秘魯醃魚,非常特別!

特色飯配鴨腿及煙熏鴨胸肉 (Three Duck “Arroz con Pato")
當職員送上Three Duck “Arroz con Pato” 嘅時候,小編以被其陣陣「鴨香」深深吸引。特色飯配鴨腿及煙熏鴨胸肉,就好像一道以鴨為主題嘅豐富菜式。鴨腿採用「油封」方式製作,吃起來肉質嫩滑,配上特色飯一同品嘗,味道勁夾!

The Patagonia Argentinian Steak house (上環)      

The Patagonia 阿根廷扒房係一間主打優質阿根廷菜、葡萄酒同其他南美國家嘅特色美食嘅扒房,餐廳充滿阿根廷佈置,一入到店內就見到大大個燒烤炭爐,炭烤100%阿根廷直送嘅特級草飼肉類。餐廳由阿根廷籍廚師主理,務求用簡單食材令食客可以品嘗到最風味、最地道、最優質嘅阿根廷菜!

Bone in Ribeye
阿根廷牛出哂名肉味濃,性價比高,份量十足,有成29oz重嘅Ribeye帶有豐厚脂肪,肉質軟腍又juicy,一切開肉汁大爆發!

Sirloin
足足重12oz嘅厚切西冷牛排油花較少但分布均勻,肉味香濃,充滿著濃郁的肉味,牛扒經過專業烤製,搭配自家調配嘅三款醬汁,最啱食肉獸們!

Lamb
羊肉脂肪少,無羊羶味之餘咬落肉味濃郁,廚師將16oz重嘅羊肉用慢火烤至肉質柔腍軟得如燉肉! 就算係怕羊羶味,平時唔係中意食愛羊的人,係到或者都會成為嗜羊者!

Beef Empanada

造型呈半月形炸得香脆嘅阿根廷餡餃係不少拉丁美洲國家嘅地道美食。餡料以阿根廷牛和蔬菜為主,食落肉味濃郁,加上洋葱、雞蛋、青葱嘅清甜,食多多都唔覺膩!

Octopus
用西班牙做法煮嘅魷魚有微微嘅碳燒香味,味道飽滿香濃,很適合下酒和配麵包! 

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany
關鍵字
特色菜
阿根廷
意大利
扒房
異國風情
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
高CP值放題推介
2019-11-07
不可不試 高質日菜餐廳推介
2019-11-04
大伙兒聚會好去處!
2019-11-05
引爆味蕾辣上癮推介!
2019-11-05
越泰式異國料理餐廳
2019-11-07