粵食粵滋味
2019-08-09
香港人一向都好有口福,地方細細都就聚集咗五花八門嘅環球美食,更有全球數一數二嘅中菜美食,可以話係粵菜重鎮之一。因此無論一家人共聚天倫,定係三五知己聚首,唔少人都會選擇食粵菜,係依個系列小編就嚴選咗啲無論係環境裝潢定菜餚都保持都水準嘅餐廳推介比大家,快啲揀翻間享受翻餐難忘嘅中菜饗宴啦!

人人和平小飯店(北角)      
人人和平小飯店係懷舊同新穎並重嘅飯店,主打古法燒味,新派及懷舊小菜。雖然只係小飯店,但選材一啲都唔會嗇色,堅持只選用高質食材,希望街坊以合理價錢食到有水準級嘅廣東菜!  

本地蜂蜜叉燒
店內嘅招牌叉燒曾榮獲「香港旅遊發展局」美食之最賞,選用上等梅頭肉,塗上本地產嘅頭浸蜂蜜再燒製,入口有蜂糖香,仲有清甜肉鮮,係必食之選!

荔枝柴燒新會古井燒鵝
曾於新假期雜誌舉辦嘅試食評審中,擊敗其他對手如鏞記酒家,裕記大飯店等奪得第一名嘅招牌燒鵝,只有五斤半以下黑鬃鵝乸,再以草果、丁香等九種藥材醃製,並以荔枝木熏製,確保皮脆肉嫩,帶有荔枝柴香氣。 難怪曾被獲評為全港第一嘅燒鵝!

大馬站煲 (蝦醬火腩豆腐煲)

用蝦膏、燒腩及炸豆腐烹製嘅一道地道廣東煲仔菜式,材料吸收晒蝦膏嘅味道,每一啖都充滿鹹鮮芳香!

均安辣椒餅豬爽肉金錢鱔煲仔飯
飯店選用辣椒、蒜頭、豆豉等材料混合而成嘅順德均安著名嘅辣椒餅,加盡新鮮靚金錢鱔, 鱔夠粗身和厚切,口感嫩滑中帶爽脆,豐腴鮮味而不帶泥味,油香豐郁而不膩。而煲仔飯米飯嘅濕度剛好,顆粒分明,軟硬度恰到好處。以慢火焗出香脆嘅飯焦,職員掀起煲蓋,飯香四溢!


新大叔 (大埔)      
剛剛新開張嘅新大叔鄰近太和地鐵站同香港鐵路博物館,致力用新鮮食材,不加任何味精地為食客提供高質串燒、小食同小菜,無論晏晝定係半夜肚餓,新大叔都供應多款用心製作嘅美食,最啱街坊同埋大埔一日遊,打完卡嚟嘆下美食!

酸甜玫瑰
一款又睇得又食得嘅凉菜!廚師用糖、醋、辣椒將白蘿蔔醃漬到入味,再擺到玫瑰花型態,係一款最啱夏日炎炎食嘅打卡必備間胃菜!

手扇牛𦟌
自家製嘅獨家秘製滷水有一樣樸實又令人回味嘅小店味道,加上吸睛嘅擺盤,令人一試難忘!

客家咸雞 (需預訂)
一道非常傳統嘅客家料理,雞肉用鹽醃體夜後蒸加焗到鮮香,入口啖啖咸香滋味,非常美味!

咖哩金磚

焗得香脆可口既麵包化身成金磚,內藏充滿香料味既香辣惹味咖哩,配埋肉嫩多汁嘅牛腩、雞肉或者豬扒,再連同沾滿咖哩醬嘅麵包一齊食,正呀!

拔絲香蕉 (需預訂)
將糖煮溶至溶化,再將炸好嘅香蕉放係糖漿中快速攪拌,然後用筷子挾出香蕉拉出搭型糖絲,做到外脆內軟,真係少啲功夫都唔得! 

潮州風味酒家(西環)  

提起潮州菜,大家自然會唸起上環、西環,除咗一眾著名老店,西營盤就新開咗間潮州風味酒家,主打正宗潮州菜,位置方便,係正地鐵站出口對面,更供應一系列經典潮州食品,啱晒嚟「潮」聖!

紅燒潮州翅
足足三兩重嘅潮州翅非常足料都係$328/一位!CP值超高!鱼翅同濃到似膠嘅湯汁合爲一體,令人想一食再食!  

滷水鵝片
師傅採用潮州老方法滷燴八至九斤重嘅正宗獅頭鵝肉,滷水汁好味唔會死咸,鵝肉肉味十足,又嫩滑多汁,值得推介!

普靈炸豆腐
豆腐每朝新鮮到店,炸到皮薄香脆,豆味香濃,入口即溶,外酥內嫩,配以鹽水作醬,非常有風味!

潮州凍烏頭魚 
餐廳每日由元朗優質魚場選購經有嚴格管制嘅本地肥美烏頭,再由師傅用滾水淋潑嘅方法煮熟,難怪肉質細嫩,又可以保留黃油鳥頭嘅原汁原味。

生醃三鮮螄蚶尿蝦鹹蟹
生醃菜式依家已經好少潮州酒家會做,而潮州風味酒家跟足潮州傳統做法,落足辣酒、蒜、辣椒等材實,做到鮮香惹味!螄蚶一揭開一泡血汁,肉質爽脆!再加埋鹹蟹同賴尿蝦一咬一啜,鹹香辣鮮,滿口芳香!


心動不如行動!有興趣就快啲約埋三五知己去嘆下美食啦!快啲bookmark定啦!

關鍵字
粵菜
香港
中菜
美食
串燒
小菜
客家
拔絲
潮州
紅燒翅
燒鵝
煲仔飯
叉燒
飯店
懷舊小菜
燒味
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【蠔癡必看】生蠔海鮮的浪漫盛宴!
6天前
【滾出好味來】性價比高火鍋推介!
1天前
隱世湯麵小店
2019-08-13
粵食粵滋味
2019-08-09
走肉新風潮
2天前