彷如置身異國嘅特色料理
2019-05-21
啱啱過完幾個Long Weekend,仲係Holiday Mood,想逃避 Blue Monday,出走下,但又無時間?唔緊要,依家只要一餐嘅時間,唔洗搭飛機就已經可以體驗到異國風情啦!一於先放低工作壓力 ,約埋班朋友一齊去以下嘅異國風情餐廳,好好享受佳餚美酒,重拾元氣面對 Blue Monday啦!

Maison ES (灣仔)      
餐廳位於電氣街斜坡上,餐廳佔地 2,300 呎。耀目嘅水晶燈、古董傢俬、玫瑰及鮮百合、加上種滿植物嘅小庭院,讓每個推開門嘅女仔都會尖叫:「好靚呀!」食客彷彿置身華美舒適嘅法式古宅、係似足法國嘅田園餐廳食飯!餐廳除環境靚外,食物亦落足心機。於名廚Esther Sham與餐廳團隊為踏入4周年嘅Maison ES以法國菜為基調創製了一個全新餐牌,除了堅持沿用來自世界各地嘅質食材,也特意加入不少superfood,既迎合世界飲食潮流,也為加有亞洲風味嘅菜式注入個性,吸引好新嘅你!

輕煎吞拿魚配牛油果及日本檸檬豉油汁伴韓國泡菜雪糕
吞拿魚鋪上芝麻後略為煎熟,芝麻香脆而肉質仍然細嫩;魚下墊有用檸檬汁、橄欖油拌好嘅牛油果,另放有水菜苗、日本檸檬豉油汁,再加上面層嘅韓國泡菜口味雪糕,層次即時遞增。

小龍蝦薄片配奇亞籽西柚汁啫喱及金桔泡沫
非常清新嘅組合,以烹煮過嘅奇亞籽,配上西柚汁製成嘅啫喱、用魚露調味嘅泰式柑柚、三文魚籽及金桔製嘅泡沫,為小龍蝦嘅鮮味畫龍點睛,清怡好吃!

阿拉斯加蟹腳天婦羅扁意粉伴特製辣味蛋醬
先將部分阿拉斯加蟹腳拆肉,較肥厚嘅蟹腳肉則用來製天婦羅;前者放到扁意粉同煮,另拌上魚露、豉油、辣椒、雞蛋製嘅醬汁,微辣而鹹中帶甜,足以豐富你嘅味蕾!

慢煮澳洲羊架配南瓜蓉、茄子田樂燒及黑蒜羊骨濃醬

將羊架慢煮過後烹煎,盡嘗嫩軟羶香,伴以羊骨、雜菜汁與黑蒜煮成嘅醬汁,別具風韻!

慢煮法國鴨胸伴香脆羽衣甘藍及鴨香酸甜汁
法國鴨胸經慢煮後輕煎外層至皮脆香酥,附隨牛蒡蓉、小蘿蔔、炸過嘅羽衣甘藍,並以鴨骨、雜菜汁及酸梅特製嘅醬汁點綴,讓酸甜有致嘅滋味充分解膩! 


AZIZA EGYPTIAN AND MEDITERRANEAN CUSINE (西環)  
一間家庭式埃及小店,裝飾得好有特色, 焦點都落在兩幅巨型壁畫上,一邊係獅身人面像,另一邊係金字塔和尼羅河風光,設計簡潔得來很貼題。老闆兼大廚Chef Mohsen係土生土長嘅埃及人,出身自飲食世家,家族幾代都係廚師,他年輕時於埃及駐英國大使館任大廚,曾為查理斯王子下廚,質素有保證!老闆更堅持選用埃及貨,做出百分百當地口味。更最窩心嘅係用餐完畢後,店員會為每位顧客送上一杯香濃薄荷茶,讓大家Refresh一下味蕾,真係貼心!

香蒜酸乳酪 (Labna)
甜美嘅乳酪加入自家調味料同優質橄欖油打成蓉,配自家製嘅中東彼得包吃,入行蒜味香濃,味道清新,夠曬滋味!  

中東烤羊肉捲 (Shawerma Lamb)
用紅辣椒粉及秘製香料等為羊肉調味,再用鐵板將羊肉烤熟,羊肉鮮嫩彈牙,配埋沙律菜同特調醬汁一齊食,係一道充滿濃郁香料芬芳又帶有啲阿拉伯地區神秘風味嘅菜式。


新鮮魚柳伴有機蔬菜及特製香料 (ORIENTAL Talabia Fish) 
魚柳肉質結實,配埋秘製香料同新鮮嘅有機蔬菜食,幾refreshing,大廚仲推介可以同印度飯一齊食!

燒羊肉架 (Lamb Racks)
羊架用秘製醬汁同香草我悉心地三過,入口軟腍,不會太羶,配埋沙律食,味道唔會太複雜,更可沾上中東嘅芝麻醬一齊食,增加味道層次!

有機青豆燴牛肉 (Green Peas with Beef)
用料非常豐盛,當中包括有機青豆、牛肉、紅蘿蔔、薯仔、洋蔥同埃及番茄醬等,主廚推介可與由粗麵粉做成嘅自家製古斯米一齊食,古斯米做法繁複需時約5小時,口感類似麵包糠,配多醬汁嘅菜式食,非常適合!

Ocean in Pot (西環)      
餐廳位於堅彌地城海畔,主打各類海鮮,善於演繹西式海鮮餐飲嘅鮮甜美味;同外國嘅餐廳一樣咁chill, 可以望住風光優美嘅西環海旁吹住海風,享受樂也融融嘅愜意時光!另外餐館老闆非常愛狗,好貼心地所有餐具都使用鐵具,保障「小朋友」嘅安全!仲提供一系列嘅狗狗特別菜式,如牛排,雞排和冰淇淋等,啱哂「狗奴」同埋家長帶小朋友嚟!

葡式海鮮湯飯 Portuguese Seafood Rice
使用每日新鮮採購嘅本地海鮮炮製,食譜更係店主係葡萄牙出差時由當地同事手中得到嘅傳統葡萄牙食譜,味道非常正宗!

招牌海鮮意粉 Pink Ocean Pasta
海鮮份量十足,味道鮮甜,配上特製嘅粉紅色奶油醬,更加係最佳拍檔,仲啱晒打卡!

白酒煮大蜆意粉 Clam Ocean Pasta
鮮甜大蜆份量十足!香濃白酒汁、意大利番茜碎,加上意粉煮到啱啱好al dente嘅意粉,口感一流!入口味道層次非常豐富!醬汁沾自家製蒜蓉包食味道一流!

美式芝士牛肉三文治 Philly Cheese Steak Sandwich

新鮮牛肉經過醃製,加埋紅椒、聽朝同洋蔥烤過後,淋上大量費城芝士,辣得來又有芝士嘅香味,非常惹味,係邪惡又大滿足之選!

招牌海鮮鍋 Ocean Seafood Pot (為保持海鮮新鮮,建議至少一天前預訂)
廚師會為已預訂嘅食客前往 香港仔魚市場購買時日海鮮,招牌海鮮鍋份量非常豐富,當初包括鮮鮑魚、帶子、虎蝦、大蜆、鮮蟹等,再用上自家製雞湯烹煮,務求讓食客食到最新鮮嘅海鮮,仲可以沾上自家製辛辣海鮮醬一齊食,增添風味。

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異
關鍵字
異國料理
特色料理
異國風情
superfood
飲食潮流
埃及菜
埃及
飲食世家
Blue Monday
西環
乳酪
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
享受微醺週末!居酒屋新風潮!(2)
2019-06-05
不可不試 高質日菜餐廳推介
2019-06-13
飲飽食醉意式風情餐廳
7天前
啖啖肉大滿足!
2019-05-29