享受微醺週末!居酒屋新風潮!(2)
2019-06-05
嚟緊Long Weekend,又係時候約埋三五知己聚一聚,聊聊心事,但去西餐廳又怕吵到人、去朋友屋企又怕打攪人?想搵個可以飲飽食醉,食物又有質素嘅地方?咁以下嘅居酒屋就最適合不過啦!

穴の酒販 (將軍澳)      
LUBUDS 餐飲集團旗下新派日本料理. 集團破天荒首創前 “舖” 後 “居”嘅全新經營概念 希望透過前舖販賣過百款日本產酒搭配後舖以串燒及燒物為主嘅居酒屋 為顧客提供一站式消費體驗. 當中嚢括多款香港獨家專賣清酒, 更特設難得一見嘅日本酒品酒機, 讓顧客可先試後買。 有別於以往單純經營居酒屋, 係次破格加入零售元素, 不單止希望帶動港人享受日本人工餘嘅居酒屋消遣文化亦希望顧客可以將在穴の酒販所感受到嘅輕鬆自在一拼入樽外帶回家。食品方面以佐酒佳餚為主題, 以極罕食材創作出一款又一款嘅經典燒物及刺身。

鹽燒長崎赤鯥
赤鯥被譽為白身魚嘅絕對頂級魚與北海道深海魚王喜之次,一南一北,並稱兩大魚貴族,牠們嘅最大賣點就係油脂含量豐富因此非常適合最原始嘅烹調方法 - 鹽燒以保留鮮味更能帶出油香!

燒物 – 特大虎蝦
淡水長臂大蝦係世界上體型最大嘅淡水蝦, 其肉質結實, 鮮甜有嚼勁. 追求 “啖啖肉” 嘅朋友必不能錯過. 加上頭部肥美嘅蝦膏更係同類中無可匹敵, 定能令一眾食客過足口癮!

函館產原隻魷魚配海膽醬油

函館係北海道主要嘅港市而魷魚更係函館重要嘅漁產有著魷魚之都嘅美譽由於函館市有嚴格保育海洋及漁產規定,魷魚捕撈解禁為每年6月, 因此函館產魷魚狀態極佳且肥美鮮甜. 魷魚刺身則最能保持其鮮味, 將魷魚切成麵條狀適量地蘸上海膽醬油提鮮, 其滑不留口而又帶咬勁嘅口感令人一試難忘!  

鹿兒島4% 奇蹟之牛
此乃和牛界極品中嘅極品! 日本每年生產嘅和牛當中只有4%能夠成為「4%奇蹟之牛」。當中穴の酒販更推行近年業界推祟備至嘅Farm to Table 概念, 帶給食客一次革命性嘅飲食新概念.意旨把新鮮食材從在地農場直送餐桌。除了可確保這些食材嘅品質, 食品安全,並以環保和可持續方式生產外, 食客更不係單單享用佳餚而係深切體會美食背後嘅一個完整誕生故事,將飲食昇華到另一個層次!

天勝 (銅鑼灣)  
由前日航酒店日本餐廳行政總廚伊藤師傅主理嘅居酒屋,裝潢較典型和風格局,店肉有吧位及散枱,食材九成多來自日本,每日供應十多款時令刺身,及伊藤師傅擅長嘅和食。菜式有一種日本家常菜嘅味道,難怪成為居港日本人同附近寫字樓客嘅思鄉好去處!

(季節性)北海道馬糞海膽
正所謂不時不吃,每年3 月至6 月係海膽當造嘅季節,伊藤師傅家鄉嘅北海道出名海膽又靚又肥美,無論做壽司,手巻定刺身都咁吸引!海膽片片完整不溶,新鮮肉厚肥大!一啖食入口,海膽瞬間係口腔中化開,甜美到沒法形容! 

燒麵豉茄子
一道日本人氣超高嘅即叫即燒和食,日本米茄子燒熟後口感軟綿綿,再加上甜甜地嘅白麵豉醬同蝦肉,非常惹味!

燒榮螺
係日本超Hit嘅一款海鮮-榮螺, 新鮮空運到港嘅榮螺熱辣辣地新鮮原隻燒,完全唔洗沾醬!螺肉入口勁鮮甜,烤完喝埋啖原螺湯汁,海鮮迷一定勁滿足!

溫泉玉子潺菜 
夏季當造嘅日本潺菜,含有大量嘅β-胡蘿蔔素同多種維生素,配上口感滑嫩嘅日本溫泉蛋,入口涼快,係炎熱夏天中恢復疲勞嘅好選擇! 

炸雞肉
選用啖啖肉嘅雞腿肉,薄薄嘅粉漿,一啖咬入口皮脆肉嫩,好juicy,唔會油膩感,味道啱啱好!

心動不如行動!有興趣就快啲約埋三五知己去嘆下美食啦!快啲bookmark定啦!
更多居酒屋推介: https://s.openrice.com/QrbcA0nO000

*以上圖片只供參考,所有食品以實物為準. 食品供應因餐廳而異
關鍵字
居酒屋
旺角
芝士
清酒
日本
辣椒
美食
海鮮
定食
海膽
LUBUDS
喜之次
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
享受微醺週末!居酒屋新風潮!(2)
2019-06-05
不可不試 高質日菜餐廳推介
2019-06-13
飲飽食醉意式風情餐廳
2019-06-20
啖啖肉大滿足!
2019-05-29