不可不試 高質日菜餐廳推介
2019-06-13
中上環一向都是係港人嘅週末好去處,不過除了行大館同畫廊之外,附近其實都有唔少特色餐廳值得一試㗎!今次讓小編就同大家就訪上環一帶,尋找上環美食好去處!今個週末不妨放低令自己喘不過氣嘅工作,嚟品嚐美食之餘,過一個庸懶休閒嘅下午呀!

Tanigawa (上環)    
位於酒店內嘅「Tanigawa」,有格調又有高私人度。由前四季酒店日本餐廳行政總廚日本藉師傅Shigeru Tanigawa主理,以高級日式料理為主打,主要提供精緻嘅廚師發辦 (Omakase お任せ),以最基本嘅方式烹調出最新鮮嘅食材,店內所有食材都有一半食晒,碟碟都擺碟精美,配搭特別,每碟皆可見師傅嘅用心! 今次小編就試咗近期嘅廚師發辦套餐入邊嘅幾款:

(季節性)露筍 魚子醬 魚珍味
和食加上魚子醬同發酵鰹魚醬,配搭非常新鮮,和風得嚟又有fusion感!

(季節性)吞拿魚 白身魚海膽 刺身 鰻魚壽司
店內水產皆由日本空運新鮮直送,保證新鮮,入口鮮甜美味!

(季節性)牛蒡 香草炸 喜之次魚
用筷子夾開魚皮,隱約聽到炸脆嘅聲響,配着草藥鹽同蘿蔔蓉吃,分外鮮嫩。再配埋炸牛蒡一齊食,仲有助油膩感!

(季節性)和牛 蕃茄 鉄板燒
牛脂分佈均勻,師傅巧妙咁煮到啱啱好,表面酥香,質地柔嫩多汁,入口肉味濃郁,油香突出!

(季節性)無花果 抹茶雪糕 樹苺
用頂級日本抹茶粉去做,細緻滑溜,甜中帶微澀,奶香茶香並重嘅抹茶雪糕,加埋無花果蜜餞同紅豆蓉,係大餐嘅Prefecf Ending!  

Mr. Teppanyak (尖沙咀)   
鐵板先生以主打日式鐵板燒,晚市供應多款價位嘅鐵板燒套餐給客人選擇,店內設有新鮮水缸,海鮮即食即活捉,保證新鮮。師傅會於吧檯烹調鐵板料理時同客人互相交流、確保食物啱客人口味!亦用上十多款材料自家調製醬汁比客人選擇,非常有heart!

鐵板活龍蝦
師傅會即時係魚缸捉龍蝦出來,保證新鮮!更會問客人需唔需要影相呃like,非常貼心!師傅仲刀功一流,簡單咁用兩個小剷就可以將龍蝦清理好,蝦肉塊塊大小一樣,切件成個過程令小編目不轉睛!龍蝦香到令人食唔停口! 

北海道帶子皇
日一斤得兩隻,手掌咁大隻嘅新鮮北海道帶子皇,簡單地加入清酒、豉油、鹽、 胡椒等煎至外脆內軟,香氣撲鼻,入口鮮甜無比!

香煎銀鱈魚
師傅有功架咁將銀鱈魚煎到色澤金黃又香口,魚皮超脆魚肉嫩滑,仲帶點juicy,配上微酸嘅醬汁,仲可以提升銀鱈魚嘅鮮甜味!

南非活鮑魚 
鮑魚原隻係客人面前即剝殼即燒,富有濃濃嘅天然海水味,簡單撒上海鹽同黑椒 , 再加上清酒炒 香同切粒 , 入口鮮嫩彈牙 ,啖啖清新海水味 , 還有微微酒香, 肉質爽彈牙,又鮮又香 !

馬來西亞黃金老虎巨蝦
馬來西亞黃金老虎巨蝦隻隻都近一尺長,出名爽口、鮮甜、蝦膏!師傅手勢純熟咁將蝦頭同蝦身分開, 三兩下動作就將蝦殼完全起出來,蝦肉肉質鮮甜彈牙又鮮甜,蝦頭嘅蝦膏被煮晒出嚟,沾係烘過嘅白麵包上一齊食,勁香濃惹味!小編真係食到停唔到口!


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異
關鍵字
鐵板燒
日式
套餐
新鮮
自家製
龍蝦. 高私人度
高級日式料理
Omakase
廚師發辦
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
享受微醺週末!居酒屋新風潮!(2)
2019-06-05
不可不試 高質日菜餐廳推介
2019-06-13
飲飽食醉意式風情餐廳
2019-06-20
啖啖肉大滿足!
2019-05-29