JC Room係我一直支持既小店之一，一直用心出品，每次同朋友屋企人黎食都捧住肚仔非常滿足👍😋🤤 頭盤叫左半打生蠔，生蠔爽口鮮甜，值得推介。今晚叫左兩個dinner set，點了蘑菇湯同煙三文魚沙律🥗，相當開胃。 白酒忌廉汁紐西蘭鑽石蜆意粉 $178，店員今晚推介，食落醬汁豐富又creamy，鑽石蜆好大隻，鮮甜同爽口，加上意粉簡直絕配。 香烤香草紐西蘭羊架$258，今晚我地叫左5成熟，成數啱啱好，保持一貫既水準，羊架肉質鮮嫩多汁，沒有羊羶味，另外加15蚊可以試埋推介既芝士忌廉焗薯。 最後甜品同樣出色，我地叫左tiramisu，tiramisu好香咖啡味，口感豐富同充滿茶味既伯爵茶焦糖燉蛋，甜品原來係老闆親自出馬架👍👍😋 PS：店員親切有禮，十分細心，食物有質素，用心小店，值得支持💪💪☺️