影片
更多
2014-07-23
2014 瀏覽
第一次寫食評，請各位多多指教m(__)m今次試寫既係又一城GREYHOUND。又一城既GREYHOUND不嬲都出名排長龍。最近響太古城開左新分店，諗住依邊會少D人啦，點知都係好多人排隊！好彩係個FD黎拎位先，遲到既我一去到就有得入去食，哈哈。個晚我地剩係叫左兩個主菜：一個辣牛肉沙律同黑色既水牛芝士漢堡包。最鍾意食酸酸辣辣既泰國菜，個沙律真係好醒胃。水牛芝士漢堡包應該係依間鋪頭既限定MENU，個牛肉漢堡真係好JUICY～而黎到GREYHOUND點可以唔食甜品！之所以剩係叫兩個主菜（雖然份量都幾大），就係為左試真佢地個甜品。雖然窩夫都好想食，但係千層蛋糕賣相真係好好，結果我同朋友一人揀左一件。朋友揀既椰子味，入面真係有新鮮椰肉！正～我揀既雜莓味，澎湃既莓子令到D忌廉升華到有芝士味，勁。食完個甜品，成個人都滿足晒呢～個晚兩個滿懷心事既少女坐埋一齊，就梗係想促膝詳談，可惜真係逼左少少，幾驚俾前後左右隔離檯聽到啊。不過個裝修其實幾OK，我聽朋友講，牆上面既MENU係泰國DESIGNER專程過黎香港手寫上去，即刻有FEEL左～
今次試寫既係又一城GREYHOUND。
又一城既GREYHOUND不嬲都出名排長龍。
最近響太古城開左新分店，
諗住依邊會少D人啦，點知都係好多人排隊！
好彩係個FD黎拎位先，遲到既我一去到就有得入去食，哈哈。
個晚我地剩係叫左兩個主菜：一個辣牛肉沙律同黑色既水牛芝士漢堡包。
最鍾意食酸酸辣辣既泰國菜，個沙律真係好醒胃。
水牛芝士漢堡包應該係依間鋪頭既限定MENU，
個牛肉漢堡真係好JUICY～
而黎到GREYHOUND點可以唔食甜品！之所以剩係叫兩個主菜（雖然份量都幾大），
就係為左試真佢地個甜品。
雖然窩夫都好想食，但係千層蛋糕賣相真係好好，
結果我同朋友一人揀左一件。
朋友揀既椰子味，入面真係有新鮮椰肉！正～
我揀既雜莓味，澎湃既莓子令到D忌廉升華到有芝士味，勁。
食完個甜品，成個人都滿足晒呢～
個晚兩個滿懷心事既少女坐埋一齊，就梗係想促膝詳談，可惜真係逼左少少，幾驚俾前後左右隔離檯聽到啊。
不過個裝修其實幾OK，我聽朋友講，
牆上面既MENU係泰國DESIGNER專程過黎香港手寫上去，即刻有FEEL左～
張貼
