今日經過佐敦，到了位於佐敦地鐵站附近的尚鮮海鮮料理試一下他們的串燒.我試了他們的串燒套餐，入面有連殻燒生蠔，生蠔大大隻，燒完後蠔汁仍鎖住裏面，另外，套餐中還有燒蝦及燒獅子狗，燒蝦的時間亦是剛好鎖住海鮮的鮮味，值得一讚👍🏻套餐中還有燒牛舌及燒牛柳，牛肉的味道很濃郁，燒出嚟沒有牛肉的蘇味，非常值得推介。 除了串燒外，我們還點了一碗毛血旺，最特別的是湯或並不是我們經常食到的血紅色湯底，而是該店自己調較的毛血旺湯底，湯底帶麻，可以一試，而當的配料有；牛柏葉，豬潤，青瓜，豬皮等選料，這些都是較索湯的材料，比較開胃。 最後，服務員的態度都幾好，會細心為客人講解餸菜及推介是日之精選菜

平日我除左去茶餐廳食午餐之外，間唔中我都會去食下車仔麵，講起車仔麵，可以算係香港經典本地平民美食嘅表表者，除左選擇豐富，又可以按各人嘅口味配搭出自己獨特的車仔麵， 今日趁疫症稍為緩和，就入咗粉嶺試左間好好味的車仔麵，阿四車仔麵的咖喱魚蛋，吉列生蠔和酸齋最受歡迎，而佢嘅樽仔奶茶簡直令人一試難忘，而佢嘅車仔麵的湯底十分濃郁，又有沙嗲醬，腩汁同辣醬選擇，我叫左個招牌麵有成9款配料，豬大腸清潔得好乾淨，完全無臭味，最愛係蘿蔔，大大嚿仲好清甜添。 另外餐廳裝修佈置簡潔光猛，佢嘅價錢便宜之餘，食物的質素也十分不錯！所以下次大家去開粉嶺記得一試呀！

今日難得放平日，出咗銅鑼灣食晏.....近排掛住煲愛的迫降，韓隱又起，一於去食炸雞😋 前菜： 出面有泡菜同粉絲任拎，味道都正常 首先講吓主角炸雞先，我哋揀咗蒜香醬油炸雞。 濃濃醬油味加上熱到辣手嘅炸雞，真係無得輸🤤由於係中午套餐嘅關係，炸雞相對冇咁多，兩個人真係啱啱好👍🏻 平時食炸醬麵就食得多啦，今次見到有炸醬年糕，即刻要試一試👍🏻 我覺得年糕係比一般比較細條啲，每舊年糕都掛上醬汁，已配料亦都有好多種類 例如有菇，薯仔，魚片等。樣樣都有得食下，唔使咁膩。 最後我哋仲叫咗一個招牌薄餅，我自己覺得係Pizza同埋韓式薄餅嘅混合版本，個餅底厚度好適中，而配料主要係沙律菜，又係非常夾，值得推介👍🏻👍🏻👍🏻👍🏻

今天經過荔枝角D2 place （地點十分方便，鄰近荔枝角地鐵站，只需行5分鐘）,見到這間廚十三酸菜魚被裏面的餐牌所吸引，餐牌裏面的菜色全都是用特別的名字作涼拌的名字！涼拌方面我點了碧綠萵筍及青椒土豆絲，碧綠萵筍切得非常薄但食落很脆口，味道不是很濃但很清爽！另外我點了青椒土豆絲，平時一般的土豆絲都是涷食，但這款是熱食，而且味道有點酸，十分開胃！煮食亦點了一個老壇酸菜魚，魚質非常滑，而且香口，我加了午餐肉，蓮藕，粉絲，木耳，豆皮於酸菜魚中，這些配料滲入酸菜魚湯中，令配料變得非常好味！而且酸菜魚可以選擇自己喜歡的辣度，配合自己的口味，我選擇了小辣，另外酸菜魚感覺不太油膩，不像平時大陸食開嗰啲，非常值得推介！

今日經過積存街，地點十分方便，由大圍站行過來只需10分鐘，到了這間酒吧餐廳晚餐。兩個人點了一份鴨胸沙律，牛扒及龍蝦意粉。鴨胸沙律食落較為清新，蔬菜亦非常新鮮。但我覺得牛扒才是這間餐廳的主打，牛扒我點了五成熟，非常香的牛肉味，肉汁亦鎖住在牛肉中。但我覺得最特別的是，牛扒配焦糖菠蘿，令到整個配搭不太油膩。而且薯角亦是新鮮炸起，非常好味。龍蝦意粉的龍蝦是否先用芝士焗過的，亦值得一讚！這間店舖是酒吧西餐廳的關係，因此有雞尾酒類的飲品，非常特別。我另外點了一杯青蘋果梳打，有龍龍的青蘋果及檸檬酸味，亦可另整餐感覺不太肥膩，而且特別開胃！另外我朋友亦點了一杯本地製造的生碑，生啤入口甘甜，和一般啤酒不同，非常值得推介大家一試！

情人節又到啦， 唔想食西餐比人劏... 有一個好選擇 就係食日本野啦😃 今日一早知道係港島呢邊放工，即刻上網預約左間日本小店😃 入到去雖然地方唔係好大，但佈置方便都花咗好多心思，座位都坐得好舒服👏🏻 講下招牌菜黑松露忌廉海鮮湯烏冬，唔好睇佢個樣細細碗，其實係超多料🤣 有2隻大元貝同埋好多三文魚肉。 烏冬方面係比較扁身彈牙，每一啖都掛滿湯汁。 黑蒜灸燒極濃黑豚肉拉麵亦係招牌菜之一， 成碗好濃蒜味同醬油味，岩哂我呢d重口味人士😃 由於兩款主菜都好唔錯，所以我哋仲叫左好多小食😂 鹽燒白鱔同三文魚腩串都係值得一讚， 由於係燒既關係，魚油味好特出， 好香👍🏻👍🏻 另外明太子雞翼又係好抵食，咬開裡面塞滿左明太子， 食完一隻已經好飽。 呢間店一定會再幫襯，希望仍keep到咁好既水準😋

今日同個朋友黎到銅鑼灣金百利廣場既緣味小聚餐廳。 尼到主打係海鮮蒸氣火鍋。我地每人都叫左一個套餐黎試下。 食物黎到了仲有專人幫你蒸埋，再分配好。免郤了很多處理及蒸煮既煩惱。因為唔係每個人都清楚各式海鮮及百寶飯既最佳蒸煮時間。頭盤先蒸帶子、鮑魚同西蘭花。伙計們仲幫我地處理好鮑魚唔食得既內臟，非常細心。然後到貴妃蚌， 蜆，聖子，金菇，海蝦， 龍躉片。都好新鮮嫩滑。最後到八寶飯，可以自選八款唔同配料。 隨你所好。有別於一般打邊爐，食完都唔會覺得熱氣，喜歡食海鮮既朋友可以試下。

呢間餐廳係同事介紹畀我 所以我哋今日就決定嚟試下 呢度都好多餐廳但係呢間餐廳嘅裝修都幾吸睛 入到去坐低咗係可以睇到廚師煮嘢食嘅高臺位置 店員介紹我哋可以試下黑板上面嘅四點盛(分別有帶子,甜蝦,伊左目同埋油甘魚) 刺身好快嚟咗 店員介紹我哋可以由味道淡嘅開始食起 咁就會食得出食物嘅鮮味 帶子會有啲檸檬片夾住食起嚟嘅時候就有淡淡嘅檸檬香 甜蝦係新鮮 仲幾大隻 好彈牙而且味道非常鮮甜 之後第三款我哋就食伊左目 呢咗魚平時都比較少聽 食起嚟係淡淡啲嘅味道 但係都係爽口 唔錯唔錯 最後就油甘魚 好多油脂 期間我哋就嗌咗個沙律嚟食 醬汁酸酸甜甜 之後我哋就要左兩個煮物 醬煮茄子 同埋櫻花蝦炸豆腐 完全食得出師傅嘅手藝 將子茄子軟硬適中 味道亦都啱啱好再喺上面放埋少少木魚絲 提升啲香味 櫻花炸豆腐 豆腐熱辣辣之後再配合佢嘅醬汁以及櫻花蝦脆卜卜 多重口感 等候期間亦都見到師傅用個炭爐加熱鱈魚絲畀其他食客 我哋都忍唔住問下有咩菜式係可以用呢個炭爐燒 就叫咗呢個用炭烤細鯛魚 用炭爐燒真係零舍香 其實都係鯛魚一種不過就細條啲 配埋少少檸檬汁已經好好味完 全唔會腥 夠曬新鮮 我哋要咗呢一隻清酒配呢個魚 其實都係店員介紹 酒係有淡淡嘅香味就非常之好飲 真係好似佢所講有 淡淡嘅清香 當你入口嘅時候呢佢就有清酒嘅味道但係當只要經過喉嚨之後佢哋味道就揮發晒 唔會影響你食下一啖食物口感 食到都飽飽哋我哋就叫咗幾串串燒同埋烏冬 特別鍾意呢個車厘茄豚肉串燒 食起嚟外面香內面又有汁 凍烏冬亦都好有驚喜 麵身係煙韌度十足亦都煮得非常好嘅時間如 醬汁配埋少少細蔥,紫菜同鵪鶉蛋 可能會覺得有啲熱氣食埋呢個烏冬就可以舒緩返啱唔啱 店員請左甜品我哋 食得出好香嘅黑糖但又覺得唔係淨黑糖咁簡單 店員同我哋講而家九點之後有7款清酒都做緊買一送一優惠 呢到食物有質素 服務幾好 店員會為你介紹食法 煮法 傾下偈真係一流

巧手車仔麵 平時都好少特登去食車仔麵 但見屋企附近有間幾多好評嘅車仔麵於是去試下。 我同老公每人都嗌咗啲唔同嘅嘢食一齊試，我叫咗呢度最出名嘅金蟲草野菌養生湯底，老公就叫咗黑椒豬肚湯底; 嘢食嚟到之後我哋第一時間試咗個湯先我個金蟲草湯顏色都幾濃郁，味道幾好清甜，老公嗰個就少少辣，味道啱啱好; 車仔麵嘅餸我哋叫咗陳皮魚蛋、牛丸，牛腩，豬軟骨、冬菇等， 特別值得讚嘅係牛丸同牛腩，牛肉咬落去幾多肉汁，而牛腩好入味同好淋身， 我哋仲另外叫咗小食，有酸齋，豬手同埋鮑魚， 酸齋同豬手呢都幾好食，同埋份量都幾大，兩個心都夠，其實都係貪得意叫鮑魚試下，覺得食車仔麵有鮑魚都幾招積🤭 整體嚟講呢呢間車仔麵都做得幾有心，有好多款式選擇都食得出佢哋有精心炮製嘅湯底同配料，所以如果放工想快食嘅話，榕記都應該係個唔錯嘅選擇。

今日去左旺角行街，朋友話好想食韓國炸雞。即刻上網搵資料，見到附近有間韓國鋪頭主打新推出90分鐘任食炸雞，炸雞師傅來自李家炸雞，即刻決定去試一試😋 炸雞口味有以下呢5款，各款都有唔同特色 薑蔥味：估唔到薑蔥口味配炸雞係咁夾，有好多香蔥配埋一齊食，中韓合壁 甜辣味：有啲似食緊咕嚕雞球，醬汁都幾多，酸酸甜甜非常開胃。 秘製醬油味：呢隻係我大愛，濃濃既醬油味，岩哂我呢啲重口味人士 芝士味：成舊雞都被芝士粉包住，每一啖都有好重嘅芝士味，但係由於佢係用芝士粉而唔係用芝士醬，所以感覺唔會太肥膩 蜜糖味：蜜糖嘅清甜配埋炸雞，真係一口接一口咁追住食。 其實除左炸雞醬汁好出色之外，雞肉都好嫰滑多汁，外脆內軟😋 另外我哋仲叫咗辣豆腐湯，個湯我覺得好鮮甜，望真啲，原來加咗啲蜆肉去煲，唔怪得咁鮮味👍🏻👍🏻👍🏻