蘭苑饎館

營業中

休息中

由於鍾意食果仁，所以食甜品都愛吃合桃露、腰果糊或者杏仁露。今次因為睇到食評話呢度有開心果糊，所以特別走來一試。餐廳除了太子外，還有分店，而且甜品外亦提供家常小菜。講真，個賣相係麻麻地，綠色杰撻撻好似鬼口水咁。我諗大家都食過開心果(通常農曆新年)，都知道開心果都有啲綠綠地色，但我無諗過磨出來都係咁綠～味道方面，係基本糊嘅甜味加上開心果味道，會食得到開心果咸咸地嘅味道，糊身無合桃糊咁杰，而且無合桃糊或者杏仁糊咁香，可能開心果本身就無咩香味。可以一試，不過我自己比較喜歡合桃糊多啲。後來才發覺呢度獲得2014米芝蓮推薦餐廳之一呢！