📍 東涌/尖沙咀 i CREMERiA ［東涌達東路20號東薈城名店倉2樓263號舖］記得係profile㩒入條link睇下附近有咩好西啊😉 因為一啲事而入東涌，發現可能因為地大而啲餐廳分布得好廣，東薈城附近就冇咩真係好吸引到我嘅餐廳🥲所以就想試吓呢間，然後發現原來尖沙咀都有分店😆😆 叫咗lunch set 蕃茄鮮蝦意大利麵（$～88）+叫埋卡邦尼意粉（$～68），因為係lunch set所以有雪糕送😆😆😆 👍🏻：卡邦尼意粉非常濃郁，絕對唔輸俾街外其他Cafe🤤🤤而且因為呢間餐廳專賣雪糕，無論係雲呢拿雪糕定係抹茶雪糕，都非常creamy 而且抹茶味好濃🥰🥰🥰 👎🏻：相對之下個蕃茄蝦意粉就略為失色，係急凍蝦，而且蕃茄味唔算好濃就有啲失望🥲 如果大家想食一個有高質甜品嘅lunch，呢個會係一個唔錯嘅選擇👌🏻👌🏻

📍 尖沙咀 巴辣仔烤魚雞煲［尖沙咀加連威老道58-60號1樓幸福大廈地下］ 之前偶爾路過入去試伏，之後成日心郁郁想食麻辣肥仔嘢就會嚟呢度🫣🫣一試成主顧，算係我珍藏名單嘅top 3餐廳 佢lunch 同下午茶套餐都好抵，我嘅最愛就係水煮牛肉配米線（$58）+原條烤魚（$78花鱸魚+$5蓮藕+$5 菇） 👍🏻：呢個價錢可以食到烤魚餐就真係冇咩可以挑剔😉😉條魚煎過先上烤盤，所以好吸汁🤤🤤可以見到好多辣椒同埋花椒，所以鍾意食麻辣嘅人真係要試下，非常夠味🥰🥰湯底、魚、薯粉都係可以轉，試過酸菜位湯底同埋米線都唔錯😆😆水煮牛肉雖然都係麻辣底，但係味道完全唔同，而且牛肉超級滑，極力推薦👍🏻👍🏻👍🏻 👎🏻：lunch set真係好抵食，但係晚餐個價錢完全係另外一回事，推薦大家lunch去食多d 整體味道、環境、cp值都好好，如果大家都鍾意麻辣肥仔嘢真心推薦😉😉而且佢係深水埗、上水、粉嶺、大埔、荃灣都有分店，新界人真係好幸福🥰🥰

📍 觀塘/牛頭角 樂園粉麵專家［觀塘牛頭角道319號地下］記得係profile㩒入條link睇下附近有咩好西啊😉 今次又係平民良品😂話說我係因為mirror嘅frankie推薦先試呢一間😂佢係牛腩河專家，專家推薦到就試下啦🫰🏻 今次叫咗牛筋牛腩河（$39）+特色經濟套餐b ［金錢肚河+油菜+可樂］（$48） 👍🏻：雖然d相睇落好淡而無味咁，但係其實鹹香十足，每樣餸都滷到日哂味🤤🤤 超級推薦牛筋同金錢肚，完全唔騷又重牛味，而且唔係咬唔開個種👍🏻👍🏻呢個價錢呢個質素真係冇介紹錯😆😆算係街坊平價之選，出餐快、價錢公道、味道有保證 👎🏻：雖然呢個價錢我都唔會expect好好景，但係環境就真係好一般…所以見到好多人買外賣而唔係堂食😅 其他野食都不過不失，都見到多人叫炸魚片，下次可以試下，應該會再encore😉😉

📍 旺角 💛 鳳鳴居 💛［旺角西洋菜南街138號地下2號舖］ 旺角好多好西大家都知，但係真係好食嘅可能就…呢間上水開到嚟旺角，應該值得一試🤤🤤 今次叫咗醉香雞湯麵（$52）+喇沙雞湯麵（$52）+蒜蓉辣辣雞翼尖（$21） 👍🏻：醉香雞湯酒味算重，但係balance得幾好，就連我呢個麻麻地酒味嘅人都覺得唔錯🤤🤤喇沙湯底幾香椰奶味，唔算好辣，喇沙就配雞髀所以雞肉超滑，冇得頂👍🏻👍🏻米線係偏爽口滑身，都值得一試🤤🤤雞翼尖完全係元朗x仔個陣味 👎🏻：唯一唔好嘅可能就係醉香雞唔係雞髀位，所以有dd鞋 見到都多人叫炸魚皮，大家不妨trytry😉😉平日6:30左右已經要等位，真係高人氣

📍 觀塘/深水埗 💛 豪隍點心工房 💛［觀塘敬業街65-67號敬運工業大廈1樓A室］記得係profile㩒入條link睇下附近有咩好西啊😉 呢間係我私人珍藏🫰🏻我真係好鍾意飲茶🤤🤤次次想飲茶就會食呢間，因為呢間水準太高搞到我食唔返其他普通嘢🥲🥲 今次叫嘅嘢都係我珍藏list入面嘅items🤤🤤🤤而且有得叫兩粒咁樣叫，唔驚少人食唔曬，又可以試多d嘢🤤🤤 燒賣（$25） 蝦餃（$25） 叉燒腸（$28） 炸饅頭（$23） 鳳爪（$25） 茶介（$6/人） 👍🏻：價錢公道，$25/2粒燒賣/蝦餃好似好貴，但係size有成個拳頭咁大，又特別多蝦，個人覺得必叫🤤🤤鳳爪係辣辣地又濃味，皮糯而不膩，炸饅頭表皮脆卜卜點煉奶啱啱好，叉燒腸亦都皮糯餡香，唔係好粉嘅個種👍🏻👍🏻我之前試過其他點心，尖椒茄子、春捲、蘿蔔糕、桂花糕其實都好好食🤤🤤🤤🤤🤤而且真係良心店 👎🏻：雖然係我私藏名單，但係其實好有人氣，所以朝早到下午都要排隊🥲🥲而且有時候運氣冇咁好坐細臺，d點心就唔係好夠位擺

📍 anywhere 譚仔三哥米線 記得係profile㩒入條link睇下附近有咩好西啊😉 冇錯，我一開返堂食就去試新嘅老油條鴨血米線🫰🏻 叫咗水煮湯老油條鴨血米線（$42）同埋蒜辣雞翼尖（$15） 👍🏻：鴨血都係一貫水準，今次可以係老油條真係太好，因為我麻麻地豆卜🤤🤤蒜辣雞翼尖都ok，似蒜泥白肉個醬+少少辣+少少麻油咁，$15仲有咩好強求 👎🏻：雖然老油條都脆同好食，但係同米線一齊食就好似怪怪地咁😅 總結：可以一試

📍 新蒲崗 理想餅店［新蒲崗康強街32-34號康強洋樓A座地下7號舖］ 記得係profile㩒入條link睇下附近有咩好西啊😉 是但search下 #新蒲崗美食 都已經見到呢間餅店，近日烘焙狂熱，布丁包、脆皮麻糬、邪惡donut層出不窮，今日就黎試下呢間嘅出品🫰🏻 今次就叫咗朱古力同柯華田炸donut（$20/each）+鐵觀音黑糖麻糬鮮忌廉卷（$88） 👍🏻：炸donut真係做到爆漿，朱古力餡甚至有脆脆增添口感，十分打卡able🤤🤤鐵觀音卷麻糬煙韌，忌廉係完全唔甜但係有茶味，配合埋黑糖麻糬嘅甜度大概係手搖飲品微糖左右，係比較啱大人嘅甜味👌👌 👎🏻：話明係人氣餅店，要等真係基本，我今次就等咗大概45分鐘（唔計排隊），而且因為食唔到新鮮炸起嘅炸包，所以基本上成個包都係暖嘅，如果大家介意/想食冰火包就要自己留意，而且個包有d太甜太膩，一次食半個就已經差唔多🥲🥲我個人決定價錢真係有d進取，蛋捲長度同我隻手差唔多就已經$88，cp值唔多高🥲可能係我睇咗某kol嘅片所以對個蛋捲期望有d高，但係現實佢冇好meet到呢個期望，而且d cream好易融，蛋糕體太過實唔夠鬆軟 嚟開呢頭可以買下😉😉encore就未必啦，我覺得試過一次已經ok

📍 新蒲崗 雲川小鍋米線［新蒲崗衍慶街35號地舖］ 偶爾去新蒲崗，見到網上面d人話新蒲崗好偏僻好隔涉，但係其實好多巴士小巴都可以去到，大家唔好過分依賴地鐵啦🥺🥺，search #新蒲崗美食 搵到呢間米線，openrice評論唔多，似係街坊小店🫰🏻 叫咗雲川米線（$51+2麻辣）+肥牛米線（$49+2麻辣）+涼拌皮蛋（$22） 👍🏻：湯底應該係用魚煮，奶白色湯底稍稍可以聞到魚味，非常鮮甜易入口🤤🤤米線超級！滑！係我食過咁多間米線入面最滑！墨魚頭唔腥爽脆，都叫得過🤤 👎🏻：芫荽草青味太重，就連y我呢個芫荽愛好者都搞唔掂🥲腩肉略嫌有d柴，皮蛋個汁醋味太重，我就麻麻 小辣可能只係其他米線舖嘅bb辣，建議叫中辣😉😉真係街坊人氣小店，平日2點都要排下隊，湯底同米線真心出色，我會為咗佢哋encore

📍 觀塘 💛 龍鳳號 💛［觀塘駿業街56號中海日升中心2樓B鋪］ 本身係想去隔離個間台灣餐廳，但係個日冇開🥺🥺咁就去咗同一層嘅龍鳳號 去到大概12:30，唔算好多人🥲，叫咗古早味魯肉飯（$38）+大腸麵線（42）同埋鹽酥雞（$42） 👍🏻：在港台式野食嚟講，價錢唔算貴😉飯麵都係大概$40左右，滷肉飯調味不錯，肥肉充足，所以膠質豐富唔會乾晒柴咁👌汁水充足，唔會食食下得返白飯 👎🏻：調味偏甜（對於我嚟講太甜），所以特登叫姐姐攞豉油同埋辣椒油…🥲大腸麵線入面食到疑似鋼絲刷嘅鋼絲，而且大腸騷味好濃，唔係我期待嘅阿x麵線個種大腸，鹽酥雞裹粉有d厚，肥肉有d太多🥲少少失望 口味偏甜嘅朋友歡迎去trytry😉😉個人覺得不過不失，質素對得起價錢，但係唔會特別想去encore…

📍 旺角 紅豆烘焙 ［旺角上海街520A-522號］ 4點幾開始肚餓，想食少少輕食但係又唔知食咩好🤔🤔咁啱出開旺角就search#旺角美食 嚟搵好西，發現原來旺角都有近排大熱嘅布丁包，即刻trytry佢🤤 過到去已經5點，見到門口貼住3點出爐，以為已經買曬🥲 點知係另一邊仲有好多，叫咗一個焦糖布丁包（$18）+朱古力布丁包（$18） 👍🏻：成個包好香奶味，食落都係奶味香濃🤤🤤唔算太甜，大概半糖左右，包係用類似法包，所以外皮比較脆🥖朱古力可以食到少少嘅朱古力粒，整體反而冇焦糖咁甜，個人比較推薦焦糖多d 👎🏻：外皮有d太硬，少少界口，包擺耐咗會偏韌，要儘快食，收錢個度有少少混亂 人氣甜品嚟講價錢公道，又唔洗排隊，份量對得住價錢，行開朗豪坊不妨trytry😉😉