上次由於工作關係，嚟食過明太子手卷意粉，一直令我念念不忘，點知佢地話已經冇左手卷意粉😭既然嚟到就叫個lunch set黎試下啦

𝐒𝐞𝐭 𝐌𝐞𝐧𝐮:𝟑-𝐜𝐨𝐮𝐫𝐬𝐞 $𝟑𝟗𝟖 (𝐟𝐨𝐫 𝟐 𝐩𝐞𝐫𝐬𝐨𝐧)
**需加一**

前菜：🍅番茄忌廉湯 及 沙律 🥗（揀左各1） 番茄濃湯可以食到少少番茄蓉，好香香草味，唔會太酸、好易入口😋。沙律就冇咩特別，建議兩個前菜都揀湯。 𝐦𝐚𝐢𝐧 𝟏 🍤明太子鳳尾蝦闊蛋麵🍝 上次係食手卷意粉，相比起嚟闊蛋麵比較普通，同明太子醬唔太甲。明太子味再濃啲會更惹味，勝在啲蝦好新鮮，唔係雪藏蝦，加分唔少。

𝐦𝐚𝐢𝐧 𝟐 🌰堅果紫薯意大利飯🍠 好少見紫色既意大利飯，影相扼like啱晒📸，紫薯味就冇咩，比較似忌廉燴飯，但佢係有拉絲芝士㗎🤤。


𝐃𝐞𝐬𝐬𝐞𝐫𝐭 𝟏 🍫布朗尼蛋糕配棉花糖雲🍬 一大舊棉花糖蓋住brownies，淋啲熱既朱古力醬係中間等棉花糖溶左先食到。Brownies太厚實、太漏，好似食緊生朱古力咁😖真係勝在好玩咋。

𝐃𝐞𝐬𝐬𝐞𝐫𝐭 𝟐 ☕️特濃咖啡配雪糕/脆皮雪糕棒🍨 呢個咖啡人一定中意❤️，量杯裝住Espresso，淋落啲雪糕到，雪糕會微微溶化，甜味會被咖啡中和到啱啱好，食入口又一冰一温咁😋好正。

🥂套餐包$44以下飲品2杯🍻 𝐃𝐫𝐢𝐧𝐤 𝟏 🍫摩卡咖啡🥤
佢冇朱古力味，似latte多d，唔推🚫

𝐃𝐫𝐢𝐧𝐤 𝟐 🍹熱情果伯爵茶配雜果冰🍍
連續兩次嚟都係飲呢杯，唔太甜，啲冰放雜果去雪微微滲啲果香🍑，伯爵茶個隻怪味唔太重，好易入口啱晒我😂，如果你好中意個隻味可能會失望啦！總結:唔甜、順口、解渴😙


Others:

前排碌IG見到人哋打卡，佢個紫色Tea set勁靚，價錢仲要勁親民🤩，餐廳又有個勁靚帳篷打卡位📸，就決定去試吓，今次我哋試嘅係佢粉紅色主題嘅Tea set🎀。

🌸ᴘɪɴᴋ ᴛᴇᴀɢᴀᴛʜᴇʀ ᴀғᴛᴇʀɴᴏᴏɴ ᴛᴇᴀ sᴇᴛ🦩 $𝟸𝟼𝟾 ғᴏʀ ᴛᴡᴏ 成個Tea set粉紅色嘅嘢唔多，但係打卡都靚嘅🥰食物方面，甜品偏多，鹹食嘅比例同份量都太少，食落好膩😣甜品普普通通，咸食入面，個海蝦忌廉芝士香草包 同 煙三文魚蛋白芝士撻 做得幾出色，估唔到芝士同蝦個味道咁甲😋😋
整體嚟講佢算係對得住呢個價錢嘅，只係咸食多番少少就會更加好😙。 
💋ᴘɪɴᴋ ᴋɪss ᴄᴏᴄᴋᴛᴀɪʟ🍸 & 👼🏻ᴘɪɴᴋ ᴀɴɢᴇʟ｜ᴍᴏᴄᴋᴛᴀɪʟ🍹 (ᴛᴇᴀ sᴇᴛ包埋) 透明個杯，有酒精成份，飲落似荔枝梳打特飲。
偏奶白色個杯，冇酒精，裏便有椰奶，飲落似雜莓味嘅椰奶咁。好鍾意佢上邊放咗塊橙乾😂望落好得意。

🧀xxxxxx焗薯皮🥔 $𝟿𝟾 (唔記得咗個名😅) 由於個friend有張coupon要夠$300先用得，所以我哋就叫多個焗薯皮，本身見到呢個價錢以為份量都幾大啦，點知就得四件，唔係好抵食，而且佢焗得好硬，好似食緊餅咁，食落個底苦苦地，焗返短少少時間會好啲🤷🏼‍♀️


其實之前喺IG度見到嗰個係紫色嘅Tea set 🔮，嗰兩杯嘢飲勁靚💓，打卡滿分，所以去到係粉紅色嘅有少少失望，希望佢紫色個Tea set會再出啦~