適逢農曆新年 經常要想不同的中菜廳與家人朋友聚會 於是便想到一 直想試的HKUAA會所中菜廳 加上知道中菜廳剛有新師傅加盟 推出全新菜單 將創新概念加入傳統菜式 於是便立即訂座一試究竟 【三色素燻鵝 $98】 煙燻味極濃 每咬一口都可以嚐到煙燻味 腐皮脆身 加上爽脆的紅蘿蔔絲冬菇絲萵筍絲 無論味道還是口感都很不錯 【太極鴛鴦羹 $288】 賣相已經相當吸引 湯羹綿滑 【麻香鳳尾蝦多士（6件）$158】 鳳尾蝦多士是香港大學校友會的招牌菜 手打蝦膠加原隻鳳尾蝦 爽口彈牙 多士非常香脆 口感豐富 【焗釀響螺 $78】 【焗釀鮮蟹蓋 $128】 蟹蓋 響螺都非常足料 有滿滿餡料 價錢亦相當合理 十分推介 【麻香脆皮牛腩 $218】 一層香脆外皮包裹軟腍牛腩 沒想到醬汁才是畫龍點睛之處 【金牌校友脆皮雞 半隻 $178】 又一招牌菜之一 果然皮脆肉嫩 農曆新年菜式 【瑤柱扒豆苗 (例) $268】 當造必食的豆苗 處理得一般 炒得不夠爽身 【太極布甸 $68】 【香芒脆奶卷 $68】 甜品頗為出色 太極布甸層次豐富 香芒脆奶卷 外脆內軟 香芒味濃

龍年除咗要身體健康 事事如意 同朋友一齊著古裝 龍袍加身 龍年一定財源廣進 橫財就手 一班朋友一齊打邊爐已經夠開心 咁如果一齊著埋古裝打邊爐又會唔會再開心啲呢？ 我就係被呢個著古裝嘅gimmick吸引 所以黎左香香宮煮 佢連裝修都好特別 包廂係以唔同宮殿命名 【黑毛豬蛋糕 $398】 【昭陽公主椰子雞湯鍋 $308】 新鮮椰青水配合三黃雞 用番薯蜆提升鮮味 打邊爐之前 先飲一碗 都算鮮甜滋潤 【即炸黃金炒響鈴 $98】 即炸黃金響鈴 先用特選腐皮炸香 再用鹹蛋黃醬炒香 有鹹蛋味嘅響鈴 呢個推介 【花花公主牛魔王拼盤 $568】 頂級安格斯牛肉 手必本地牛肉 新鮮牛展 頂級雪花肥牛 日本和牛 牛黃喉 牛肉粒 牛舌花 花雕酒浸牛肉 最有印象係牛黃喉 超級爽 其他冇咩特別 【魚滑三拼（任選三款）$198】 手打蟹子蝦滑 手打黑松露魚滑 瑤柱乾貝滑 【香香公主雜菜拼盤 $128】 【蜂巢冰豆腐 $52】 【鴨血 $58】 【蟹黃餃6粒 $108】 【黑松露蟹肉餃6粒 $108】 有一樣要讚係 佢食物種類非常多 有海鮮拼盤 新鮮海蝦 廣島蠔 蟶子皇 新鮮扇貝/象拔蚌仔/墨魚仔 白鱔片等 但我地叫左黑毛豬同牛肉拼盤 份量已經好多 未試到佢海鮮質素如何 整體來講 雖然餐廳裝修綽頭十足 賣相擺盤吸引 但係食材質素好一般 我自己就覺得去一次過下一齊著古裝嘅癮就夠

今個星期又凍番 又係時候打邊爐啦 大家又有冇試過去青樓打邊爐呢? 黎到門口 掛哂紅燈籠 已經充滿特色 見到寫住「接客中」嘅牌 就梗係打開門睇下啦 一入到去 見到連啲包廂都充滿中國特色 樓高兩層 一轉上去就見到「國色天香」四隻大字 一坐低 店小二就俾張「賣身契」你 其實係menu黎 又見到安全套包裝嘅濕紙巾 就連drink list都係以前嘅春宮圖 所有野都符合哂怡紅院呢個主題 睇得出餐廳嘅心思 玩味十足 不過而家去餐廳 最怕係只係打卡而食物麻麻 好彩怡紅院食物質素都唔錯 睇得又食得 【紅樓醉夢鴛鴦鍋 $528】 蟹粉蟹肉竹笙濃湯素翅鍋 / 橙紅麻辣鍋 一邊係林黛玉 一邊係賈寶玉人偶 將湯淋喺佢地身上 等佢地一齊殉情 我地就有湯可以打邊爐啦 打邊爐之前 可以先品嚐個素翅湯 足料之餘 味道滋潤香濃 由於我地懶 見到有咩拼盤即刻揀 因為一次過可以試多幾款 【你最牛拼盤 $488】 澳洲和牛粒 精選手切騸牯牛 手切本地牛頸脊 【四大冰美人拼盤 $488】 萵荀絲 香辣海蜇 醬漬鮑魚 秋葵 【四大丸王 $108】 手打墨丸 手打蝦丸 怡紅丸 邪流丸 （各兩粒） 【特色菜籃 $98】 【自家製響鈴 $58】 餐廳仲有一個小心思 賣身契（menu）上有個位可以寫對聯 上聯係「燈紅酒綠滾一滾」 如果你寫一個創意嘅下聯 而又被掌櫃挑選 就可獲贈精緻有酒精飲品一杯 我地太肚餓嘅關係 未諗到個下聯就趕住落單啦 整體用餐體驗好好 環境好之餘 食物質素都好唔錯 係同朋友相聚好地方

之前已聽聞すき焼森一位難求 一定要親身到店才可以預訂得到 於是我早一個月親身到荷李活道分店訂座 【Sukiyaki/ Shabushabu Set $730/pax】 另加牛舌 +$100 （4片） 前菜 蒸物 野菜 和牛壽喜燒（肉眼 西冷 牛肩） 御飯（任添）+炒飯（日本滑蛋+和牛粒） 甜品+漬物+麵豉湯 每枱客人都有一位師傅招呼 全程在你面前烹調 首先送上前菜 - 蠶豆 炸芋頭 京人參 黑豆 蒸物 - 松葉蟹肉蒸蛋 壽喜燒方面 師傅首先為你烹調肉眼部位 肉眼是4個部位中最美味的 入口即溶 然後到野菜 - 白菜 豆腐 麵筋 冬菇 接下來是西冷 比起肉眼 肉質沒有那麼軟腍 配以豆腐 冬菇 蒟蒻一起享用 解一解膩 我每一啖和牛都配一口飯 中和油膩感 洋蔥賣相相當吸引之餘 更煎得非常香 緊接下來是牛肩 脂肪比例較少 相對亦沒有之前兩款那麼軟腍 最後是另加的牛舌 薄薄一片 但口感煙韌 比想像中出色 最後滑蛋牛肉飯非常出色 非常香滑之餘 與肉汁壽喜燒汁攪拌 味道非常香濃 甜品有果凍及蕨餅 慶祝生日更會為你即場拍照 送上即印相片一張留念 整體體驗不俗 食物質素不錯 略嫌師傅讓我們有點壓力 吃得有點趕 但整體還是滿意的

石塘咀One-Eight-One酒店內 2023年5月開幕的新派中菜廳The Praya 無論環境 食物都非常滿意 是與朋友渡過一個寧靜而美味晚上的好地方 The Praya必試的是他們的煲仔飯 見不少人推介照燒頭抽雞煲仔菜飯 但可能他們不定時轉菜單 未有看到有這款必食之選 於是便選了【煙燻三黃雞煲仔菜飯 $468】 香氣撲鼻 三黃雞肉非常嫩滑 雞油滲透於米飯中 光是吃飯 不配任何東西 味道已經非常香濃 而且有不少飯焦 十分香口 我忍不住吃了兩碗半飯 【陳年花雕醉蜆 $288】 在菜單上看到 完全沒有想到是冷盤 做得極其出色 原來醬汁是特別調配 以15年花雕 清酒 啤酒及台式醬油膏調製而成 難怪味道這麼特別 更突顯出蜆肉的鮮甜 【生醃本灣章紅魚 $328】 又一個驚喜冷盤 以中式生魚片手法呈現 配上自家調製的醬汁 別有一番風味 【薑汁啫啫芥蘭煲 $148】 相對其他菜式 配搭上沒有甚麼特別 但這普通菜式 依然做得相當不錯 十分惹味 甜品又是令人驚喜之作 以傳統中式食材以西式甜品呈現 咬下一口便令人眼前一亮 【合桃費南雪配自家製雪糕 $98】 完全沒有想到平時吃到的financiers 會是合桃味 而且合桃味道相當濃郁 【薑汁番薯蛋卷 $98】 黃色cake roll驟眼看 我會猜是芒果或是菠蘿味 卻沒有想到是番薯糖水味道 非常特別 口感味道都相當不錯

永利皇宮金碧輝煌 真係令人好似置皇宮一樣 食自助餐嘅餐廳Fontana 除咗俾人感覺高貴優雅 仲有一個超靚景 我又好幸運地 食lunch buffet可以坐到窗邊位置 一邊望住一排落地玻璃外嘅水舞表演 一邊享受美食 非常舒適 食物方面 我冇諗過原來款式都幾多 淨係麵包都有好多唔同嘅種類 冰鎮海鮮都有好多選擇 又有龍蝦仔 螺 青口等 主食有中式 西式 日式 印度 而且質素比我想像中好 但礙於呢度擺相嘅數量有限 放唔到咁多 但其實選擇比相多好多 但擺酸菜魚嘅相 係因為冇諗過自助餐都整得賣相同呢度都好好自助餐當然唔少得甜品 又係有好多選擇 相裏面都係睇唔晒 仲有朱古力噴泉 不同水果等等 價錢方面 【Lunch Buffet Adult: MOP418 Child: MOP218】 （自助午餐每日：中午12時至下午3時） 有靚景 食物質素高 我認為性價比都高

每次去澳門都要搵葡國菜 但每次都唔會有太大驚喜 今次唔特登揀葡國菜 試左間人氣小店 食過之後 真心極力推薦 我一定會再去 呢間人氣小店 聽講都難book位 冇網上預約 唯有打電話去 店舖細小 裝修簡約 幾cozy 唔知點解都有少少浪漫氣氛 食物方面 全部都勁高質 係覺得自己去左高級餐廳嘅質素 【珍寶蟹肉配番茄及水牛芝士 $180】 十分出色 味道非常清新 番茄超級鮮甜 水牛芝士 加蟹肉唔洗蟹講 啖啖滋味 【鮮拆大閘蟹意大利粉 $300】 真係拆出黎嘅蟹肉 而且超足料 係食每一啖意粉 都可以有蟹肉醬汁一齊食 味道係超香濃 邪惡得黎超滿足 【馬頭魚立鱗燒配豆苗伴龍蝦汁 $185】 我不嬲對魚冇太大期望 但佢整得好出色 立鱗燒令到外面一層十分香脆 而魚肉好鮮嫩軟腍 而且兩個層次 口感更豐富 【Lemon Tart】 甜品都十分唔錯 餅底香脆 味道唔會太甜 【Peanut Latte】 見到有花生Latte即刻叫黎試 花生味又真係幾濃 好特別

經過蘇豪 都會被這間黃色小屋所吸 原來踏進餐廳 不只牆身餐具 就連廁所也是黃色 至於食物方面 餐廳主打地中海及西班牙菜 因為不想慢慢從主餐牌選擇菜式 又一如既往 懶惰地選擇Chef Menu 【The Mediterranean Journey】$498 per person Tapas 【Pan Con Tomato】 西班牙傳統的番茄配麵包 通常用番茄醬塗上麵包 而MONMONO特別用上半乾番茄 再加上pepper 令味道口感更有層次 【Ham Croquettes】 外脆內軟 配上火腿令口感更豐富 【Tortilla De Patatas】 西班牙蛋餅味道較單調 但口感鬆軟 To Follow 【Crispy Oyster】 以為是普通的炸蠔 配上酸甜的芒果莎莎醬 外面香脆清甜 內裏厚厚蠔肉的鮮甜 令人眼前一亮 【Portuguese Clams Stew】 蜆肉非常肥美新鮮 而且白酒份量剛剛好 有白酒的香氣 味道又不會太嗆 Mains 【Seafood Paella】 Paella非常出色 味道香濃 蝦肉新鮮彈牙 【U.S. Black Angus Sirloin】 肉質鮮嫩 口感不錯 【Roasted Corn】 配以芝士香草烤焗 絕對是意外驚喜 Dessert 【Pineapple Sorbet】 以清新解膩Sorbet作結

之前都聽過好多人提過板神 見佢做感謝祭 最平$398就可以食到 即刻book左黎試 (我食嘅時間個優惠的確出左冇耐) 不過我太懶 又係latergram 而家先post番 好彩佢個感謝祭優惠extend再extend 而家都仲有食 不過大家都知有幾爆 盡早book定位 首先講下套餐有啲咩先 【鐵板燒十四品」感謝祭套餐】 前菜 沙律 刺身三款 南非鮑魚 緬甸大蝦 帶子 白鱈魚 法國鵝肝 季節野菜 套餐附炒飯 漬物 麵豉湯 甜品 / 熱咖啡 日本豚肉 薄燒$398 美國牛肉 薄燒$398 厚燒$448 澳洲和牛 薄燒$498 厚燒$548 和牛A5 薄燒$598 厚燒$648 一行三人 鐵板燒都會想食牛嘅關係 我地就美國牛肉 澳洲和牛 和牛A5 三種牛都試哂 都係揀厚切 呢個套餐真心抵 以為佢做優惠啲食材會冇咁靚 但係都仍然好高質 南非鮑魚非常大隻 又香又彈牙 大蝦好肥美啖啖肉 帶子又係好大隻 好新鮮香煎白鱈魚 肉質鮮嫩 師傅用細細嘅漢堡包包住厚厚嘅鵝肝 咁就唔會好漏 牛方面真係有好明顯嘅分別 唔洗講都知和牛A5入口即溶最好食 當日其實係母親節 師傅仲好好咁 炒飯時炒左個心形 送俾在座嘅媽媽 又可以俾大家打卡影相 甜品有抹茶奶凍 唔好睇佢細細杯 但苦澀抹茶味濃 好高質最後師傅送多個甜品 用糖煎多士 成餐都非常完美

一直都想試下多年米芝蓮三星嘅Caprice 一位難求 但幾個月前終於試到 Lunch Set 5 courses $1,098 per person (Appetiser + Soup + Fish + Meat + Dessert) 而晚餐7道菜$2,980 per person 所以lunch呢個價錢食到3星法國菜都好抵下 以下係2023年4月時嘅menu 點菜後店員會遞上一籃麵包 等你揀選自己想食嘅包 全部新鮮焗製 仲係暖暖地 塗上牛油即刻融化 令麵包有著香濃牛油味 Amuse-Bouche 【紅菜頭帶子】 餐前小點係兩片薄薄嘅紅菜頭皮 包裹住帶子 手工精細 味道清新 好開胃 Appetiser 【龍蝦伴蘑菇奶凍及八角】 賣相非常吸引 將龍蝦切成片再擺成花狀 蘑菇八角奶凍味道非常濃郁 【澳洲和牛他他拌法國生蠔配特級魚子醬 +$550】 呢個係意想不到將生蠔拌入他他 鮮味十足 Soup 【鴨肉清湯配鴨肝雲吞】 呢個湯好特別 唔係一般濃稠嘅西式湯 但佢味道鴨香味好重 加埋鴨肝雲吞 味道好濃 【芹菜頭濃湯伴蘑菇配帕馬森芝士】 呢個就真係濃稠嘅湯 濃濃嘅芝士 Fish 【法式魚肉慕絲伴海鮮配香檳汁】 魚肉慕絲整成橢圓形 質感柔滑 即席淋上香檳汁 質感濃稠 整體會有少少膩 【法國藍龍蝦伴紅菜頭及朱古力配紅菜頭汁 +$650】 龍蝦肉質非常彈牙 朱古力配紅菜頭汁配搭新穎 Meat 【慢煮黃油雞配奶油汁】 雞肉超滑嫩 配上滿滿嘅奶油汁 每一啖都滿足 【牛臉頰伴蘑菇及香脆薯塊配紅酒肉汁】 牛臉頰非常軟腍 入口即溶咁 頭先好多道菜都係偏濃味 食到呢道菜 加上蘑菇香脆薯塊配紅酒肉汁 感覺會有少少膩 因為中間好似冇咩清一清味蕾嘅機會 但就咁呢道菜係出色嘅 Dessert 【時令梳乎厘 +$150】 上面提到已經開始食到好膩好滯 但我見到有梳乎厘 我就忍唔住好想食 梳乎厘做得非常鬆軟 朱古力味好濃 加入雪糕 無論味道定口感都十分出色 【士多啤梨乳酪慕絲配士多啤梨雲呢拿雪糕】 呢個就真係可以解膩嘅甜品 終於有個清新香甜嘅味道去中和番個膩感 Petit Four 最後仲有 Petit Four 放喺首飾盒上面咁 又靚又好食 Coffee or Tea 整體無論食物定服務都不負三星之名 唯一我係覺得menu由頭到尾都係重口味 如果中間可以加個sorbet中和番就好啦