下午四時，因工作關係經過九龍城--一個我甚少接觸的。原本這麼難得的機會，很想吃有名的泰國菜或牛肉餅，又或是在眾多精緻的餅店中任選其一，享受甜美的西餅甜點。可惜今日沒有朋友同行，吃泰國菜只能在琳琅滿目的菜式中選出其一；牛肉餅在烈日當空的今天又似乎不太合適；餅店又總是被大量女士擠得水洩不通，所有想吃的食物都吃沒能吃到。

恰巧經過金寶餐廳，竟然有我近日日思夜想的芭菲，精神為之一振！但我的時間好像有點趕，既然不能慢慢享受美食，索性不吃好了。

可是，當我經過皇子時，心中的魔鬼不斷引誘着我。就這樣，我就達成了今天吃芭菲的心願在眾多芭菲停售的時候，我也不再三心兩意，選了抹茶芭菲。最頂層的是兩片三角形的抹茶味雪糕有着介乎雪葩和壓實了的綿花冰之間的質地。它的抹茶味濃郁，有點點抹茶的甘味，絕對不比抹茶館差！意想不到 (≧∀≦) 最細心之處是灑在雪糕面的數顆玄米，它們的出然增加了這道甜品的東洋味。墊着雪糕的是紅豆，好食呀！紅豆煲得淋身但仍然完整，而且大粒有咬口。

再下面的是綠色的蒟蒻粒， 煙煙韌韌。最底的一層是黑色的"涼粉"。 我覺得很可笑，心想：不是吧，我知道你這裡有雜果涼粉之類的甜品，但你竟把它放入芭菲中，真夠港式地道風！一吃之下才發現它是大粒的黑色果凍。還好，雖然不像正式芭菲有蛋糕塾底添加層次，但也未至於過份至以涼粉入饌。哈哈。可以一試。

喺groupon 買左張$99 tea set coupon, 今日同男友睇完World War Z就去食
一去到唔洗等位，但我諗佢安排左我地去一個groupon 區，因為嗰個area 個個都係食緊tea set。 
雖然我身處cafe, 但我好懷疑自己係唔係喺茶樓。因為成間餐廳真係好嘈，真係有如星期日早上嘅茶樓，冇誇張！

好，依家開始講食物！
首先，侍應好禮貌問我地飲乜。我要嘅咖啡唔係即磨，亦都唔夠香。飲品嚟左大概十分鐘，食物都送上嚟。
畢竟係團購，畢竟係$99， 除左scone 之外樣樣都好迷你，但係我地當然都明白一分錢一分貨呢個道理。先食咸點，有煙三文魚三文治、咖喱雞肉酥、牛肝菌芝士酥。

煙三文魚治中嘅煙三文魚味道唔錯，咸咸香香，但係白麵包嘅包身淋得滯，應該係件三文治放左喺雪櫃好耐，比塊煙三文魚整淋左 ....

咖喱雞肉酥好細粒，唔係好有咖喱香，不過都食得出係咖喱餡嘅。

牛肝菌芝士酥啲芝士幾香，但係個酥皮硬左啲，唔夠鬆化。之後食scone。 Scone 幾大粒，味道同質地都唔錯，食落有少少牛油帶嚟嘅濕潤感。 不過食到scone 先發現原佢由頭到尾都只係一人比左隻叉我地，但係就冇比刀我地。問佢攞先比得一把刀我地 .....

跟住就食甜點啦，有Macaron、tiramisu tart 同胡桃胡蘿蔔蛋糕。Macaron, 鑑於上次逸東酒店劣質macaron嘅事件，我對團購下午茶嘅macaron失去信心。冇抱有好大期望嘅我首先用手指篤穿macaron嘅外殼。一篤之下，佢嘅外殼碎開，但係從自己所施嘅力度知道佢唔係好macaron。但係，食落又冇想像中咁差，除左個殼衰在硬左啲之外，佢真係唔錯。士多啤梨味嘅餡軟硬度適中，味道都好出；檸檬味macaron味道更出眾，個殼亦相對地冇咁硬。呢度嘅macaron好過逸東好多倍！

Tiramisu tart, 撻皮其實係朱古力，"tiramisu"係有咖啡酒味嘅mousse, 所以所謂嘅tiramisu tart 其實係一粒朱古力 .... 不過味道都唔錯。

最後講下我覺得幾好食嘅胡桃胡蘿蔔蛋糕。除左蛋糕面有半邊合桃外，蛋糕入面都佈滿合桃粒，口感好豐富，亦都充滿果仁嘅香味。蛋糕有標準合桃蛋糕嘅黏黏哋嘅質地，好味好味好味道！

以團購每人五十蚊嘅價錢嚟講，甜點嘅質素幾好，但係咸點就真係差啲啦。
雖然平，但再有類似嘅優惠我地都唔會再嚟，因為呢度實在太嘈，完全傾唔到計！ 而且有一次男友遞起手想叫其中一名年輕嘅侍應加水，個侍應見到之後竟然調頭走lol

喺food court 同男朋友食食下 Sweet House Cha Cha 嘅雪糕時, 佢話好想食章魚燒, 於是就買左$32八粒嚟食
真心講, 我真係唔係好欣賞呢度嘅章魚燒....
章魚都尚算大粒, 但係外面煎得唔夠香, 入面啲粉漿又好淋, 我知佢煎熟左嫁啦, 但係唔知點解會咁淋
食完好飽肚, 但係如果呢個價錢, 同樣嘅質素, 我諗我唔會食第二次啦, 去街邊買廿蚊盒就算唔好食都唔會覺得咁不值丫 

好少食日式燒肉嘅我，自從上次同朋友喺宮食左好好味嘅和牛之後，一直難忘和牛入口即溶，油香四射嘅風采，所以成日心思思想再重溫嗰份滋味
朋友極力推介牛角，話牛角飯好好味，鹽燒醬好特別，於是我就同男友去吃食牛角好抵嘅燒肉lunch set
Lunch set 由$68起，真係唔貴
我地點左一個牛舌set 同一個和牛set
牛舌set 跟沙律同白飯；和牛set 跟抹茶雪糕同牛角飯。飯係任添嘅!!(昏暗嘅燈光, 加上爐火, 影出嚟嘅相好奇怪)

首先講我最期待嘅和牛，因為佢令我真的憤怒了！
和牛，我期待嘅係入口即溶嘅感覺，但係到底佢比左個咩位我？！自問好好牙力嘅我竟然咬極都咬唔開舊牛，最後我原塊吞落肚 (｀曲´）
之後上嘅係牛舌。牛舌比和牛更淋更易咬 ... 到底發生左咩事 :'( 點解我要比多$60去食啲食唔落嘅所謂和牛 :'(之後講下牛角飯。牛角飯即係白飯淋上蔥油再灑上紫菜。蔥油好香好好食。初時我以為我地唔會用到添飯呢個優惠，但係好味嘅牛角飯令我地最後添左三次飯 

抹茶雪糕，應該係自家製，唔知係雪得太凍定雪糕本身唔夠creamy 嘅關係，好似質感好鬆散，好似雪實左嘅沙冰咁，又有啲似綿花冰，一咬就碎開但係鹽燒醬除左咸之外我又唔覺得好特別喎
同埋侍應嘅服務有啲唔上心, 或者係lunch time嘅關係掛
可能因為食肉, 呢餐真係食到好飽好滯
同埋我諗食日式燒肉對一般得一個鐘lunch time嘅上班人士嚟講真係會太趕

Um ..... 雖然好多人讚牛角，但係我呢個和牛經歷為我蒙上左陰影
-_____-
短期之內, 唔會再去牛角lu, 反正市面咁多選擇

一家五口有三人都喜歡吃辣! 好! 就去小甜甜吃晚飯吧!
由於大家也很肚餓的關係,我也不好意思要一家大小等我慢慢拍照,因此並沒拍到很多照片
我們點了四餸一湯加一個涼拌粉皮,最後要了高力豆沙和蛋白杏仁茶作甜品
我認為最值得推介的是酸菜魚,田雞煲和蛋白杏仁茶

酸菜魚很大的一盤,一家五口每人可盛三碗湯
很辣很惹味,裡面有很多很多很多魚,魚很滑
咸,但不是很咸,又咸又辣令一喝完一碗又一碗田雞煲,是唯一一味不辣的餸
一般的田雞煲會是以大量的白蘿蔔及其他配料堆砌而成吧
但這裡的田雞煲真的很足料!! 我吃了很多田雞腿 吃飽,但當然要再吃甜品才是圓滿的一餐吧
高力豆沙和蛋白杏仁茶都很好吃
高力豆沙外脆內軟,紅豆蓉有點甜但勝在分佈均勻,與''外殼''夾着吃點度適中

高度推介蛋白杏仁茶!!
我有為蛋白杏仁茶拍照的是因為侍應把它端上來時,它是熱辣辣的
蛋白被滾燙的杏仁茶燙熟,微熟的蛋白十分滑溜
杏仁茶的杏仁味濃郁,對於我這個杏仁迷來說這是一大喜訊,但對於不喜歡杏仁那輕微藥水味朋友來說,這道甜品應該不很受歡迎吧

晚飯途中發生了一個小插曲....
有一位男客人點滿了一整枱菜,一輪狼虎嚥後他對店員說了些話,沒有付就匆匆離去
後來有一兩名店員聚在一起輕聲地討論,愛管閒事的媽媽問店員發生什麼事
他們說那男客人聲稱沒有現金,因此要店員等他提款回來
時間一點一點的過去,我們一家都認為那客人不會回來了,但店員卻仍輕鬆自若希望他會回來
過了約二十分鐘,那男子真的回來付款了!!
雖然吃飯要付款是天經地義的事,但我仍很欣賞這兌現承諾的客人
更欣賞的是店員對客人的信任. 他們令我改變了對世事的固有的看法

PS: 至今已重回小甜甜兩次,三次都有點酸菜魚呀!

終於得閒買呢個宇治金時卷嚟食啦
一入到鋪頭,已經有個呀姨店員好好笑容咁歡迎我
我點左蛋卷之後另一名同樣好有禮貌ge店員問我洗唔洗切蛋卷.之後又好細心咁show比我睇下 
收錢同埋遞個蛋卷比我時,兩個店員都再次講多謝,同埋佢地笑得好親切. 令我覺得好窩心 <3食飽飯就同屋企人一齊食蛋卷
圖中可見,蛋卷唔係卷得好實,但係我懷疑係因為我等車時成個餅盒跌左落地下 =__=
但以上ge只係佢唯一ge不足
蛋卷綠茶味好濃好香,紅豆好大粒又甜甜地
可惜已經食飯食飽左,如果唔係一定會食多兩件

經過凱施，見到呢個黑糖忌廉糕好似好矜貴咁但係先賣緊六蚊，於是就買嚟試下
蛋糕的黑糖味幾出，但有點乾及少少鞋口,不過可以接受
cream 夠奶味又夠輕,唔會食到人好滯
cream 分佈得都幾均勻,唔會話只食到蛋糕
而且只賣6蚊!!!! 茶點新選擇

在經過openrice的抹茶風洗腦後,突然覺得吃抹茶食物很girly,一直心思思要''吃綠''
終於和朋友約了在宏吃很甜美很日系的芭菲
原來除了吃甜點,這裡還有冷麵選擇
但我一心一意來這裡吃抹茶芭菲呀. 其他的配搭下次和男友來吃吧 抹茶芭菲的層次多得令人感到驚喜! 先有一塊大大的可麗餅插在一大球抹茶雪糕之中. 之後有圍着忌廉和吉士的抹茶麻糬. 然後墊有抹茶啫喱, 海綿蛋糕, 最後有玉米片

可麗餅很鬆脆,不會太甜
抹茶雪糕的抹茶味很濃,而且雪糕甜度適中,帶有抹茶微苦帶甘的味道
抹茶麻糬口感軟熟,只有淡淡的甜味,本能令人品味出它的抹茶味,但其實抹茶味過淡
抹茶啫喱的口感有點像大菜糕,有那種咬下去會碎的感覺,抹茶味比麻糬稍濃
Cream 和吉士很多,吃到一半時已開始覺得飽
吃到最後已很飽很飽,建議女孩子與朋友share吃一個芭菲

朋友點了Mont Blanc Parfait, 即栗子芭菲,栗子味不很香濃,但下面的焦糖粒很好吃. 不過我會選擇抹茶芭菲

整體來說還蠻滿意這裡的芭菲,層出不窮,充滿驚喜

以前一直對抹茶食品沒有什麼幻想, 直至近日才迷上抹茶的香氣
先後吃了兩次 Sweet House Cha Cha. 一次是和男友吃, 一次是和妹妹吃
和男友吃了抹茶泡芙($18)和宇治抹茶雪糕配丸子及抹茶凍($38); 和妹妹則吃了抹茶雪糕($32)早已知道這裡的抹茶泡芙享負盛名, 一試之下果然令人回味無窮!!! 拳頭般大的泡芙外面帶脆,一口咬下去,裡面的忌廉很滑很香 雖然size不算很大,但充滿份量的忌廉令人吃一個已有飽肚感
宇治抹茶雪糕配丸子是用威化底盛着的. 這個威化底比Holly Brown的更鬆脆更好吃 丸子和抹茶凍都很煙韌, 吃完雖飽,但仍有點意猶未盡的感覺

第二次吃Sweet House Cha Cha時,我故作民主的讓妹妹選擇, 口裡卻不停勸她選抹茶泡芙
但是,她最後選了抹茶雪糕上圖: 妹妹急不及待把雪糕咬了一口 XD

結果証明,嘗試新事物是好的!
首先,雪糕質感細滑,充滿牛奶和抹茶的香氣
而且,抹茶雪糕比想象中大杯得多,一直吃下去,神奇的事就發生了.....
雪糕''食極都仲有''!!!!!擠雪糕的店員把一圈又一圈的雪糕擠滿了整個雪糕筒,直至吃完的一口我都吃到大口大口的雪糕!!!
但由於在吃這個之前已和妹妹一起吃了一個Godiva 的雪糕,我們真的很飽了
想不到才十一時就被雪糕填飽了肚子.....很幸福啊

 

評論食物前首先要表達對服務質素的不滿。
我們二人坐下後侍應只遞上一份餐牌，連水也不給我們一杯，留下了一個不好的印象。
由於才剛和朋友吃了下午茶的關係，我只想要一件蛋糕和喝點咖啡。於是我們點了一個full set (餐湯, 主菜, 蛋糕, 茶)

反正我不餓,餐湯我只喝了一口,很滑,卻沒有很吸引的感覺
隨湯附上的餐包是香草包. Spice味很濃, 很香西班牙海鮮飯裡有蝦有魷魚, 但沒有青口
我覺得蕃茄味很濃,男友卻覺得飯帶腥味藍苺芝士撻的賣相很差，切餅時被切得爛溶溶
入面充滿了罐頭桃 ... 我不太懂欣賞罐頭桃的腥味 ....  
兩杯飲品的質素一般，男友的鮮奶抹茶很稀，淡淡的，抹茶份量很少。
焦糖咖啡外表不錯，但面層的奶泡很粗糙；咖啡ok香。  
 um.....這裡的好處就是很寧靜,很適合和朋友談天 附近又有吉之島和荃灣廣場,飯後散步一流.....可是食物呢, 就別抱太大期望了