食物新鮮，蝦同埋刺身都OK 不過店員唔老實 唔知係咪公司規矩 我哋打邊爐，食完第一輪海鮮 就叫店員加鮑魚 隔咗一個鐘都毫無消息 咁就自己再主動問店員個鮑魚去咗邊？ 店員就話鮑魚賣晒 其實我就覺得好唔尊重人 你賣晒唔緊要啊，你哋同我講聲，我覺得OK啊 但係你粒聲唔出，我覺得好奇怪。 咁我就同佢講唔緊要，咁有冇蜆？ 佢同我講又係賣晒。 咁跟住我就叫咗其他嘢食啦，唔緊要。 跟住咁啱又另外一個女店員走過來問我哋有冇嘢要加，我咪再問佢有冇蜆，佢好爽快咁答我有，咁最後咪又真係攞到蜆畀我，咁我唔知道係第一個店員唔清楚店內嘅存貨定係有心隱瞞，不過我作為客人第一個直觀感受就係好唔老實，好似唔想我加單咁，所以成餐飯我哋只係食咗一人一隻鮑魚，五個人分一隻蟹，咁佢收我哋五位$2300，服務好坦白講就麻麻哋㗎啦，好心公司一係就加人工俾啲店員，一係你就做平啲嗰價啦，唔想人哋加單就唔好學人做放題。 我發誓一定冇下次，我見一個朋友就唱你哋一次☺️

尋晚同朋友食完 凌晨三點起身屙咗一次 六點又來多次 今朝九點半又一次 下午四點半又一次 我朋友都係肚屙到宜家 強烈建議大家唔好光顧 炸雞厚粉唔係問題 問題係衛生啊 基本啦 大佬啊 永無下次 仲有服務態度都係麻麻。我坐低，入第二張單已經兇我哋話食唔曬要收錢，自己出單咁慢，我唔寫單咁食咩好？咁我無食中午飯，餓啊嘛。如果你善意語氣去表達，我諗會好好多。 炸雞乾都不在話下，點知咬到一嚿生㗎，即刻吐返出來，點知都係屙到七彩。 太過份啦，做飲食都係畀返少少良心好。