好開心有間咁靚嘅新酒店開業，梗係要快人一步，搶先訂房啦! 新開張唔單只有個靚靚鐵塔key holder gift, 而且早餐仲可以轉做lunch buffet, 好抵呀!

Lunch buffet 由中午12點開始，我地12點15分到，原來已經遲喇，餐廳已經超過5成入座，但眼見前面排隊嘅人龍，真係有d擔心冇位有排等 ; 就快輪到我時，真係好緊張，不過好好彩，最後幾張枱有我份，如果行慢一、二步，分分鐘要等個幾鐘先有得開餐。

餐廳雖然座位不算少，但full house 後仍然有幾十人等候。雖然大部分遊客都是耐心等候，但是仍有幾位分別於不同時段向餐廳職員大發雷霆，明白他們於等候期間的煩躁，可是更欣賞職員的專業精神，仍然有禮貌地向客人解釋，並盡快安排客人入座，職員的專業態度，讚！

講番食物，food corner 集中係餐廳嘅左邊，有seafood, sushi, hot plate, salad, dim sum, and dessert。雖然每樣嘅款式唔多，但勝在貴精不貴多。餐湯只有粟米湯，冇選擇，粟米雖甜，不過一般。燒羊架好味，羊架唔騷，肉質都唔錯。我覺得螺係seafood 嘅皇者，好新鮮，好爽好甜，是我這餐的最like 。矝貴嘅食品仲包括鵝肝多士，不過掛住食，唔記得同鵝肝哂番張靚仔相添。西瓜、蜜瓜、哈蜜瓜，這三款自助餐常客，超新鮮，超甜，好正。不過甜品就令我有d失望，選擇唔多，又沒有各式各樣靚靚甜品杯，希望下次再來時可以有多d甜品選擇，話哂女生係有第二個胃裝甜品吖嘛。

另外，每人限量一杯餐飲，似乎少咗d，而且order後要追3次先有，鄰枱位男士話order 咗半個鐘都未有，飯後想飲多杯熱茶都冇，只有凍冰冰的白開水。

曾經有幾次在這家餐廳有不愉快經歷，所以已有一段時間沒來。不知為何，這天忽然想起它，於是過來晚膳。由於不希望花個多小時輪候，這天於6時前已經到達餐廳。

這天被安排卡位，真好。從前在普通座位時，每次侍應都會安排輪候的食客在旁，這樣看似很平常，但是，最離譜的是通常都是安排不足座位給鄰座，並告訴鄰座待我們結帳後把我們的枱給他們，但是我都是剛剛入座，而食物還未食到一半哩。這種情況是經常出現，好像一入座，便交給其他食客趕你走，有些食客還給說話你聽，很氣憤。因此，已有一段時間沒到來。

卡位應該可以避免被趕走的情況吧。這天點了個2人餐，我沒有會員卡，連加一，頗貴。沙律醬汁多了些，菜仍濕，感覺不好。雞軟骨頗香口，但有小小油膩。薄切章魚，好似在塑膠，咬不斷的。焗芝士年糕煙韌，芝士味不會太濃。燒魚好味，很香口，而且有魚味。魚經過燒烤後，肉質韌韌地，不會太硬。石窩黑椒牛肉飯還可以，只是覺得有些味精的味道。飯加入了粟米，加分。粟米的甜可令個飯感覺沒有太肉。海鮮鍋內的海鮮沒有味道，蝦和青口皆一樣，淡而無味的，而菜也像不是很新鮮似的。蜂蜜生薑梳打，一定要放棄底部，因為個底甜到漏。今天的侍應，大部分都跟以前不一樣，態度較以前好。

習慣大時大節都跟好友歡聚一番, 這趟趁住中秋節將至, 便提早慶祝。由於朋友近日發福了些少, 她提議不妨清淡些, 吃素吧。中國時節,吃素也是個不錯的選擇。於是朋友建議到這間素食館嗜嗜吧. 餐廳雖然不是很大, 但裝修卻優雅。甫進門便可看見以鳥籠作為裝飾的燈，很有民初西關大少的感覺。侍應們皆掛着燦爛的笑容，不是做作，是真心笑的，想必是她們工作融洽，這很難得，亦很欣賞。以這樣的心情待客，客人當然喜歡。

餐前小吃 - 青瓜很新鮮，而且是大大件的，一口是吃不下。這樣很好，感覺倒像是前菜，而非小吃，這樣我很喜歡。雞絲粉皮滑嘟嘟，加上麻醬，很香，一個字，好味。這碟很快已被我消滅了不少呢。素雞絲像真度很高，但是口感味道跟真雞絲還有小小差異，不過也無所謂，這餐是素食嘛。瑤柱豆腐海鮮羹很讚! 素蝦無論是視覺與味覺，跟真蝦很相似，羹內豆腐也很多，湯的濃度也剛好，值得推介。西蘭花花枝帶子，素花枝與素帶子很有趣，質感口感都不錯。最後是鹹魚蓉鴨粒炒飯，很香口，亦是好味之作。素鹹魚的味道跟真鹹魚很相似，而且炒飯中亦有粟米粒，有素鹹魚的鹹，亦有粟米的甜，而且沒有油膩，這道飯很好，相信下次這個飯都會再次出現在枱上。其實明知素食是沒有肉的，但是每道菜都跟肉葷對比，這真不對唷。

未聽過芽菜雞，入到間餐廳，見到張poster推介，咁就點嚟試下啦。呢碟芽菜雞，好抵食，有成半隻雞咁多，最鍾意就係隻雞係完全熟哂㗎，very very good。我平時好少食類似白切雞嘅菜式，因為好怕d雞仲有血色，但是呢碟芽菜雞，係全熟，一丁點血色都冇，超like呀! 而且d雞肉好滑，一d都唔會“鞋”，皮和肉之間仲有jelly layer, 唯一不滿的就是雞味唔算重，但亦無損我對這碟芽菜雞的喜愛，下次會再點的。 通菜炒牛肉亦係另一碟佳作，牛肉一d都唔靱，雖未至於入口即溶，但好冧好易食，呢碟已經encore過好多次lu。

好耐冇嚟Teawood食飯，以前都經常去幫襯，唔知點解最近會少咗，冇所謂啦，今次去食返久違咗嘅蠔仔粥和煎鍋貼。 鍋貼依然好啱口味，細細隻，個皮煎完後，濃嘅部位脆脆地，冇濃嘅地方就軟冧冧，一啖有2種口味，2種口感，而且內涵仍然juicy，呢度嘅鍋貼係必選嘅。 蠔仔一向都是我的至愛，睇住餐牌，一見到蠔仔粥，唔使再諗，即揀。不過今次就有小小失望喇，就係鹹咗小小咁喇，除此之外，其他都好好。蠔仔飽滿大隻，粒粒都肥嘟嘟，啖啖蠔仔，每啖都覺得好滿足。如果鹹度輕番少少，就perfect喇。

好耐冇食過上海粗炒lu，因為怕太油，但是唔知點解突然想食，咁就點嚟食啦。碟上海粗炒份量唔算多，2人份量左右，有相對多及大塊嘅椰菜撐場，所以麵嘅份量唔多，主角和配角似乎交換咗。換個角度諗，有多d菜，感覺健康d嘅，亦無想像中咁油，okay ge。 這個蔥油餅，I like it。外表好脆好香口，加埋表面上嘅芝麻好好味，令到整體上味道提升好多，內面包質仍然軟綿綿，只是蔥花略略少咗dd，如果再多d蔥花仲正。 雞絲粉皮(半份), 芝麻、花生醬、加埋麻油做醬，好香好味。

今日中午食得太飽lu，到晚餐時仲未消化完，咁就搵d輕食啦，嚟呢間米芝蓮餐廳食碗牛腩麵，雖然只係食碗麵，話哂都係米芝蓮吖，自我感覺相當良好。 一個字:“好食”。呢碗麵，麵質彈牙，qq的，好似意大利粉嗰d al dente口感，而且相當有中式麵香，唔錯。牛腩炆得好冧，好入味，牛腩肉唔會sip牙縫，又唔肥，作為輕食，係唔錯嘅。腩汁好濃郁，加喺湯底入面，令成碗麵加哂分。雖然唔肚餓，但是都可以全部食哂 (當然碗麵唔係好大碗啦)。

嚟呢間餐廳食飯，見到枱枱都有小籠包，唔通點小籠包係指定動作，我梗係跟風啦！呢籠小籠包都不負眾望，皮薄薄，熱辣辣，而且仲湯汁十足，一啖一隻，好好味唷！ 見到有蟹粉飯，就點嚟試下啦，飯本身就冇什麼特別，普通白飯一碟，不過蟹粉醬汁就好足夠。個蟹粉汁，入面有d蟹肉絲，蟹羔就略為小咗d喇，唔係好食得出，不過都算okay ge，只係小小鹹咗d，但都okay，下次都可以再點嚟食。 雞絲粉皮(半份)，可以點半份，呢個安排好好，因為有時點一碟又太多，點半碟可以啱啱好。粉皮煙煙靱咁，一條一條咁嘟入口，加埋青瓜絲和雞絲，好好味。

可能係平日啦，酒樓都唔算多人，揀酒樓慶生，貪佢可以俾我地坐耐d，又可以大大聲，belibali都唔怕嘈親其他人嘛。 話明生日飯，點可以冇壽包，1籠6個，大大個，入面唔單止有蓮蓉，仲有蛋黃添，上枱時仲有煙㗎！熱辣辣，香噴噴，好軟好味！ 淮山南瓜木耳，呢碟下次一定要encore，真係好健康好味。我一個人都自己包辦咗半碟呀。 海鮮豆腐煲，份量足，抵食之作。 菠蘿咕嚕肉，壽星嘅最愛，當然要點啦。平時我就唔係咁like呢碟，因為怕肥嘛。不過呢碟好得意，除咗有菠蘿，仲有桃添，而且d咕嚕肉都唔算肥，我都破例食咗2件呀。

入馬鞍山探朋友，朋友話同我去食泰國菜，於是佢就帶咗我嚟呢間泰式餐廳食飯。Waiters 嘅服務態度好，有禮貌。 菠蘿海鮮飯，材料都足，當然係有菠蘿和飯啦，而海鮮方面，有squid，蜆仔，prawn，仲有肉鬆添。不過全部都唔熱嘅，只是微暖，有d失望。 雞肉串燒好香，一碟有4串，粒粒雞肉都唔算細粒，有口感，都算抵食。 燒豬頸肉，好香口，唔會spicy。點埋伴隨嘅醬汁，好野味。不過我就鍾意唔點醬，原味食都好好味。