朋友介紹呢一間話好食，所以黎試下，都算不過不失

前菜有雜菜沙律,但完全試唔出有落沙律油或其他調味,只有菜味,仲要真係得菜,無其他配料 e.g. 車厘茄呢個前菜減晒分不過男朋友揀咗湯,今次係忌廉蘑菇湯(每個星期唔同),但係好似無調味,所以我地自己加咗小小鹽之後好味好多到主菜,我叫咗"炸蝦海鮮意大利飯",呢個真係好出色,炸蝦好脆!醬汁味非常濃郁,口感好彈牙,好好食!好想再食多幾次!!但男朋友叫咗個LUNCH 餐牌上最貴既一個餐"肉眼扒",非常一般(不過牛扒難食極有限,都食得落),明明講咗五成熟,俾咗八成......但無叫人換到,唔想浪費食物,好無奈......配菜得幾舊怪味薯仔,仲有一細舊燒菠蘿......呢個食過下次唔會再叫到最後有餐飲,男朋友話啲咖啡唔錯,不過咖啡呢啲口味好個别,都唔洗點寫評價,但真心唔錯我一定會再去幫趁, 因為俾佢個意大利飯吸引住

服務態度～
真係差到難以至信！起初，店內人客唔多，雖然有好多空位坐，但我覺得禮貌上客人係企係門口等你派位安排，點知企咗一陣都無人理，門口水吧有服務員見到我都唔會叫樓面同事帶我入去，算數，我最後自己入去坐底，朋友黎到後我地一齊諗食咩，忽然有個服務員好無禮貌咁話有人要答枱，叫我地坐埋一邊，我明白繁忙時間讓位俾其他人係應該，但作為服務員用命令既態度叫客人坐埋一邊，唔該/唔好意思都無講一句！餐牌上有嘢飲價錢方面想詢問，服務員好似當我地殺父仇人咁。之後落單叫n 年都無人黎，不停話轉頭轉頭，之後有人經過就一手搶咗張落單紙就走人，嘢食黎到無講咩黎，放底就走。未食嘢已經同朋友肚火💢
嘢食方面～
鹽酥雞扒麵： 雞扒的確好大塊，可惜食落去好似食緊炸粉咁，完全食唔到有肉係入面！炸粉上面有調味粉，所以味道一定唔差，但真係唔覺自己食咗肉。
麵就只係奶白色清湯浸麵，嚴格啲係講係水浸麵。肉燥滷蛋飯： 肉燥可接受（個人認為茶木啲肉醋好味過佢）滷蛋無味得個硬字，好難食！配菜竟然係三舊生青瓜！離晒譜，我寧願你俾幾條白菜我好過。飲品方面～
蜂蜜愛玉（額外配珍珠）：無咩特別，唔見有啫喱，好甜珍珠奶茶：好難飲，未飲過咁差既珍珠奶茶！應該改名做"珍珠甜奶"💢 完全無茶味，珍珠本身已經好甜，啲奶又唔知點解又有甜味，總之好甜！
唔明點係會係"米之連"推介餐廳，簡直不知所謂！又貴又唔好食！老襯一次過，唔會再有下次