久不久就會去太和翠怡花園食嘢，因為果度有好多小店，其中一間居酒屋 「鮨一🏮」係一間比較細嘅小店，但見經常座無虛席，所以我就揀咗佢入去試吓。 點咗千層海膽飯、味醂魚乾、日本真蠔、炸一口芝士、鮨一沙律、蒲燒鰻魚飯。 😋千層海膽飯 賣相極吸引，疊成小山嘅海膽，一片片睇很出新鮮，入口即溶。海膽下是吞拿魚蓉，用紫菜包裹食，真係啖啖滋味！ 😋日本真蠔🦪 新鮮又肥美，滑溜鮮甜，入口即溶，而且好大隻，好正！ 😋味醂魚乾 送清洒一流，入口甜甜，咬落去煙韌惹味。 😋 炸一口芝士 也是很適合送清酒的小食，外脆內軟，包含著拉絲芝士🧀！ 😋 鮨一沙律🥗 有三文魚籽、蟹籽，好豐富。而且其他料理都比較濃味，接著食新鮮嘅沙律好適合。 😋 蒲燒鰻魚飯 鰻魚大條肥美，用炭火燒到好香，醬汁好惹味。食鰻魚最怕滿口幼魚骨，但呢塊鰻魚肉厚，而且整條食哂，只係得一條又幼又短嘅軟魚骨，高質！

今日接囡囡放學，佢又想食滷肉飯做下午茶，所以我哋又去成日幫襯嘅「初遇」。 初遇嘅下午茶餐好抵，大部分set 都只係$50以內，但份量不少。囡囡每次必點「鹽酥雞滷肉飯配紫菜貢肉湯及台灣香腸」，好豐富，性價比高！ 滷肉一定要半肥瘦先好味，初遇就係啦，而且入口即溶，汁量適中，因為太多汁會令下面嘅飯太濕，影響口感。 台灣香腸，入口帶甜味，咬落去外皮爽脆，肉帶咸香味，非常適合做餐前小吃！ 我點咗「慢烤雞腿蛋吐司」，吐司烤到香脆，夾住好厚身嘅雞腿扒同煎蛋，外脆內軟，惹味之餘，咬落去仲有蛋黃流出嚟，真係好正！ 「宜蘭蝦吐司」第一次試，其實係蝦多士，愛香口人士一定鍾意，多士上釀咗蝦同芝士，灑上芝麻再炸。 口感香脆爽口，好味！

復活節假期帶兩個囡囡 去「貓啡」搵貓貓陪食 lunch！ 兩個小朋友都是愛貓之人，一去到見到咁多貓貓都好興奮。 一般貓Cafe好少歡迎小朋友，呢到周圍玩都冇問題，邊食lunch邊望著貓貓們在身邊行來行去，感覺好chill。 呢度嘅貓貓大部份係收養嘅流浪貓，cafe會幫助流浪貓，有意領養可以直接向cafe查詢。 我們點咗3個「Meowの套餐」，只係百幾蚊就有小食/沙律+ 主食 + 飲品，仲可以玩埋貓貓，好抵！ 因為貓貓才是主打，所以對食物期望不大，但意外地三個意粉都不錯👍🏻！ 囡囡讚「溫泉蛋卡邦尼扁意粉」好味，我就鐘意「招牌蒜香蟹肉明太子闊條面」，質感creamy，帶少許甜味和微微的辣味，好味！ 建議大家點「熱朱古力」，奶泡上嘅花抓印實在太可愛啦！ 嚟同貓貓玩嘅朋友，可以同貓貓打卡影相，然後發文餐廳會有免費提供貓罐頭。

喺上水廣場行街，經過「一燒肉」，見到有「一人燒肉放題」，只需$99 就可以食75分鐘，頭60分鐘內可以無限追加10款肉類🥩和野菜🥬，好抵咁，所以入去試吓！ 「一燒肉」嘅座位闊落，而且新淨，坐得幾舒服！ 10款肉類＋野菜： 🥩牛五花、和牛漢堡、豚五花、香草豚肉腸、雞脾肉、 🥬紫洋蔥，杏鮑菇，粟米，新鮮波蘿，蒜片牛油金菇 雖然係放題，但肉和野菜嘅質素唔差，肉類燒完依然唔韌，配燒肉汁食好好味！ 一人放題還有紫菜飯 / 溫子玉子飯、泡菜和味噌湯，所以再追加咗一次牛五花和豚五花後，已經開始飽。 不過，甜品係一定要食嘅，所以我哋追加咗雪糕，為呢餐劃上完美句號！ 請注意，週未及公眾假期，每位要另加20蚊。 另外，點放題，追加有飲品會有50% off，串燒就15% off。

囡囡放學後，久不久就會去「茶A」食下午茶，她很喜歡這兒的肉醬意粉。 雖然是下午茶餐，但「肉醬意粉」份量一點也不少，而且即叫即焗，上枱時熱辣辣，配埋拉絲芝士，甜甜酸酸好好味！ 其實我鍾意茶A 嘅下午茶，原因之一是全部即叫即做，上枱時熱辣辣！之前食過幾次生炸雞腿配薯條，今次轉轉口味，食「公司三文治」！ 「公司三文治」一定要襯熱食，因為方包剛烘起就最香脆啦！再包著煎香咗嘅火腿、午餐肉和炒滑蛋，仲有千島醬和生菜，又脆又軟又爽，好豐富嘅口感！ 呢度嘅下午茶餐款式多，份量同午餐一樣，價錢只係$28-$52，性價比好高。

朋友介紹「大埔藝術中心」內有間意大利餐廳不錯，於是同老公去試，失望而回，價錢貴味道又唔好，同朋友講番先知去錯😂😂😂，原來唔係門口果一間，係要行入中心內嘅，叫Pentola！


上星期，終於去啱地點！餐廳佈置走工業風，地方大，有空間感，都坐得幾舒服！



點咗晚巿二人套餐，有湯、前菜、主菜和飲品。



當日嘅餐湯似忌廉湯，但質感比較稀，湯內加咗Mascarpone Cheese，入口即溶，湯味甜配上芝士嘅微酸，口感豐富。


前菜有3款，份量是意料之外的多，有：


白鯷魚茄子蓉多士
白鯷魚帶點酸甜，但表面又灑了少許辣粉，口感軟軟，配焗得香脆嘅多士，一軟一硬，口感好有層次，有特色又好味！


地中海風味烤多春魚
只是用橄欖油和蒜片做調味的多春魚，烤到好香，好鍾意食焗到香脆嘅蒜片。


意大利風乾火腿拼盤
第一次食「提子配Parma Ham」，平時多數是用哈密瓜，估唔到用提子都幾好味，提子好清甜配濃味嘅火腿幾夾。

主菜揀咗呢度嘅signature:


炭烤安格斯封門柳配燒汁薯條
這個真係要推介，封門柳完全無筋，燒得外皮香脆，肉質軟嫩，加埋惹味燒汁，好好味😋！


新鮮波士頓龍蝦蔥粉
龍蝦🦞好大隻，肉質新鮮彈牙；意粉🍝係handmade 嘅，帶點煙韌，每條都沾滿了茄汁和蝦味。


最後，雖然開始飽，但忍不住想試甜品。在奶凍和 Tiramisu中，選了後者。Tiramisu 用杯裝幾得意，入口即溶，帶少許酒味，幾香滑。

經開太和中心，見到有一間新開嘅小店 — 暢和號，主打食海南雞飯，所以入去試吓。 點咗 招牌去骨海南雞喇沙滲滲、叁巴醬生菜，再加蜜糖桂花烏龍茶。 「去骨海南雞」份量不少，而且雞皮薄，肉質嫩滑，軟硬適中，去咗骨啖啖肉，好好味！ 點甜酸汁同吃，甜甜酸酸，幾開胃，同雞肉好夾。 喇沙湯底好香，滲滲係油面加米粉，入口時每條都浸滿咗湯汁，好惹味，帶微辣，唔食得辣嘅人都食到，而且份量不少。 總括嚟講，招牌去骨海南雞喇沙喺水準之上。下次嚟可以試吓去骨海南雞飯，想試一試個油飯。 叄巴醬係第一次食，顏色像沙嗲醬，但質感不同，配唐生菜🥬食，帶少許辣味，幾特別。 「蜜糖桂花烏龍茶」係意料之外嘅好飲，我本身不愛桂花，但茶裏嘅桂花味好清香，甜度適中，咁啱果日天氣好凍，飲完感覺好舒服。

兩個人在家吃火鍋🍲，最麻煩是份量，不能買太少，但又想款式多啲，所以見「千之味」有「2人外賣火鍋」就想試吓，因為可以安坐家中，舒服等食！ 呢個2人外賣火鍋份量，雖說是2人，但絕對夠3個女士食。湯底有4款選擇，我哋揀嘅海老麵豉湯底好香濃，食物不用再點豉油都夠味。 最方便係豉油、蔥、蒜蓉等火鍋不能或缺嘅配料已經同時提供埋，只需一個爐就能開餐，啱哂返咗一日工嘅人！ 用料不錯，安格斯牛肉 + 美國肥牛 — 雪花分佈平均，肉質軟，完全無筋，好味😋！ 我仲另加咗pack 羊肉試過！ 炸魚皮厚身香脆 野菜拼盤頗大份，可以一次過食到不同嘅蔬菜🥬。 🍲 2人外賣火鍋 $428 安格斯牛肉（6片）+特選美國肥牛（6片） 野菜拼盤（1份） 黄金炸魚皮＋響鈴（1份） 特級墨魚滑+特級蝦仁滑（1份） 手打鳥冬（2個） 特級花枝丸、日本蟹柳（各2件） 魚皮餃、日本芝士竹輪卷（各2件） 蜂巢豆腐、廚師腸仔（各2件） 粟米（4件）＋萵荀（6件） 可樂 （2罐）

有日 lunch，經過八番屋，很想吃拉麵🍜，所以就選擇咗佢啦！ Lunch set 有8款，有拉麵🍜、沾麵和丼飯選擇，另加$12 可配小食一份。 選了「蕃茄豬軟骨拉麵🍜」，湯底偏甜，帶有濃濃嘅蕃茄香味，還有半個去皮蕃茄。豬軟骨炆得好軟身又入味。麵質有少許彈性，軟硬適中。 加配嘅「日式餃子」，炸得好香脆，外脆内軟，好味！ 八番屋嘅檸茶係日式不是港式，不是用真檸檬🍋，但入口都幾香，而且唔會有澀味，小朋友都啱飲。

我同老公都好鍾意食海鮮🦞，所以上星期六一齊去試吓「挪亞方舟度假酒店」嘅豐盛閣餐廳「芝味菇饌.海鮮自助晚餐」! 一路沿住沙灘行去餐廳，望著青馬大橋同海景，環境幾relax，好似去咗渡假咁。 餐廳內好多枱都可以望到海景，海鮮🦞有：波士頓龍蝦🦞、加拿大鱈蟹腳、紐西蘭青口和翡翠螺及麵包蟹。 其中較鍾意有「鮑魚芝士伊麵」&「波士頓龍蝦🦞」，前者係原隻鮑魚配芝士碎撈伊麵，伊麵混埋芝士食，口感creamy，鮑魚帶燒汁味，好好味😋！ 波士頓龍蝦🦞更係必試，大大隻，好新鮮，我果隻仲剛好有好多蝦籽，好正！ 熱盤款式唔算多，其中有幾款係時令茹菌做主題，都幾清新特別！ 甜品枱上嘅「蘑菇造型芝士凍餅」好可愛，呢度嘅甜點幾唔錯，仲有豆腐花添！