餐廳位於近油麻地，樓上餐廳，裝潢寧靜又坐得舒服。點了個2人套餐，食物好豐富。 2人刺身拼盤 頭盤先食左個刺身拼盤先，三文魚好好味，凍凍的好消暑。 鍋底：唐泰北蝦冬陰公湯 估唔到打邊爐🍲可以用冬陰公湯底。底下好多隻蝦，好彈牙。而且湯頭對比泰式既淡d，我認為用作火鍋一流。 2人海鲜盤：鮑魚、蜆、蝦、貴妃蚌 好大份又新鮮，食到高質海鮮真開心🥳 手切特級牛（细） 手切牛每塊都好薄，煮一煮就食得，肉質勁嫩滑。 韭菜餃及蟹肉餃：雙併餃皮薄饀靚，幾好味。 田園雜菜籃及手打烏冬 最尾索晒冬蔭公湯底超好味🤤 2杯無酒精饮品 （椰子水/ 低糖果汁🍹）

位於銅鑼灣既樓上bar,環境昏暗勁chill，定期有live band表演🎤，水吧會沖調多款cocktail特飲，一邊飲酒一邊聽歌好夾。飲完cocktail，樓下仲有得BBQ放題，真架勢！ 超豪的食物： 皇帝蟹、貴紀蚌、大隻鮮蝦及蜆 好驚訝竟然係BBQ內有依款食材，燒烤後依d海鮮全部都食原味唔好搶走鮮味，海鮮食得出好新鮮，又彈牙；特別係皇帝蟹腳超嫩滑。 多款bbq食材： 雞排、豬排、牛排、 龍蝦丸、牛丸、貢丸、魚蛋、芝士腸 多款食物，用炭燒真好食。配埋上面油吧既cocktail 酸酸地，配片蘋果好岩女士飲用。 芝麻雞： 外皮好脆，調味調得剛好，正👍

今日行完APM攰攰地搵個位食下午茶。美食廣場內原來有一間點心蒸飯店。好多選擇：有蒸籠點心、荷葉蒸飯。若喜歡喝茶配點心便可加配熱茶。 點心拼盤：5款點心（蝦餃、燒賣、叉燒包、炸雲吞、紅棗糕） 一個人最岩叫拼盤，樣樣試下味道，好過叫得一款份量太多。即叫即蒸熱烘烘，最鍾意食燒賣，大大舊肉。 牛肉球：大大舊好好味🤤 荷葉蒸飯：都有幾款選擇。 櫻花蝦蝦醬蒸豬腩肉：好濃烈嘅蝦醬味配飯一流。豬腩肉大點肥膏好嫩滑。 窩蛋牛肉飯：雞蛋另上加分！牛肉餅都整幾厚，讚👍

🫶🏻今晚想食西餐約朋友到大坑食飯，佢提及大坑最著名既舞火龍。依間餐廳既牆壁上有幅畫，畫內真係畫左舞龍，好有特色。 特價生蠔🦪 每隻只需$10咋，外面好少餐廳既生蠔可以做到咁便。都算肥美亦有海水味。而且係點酸汁食，味道特別。 🐑烤羊架 羊架烤至剛熟，所以肉質一D都唔鞋，好嫩滑。配埋薄荷醬食味道一絕🤤 烤龍蝦🦞 表面勁大pat已烤芝士，好香；龍蝦肉新鮮又好彈牙。配埋個side dish —黑松露薯蓉一起食令口感提升；薯蓉經調味鹹香，而且打至很溶身好滑。 Alcohol Drink🥤 香檳🥂:味道酸偏果味，配海鮮一流 白酒🍷：味道微苦，配紅肉一流

今日行沙田新城市見到有間泰國菜，門面幾靚，吸引咗我入去。座位都非常舒服，有啲大枱亦有梳化位。 限定菜單：潑水節海王手工菜 早前香港都有潑水節，當然也要攪攪新菜式啦。 蟹肉海鮮脆米泡飯鍋配冬陰功：話明潑水節，梗係要有「潑」嘅動作啦。儀式感十足：吃飯前要將旁邊的調味配料撥入飯中，加強飯嘅口感。不過辣到噴火，尤其是明火煮滾後加埋辣好過癮。配料有蟹肉碎、蝦仁、魷魚。 泰式脆魚鬆拌青芒沙律配泰式魚露汁 平時食泰國嘢好少食青芒沙律，質感係好有柔軟，好食過平時既菜絲沙律🥗加埋脆魚鬆食口感真係好特別。鹹香嘅魚露汁冇得輸。 椰香豚肉西米丸子 望餐牌一黑一綠色以為係甜品，估唔到係咸㗎！好邪惡，每粒表面上有一粒辣椒，又係食到噴火！但糯米丸子鹹鹹地又幾好味

♥️多蔥豬骨湯拉麵 （火炙豚肉連味玉）曲麵 友拉麵提供曲麵（粗麵）及直麵（幼麵）任君選擇，直麵幼身好多，連麵質都唔一樣，但兩者好軟身各有咬口；曲麵配濃濃既湯吸晒湯底，食到「嗦嗦」聲！一上菜勁吸引，因為真係鋪左好多蔥，我超like！湯底有好重既豬骨味道，甜頭香甜。豚肉表面經炙燒後會再好食一點，邊位帶有脂肪肉質好滑身！ 🫶🏻期間限定（三週年特價優惠） 慢煮叉燒醬油拉麵🍜 （連味玉）直麵 醬油湯味道剛好，唔會太鹹！慢煮叉燒大大塊，口感非常好，肉質超嫩👍 🥢棒棒餃子🥟 同煎餃子差唔多，但外形係直身，外皮炸至鬆脆內餡又好食😋，讚！

今晚同朋友搵左間勁有儀式感既日本餐廳，成個體驗勁新穎，係香港真係第一次體驗～咁靚既餐廳同體驗，一定要介紹俾大家～ ｛正宗清酒機｝ 我曾經有睇過一D網站/Blog介紹日本餐廳內既清酒機體驗，但我唔知道原來咁近，係香港都體驗到～餐廳內一排的清酒機有多款選擇，共36款。只需每人購買清酒放題🍶便可整晚無限品嘗所有款式。只需簡單登記APP，便會將coins入進賬戶，每次飲酒時自己嘟一嘟便可～ 很有儀有感的是，每次拎完清酒後需要拎埋個號碼牌記錄款式，避免太多杯忘了眼前的清酒款式，隨時可到機前觀看款式介紹。 ｛免費和服👘體驗｝ 香港很少餐廳有和服👘體驗，打卡區有多款和服岩大人🧑細路👦著； 仲有袋子頭飾俾你配搭，木板鞋都幫你預備埋，真細心～ ｛特選二人餐｝ 大大份刺身拼盤： 原條魴鯡魚 配酸汁 大拖羅 油甘魚 鮮帶子 熟瑩光魷魚🦑 原條魴鯡魚超新鮮，超薄切好考師傅刀功。必點酸汁口感會提鮮。鮮帶子同普通帶子唔同更大隻，厚切下較為爽口及鮮甜。 壽司拼盤🍱 包括： 鮮帶子、中拖羅、火灸左口魚 壽司款式多又好味。 大大塊和牛 原塊和牛切開一條條，咬落好嫩滑。好味到食完一舊又一舊。 仲有個蕎麥麵主食，個麵底部煎香左，咬到底部好脆。將d麵放落湯食，濕濕地更好味🤤 套餐仲有枝豆、魚乾、串燒、湯、梳打餐飲及綿綿冰🍧等，好豐富。

🫶🏻餐廳經常非常旺場。一坐底係紙仔選好想要既湯底，調好自己既醬汁、拎外面既配料同拎完飲品就有得食～ 🕕究極和牛放題 肉類款式：（任點任食） 澳洲M7和牛 Prime牛板腱 安格斯牛肩胛 一級肥牛 封門柳 澳洲和牛金錢展 牛脷片 鮮牛肉 ♥️第一次侍應會拎一大盤牛肉上枱，款款都係靚部位，擺盤分好每款肉，有埋牌仔做記認好精緻，而且份量非常足夠。肉類色澤都帶鮮紅色好新鮮，食落每款都肉質嫩滑一d都唔會鞋口。而我最鍾意係超重牛味又juicy既澳洲M7和牛片。 🥘湯底：肉骨茶 幾特別既選擇。湯頭顏色較濃呈啡色，入面好多排骨粒煲至入味。 外面仲有多款配料同迷你杯雪糕任食。

🫶🏻今日同朋友荃灣廣場行完街，過馬路去大壩街見到好多野食，馬路對面就有間日本野，仲要係我之前食過其中一間日本野既分店，即刻入出去chill下，可以選坐大枱/bar枱。仲叫左個300ml既清酒🍶配搭刺身嘆下～ 蜜柑鯛薄切&赤血引 （4切） 刺身超清鮮！薄切都好考刀功 特上十貫目🍱 （其中特色既有：加拿大海膽、鰈魚邊、大拖羅及深海池魚王） 賣相精緻，每款有一件，可以依到十款不同口味既壽司好幸福~ 壽司一定要用新鮮魚生，而魚生一直放係廚師既壽司製作桌上的凍櫃，見住佢慢慢拎D魚生出來切，即刻胃口大增。加拿大海膽鋪左幾層，賣相豐滿食落入口即化，而侍應表示大拖羅一定要最後先食，因為好香濃🤤 🥢清酒煮蜆 採用大蜆，乾淨無沙，大隻D口感更佳; 連埋清酒一起食，會食到好鮮甜既味道👅。 抵食串燒： 豆腐串、小甜薯、豬腩肉串

呢間餐廳每晚都好旺場，三款肉類放題套餐任君選擇，食足120分鐘。特別位係火鍋前係先揀惹味雞煲/黑椒豬手煲/火焰牛尾煲或酸菜魚鍋（新）👍。 酸菜魚鍋（新）👍 同外面比，依間係酸菜魚鍋湯底較清，酸味足而辣味很少，對於我朋友麻麻地食得辣係好適合！魚🐟片好嫩滑份量又多，除了有雲耳、金菇的配料外更有好彈牙既透明麵麵！ 養生滋補鷓鴣湯底（每日限量）配菜：紅棗桂圓蟲草花 依個湯底真係好有住家湯既感覺，我飲左幾碗完全唔口渴。煲耐左會變得金黃色，鷓鴣同配料愈煲愈濃，用來煮瓜菜類勁正索味。 安格斯牛板腱&封門柳 必食之選，肉類色澤淺紅色代表好新鮮。寫住煮6秒食得，肉完全唔鞋，係超軟身又重牛味！指定套餐更有牛小排送。 其他配料： 自助區有多款火鍋配料自取。而電話落單亦有多款配料，例如：蝦🦐同蜆好彈牙！