最近凍咗咁多，我就同家人去食冬日限定的【金秋蟹宴】🦀 套餐包咗有五道菜，包括有酥炸蟹皇蓋、蟹粉小龍包、雪裡藏龍、蟹粉豆苗、臘味煲仔飯。 🦀酥炸蟹皇蓋 表面好脆，先焗後炸，令入面嘅料合而為一，味道互相配合加上脆嘅表層口感豐富。 🦀蟹粉小籠包 入面包裹住滿滿嘅湯汁，皮薄，咬落仲有濃濃蟹粉味，口中滿滿湯汁，但唔會完全蓋過肉味。 🦀雪裡藏龍 蛋白炒得口感像蟹肉，入口滑溜，內藏不少蝦隻。亦有炸蝦同紫菜拌碟。 🦀蟹粉豆苗 時令豆苗嫩芽爽口，配搭鮮味蟹粉，好好味。 🦀臘味煲仔飯 香噴噴，飯夠乾身，又夠香！

難得一家人出去食晚餐🥰🥰 朋友介紹咗一間好食嘅海鮮酒家「神燈海鮮酒家」。 今日係周末，所以都好滿場！ 我地預早book位，坐係卡位。如果再多d人就可以安排坐係圓枱。 餐單上都有好多單叫選擇，亦有不少抵食套餐選擇。 我地就散叫，自己叫自己喜歡嘅嘢食😋同埋職員都介紹咗幾道菜比我地。 糯米炒膏蟹 $568、星洲麥皮蝦 $248、即燒乳豬（1/4隻）$258、金湯海皇豆腐 $138、法式蜂蜜芥末蝦球 $138 呢道會先上前菜 $25，同埋茶芥每位 $15。 糯米炒膏蟹🦀 呢道菜用煲仔上，未打開蓋已經聞到好香。職員打開蓋後會幫手拌一拌個糯米飯，以免燶底。一打開就見到隻蟹好大隻～橙色反光嘅蟹膏痴係蟹肉上面！望到都流口水！而蟹蓋都收埋咗唔少蟹膏，質感似蛋黃，口感豐腴。蟹肉肉質滑嫩。糯米飯滲透了膏蟹嘅汁同鮮味，而且炒得粒粒分明、乾身，好正呀！ 星洲麥皮蝦🦐 麥片蝦是新加坡著名菜式，估唔到香港都有得食返！炸蝦好大隻厚肉，蝦殼炸得香脆，加埋微甜嘅麥皮，口感好好。 即燒乳豬（1/4隻）🐖 乳豬有1/4隻、半隻同一隻揀。乳豬皮薄，而乳豬肉都被切食一件件，方便食用。乳豬皮入口脆卜卜，乳豬肉肉質嫩滑。 金湯海皇豆腐🍲 外表黃金嘅湯茨加上雪白豆腐，可能賣相無其他餸菜吸引。但食落就知道低估咗佢！茨汁係由鹹蛋調味，帶沙嘅口感而且鹹香。內涵餡料豐富，有草菇、蝦仁、帶子等。拌飯一流！ 法式蜂蜜芥末蝦球🍯 大大粒嘅蝦球炸得晶瑩，炸衣唔厚。口感彈牙，帶甜度的蜂蜜芥末醬令味道更吸引！ 📌 神燈海鮮酒家 佐敦長樂街14-20號18廣場地下

「燒肉×火鍋Crossover雙重放題」 晚市分咗3個價錢，A係最平，星期六日都係$138@1位。如果想食埋刺身就可以選擇B，$168@1位。如果選擇A / B都要7點前離座。C嘅彈性就最大，$238@1位。而我地就選擇咗B，包埋刺身，五點入座，食120分鐘。 安排入座後見到一張枱有一個燒肉鐵板，同一個電磁爐。食物、飲品基本上都係自助，一開始食物區係好多人，有食自助餐嘅氣氛。 我地首先拎咗燒肉嘅食材，再去開個火鍋。火鍋湯底有幾款，我地斟咗豬骨湯，味道清清地，用來煮下蔬菜、菇類，平衡返燒肉嘅油膩感。 飲品方面，店家有自家製冷泡花茶，茶香芬芳味道濃郁，解膩。 刺身大約有7款選擇。其中阿根廷紅蝦大大隻肉厚，口感彈牙，encore好多次！

去將軍澳覓食又唔想食一式一樣嘅連鎖店，咁就要去澳南海岸啦！ 澳南海岸自成一角，但不乏餐廳食肆，不同外國菜式都有。 其中「SeoulMate」就係食韓式Fusion菜嘅。 呢道環境好適合打卡，好多壁畫，仲有秋千位，同好大隻啤啤🐻！ 韓燒豬仔脾鐵板芝士配薯條 $148 好邪惡的拉絲芝士。豬仔脾煎開，再加芝士，好滋味！記得襯熱食就最好味。份量唔算好多，但食埋薯條就夠曬飽！ 紫薯拿鐵雪山 $46 賣相一流！紫色的雪山。一層厚厚的奶蓋，上面有紫薯粉。紫薯同奶蓋味道好夾。奶蓋偏重奶味，唔似平時我地飲開嘅台式奶蓋，但飲落就無咁搶味👍🏻我覺得唔錯！ 蜜桃乳酪梳打 $38 呢款就比較解膩，酸酸甜甜，飲落好爽！

朋友帶我去旺角食好西～😎「臭臭鍋」😰😰 「臭」係指臭豆腐！係台灣流傳過嚟嘅美食👍🏻 所以就要去返台式食店「茶茶台式料理」食～ 呢間台式食店除咗有台式小鍋，仲有手工麵，滷肉飯，台式小食，台式飲品～只賣台式菜式嘅餐單都好豐富😙 台式小鍋原來都有五款選擇。心大心細咗咁耐，最後都係無揀到臭臭鍋🤭因為隔離枱的「酸菜肥牛鍋」更吸引我眼球同鼻子♨️所以我都叫咗「酸菜肥牛鍋」。雖然是一人一鍋，但份量都唔少！上菜時已經可以熟咗，可以隨時食。鍋底下有微火一直加熱，唔怕湯頭會凍咗。 酸菜肥牛鍋 + 公仔麵 $108 + $8 上枱時已經聞到好香嘅酸菜味！火鍋配料有肥牛、酸菜、豆腐、粟米、菇、蜆、金菇、榨菜、支竹、花枝丸、貢丸、娃娃菜、蟹腳、粉絲。真係非常豐盛！粉絲吸收湯底精華，好美味！開頭怕唔夠飽仲加咗公仔麵，食完真係好飽好滿足！

再到訪Urban Coffee Roaster，今次是自己一個的輕食晚餐。 心情郁悶的晚上，自己走到海旁吹吹風，再到Urban Coffee Roaster吃個晚餐。 餐廳環境真的不錯，裝潢走工業風，氣氛放鬆。有吧枱讓客人欣賞手沖咖啡過程。也有窗口位可以欣賞海旁風光。 坐在相同位置上，今次我點了「漬油甘魚卷配海膽汁」同一杯「Iced Decaf Mocha」慢慢享受。 「漬油甘魚卷配海膽汁」 $108 賣相一流～light bites份量，共有五件卷。一件卷的份量也多。漬油甘魚包裹著白飯跟紫菜，最中心也是油甘魚。頂層隨意加了海膽汁，還有蕃紅花，日本豆苗。一口吃下去，先有清新感覺，再有油甘魚的油香。 「Iced Decaf Mocha」 $57 外觀打卡一流，淡淡咖啡甘苦帶點朱古力微甜，入口順滑。

周末訂了九重鮮的「家用版海鮮串燒放題」 外賣自取回家慢慢享受🙆🏻‍♀️! 「家用版海鮮串燒放題」 $698 入面有新鮮海鮮+串燒材料套餐， 份量大約有兩至三人份。 套餐包括了： 海鮮：本地帶殼蠔 6隻、海蝦半斤、海蜆半斤 串燒/烤肉/菜蔬： 牛扒、雞扒、泰式串燒豬梅肉、泰式串燒牛柳頭、豬頸肉串、墨魚鬚串、牛脷串、京蔥牛肉串、車厘茄煙肉串、泡菜豬肉串、翠肉瓜豬肉串、多春魚、蒜蓉金菇、金菇芝士肥牛卷、菠蘿、粟米 (各兩串） 小食：泡菜 醬汁：韓式蒜茸辣椒醬、泰式酸辣醬、馬沙文沙嗲醬 滋味咖哩牛肉飯（一盒） 葡萄紅餐酒（一支） 甜品（兩杯） 餐廳已經預先洗乾淨海鮮， 串燒、烤肉已經切好串好， 回家後只需要擺上煮食用具就可以。 我就用了Bruno電熱鍋的烤盆和蒸隔， 新鮮海鮮最好就是用蒸的～ 而其餘的就用烤的～ 太方便👍🏻 蒸熟後蠔會自動打開， 入口滑嫩咸鮮。 而海蝦我多手加工了。 開邊加蒜蓉蒸，更滋味！ 烤肉，串燒等預先有調味。 烤熟就可以食用。 未夠飽的話， 還可以加熱咖哩牛肉飯。 好豐富的一餐！

朋友今日帶我來新開業的「小火焰」。 是一間韓式餐廳開的新分店，有很多種類的韓式食品。 新開業真是人頭湧湧，大家有興趣也要花點耐心等待～ 不過入座點餐後，食物上菜也很快速，職員非常快手。 有午餐餐牌同全日餐牌，午餐餐牌是不用加一的。 魷魚水冷麵 $68 冷麵麵質爽口，清淡冰涼。魷魚入口彈牙爽口。 脆香牛油雞翼 +$10 加錢可以追加小食。牛油雞翼外皮炸的香脆可口。 糯米糍3.6牛奶乳雪花冰 $68 雪花冰重奶香。上面加了杏仁片和花生碎。朱古力糯米糍入面是朱古力吉士醬，超濃郁的味道。

晚上不想煮食，就在屋企附近找找食店外賣回家享用。 之前朋友介紹了Superdon給我，今日一試吧！ 丼飯有熱食的，也有刺身的。 天氣冷，所以我們點了鵝肝和牛丼和火炙海鮮丼套餐。 套餐包含了丼飯，麵豉湯，前菜中華沙律。 鵝肝和牛丼 $98 丼飯加了日式燒汁，味道香甜。我喜歡將鵝肝拌入米飯中，增添一份咸香。和牛肉質鮮嫩，呈嫩紅色。份量也不少。 火炙海鮮丼 $98 入面有左口魚，三文魚，吞拿魚。魚生輕輕炙過，油脂散發出來，真的讓人食指大動！

昔日香港 漁業蓬勃
今日想嘗新鮮海鮮 未必處處有
朋友帶我來了「小漁港」一飽口福！
在門外已經看到大大的水缸
入面有鮑魚、帝皇蟹、海螺等等新鮮海鮮
進內見到不少昔日漁港的照片
我們選擇了「是日廚師精選套餐」$298/位
若果想預先知道是日廚師菜單
可以先看店家的 社交平台公佈
我們還加了瑤柱粥底和小食「迷你蕃薯天婦羅」

職員會先消毒桌面 排好餐具 才叫我們入座
甫坐下 「象拔蚌刺身拼盤」已經為我們端上
有象拔蚌、海膽、帆立貝、北寄貝、帶子
全部都超鮮嫩 象拔蚌彈牙有嚼勁 好好味！
不消幾分鐘 蒸鍋食材已經出現在我們眼前
全程也有很好的服務 職員會將食材擺在氣鍋裡蒸
並利用內置計時器倒數蒸煮時間 當計時器響起後會主動過來分配食物
第一盤 先是龍蝦🦞 新鮮容易去殼 啖啖肉 肉質結實 入口彈牙有嚼口
然後其他食材陸續入鍋蒸♨️
第二盤有粉絲扇貝、鮑魚、🦐蝦、🐟魚
粉絲扇貝好入味 鮑魚彈牙有嚼勁
魚肉嫩滑 較多骨 吃時要留意
第三盤有青口、蕃薯貝、生蠔
蕃薯貝同青口好大隻、鮮甜 記得拔走青口足絲
生蠔好肥美滑嫩
第四盤是🦀蟹
蟹身會用蒸的 而蟹殼會放入粥底內 增加粥的鮮味
蟹肉肉質飽滿 嫩滑細緻 超肥美鮮甜
第五盤是南瓜、蒜蓉蝦米蒸勝瓜、蟲草花荷葉雞
好特別的蟲草花荷葉雞 是連烏冬一起蒸
荷葉雞味道滲入烏冬內 超惹味
最後就是所有精華煮成的瑤柱瘦肉粥
因為有雞的油份 當初的白粥在這時已經變為金黃色
嘗一口 有海鮮鮮甜味道 亦有雞油香味
比起其他海鮮粥更鮮味 太好吃
小食「迷你蕃薯天婦羅」 有薄薄炸衣 蕃薯口感綿綿 不知不覺食了好多
食材份量好多 肚子已經飽撐了 非常滿足 確實是超值！🈵