今日約咗班兩年左右冇見嘅同學出嚟食嘢，揀咗打邊爐啦，初頭以為係啲好普通嘅打邊爐舖頭啦，點知上到去，見到個鋪面， what ？ ！我係咪行錯地方啊？成間店都係充滿粉紅色泡泡少女心嘅裝修啊，連我呢個平時咁男人婆嘅人都不敢流出心心眼😍wow…
呢個裝修真係好令人印象深刻，只能夠說，女人生意真係容易做，但係當晚既人流係男人多個女人，睇嚟佢哋粗獷嘅代表下都收埋咗一顆少女心。
望住個Menu，樣樣都叫咗啲嚟食啦，佢哋嘅賣點好似除咗裝修之外亦有Service，感覺有啲似海底撈，會有一個特定嘅人指定serve其中幾台，如果你要做啲乜嘅話，佢多數都會過嚟幫你倒下水加下湯 佢啲嘢食鋪排都幾靚嘅，食物質素同平時嗰啲差唔多，我哋叫咗個鴛鴦鍋底，一個係「膠原蛋白美容養顏鍋」&另一個係「長身抗癌松蓉野菌鍋」 佢個招牌美顏湯，真係幾特別好好飲好好飲！最緊要係佢地有service，幫客人去夾餸、撈嘢、等等
整體感覺都非常好，下次會再同班姊妹去

今次同大家介紹係我喺香港最愛食既其中一間食台灣野既店！呢間係我第n次返兜啦，雖然小小貴，但佢果碗暗然銷魂滷肉飯真係我目前ge真愛。
成個味道都咸甜適當，肥瘦均勻，加埋啲洋蔥脆脆係飯面度撈埋一齊食，真係每食一啖都係享受🤤 另外，佢地既咸蛋黃芋泥波波都幾有驚喜驚喜😳粒芋泥波波溝埋蛋黃醬一齊食，又幾夾wo！帶比舌頭一種新鮮感🤤 蟹肉麻婆豆腐撈面都好正，小辣😌我都食到，多蟹肉，豆腐同面真係好夾口感好正！ 雞球波波都係啲外脆肉冧既，加埋佢嗰兩個醬一齊色真係別有一番風味呀 Oreo麻糬都係好食ga🤤係完d熱辣辣既野，再黎個涼陣陣既甜品，黏而不膩
食左幾次都無失望，下次都會繼續燒朋友黎食♥️♥️♥️ trust me, go try it🤗

［ #元朗美食 ］呢間餐廳裝修得好ig風，假日同三五知已黎chill chill打卡都好有feel，今次係放工黎，都唔算多人，所以坐幾舒服，同埋冇限時食嘢，覺得幾好。

同有人兩個人唔係食好多，但到嗌左幾樣嘢食，最有印象嘅片中就係個雞翼同埋南瓜意大利飯（本人對南瓜意大利飯特別情有獨鍾，所以如果見到Menu有南瓜意大利飯呢通常我都會叫黎試吓食） 首先講吓個雞翼先，雞翼皮炸都幾脆幾香👍🏻 薯粒鑊仔粒我就覺得一般般啦 最好食都係個軟殼蟹南瓜意大利飯，好香南瓜味，好入味👍🏻  杯抹茶我嗌咗燕麥奶，搞到抹茶味勁重😶但查實應該溝牛奶好飲啲🤔

由於成日都會黎灣仔，所以一有咩鋪頭變動就好快留意到。呢日見到新開左間”丹麥冰室”，裝修都幾好，坐得舒服，叫左佢地既本店推介「蜜汁叉燒湯意粉配火腿奄列配牛角包（可選牛角包/丹麥多士/蒜蓉多士）」HK$ 49 同埋 「招牌咖喱吉列豬扒飯」HK$ 62 黎試下！ 蜜汁叉燒湯意粉配火腿奄列配牛角包HK$ 49  呢個黎得都幾快，個蜜汁叉燒唔錯，湯意粉就普通，火腿奄列偏油同唔夠Juicy，牛角包以為係脆皮，但係普通面包皮，整體無乜驚喜，一般般啦 招牌咖喱豬扒飯HK$ 62  相反個招牌咖喱豬扒飯就有驚喜，等左好耐，係唔多食完第1個餐先黎！不過唔緊要啦，因為佢個炸豬扒係好食，外脆肉冧，厚切，咬落去淡淡肉，炸得岩岩好，配埋啲微辣咖喱汁，真係好惹味啊！滿足！可以抵消返等候時間！
唔知係咪因為新開，見到有個著住廚師衫嘅人行嚟行去，周圍問人好唔好食，我諗都係加分位嘅，起碼好唔好食都可以即刻話聲俾佢知先

呢日朋友突然話想入去西貢食野周圍摃下，所以就即興揸車入去。入到去都已經係晏就1點幾差唔多成2點，一眼相中左呢間靚靚CAFE- ORCA，可能係過左最繁忙既LUNCH TIME時間，所以即刻有位坐。
佢地有分indoor同outdoor，咁今日天氣都幾熱，所以就坐左入indoor啦，室內環境主要上左白色既牆身，落地玻璃，彩光十足，佢地選取既傢俱都好有格調，而我鐘意係佢地既Tiffany Blue既坐椅，配色令到整個餐廳環境好舒適，岩晒我地打卡。
講返食物先，今次order左all day breadfast同莎樂美腸菠蘿pizza，同埋一杯mocktail，叫假的真不了(mirage) All day breadfast有炒蛋，茄汁豆，沙律菜，腸，牛角包，味道不過不失，只係牛角包略嫌有啲唔夠鬆脆。 啱啱焗好既Pizza餅底鬆脆，加上濃郁芝士，啖啖肉既莎樂美腸，多汁香甜既菠蘿，十分好食。 假的真不了由蝶豆花，玫瑰花蜜，青檸，雪碧，梳打水調製而成，顏色由紫到紅漸變，打卡一流，不過味道一般。
整體黎講我都係好滿意既，最令我印象深刻既係佢地既PIZZA！
系一個優美嘅環境下享受了一頓午餐，為接落嚟嘅行程打響了頭炮。

住係大西北嘅我甚少入黎西貢呢頭，因為實在太遠啦！難得今日＂特登＂入黎玩獨木舟，梗係要順便搵下有咩好嘢食啦！玩咗半日獨木舟已經消耗晒啲體力，但又未到食晚飯鐘數，最岩去食啲細細件小食頂住肚先！睇過其他blogger必食推介呢間已經有好多年歷史嘅西貢咖啡餅店，就已經好想黎試食啦！（其實都因為我本身都好鐘意食菠蘿包同葡撻既關係，所以都特別期待！）
呢間西餅店位置一啲都唔難搵，係正市中心，基本上行過條海鮮街，見到有好多人排隊，就可以估到係左近，我地係兜過海邊入去嘅，首先見到2-3間人氣cafe，再行入啲啲會見到間舊式西餅鋪，離遠已經見到佢間鋪啲菠蘿包同葡撻一底底咁擺埋一齊，顏色鮮艷，香味撲鼻，已經令人蠢蠢欲動
間鋪無華麗既裝潢，只有香港人懂的歲月味道。由於好多人排隊（大概排10-15分鐘，視乎人流），亦因為多人排隊，所以佢果兩樣必食賣得快整得快！！！代表咩？即係你伶到手食落口果陣，保證新鮮滾熱辣！！係質數呀！！！ 我地叫左個菠蘿包加牛油（牛油需另加錢）同葡撻食。由於個菠蘿包係熱辣辣出爐，伶到手時舊牛油已經融融地痴住包身度，然後痴埋個非常鬆脆嘅菠蘿蓋黎食，簡直每一啖都係幸福感呀！另外，葡撻都係熱辣辣出爐架！食落口都好鬆軟，總之真係如其他人所講，你黎西貢唔買黎食，就唔好話自己黎話西貢啦！