🍴餐廳：海膽仔 📍地址: 新蒲崗衍慶街2-32號新蒲崗大廈地下Q號舖 呢間餐廳我哋每次都係搭車過嚟食，因食刺身飯比市價平一半，可以瘋狂食海膽同刺身，仲要好新鮮！ 食其他燒物同炸物都係非常之便宜，十分優惠， 來呢度主要食海膽同丼飯，丼飯重送麵豉湯同埋沙律好貼心，食咗好多刺身一定會好漏，飲返個熱辣辣嘅麵豉湯就啱啱好 ♥️海膽三色丼$138 加埋吞拿魚蓉同埋超多三文魚籽，呢個飯真係超好食 ♥️海膽豆腐$68 呢個海膽豆腐又係好推介，第一次夾住豆腐食海膽，口感非常難忘，海膽味超濃，期間限定，好滿足！ ♥️松葉蟹雙重丼$128 勁多蟹膏同埋蟹肉，仲好食過去北海道食 ♥️刺身 活赤貝$45 北寄貝$38 廚師將部分赤貝夾住青瓜同埋紫菜，咁樣食口感重鮮甜，赤貝一定要餐廳食新鮮先好味 ♥️甘栗子薯餅兩件$32 食到薯餅入面有粒粒栗子，阿女好鍾意食 ♥️吉列生蠔$38 新鮮蠔，一如既往嘅好食 ♥️玉子壽司$12 食到咁樣先$499！坐車過來都抵，建議下午茶時間來比較好，免加一同埋少d人，呢度食生蠔都好好味，不過我哋今次叫咗海膽就無叫生蠔

完全冇人手招扶 所以食物都係凍！ D 員工全部負能量！ 咁辛苦不如執咗佢 一開始漏單 冇人斟水！ 啲夥計就咁車落枱面度？ 其實你哋開爛咗個頭 唔夠人手做 不如早早地執咗佢 起碼唔會浪費食物 片皮鴨至到芒果蝦及小籠包，全部都係凍嘅 係食物個心都係凍 同個侍應反映淨係識 哦哦哦 最好笑鰻魚炒飯，連個煲都係凍㗎 餐飯淨係聽到經理侍應喺度放負能量 係咁話自己唔想收一點 連內部冇人洗杯都大大聲 好似廣播咁樣 令到客人覺得阻住佢哋收工 公司真係要好好栽培訓所有員工

近日興起浸沉式藝術，剛剛認識了是什麼東西不久，又見到有沉浸式美食劇場 ，好奇心驅使下，趁着情人節翌日，補祝開心吓！ 詹瑞文為總監、導演再編劇之製作，「捕夢之旅」的推廣 poster 銅鑼灣地鐵站可見，因為演出地點正位於此區，餐廳名為「十八夢」Megastage。 「味、嗅、視、觸、聽、本體」六感嘅沉浸式美食劇場體驗係咪呢？即是用餐之地亦是舞台，演出者走訪客人餐桌，近距離接觸，甚至有互動及對話；場景不只有音樂及聲音、更配合光與影象變化，如夢幻之旅。 是日的主題以「夢與夢想」為題，帶大家遊歷一場失眠者與捕夢者在「夢域」的奇異旅程，從而喚醒大家對追夢的初衷！

 至於夢之筵席，我們的四道菜在劇情之流程內，賣相及食物配合劇情，大家只需要忘記現實，陶醉在當中，便能全程感受。 餐單十六回，由 Mr D 帶出兩位穿睡衣的男女主角，而我們的晚餐，夢活先飲湯。 夢海浮沉: 番茄湯羅馬蕃茄仔是紅寶聖果，可令人回春20年，亦可夢見見未來！ 蕃茄清湯湯頭濃郁，清新的酸香，配兩粒麵包，喻意浮沉，以羅馬杯飲，好玩有趣，不過份量少。 然後玩夢迷語，FF, KOL, WTF代表甚麼？可以試想快樂的根源是甚麼？

答案分別是：

funny face

Keep on laughing

Wow that’s fantastic 


舊歡魚夢: 刺身錦盒野生獅魚、北海道帆立貝、岩手縣羽田真壕、北海道馬糞赤海瞻非常欣賞這一道，包裝有心思，半透明的玻璃錦盒意喻魚缸，右方下角竟然夾住一只會飛的紙蝴蝶，一打開盒子便彈出來，嚇我一跳！ 刺身材料極上乘，鮮甜味佳。 Limbo 怪物出場，故事總有壞角色！ 

原野夢圍中的夢豬豬: 伊比利亞豬鞍由私人牧場飼養的夢豬豬，以開心草及歡笑大麥餵飼，懶牀肥美。 實情是以無花果慢煮了60分鐘，肉質保持粉嫩之紅，可以吃。 賣夢不可能，馬上嚟夢露以歌聲拯救。 

甜椰椰夢歌:椰漿朱古力最後一道是甜點，頗特別。

 演員建議大家捕捉熱誠，享受追夢的過程，表演完美結束，大家可以拍照留念。 好玩有趣，沒有冷場，值得體驗。

 

平日好鐘意石籬粉仔，幫襯左3年，經過今次，以後都唔幫襯。 8月22日，我叫左粉仔翅，炸雞翼尖，煎釀三寶，之後紅色衫職員(我估佢係新黎)，佢將碟煎釀三寶放上枱時，掉左個炸雲吞係枱面，佢表示會換過俾我，即時執起炸雲吞放在托盤的污糟毛巾上，然後拎俾老闆，但老闆竟然拎個鐵鉗夾起原本污糟雲吞放回碟上，紅衫職員話换左。好明顯係講大話，因為我見到老闆無換過及雲吞形狀係一樣🤬😡 離開前同老闆娘講呢個情況，她只說了:唔好意思。 😤😡

今日叫外賣，叫咗80元招牌鮮茄豬扒意粉但係冇蕃茄，何來鮮茄？何來招牌？80元咖喱牛脷意粉嘅係咖喱水，50元泰式沙嗲串燒冇沙嗲，紅豆冰係冇味，收得唔係平，質素卻極差😡不會再幫襯。

油麻地50年老字號「大安茶冰廳」今年易手重開！新一代接班人將佢改頭換面，由裝修去到店員穿著，裡裡外外每個細節都展現緊「懷舊復古」嘅姿態，門面就落足心機喇，但老字號嘅風味又留唔留得住呢？ 🤨 《 杏霜卷蛋 》 $28 2 / 5 賣相靚仔，卷蛋口感濕潤，不過太多𝘊𝘳𝘦𝘢𝘮變左入口實的的感覺好𝘏𝘦𝘢𝘷𝘺同油膩，杏霜𝘊𝘳𝘦𝘢𝘮略厭有點死甜，質素好一般，仲盛惠廿八大洋 💸 最不解係我哋食剩三份一個放埋一邊，店員問都冇問就直接拎走咗，雖然睇落都似唔會再食，但都應該問聲呀…… 《 牛面頰羅宋燴通粉 》$98 1 / 5 成碟嘢除咗「鹹」都食唔到其他味，好似錯手放多咗好多鹽咁🤢 真係要食一啖飲勁多啖水…… 牛肉冇鮮味，咬落似擦膠勁多筋，重點係上菜速度奇慢！完全對唔住個價錢😓 《 京蔥沙嗲牛肉比高 》 $72 2 / 5 等最耐係呢個，起碼20分鐘，雖然沙嗲牛肉本身就濃味，但哩個調味又係誇張地鹹😵‍💫 牛肉用上封門柳，好矜貴所以比得三片🥲 其餘係洋蔥同菇，仲有看似花巧加上去嘅檸檬碎，味道係格格不入😵‍💫 唯一比較好係𝘉𝘢𝘨𝘦𝘭有嚼勁，外層夠脆🥯 總括黎講，今次嘅用餐體驗認真麻麻😖 一間餐廳如果淨係花錢花心機係裝修同𝘎𝘪𝘮𝘮𝘪𝘤𝘬而忽略食物質素同服務態度嘅話，長久落去只會「劣幣驅良幣」，真係未曾試過食餐飯谷氣到連嘢飲都唔想嗌，希望只係因為soft opening水準唔穩定，如果唔係真係失望…… ——————————————— 🏠環境舒適度：💛💛 👅舔脷回頭度： 📸打卡able度：💛💛💛 ——————————————

在網上付費購買了林洪記水產的一款套餐，共三位。
於前一晚先透過 WhatsApp 跟餐廳訂了該晚 8 點正一桌 3 人枱，然後於當日正午12時再致電對方確認該預訂(留了電話和姓氏)。
怎知道我們三人準時在約 7 時 50 分到達餐廳時，負責招待的男員工很不禮貌的說”沒有你們的預約喎！” 我禮貌地提供WhatsApp 對話作證據，並指出本人下午十二時打過電話來確認。那員工才承認忘記了我們的預約，但態度輕挑的說 “就算有預約，都要等到 8 點 30 分才有位。”還試圖混淆視聽，說他不能趕走正在進食的食客。 請問，如果不能準時提供餐桌， 為何要有預約？ 為什麼要寫明有3個時段用膳？ 預約有什麼用？ 還要全數收取費用？ 我們嘗試理論，並告知該員工我們是特意從其他地區坐車來用餐的，怎知該員工態度差劣，叫我們一係等，唔等得唔好食，不然就去別的分店(分別在長沙灣和坑口)！
我忍著怒火，告訴他我們已在網上付費了，而且問題在於他們，他們就要處理！該員工繼續以囂張態度叫我們可自行上網申請退款，再不滿意就報警！ 我們要求聯絡更高級職員但遭到不同藉口拒絕，我也嘗試致電其他分店，亦不果。 就這樣到了八時四十五分(已等候了55分鐘)，點知該店員故意為難我們，將空桌讓給比我們遲來的四至五組食客。我按捺不住，就上前跟該員工問個究竟。殊不知對方竟然囂張的不斷呼喝：「就是特登不給座位你們，不滿意就去報警吧！」
我不斷致電其他分店投訴，分店職員聲稱替我們致電餐廳老闆。我們要求退款，亦得不到回應！！
如此等到 了9 時１０分，對方依然不讓我們進入餐廳，還故意在我們面前輕鬆喝汽水。(留意番，此時已等了80分鐘!)那時我們三人都餓得要瘋了。無奈唯有轉去別的餐廳！ 這是我人生中遇過最差的餐廳及員工！ 今時今日咁嘅服務態度仲可以留低？？ 重點係，我已經比錢，但沒有得到應得的膳食和服務。 還要在街中呆等個幾鐘。是日心情完全被破壞！ 無心開餐廳就唔好害人！ 請啲完全無受過教育的人真可恥！ 如果可以比負分 我想比負100分！！！！！

9月23日5時後, 路經古珐蛋糕九龍城店, 見櫥窗上貼上「100元2個」, 店員推銷說:「100元任選2個蛋糕｡」 我見價目表上多款蛋糕已售罄, 便買了“咸蛋黃”和“稀有糖原味”各一。店員說: 「稀有糖蛋糕是沒有什麼甜味的｡」但她沒有說是多了“燶”的氣味和“苦”的味道呢！ 是成本重擔令店主也在捱“苦”嗎？但為了多賺十元八塊, 是不會令你“苦”盡甘來的。 焗燶了的蛋糕, 是不會吃壞人, 但「商譽」壞了, 便…………………!

睇廣告好似好好食好抵食咁，於是去試吓，上二樓要行樓梯冇升降機，叫咗半隻乳豬、星洲胡椒花膠雞煲、薑蔥鮑魚炆雞、椒絲腐乳炒通菜、上湯銀絲雜菜煲。乳豬好唔掂，手部位置被扣起一截，問侍應點解會咁，佢話酬神豬先有手有腳🤦🏻，廢事同佢再追究，而星洲胡椒花膠雞煲就冇乜胡椒味和雞味，有好多料但係無乜味而淡淡似水，其餘兩個菜都影真麻麻，唯有係個薑蔥鮑魚炆雞煲比較正常，侍應招呼唔掂，整體來講有啲失望，未必會再幫襯，嘥錢買廣告不如做好啲菜式同服務好過。

這間自助餐廳，一向是我認為最可靠的飯堂，但疫情下停了一些時間，母親節當晚再去了一次，失望。 食物款式一向都不太多，當日更少，平時不會怕沒有的食物，所以不用去爭或急著排隊，今次都呈現了，冇了就冇了，所以人心惶惶咁一出就去取，大家都費心思為這，失去了聚餐的優閒進食傾談。 食物也差了很多，燉雞湯的味道大不如前，好像油鹽水，很多油，刺生款式少了，排隊很久只分配了兩件，甜品又減了款式，因為甜品櫃內要放埋生菓串，幸而，安排的服務人員態度仍然很好，希望食品質素可能提升返至以前日航時代，好懐念星哥的手制薄餅及𦍑茶，那天乜都冇，失望。 不過，我都會平日再去多一次，希望那天只是因重開自助餐廳未能正常，日後會好些！ 不過，最可惜及最失望的是母親節當日，餐廳一些母親節氣氛也沒有，往年都有朵康乃響送給人拍照，今次乜都冇！失望中失望😞