久聞我是酸奶君大名一段日子，今日路經小店，決定試下佢既飲品係咪咁好味先！平日我通常飲開普通茶飲，有酸奶既飲品都好少揀，所以一見到個menu都諗左好耐先揀到。最後成功揀左益生香橙君($40)，不過我對個味道都好期待，而且細細個就已經凝住橙同奶係唔可以溝埋一齊食。

店舖同logo設計都幾特別，而且簡約，杯既質地硬淨。飲品味道都幾特別，不過乳酸味太濃，但橙味略嫌不夠，而且乳酸飲品咁大杯，其實會好飽，價錢方面就偏貴。試下都OK，但性價比會令我卻步之後會唔會再買。我個人提議，應該將飲品分量加設選擇，咁就無咁浪費。。。

之後我都特意google一下，發現原來橙同奶係可以一齊食，但會較難消化，腸胃差既人就小心啲啦~~~

早前在灣仔跟朋友飯後散步發現這間The Oyster House，即使閒日晚市都滿座，相當吸引，就即刻約定朋友今晚來食了。 餐廳環境優雅舒適，而且食物選擇很多，心大心細每樣都想試，就叫職員介紹一下菜式而且推介一下食哪款生蠔好。 點餐後就送上溫熱的餐包，配上黑醋橄欖油，餐廳的橄欖油味道好香，味道不錯! 頭盤是海膽紅蝦刺身，海膽鮮甜而紅蝦的蝦味好濃之餘口感彈牙。 之後就上期待已久的生蠔，分別來自美國、法國及愛爾蘭。 本人就最喜歡美國的Yellow Stone，比另外兩款更加肥美而且甜味更濃，口感更Creamy，齒頰留香。 而來自法國的Lambert形狀較細長，味道更重海水味，朋友就更喜歡這款。 而愛爾蘭的Irish Rock入口先有濃濃的海水味，細味後會有甜味湧上來。相當出色。 蟹肉牛油果黑鱈魚子 一層層分明的食材，賣相好吸引。蟹肉粒粒分明口感實在，味道鮮甜。牛油果味道濃香口感幼滑，不得不讚醬汁看似油膩，但實質不油膩之外，更能令三樣食材柔和地融合在一起。必食之選。  香煎日本帶子配野菌木魚絲 帶子厚身又大粒，口感柔軟。配雜菌和木魚絲非常滋味。 我們各點了一款湯飲，分別叫黑松露野菌忌廉湯和鮮蠔濃湯。黑松露湯非常足料，能感受到野菌粒的口感。而鮮蠔濃湯的蠔味非常非常濃，湯中還有幾粒蠔仔，出色!主菜就點了lamb chop
份量非常大，羊肉香而不羶，最出色就是廚師對火侯的掌控，一切開就看到粉紅色的羊肉，但又不會過多血水，肉質相當嫩滑。而配菜亦同樣出色，薯蓉內食到一粒粒的薯粒，口感更好。最後的甜品點了Tiramisu，味道不太甜，但酒味極濃。為這餐寫上完美的句號。
人均七百左右，但如此的質素來說可說是非常值得了。

今晚約了一位很久不見的朋友晚餐，想可以盡情促膝長談，所以都想找一間既坐得舒服，食物又有質素的餐廳。 在旺角這個煩囂的地方竟然找到這間食物及環境都相當精緻的樓上西餐廳，就決定吃這間名字都非常趣緻的「吃吧」。 幸好放工時間早，餐廳人流不多，可以靜靜地坐在一角聊天，餐廳的裝潢都非常用心，打造出一種既舒適又型格的酒吧風格。而且入座後職員會細心地輕輕介紹一下餐牌上的食物，最後我們點了一份芝士白酒煮海蜆$84作小菜，主菜方面就點了一份慢煮甜酒燴和牛面頰$188及軟殼蟹肉醬千層麵$148，飲品方面就點了熱情果接骨木花茶$56及Bels 功夫茶啤$78。 芝士白酒煮海蜆$84 上菜時已經被香味吸引到流口水，而且蜆肉非常飽滿，應該是用了番薯蜆吧，肉多之餘非常爽口，好新鮮啊！而芝士白酒汁的咸度及濃稠度都剛剛好。 慢煮甜酒燴和牛面頰$188 慢煮料理是其中一樣我很喜歡的食物，所以看到這個菜式就二話不說下單了，牛肉果然煮得非常軟，而且好重牛味，醬汁帶點甜味，配著牛肉底下的薯蓉非常美味。 軟殼蟹肉醬千層麵$148 軟殼蟹炸得香脆，而且份量都算大，配著千層麵中酸酸的蕃茄醬食就非常開胃，唯一美中不足的就是千層麵的麵質比較軟，可能硬少少會更加有口感。 熱情果接骨木花茶$56　＆　Bels 功夫茶啤$78 我點的是熱情果接骨木花茶，竟然是以花瓶作為容器，果然別出心裁，非常適合女仕來打卡拍照，除了外型精緻外，味道亦清新可口，不會太甜。而Bels 功夫茶啤我試了兩口，都覺得不錯，是味道較清爽的啤酒。 總括來說這間餐廳水準是不錯的，而且氣氛舒服，想跟朋友找個地方慢慢的把酒談心的話都可以再來這間餐廳。