喺牛頭角呢度餐廳好多，今日揀咗巴士站隔離呢間餐廳去食，點咗 «雞翼沙律36hkd » 瑞士汁雞翼3隻，沙律方面主要係蔬菜，上面點綴著沙律醬。 « 奶油厚切西多士 30hkd»推介 最好食係呢一個厚切西多士，非常厚身，大概都有4-5 cm左右，入面夾雜住好多醬料， 內面有花生醬，外面有煉奶，半溶牛油，炸得香口鬆脆 ，抵食。 «黑松露炒蛋多士34hkd» 黑松露炒得好香， 足料， 上枱嘅時候仲係熱呼呼的。 «全日早餐49hkd» 豐富嘅 Tea，牛乳滑蛋，茄汁焗豆，煙肉，多士，豬扒，番茄，賣相靚，款式多，抵食。

<極硬身鐵絲藏通菜> 今夜，晚黑， 同屋企食晚餐， 叫咗啲通菜食49hkd， 點知一食就中招， 通菜不是時令菜，但店員點菜時推薦食通菜，咁就叫左一碟，點知見到菜內面有鐵絲， 同店員講，佢一聽到就轉頭叫餐廳負責人黎睇，負責人秒速將硬身鐵絲揼去垃圾桶 再走黎回應 "呢啲好閒事啫!" "洗碗鐵線跌咗入去，唔出奇!" "同你cancel咗啲菜，幫你成碟拎走佢， 大家當冇食過，冇事發生過!" <一句道歉說話都冇! > 希望餐廳管理方面/ 衛生/ 服務上都要加強注意! 令每一位客人都食得開心，本人只是如實敍述事發經過，冇加入個人意見。

鹹魚雞粒炒飯，飯都炒得好乾爽，粒粒分明， 好正宗嘅炒飯 鮑魚雞煲， 上枱嘅時候個煲 入面嘅食物仲霧緊煙 北菇豆腐青衣魚柳煲，加入咗好多蒜， 蔥頭，味道香濃 埋單一人105hkd 左右

行經希慎， 突然之間想食下啲甜嘅嘢 , 見到sift, 買左幾個cupcakes食 其他食品唔多講， 只係介紹呢一個甜品， SNOWBALL, 大約28蚊一個， 個底係黑朱古力 海綿蛋糕， 上面灑 咗一啲白朱古力狀嘅 忌廉芝士 shake, 另外加上 一大堆乾椰絲。 Valrhona dark chocolate cake, coconut cream cheese frosting, coconut flakes 雖然賣相唔係咁好睇 以及感覺上面D餡好似好多， 但實制又唔係好多 平時都係一買就即刻食， 今次拎到返屋企先食， 已經開始出現溶溶狀態， 我諗超過25度， 啲餡已經開始溶化， 所以如果買返屋企嘅朋友仔記得要放入雪櫃啦。 呢個cupcake有乜特別呢， 就係佢食落同白朱古力一樣，咬落去好似有砂糖嘅質感， 甜到漏， 椰子條，食落似係香濃椰絲， 啱曬最鍾意食白朱古力嘅我。 挑剔位置 (1) @ 如果呢一層餡可以加厚就好啦。 挑剔位置 (2) @海綿蛋糕嘅部分如果係實心， 做到有starbucks水準 , 應該正好多 食完之後一定要記得啷口牙，唔係嘅話就容易蛀牙喇。

之前係間鋪頭食嘢嘅時候發現佢哋8月上旬，會開一間新嘅分店，喺荃灣荃景圍呢個地方， 最後搵唔到新店，去左第一間 阿爺店。晏晝呢個地方通常都唔使排隊。 如果可以開多啲分店畀其他人都食到就好啦。 呢間店舖，好得意，差唔多每次去食嘢都會 聽到其他客人同店員講聲(你哋嘅食物真係好好味。) 一句簡單嘅說話 ,簡單而真心， 店員每一位都好勤快喺入面度返工， 不停 主動招呼客人，就像害怕怠慢了尊貴的客人們。 每次去食我都會叫返 蕃茄麵(必食) ..... 下午茶仲有送埋蕃茄湯(必食) 以及熱飲，蕃茄湯有薑嘅味道， 蕃茄麵就會比較稀， 雖然 蕃茄湯冇上次香濃 ,不過依然保留住佢獨特嘅味道。 附送埋呢個豬仔包(必食) 好好食呀，仲有香滑奶味嘅雞蛋同火腿，真係想叫多個再食多次 下午茶時段飯類，每隻碟飯都係a4紙咁長， 大大份， 好多人都係一支公去食呀。 第一次叫左佢個吉列豬扒， 非常吉列， 爽脆。 沙律：沙律醬比例非常恰當， 感覺唔會太過肥膩。 埋單平均一人食咗41蚊，呢個質素抵食到爆，又有咁多野送 另外，亦聽到餐廳入面有一枱既人話想冷氣可以調凍少少， 不過我覺得ok嘅

我發現佢嘅時候大約係兩三年之前 , 間鋪頭嘅位置好隔涉喺一條捐窿捐罅都睇佢唔到嘅一條巷仔入面。 呢間餃子當已經食咗好多次啦， 最近推出咗暑期優惠， 七點之前 六隻雞湯餃子烏冬 有優惠做緊 30 hkd炸。 老闆唔係好多講嘢，最多都係介紹下自己啲產品。 老闆都對周圍嘅街坊 老人家同學生都幾眷顧 ,有特別嘅優惠畀佢哋。 呢度有連住幾間嘅食店， 大家幾間舖頭一齊share四張枱仔，兩個垃圾桶， 非常簡陋。 老闆應該係一啲好傳統嘅人，唔會用電腦佢全部嘢都係自己公公整整用顏色筆手寫，連 招牌都唔例外。 1. 呢六粒餃子；用心去包嘅，冇味精之餘， 少肉，多菜，健康，美味 2, 面頭；仲洒咗啲係醃好既雞肉碎 3, 湯；係呀啲 清雞湯 4, 煮得好快；企咗三分鐘就已經到手，食得 5, 烏冬；好煙靭， 口感似日本手打烏冬 6, 性價比高 yummy 下次會再繼續食， 食過返尋味 大家，下次食嘅時候都建議自備餐具同碗筷，一齊支持環保！！！！ 老闆加油！

泰抵食 原汁原味 泰國食物， 平時喺天橋經過嘅時候每次都想入去食， 太特色 1. *****太古怪*****佢開放時間同落場時間實在太古怪， 成日都撞唔岩時間， 今日特登夾咗時間 三點鐘就即刻去食， 餐廳大約八成滿座， 好多一家大細， 一大圍嘅枱嘅人都一齊去食 2. *******太搞笑****** 係佢同一間餐廳 可以有埋下午茶以及自助餐， 坐隔離左右嘅人佢哋係食自助餐 ,而我同朋友係食下午茶 今次我同朋友去， 1. 下午茶時段 都係36蚊至38蚊， 2. 仲要係唔使加一， 3. 又有熱飲送， 叫咗兩杯熱飲走糖 今次叫咗個喇沙米線 以及咖哩牛腩飯 . 嗰啲香龍嘅味道又有香草嘅味道 又有 香滑奶油嘅味道 ,總之食落就好正宗喇， 如果畀我評分佢嘅 喇沙汁以及咖哩汁係最貴嘅， 牛腩方面真係 估唔到佢點樣整可以整到，每一嚿都係咬落去之後即刻散開曬， 肥瘦適中， 佢嘅薯仔煮到好似蕃薯咁， 係正宗嘅泰國人煮法。 同我之前喺泰國曼谷食嘅 ,醬汁味道非常似。 勁飽 非常值得再去食下佢哋嘅下午茶/ 自助餐，冇記錯自助餐都係55蚊一個大人 ,小朋友會再平啲， 如果唔使加一真係非常抵食， 臨走嘅時候我影咗佢哋自助餐幾張相，大家可以睇睇 最後想提及一下服務員，佢哋每個人都係戴上笑容

門面幾靚,有隻好大隻吉祥物放門口比人影相,裡面係一張張卡位,餐廳內掛滿紅燈籠,氣氛幾好。 等位時間都幾長,等足40分鐘先入到..入座限時90分鐘,3個人叫左4人餐 前菜:枝豆,和風沙律,野菜蒸 主食:廣島燒,富士山御好燒,肉類雜錦炒面 小食:鐵板泡菜尤魚,上級牛肋肉 甜品:云尼拿/芝麻/抹茶雪糕(加10元雪糕芭夫) 飲料:可樂/7喜/薑味汽水(+10元轉特飲) 3個人食好飽,主要加醬太多好"流", 有不同的醬汁任君選擇,旦黃醬/鰹魚粉/海苔/燒肉汁等等(可惜所有醬料沒有標示) 我覺得廣島燒是最難燒的一個,又粉漿又炒面又煎旦,好忙好彩有2隻鏟有3隻鉗,3個人雞手鴨腳整,簡直災難... 有教學餐牌但炒面沒,有d無講所以真係要問人,呢間要主動d,如果唔係... 叫左雜果燒酒,好搞笑,店員上左半個橙,西柚同檸檬,還有榨汁器,要加幾多自己榨汁自己調.... 呢間對有經驗既人係幾好,不過廚藝差d都係得玩字... 強烈建議粉漿獨立提供,不要連椰菜上,粉漿唔夠真係惡夢...

四個人七點半入去食，去到八點半，落咗四，五次order,三催四請都係來得一次，每一台都係咁。咁既上餐速度，成晚都係等既時間多過時。以後唔會再來了，勸各位唔好來啦。真係得個等字！

星期六遲咗食晏，晚餐時間亦順延，男友說『添飯』門外貼有告示，
九點後食小菜會平啲，咁就去呢間！看看餐牌，點了三款小菜：前菜與白飯開邊蝦，不用剝殼，最啱懶人，亦更入味，蝦夠新鮮，
伴以粉絲及蒜茸，味道佳，亦吃得方便！單看賣相，已覺醒胃；上枱時夠熱，斑塊炸得香脆，
油不多，口感不錯！同樣炸得香脆，餡料內的沙律醬過多，咀嚼起來，滿口酸味
吃不出有海鮮，只有芒果及菠蘿粒！10:15pm last order, 十點半全店只餘下我們兩名食客，
無謂阻人收工，未吃完的，打包帶回家。