去過歐洲嘅朋友都知道，歐洲食嘢，2-300港幣已食得好好，而且仲有吸引嘅設計；chiefs stage無論價錢、店內裝潢都直頭令我覺得係歐洲食緊晚餐，棒！

晚餐選擇豐富，唔使$200，仲想點☺️drink list 有唔同種類，我就似西人鍾意飯後嘆番杯咖啡，驚失眠就推介你飲薄荷朱古力甚至紅、白酒。甫坐下來，侍應就送上自家製麵包，配自家醬料，不得不讚用心服務😄麵包橙橙地色，應該用上蕃茄香草製，好鬆軟，香焗味濃，本身無乜味道，但點上自製微酸醬，哇，fresh哂！

是日餐湯：大蒜薯仔，係我口味之選😋
好燙口的！但太吸引，忍唔住吹凍飲....濃濃的，很美味。要用上大量薯仔才有這效果，自己甚少整，還是係呢個舞台欣賞吧😬由於足料煲，幾頂肚的😜推介比唔食牛嘅你😍😍
炭燒厚切美國天然極黑豬鞍扒
堅厚切，有半吋，share食就啱啱好。
炭燒嘅坑文證明外脆，但內裏超juicy，多肉汁！而且厚肉得嚟，切落係好軟綿綿的，質料上乘👍🏻👍🏻

伴隨嘅牛干菌汁，又係無得頂！見到有牛干菌碎，聞落充滿菌香，有點菌湯之味，夠哂真材實料。幾飽，都要試！
tiramisu
$58，太抵食！好少係香港食到咁意大利味道，like！最欣賞它入面仲係濕潤，唔乾淨淨，即係新鮮，同用上靚料整。太喜歡到想叫多件自己食哂🤣🤣

果然，我大廚嘅舞台，今晚完全感受到大廚用心做嘅每樣食物，讚！

雞煲盛行已久，嚐過的也不少，麻辣的、藥膳的、醉窩的都嚐過，各有風味。行經鵝頸橋搵嘢食，見入面坐滿客咁滯，又想食雞煲，就揀呢度啦。

坐下後，店員擺低醬油盒心思思，最後點咗椰子雞煲，唔....很特別，她有別於一般做法，棄用椰清水，改用濃度較高的椰漿作湯底，湯底呈奶白色，稠度十足，濃濃的椰子香氣撲鼻將雞件蘸上椰漿，一口吃下，雞肉嫩滑，椰香味濃，這配撘很特別。 另外點了烏冬和雲吞烏冬好正，滑一滑之餘，又彈牙雲吞標榜自家製作，十分大粒，而且內裏有大蝦，鮮味十足👍🏻👍🏻👍🏻凡星期一至四，於面書打咭，特飲汔水買一送一，啱哂打邊爐飲，like😁😁今次揀柚子檸檬綠色，唔太甜，淡淡柚子🍹🍹🍹

嚟日本名店之一，宏，餐牌設計簡單優雅，盡見日本精神👍🏻👍🏻

揭開menu，發現除了店家用上的高級京都宇治茶，其他食品都好吸引，而且來頭不小，如海藻麵更是獲獎製品👍🏻👍🏻👍🏻今餐係生日豪食日，有人請，我要食盡呢度嘅日本名菜！😜😜😜下午茶選擇頗多，見其他食客都偏愛飯食，我都唔使諗咁多，揀選咖哩炸雞飯 日式咖喱一般不會太辣，適合香港人口味，但我個人不太喜歡甜咖喱，所以點這個咖喱雞飯時選了辣的。

一如所料，這個咖喱不太辣卻有驚喜，稠稠的咖喱醬汁味道出奇濃郁，馬鈴薯的質感非常柔軟，伴著日本直送的新潟米，吃起來有咖喱獨特的香醇，又有日式米的甘甜，配合酥脆不膩的炸雞，美味非常。 

另外選配牛奶咖啡：先說味道，濃濃的奶香帶出了咖啡的香醇，再說口感，北海道牛奶的醇令咖啡入口時更形細滑，以北海道牛奶配合滴漏咖啡，成就了一杯醇、濃、香的傑作。 

友人想試呢度特製海藻麵，於是揀了鱈魚飯+海藻麵好豐富呀！海藻麵是幼身的，食落沒有烏冬的彈力感，但滑一滑，而且營養豐富，值得一試。鱈魚飯好正！鱈魚薄薄炸一炸，配上鰻魚汁，香口惹味。新瀉米不得了，糯糯的，好美味！成個餐令我們猶如置身日本，吃著日本地道味道😍😍😍咖啡沙冰+雪糕太想試呢度嘅滴漏咖啡，揀呢個就無錯😬😬下面係香濃咖啡製成嘅沙冰，加上上面雲呢拿軟雪糕，透心涼之餘，食得出用上上等食材，香滑充滿奶味嘅雪糕，不甜膩；咖啡沙冰飲到尾唔係水而是凍咖啡的樣子，出色！

嚟到宏，總不能錯過綠茶食品，揀咗綠茶芭菲上面軟雪糕的口感非常軟滑，牛乳與抹茶味道配合得恰到好處，雪糕底下的用料十足，脆杏仁、紅豆、芋圓等，總言之，抹茶的甘香混合甜而不膩而又爽脆的味道，令人一試難忘。 

另外仲有抹茶窩夫，坦白說，在其他店鋪很少見到抹茶窩夫，說的是整個窩夫是外黃內綠色👇🏻上枱時香噴噴的，呢個甜點全是抹茶嘢：抹茶雪糕、抹茶窩夫+抹茶曲奇，太捧了💖💖💖咬一口窩夫，熱熱地，充滿茶香，連雪糕食就最正，成口抹茶味道😍😍

見朋友推介，醒起買生日蛋糕就搵幸福密語😬😬

芒果+榴連，兩者各有捧場客，於是揀它啦☺️包裝很周到，挽手帶很長，而且是黏著蛋糕盒的，貼心設計！一開盒就「飄來榴連之香」，陣陣榴連味，好勁。

榴連味蛋糕👍🏻👍🏻👍🏻👍🏻
榴連蛋糕出色，淡淡的榴連味道，做蛋糕很match👍🏻👍🏻唔會太甜、或漏，食下食下會不自覺食一大件。

芒果味蛋糕🙅🏼🙅🏼🙅🏼🙅🏼
芒果蛋糕就相對失色，一：現在不是芒果當造季節，蛋糕沒丁點芒果香味：二：不是芒果旺季，芒果蛋糕的芒果睇就很深色、好像好熟好甜的樣子，食卻一點味道也沒有，不甜不酸，奇奇怪怪的。總結：芒果蛋糕可以不試。

韓式食店係香港愈來愈多元化，亦愈來愈多，有時候食完覺得下次應該睇清楚先好去。上「開飯」睇完一輪，銅鑼灣食韓式炸雞，the Hwaduk好似靠得住！

甫入店，即見佔咗1/3廚房嘅意大利火山岩建造嘅烤爐，想必燒出嚟嘅雞係yummy yummymenu並不花巧，主打唔同味道的烤雞，其他如沙律、pizza、湯，可能只為迎合市場，給食客多點點選擇。與廣東話不太靈光的店員落order(似係韓國人)，她建議我們不要點太多，因烤雞一碟很足分量，以免我們失預算，貼心服務最後我們選：烤雞年糕、海鮮湯烏冬。店員還表示，烤雞即order即整，需時製作，難怪隔離枱面都空空如也。不過話時話，已經9pm，見整間餐廳還是full house，就知今次無揀錯😬😬等咗10分陣，烤雞年糕到好誇張，咁大碟！數過共有15塊雞，排開幾乎大半隻全雞，勁！

雞件本身已有味，外層再以秘製醬汁腌，估計有泡菜醬、辣椒粉⋯⋯香口之餘，帶點微辣，卻沒有鹹味👍🏻👍🏻高溫烤過後完全不油不膩，雞皮吸收了醬汁的精華，很美味呀！
另外附送一小碟醃製白蘿蔔，當食過烤雞，食一口醃蘿蔔，酸酸地，將膩感降低😁😁

海鮮湯烏冬除烤雞外，點了一客海鮮烏冬，單看賣相，已知絕不欺場，蝦、青口、八爪魚等，用料豐富且新鮮😁😁湯底濃郁卻不膩，散發陣陣豬骨香氣，味道媲美高級日木拉麵店精製而成的濃湯；靈魂是烏冬，看上去粗幼適中、夾下去質感豐富，一試之下，爽口、彈牙、香滑……雖說此店的主打是烤雞，但她這個海鮮烏冬絕對是水準之作。😎😎

另外點了：芒果Squash如果喝厭了生果汁、生果奶昔的朋友，這裡的Squash是個很不錯的選擇。選了杯芒果味Squash，其賣相吸引，芒果味濃，Squash的特點就是不濃不稠，帶氣泡，有點像波子汽水，喝下去感覺清新，口感微妙，就是好喝，值得一試。

友人住係附近好耐，話呢間咖哩屋真的好正，於是今次嚟到試一下。

入座後好鍾意它嘅燈飾，好民族色彩，又柔和舒服，但令到影出嚟嘅相好黃，走哂色咁，大家唔好誤會，所有嘢食係正常樣嘅😅

食curry，最想食塊薄餅，唔知點解咁鍾意，呢度好多味、原味、咖哩味、芝士味....今次揀芝士，因為本身偏愛芝士嘢食。一個order有6塊，仲好鬼大塊，芝士夾咗係中間。一嚟好香芝士味，拎起唔會好油，食一啖好正，唔點醬就食到好香口、淡淡芝士味；點埋醬食，嘩，不得了，一個人食哂一兜都可以。

點解個醬咁正？其實係友人極力推薦食嘅印度白咖哩

本身無諗過食白咖哩，始終覺得白咖哩好似係其他地方名物，但友人話一定要試，咁梗係聽地膽講，就點咗白咖哩大蝦。見到個樣都幾靚仔，大大碟，好似有6隻大蝦個白咖哩微微嘅辣，少少嘅甜，香料味重，我地好鍾意呢個咖哩味。最正係d蝦，大粒，去殼連尾，彈牙爽身，同白咖哩都幾夾！除咗白咖哩，我地仲揀咗：馬來雞沙嗲友人話沙嗲係呢度嘅另一強項，雞串上枱好香，睇落好似好少，但其實它係將一塊大雞件轉轉轉咁串起，即一串已有兩件大雞肉，都幾heavy架雞肉本身有少少調味，炸完唔乾，仲有肉汁。沙嗲汁好正呀，好濃香花生味、但又夾雜住少少咖哩味，唔係平時食開嘅沙嗲，like呀我係芒果乳酪同馬沙拉奶茶（即印式奶茶）之間揀咗好耐，最後係飲奶茶，因為鍾意它有別於港式著重滑嘅茶；馬沙拉奶茶係講香料味，呢杯好飲在茶、奶、香料三項都平均，令成杯茶聞落有香料味、飲落有茶味，總之就好味😍

是夜友人生日，指定嚟極尚大瀛喜，無他，由頭食到尾，無停口，真係好好味。

食放題我地鍾意早d食，多d時間消化健康之餘，呢度早食仲有85折，抵好多呀5點半準時到，原來已經入得座，見到入面嘅食家已經拎嘢食，呢度裝修過，加咗沙律吧、雪糕機、果汁機，所以有d buffet feel，大家都行嚟行去攞嘢食，嘢飲放題實在太多選擇，以下推薦encore之選

刺身類：
劍魚腩-肥美多脂，美味
珍寶赤蝦-大大隻，肉甜，爽口
北寄背-一向愛食，個人偏愛，大隻爽身海膽手卷，新鮮，唔腥，食多兩卷滿足了壽司類，鍾意放題嘅壽司細細粒，唔頂胃：

-鵝肝帶子，好正，鵝肝少少地都好，無咁漏

-三文魚系列吸引，新鮮好味沙律吧嘅沙律菜，款式多，夠新鮮，而且醬汁亦多達6、7樣，如芝麻醬、凱薩醬等，總有啱口胃的👍🏻👍🏻黑松露炒雜菇，好香噴噴嘅黑松露味，令雜茹好味提升，食咗2轉😁😁熱葷方面，偏愛羊架，無蘇味，肉淋，夠味！

-咖哩蟹，好辛辣，好入味，無諗過放題食到咁得嘅街頭風味，正呀。甜品方面：
-自製乳酪雪糕最吸引，要排隊，同出面磅重嘅一樣，但有好多配料，如朱古力豆、棉花糖等，我食咗2大杯，哈哈

-芒果糯米卷，芒果甜的，不錯

-小杯tramisu，好好味，同平時食開嘅無分別，又食咗幾杯

-brownie, 夠濃朱古力味喎，仲好有質感，又係好好味總括嚟講，食得好開心，一路嗌飽，但又繼續食，野食美味，質素高，下次再食過😁😁😁

是日等夠鍾，走進simplylife hea陣，食個tea 🍞🍞☕️☕️

一向好鍾意它出品嘅🍰🍞，除了因為好味道，夠鬆軟，還有見到鋪內放滿來自日本嘅面粉，有信心d咁。

今日㨂咗意式軟包+parma ham+guoda cheese+是日凍茶-橙茶好老實，試過其他款嘅tea，呢款最無驚喜！
意式軟包依舊嘅水準，但parma ham同guoda cheese就好普通，ham無咸香味，食落都好淡口；cheese無味道，都係淡茂茂。。。

凍茶係橙茶，之前好欣賞杯自家製凍茶入面係唔同味嘅水果+紅茶，會有果肉。今日呢杯只係橙+紅茶，not mu cup of tea😓好普通嘅一個下午茶，唯獨坐得舒服，周遭唔會好噪。

長洲芒果王真係唔浪得虛名，係長洲長大既朋友都推介，果日入到去，都特地走去食番粒即製芒果糯米滋。天氣太熱，無乜心機周圍行，會容易miss咗，大家認住啦，這間就係☝🏻️

落完order坐底等食...除咗馳名芒果糯米滋，都有其他芒果系列：芒果布甸、芒果啫哩、芒果沙冰....價錢非常相宜等咗陣，好快就見到我地點既芒果糯米滋，嘩！大粒到呢⋯⋯一粒=其他地方2粒啊👍🏻👍🏻睇得見它簿皮下既芒果，真材實料😋拎上手要小心，太大粒，驚揸唔實跌落地。又因為太大粒，要不顧儀態，一大啖咬落去，嘩....芒果好好好甜，好香，似呂宋芒，芒果肉份量有半個芒果咁滯，外層糯米皮真係簿到好驚它穿窿載唔住d芒果，塊皮無味、無添加糖，唔使整色整水，因芒果嘅甜令到成粒糯米滋都夠味，超美味！芒果迷一定唔可以錯過芒果王既芒果糯米滋

鄉下妹出城公幹，去到北角，食乜好？一頭霧水！覺得近排濕重重，想食水煮魚或重慶雞煲等辣野去去濕。

openrice一輪，見金樂軒全笑面，價錢商宜，一於試一試啦6、7點到，已坐滿一半，估唔到咁多人食早飯。坐底姐姐拎住menu，笑笑口問想食咩？發現呢度邊食住雞煲/魚鍋，邊打邊爐，再加小菜，嘩！多元化、不得了、乜都想食

1. 辣炒土豆絲

特地揀呢個頭盤，因為鍾意食薯仔，而且講明"辣炒"，果然，辣薯仔出場，正！估唔到炒得咁爽，薯仔唔粉，好鬼爽身。雖然有d油，但食完又唔係成咀油反光果隻，好味呀！堅係辣炒架，唔太辣得既記住小小小辣好啦

2. 咸肉韮菜花

老闆娘推薦呢個正宗上海咸肉，加上近排韮菜當造，好味，所以有呢個配搭既餸。每次有order無幾耐，廚房就會傳黎雄雄火聲，令人覺得好有鑊氣，見到呢個菜，我知無錯😝炒韮菜時間控制得唔好會變黃、㵉哂而影響咗質感。呢度似係大火快炒，熟得黎仲係爽口，夾一塊咸肉加韮菜一齊食，prefect！咸肉少少咸，唔重口味，食完唔覺得好口渴，無介紹錯😋😋

3. 老重慶奇味雞煲 見到餐牌，想試哂呢度名菜雞煲同魚鍋，於是揀個細雞煲，老闆娘話辣真係好辣，我地怕辣到變孖潤，揀小辣試。奇味煲，都幾特別，個秘製醬汁濃濃香味，辣味啱啱好、辣得嚟又帶點麻、少少甜咁，同雞好夾👍🏻👍🏻

順帶一提，餐牌寫明用新鮮三黃雞，用靚料，好野嚟，like食落雞件係唔同d，有質感，同埋鍾意它雞皮下唔多肥膏，吸哂奇味汁，好入味，好正！不過食到底就覺得開始好辣。

4. 酸菜桂花魚鍋 得2個人食，又想乜都試下，睇睇下發現呢個酸菜桂花魚，細鍋淨魚肉，大鍋就完條桂花魚上。其實細鍋都夠3個人食，好大鍋下，好多酸菜、好多魚肉，正！

魚肉無骨，淨肉，呢個係桂花魚既優點，啖啖肉得嚟仲好滑，魚肉真係無得頂酸菜好味，尤其加埋魚一齊煮，整咗啖靚湯出嚟，個湯好好味😍😍飲最後梗係成兜食哂，飲埋個湯😝

5. 香煎墨魚餅 真材實料👍🏻👍🏻👍🏻煎到金黃色上枱，一口咬落去，無油痴咀，好香口，更加正既係食到粒粒墨魚粒，驚喜。同老闆娘講開，原來係人手打既墨魚餅，果然零捨不同。原味已經有味，點埋甜酸醬又另一種味，總之就好好味。

一路食都見好多熟客，同老闆/老闆娘有講有笑，言談甚歡，走之前都會拋底句：下次再嚟，呢d街坊情今時今日都買少見少，好好珍惜☺️☺️