星期四閒日四點鐘入去，全場計埋我得兩枱客，一入去已經無乜禮貌，全場有4至5個員工，兩個樓面，一定唔係忙應付有餘，但叫又無人，收碟又無人，已經無乜生意架啦，都係咁既服務態度，唔知係你工作氣氛問題定係你老闆咁樣安排你地做野，定你地成班根本唔想做野？係咪義工定係無糧出？講真疫情之後，經濟唔好，係咪應該比反d態度？係咪出黎搵食，已經咩都係自己黎架啦，燒又我地自己燒，其實你地忙緊d咩？岩岩果兩枱客令你有幾大壓力幾辛苦？唔好話人地麻煩客，已經無任何要求，成日話體諒服務業，但岩岩既表現係差，合格都未有，完全想像唔到係朗豪坊食個飯服務無唔緊要，都唔好話差，個個都好似唔想做咁，已經汁左一間架啦，仲唔管理好，兩間都無埋唔好問點解。比d態態度啦年輕人，香港服務業比人咁感覺咁差多得你地唔小。

攞飛擺烏龍，唔知個店員西口西面話冇得改，令到要重新排過。又要等成個鐘。無下次，浪費時間。 啲店員又唔識整大阪燒，要自己上網睇片。肉類方面唔係好食有啲鞋。海鮮又唔新鮮，無下次

9點入座，店外寫住進食120mins，就坐點餐後才得知按照關門時間必須22:30即走。 向一位戴四方黑框男侍應反映 “如果不能符合商品所描述的120mins，可以在入座前作提醒...... 點知換黎佢既一句：“如果個個都要講咁我咪好唔得閒？宜家咪講返比你聽咯！” 靚仔.都已經點緊餐啦，我聽完係咪可以即走先？ 老細請你黎返工有一流既趕客態度 不過都知呢度評論講完都冇用，或者本身店經理帶開頭咁做都唔奇，都係提返黎緊想去食既人預返會有“優良回應”

黎到葵芳廣場掃街，一定要做吓research，研究吓究竟有啲乜嘢係最食得食落肚之後叫 由於舖頭仔實在太多，根本就冇可能食得晒，所以希望次次都可以食到平、靚、正嘅舖頭 話說做完research之後，見到呢間貓麵好多人食 去到見到好多人排隊，阿姐話咗都有叫我哋睇到Number 先再返去，排左成半個鐘，終於都買到會粉皮 先唔講個味道，阿姐啲態度真係冇得頂，世界級差 講嘢一嚿嚿，根本就聽唔到佢講乜，然後仲要嫌你點得慢，未食已經一肚氣 三餸麵$35 叫咗個三餸麵，煙鴨胸、鰻魚、芝麻八爪魚粉皮加日式芝麻醬 本身以為咁嘅配搭，食落去應該清清爽爽，點知原來芝麻醬係花生醬，食落去都幾濟下 粉皮淋patpat ，好似浸咗好耐嘅感覺，花生醬又唔夠多，所以食落去又唔係好夠味 鰻魚細粒到，差啲見佢唔到，芝麻八爪魚都幾好食嘅 碗野真係唔係好值得排咁耐同埋唔值得為咗佢而受氣 到葵廣，不如留返個肚食其他嘢好過

以前呢個女人都唔係甘冇禮貌 唔係買開既熟客 新客去到一定比佢又啤又鬧 我好耐冇去食了 所以想去懷舊下 餐牌多到痴哂成間鋪 都唔知睇邊個好 由邊度叫先 佢講左一句 我又聽唔到 叫佢講多次就反哂白眼 啤住人 雖然我都係聽唔到講乜 然後我問「係咪可以揀3個餸」 佢就駁我「鬼知你叫幾多咩」（之類） 勁冇禮貌 唔好話乜野人地辛苦工作 仲要人地好好態度 佢呢啲係基本禮貌都冇 個陣係冇人排 一啲都唔忙 野食味道唔差 但作為普通客仔真係 絕對唔會再去買受佢氣

晚上禁堂食，大家都會去葵涌廣場搵食，外賣小食返屋企又搞掂一餐。 新年流流，同佢店名一樣，食咗老闆娘嘅貓麵，其實真係有D唔開心，我哋平時都會去唔同嘅小店搵食，未試過遇上咁差嘅服務態度。 其實唔係每個人都係熟客，未必清楚知道點餐嘅次序流程，有必要講嘢咁串令客人唔開心嗎？老闆娘可能覺得幾十蚊一碗麵，唔需要有服務態度，但我認為，基本嘅尊重係必要嘅。 睇返其他食評先知，原來有好多人同我哋一樣有唔愉快嘅經驗，但好明顯佢都冇改善過。

星期日附近冇野食， 行過呢度見有排骨飯同點心食， 即管試下

老闆好快俾盅排骨飯同一籠燒賣來

燒賣大大粒有咬口， 唔粉啖啖肉
鳳爪排骨飯 料同飯夠多， 飽飽

雖然近後巷但衛生好過大舖

老闆主旨係要d 客食得飽， 小小店舖， 大大理想

埋單連野飲都係$40 有找， 係mk邊度有呢d 良心食肆呀？！？！ 值得一讚

Monster Sushi 開業多年，一次也沒有來過；想起早前適逢其會，在旺角約朋友吃飯，當時時間尚早，也沒有很多人，就來光顧了。

整間餐廳唯一可取之處，就是裝修甚為高級；但除了裝修之外，無論是食物質素，以及招呼，都是最差。

很少會給一個劣評一間餐廳。我常說，做人，過得到人，過得到自己就算了；人生本應就是如此，如果給一間餐廳劣評，那對該餐廳必然會有影響，所以偶有吃到未及水準的餐廳，也就自己知道就可以了。

不過這間 Monster Sushi，其食物質素之差，服務態度之惡劣，絕對值得我特意花點時間寫一點東西，跟大家分享。

先說食物，這裏的食物，是我吃過最差的一間；photo can tell，大家可以自己看。你可以想像得到，以比元氣貴 50% 的價錢，但吃到比爭鮮 HKD3.00 一件壽司還差的食物，其反差之大，讓人感覺很不爽。

飯是暖的，吃到會打冷震，這只是壽司的基本要求；這些都不是要米芝蓮三星級廚司才做得到的事情，稍為留意一下就可以了，不過他們沒有留意。

魚生很不新鮮，我想是 marginal 變過期那種，不是很臭，但也不容易入口，有怪味，只會知道，去了一次，必定不會再來。

再來是觀察身邊的顧客。這裏的顧客九成都是年青人，可能他們和明將壽司 bench mark 也不一定；如果是這樣，那可以想像這裏是「明將的高級版」，食物質素不相上下，但價錢貴三倍，而買了環境。

服務並不是惡言相向那種，而是員工的心；這裏的員工，全部都是沒精打采的，而且他們相互之間也沒有很多互動，絕對看不到年青人那股幹勁及熱誠。

我要求的，並不是五星級酒店質素，善解人意的招呼，只要是正常對答即可。

不過侍應生對自家生產的食物質素的認識及認同感，我想是還有不足。

用膳其間，有一位侍應生走過來介紹他們的即日魚生，讓我體會到做人，運氣的道理。

他說：「我們有即日魚生，可以叫一個拼盤，每款有三件，價錢是 HKD145.00。」

然後他靜默起來。

同一時間，我也靜默起來，我看他如何再說下去。

你想一想，你介紹即日時令刺身，你會說甚麼？甚麼是最基本的東西？

即如你遇到一位電話銷售員，他不停告訴你產品價錢，產品數量，你會買嗎？

最少也要了解他想賣的是甚麼吧。

介紹刺身，連是甚麼刺身也沒有說，那顧客會落單嗎？

你去餐廳，餐廳經理走過來跟你說：「要一碟今天推介的菜式吧，HKD100.00 一碟」然後你會說：「好呀，我也想吃，給我一碟吧」這樣嗎？

他靜默了足足有十秒之久，我才問他：「你想介紹的是甚麼刺身？」

他呆了半秒，也不知道想介紹甚麼，從口袋裏拿了一張紙出來，告訴我：「我也不知道，你自己看吧，不過字寫得很潦草。」

這些不是邏輯，這只是常識而已；我常說，做人，要好運，並不需要很强的邏輯，只需要按照常識去做，你可以解決你日常生活九成以上的問題。

他明顯沒有心去記那五款刺身的名字。我在想：「你是這裏的服務員嗎？」

而且他明顯要在每晚都要到每枱推介當天的刺身，那這樣的動作他重複了無數次，難道無數次他都只說價錢，件數，而等待客人問他是甚麼刺身，然後他趕忙說沒有記住，然後拿那張紙出來，再告訴客人「你自己看，不過字很潦草」這樣嗎？

即使我當他很蠢，他當晚被問過一次之後，第二次總會記住，又或者拿張紙再寫過一些清楚一點的字吧？

這只是常識，也不是火箭理論，只是日常的本能反應而已。

能夠有這些動作，我已經可以解碼，他的一生，必然糟糕透頂。

好好想想這點，對你日後做人，對事都會有莫大的用處。錯，只需要一次便可以，稍有常識，必然可以更正過來；一錯再錯，只是一個字：「懶」。

一心專注强烈建議你不要來這間餐廳，一次也不能。