本身想去另一間cafe，但好多人，所以book定呢間cafe。睇相以為啲食物幾好食，千祈唔好俾佢呃到！真係中哂伏😵 🔸明太子醬薯條（💰$48）(6/10) 薯條炸得ok，不過啲明太子醬就係粉紅色嘅淡味沙律醬，唔係好食到有咩明太子味。 🔸大蝦海膽醬意大利麵(💰$128)(7/10) 呢個係最好嘅一個菜式。蝦都爽口，意粉軟硬適中，個醬都好味。 🔸鰹魚熟成封門柳配薯蓉，昆布牛油汁(💰$158）(4.5/10)👎🏻 咩事呀，舊牛完全咬唔爛，咬到咀嚼肌都攰😡 又無鰹魚味！又無牛味！切又切到手痛，咬又咬到咀攰。 🔸香煎北海道和豚配炊飯，燴野菜，黑蒜汁（💰$158)(4/10)👎🏻 嘩！呢舊豬肉，仲衰過頭先舊牛肉！仲話慢煮？乾到仲衰過煲湯豬肉囉，硬到呢！仲要成舊豬都無乜味！係啲飯好味啲咋，野菜都燴得幾入味。不如整個燴野菜飯算啦。 🔸雜莓乳酪沙冰/芒果乳酪沙冰（+💰$38)(7/10) 🔸凍蜜桃果茶(+💰$8） 啲飲品就幾好味，雜莓味同芒果啲味都唔假，唔太甜。 啲食物除咗外觀幾靚之外，味道同烹煮方式都出現問題！啲肉類真係唔掂！仲有佢餐牌話有餐湯，但成間餐廳都無人有湯！回頭率係0👋🏻👋🏻 評分: 5/10👋🏻

哈！黎咗rosewood嘅holt’s cafe食一個豐富嘅Sunday brunch❤️ 連續兩年黎呢度慶祝週年紀念啦👫💕呢間係一間中西合璧嘅餐廳。應該都幾啱香港人口味！ 🔸海鮮拼盤 波士頓龍蝦🦞、生蠔、皇帝蟹🦀、大蝦🍤 新鮮好味！😋 🔸小碟(無限任點) 👉🏻蒸蝦餃燒賣：由於第一籠質素同味道同酒樓差不多，我哋好疑惑，所以叫多一籠，果然第二籠好好多。好皮薄，好多蝦，好爽口。 👉🏻豉油雞：肉質滑嫩，豉油好味😂 👉🏻法式鴨肉批：我覺得有啲似上海肴肉🙈 👉🏻意式芝士炸飯球配紅辣椒番茄醬：呢個都幾好味！個飯同芝士融為一體，又唔會太膩 👉🏻蜜汁叉燒：💡呢個真係正！係holt’s cafe嘅signature黎架！半肥瘦得黎，肉質鮮嫩，真係厚切豬梅頭肉，有燶邊。個汁都好正，玫瑰露酒味、豉油同蜜味剛好！正！ 🔸主菜 👉🏻 鮮茄焗西班牙黑豚豬扒飯：普通咗d 👉🏻美國肉眼牛扒配法式蛋黃醬(+$60)：肉質味道正常 🔸甜品 👉🏻招牌71.5%朱古力撻 呢個又真係招牌！好好味！朱古力撻多重口感，有脆脆夾心同果醬👍🏻朱古力不甜不膩！ 👉🏻白芝士柚子蛋糕：清新之選，不過同朱古力撻比就被比下去了🙈 🔸包一杯汽泡酒🥂及茶/咖啡☕️ 總括嚟講，食品質素中上，不過主菜比較平凡，環境幾好，有充足嘅社交距離，服務非常好，食咗差不多三小時☺️好滿足的一餐🥳 價錢：💰$598 /位 評分：8.5/10🥳🥳🥂

一入到黎就勁大煙味，感覺極差。 全間鋪頭得十位客人，有四位員工企喺度，但客人舉手示意並無人理睬。 在旁有兩位客人舉手，但服務員誤以為他們要結帳，把單據拿給他們。但原來他們的食物也是遲遲未到！ 我在8:00前已入座，但我等候了45分鐘仍未上菜。而事實上，餐廳內只有我和上面所說的客人點菜。請問雞翼，沙律及意粉為什麼需要45分鐘去烹調？ 雖然食物美味可口，而且賣相還不錯，但這樣的服務實在令人反感。下次亦不會再光顧！