同朋友一行四人 lunch 去食牛角 buffet 揀左 A5 級既和牛 本人好喜歡食和牛 林住食好 d 一來到 已經覺得唔太對路 d 鹿兒島A5 和牛一上到來 完全未溶好雪 仲係好冰好硬 一食 完全對唔住 A5 和牛個名 以為食緊幾百蚊韓燒 d 牛 好失望 比七百幾 比呢 d 貨我地 以前食過牛角 佢未做 buffet 時我覺得唔錯 但一做 buffet 後 連A5 既質素都可以甘差 真係勁失望 如果呢 d牛你話三四百放題我會收貨 但佢既價錢同佢牛既質素完全不成對比

經K 字頭旅遊活動網站訂購了樂茶軒的下午茶素食點心套餐. 大館因疫情暫時閉館, 人流比較少, 正好來這裡好好享受寧靜的午後時光. 欣賞著中國古典風的佈置, 呷著茶, 吃著點心, 一切都來得好匹配, 令調子都慢了起來. 龍華寺素卷
即是腐皮卷, 外層腐皮煎得微焦, 腐皮層層相叠, 口感煙韌. 餡料有椰菜, 木耳絲, 紅蘿蔔等, 口感爽脆.芋蓉素蝦餃
跟蝦餃完全扯不上邊.
餃皮做得特厚, 有點像茶粿的外皮. 內餡是清一式的芋蓉, 厚皮加上同樣厚重的芋蓉, 吃完有點膩滯.五色春卷
外層炸得金黃香脆, 但不會油淋淋. 餡料有木耳絲, 紅蘿蔔, 粉絲等, 相當有咬口.
迷你荷葉糯米包
外形及味道類似珍珠雞, 不過是全素的版本. 打開荷葉時, 發覺糯米黏住了荷葉, 進食時有點狼狽呢!
糯米水份偏多, 口感過軟及過黏. 餡料有冬菇, 青豆, 菜圃等, 冬菇味道特別香, 雖是全素, 但都不會味寡.薑汁糕
薑加上紅糖, 層層相叠, 帶來輕柔的辣味及甜味, 暖暖的, 入口非常舒服, 是一道很好的飯後茶點.冷泡茶
來到茶館用膳, 當然不能缺少茶品. 套餐中包含了一瓶冷泡茶, 惜茶款不能自己選擇.
茶樽是店方特別設計, 可將茶包夾在瓶內上方, 將茶樽倒轉, 就可以輕易將茶包浸泡, 飲完茶後, 更可以把茶樽帶走作水樽之用, 既可愛又環保.黃小茶
自己對品茶不太認識, 這款茶茶味比較淡, 即使浸泡了好久, 茶味都不太”出”, 或者比較適合怕苦澀味的客人吧!

蜜香紅茶
這款茶茶味就突出得多, 茶味甘甜而不苦澀, 最後更可以嘗到一絲像蜂蜜的香味, 是相當神奇的味道.

第一次飲即泡的冷泡茶, 感覺冰涼沁心, 很適合夏天飲用, 是一個很不錯的體驗呢!味道, 環境, 服務都是水準以上, 當然價位亦是相當吸引, 一人只需百多元, 就可以嚐到五款, 共十件點心及冷泡茶飲. 唯一要挑剔的是店員不太了解網購憑證之細則, 要一番解釋才可順利解決.

放咗工極肚餓嚟到BEL CIBO, 見Openrice好評度咁高, 嚟之前已有所期待!
當晚就係食呢個2人套餐, 數數MENU有成8道菜, 單係頭盤都有3款, 淨係講個量已好吸引!  未嚟食物之前, 先補啲甜, 揀咗杯Cookies Banana Milk Shake. 香蕉味好濃郁, 再加埋朱古力威化同Oreo, 令人滿足既sweet drink!美食上場啦! 第一碟嚟嘅係秘制鮮凍鮑魚+美國蠔.  經過醃製嘅凍鮑魚除咗本身鮮味, 仲帶有微微忌廉香, 味道有驚喜! 鮑魚口感彈牙, 而美國蠔都幾鮮甜. 第一道海鮮頭盤已經好正啦~鮮果釀酥盒伴煙三文魚花配香芒汁, 酥皮盒入面裝有芒果、火龍果... 再配埋三文魚同芒果醬, 清爽之餘又被酸酸地嘅醬打開胃口~香煎法國鵝肝伴焦糖菠蘿, 菠蘿面有一層薄薄焦糖脆, 配埋口感柔嫩嘅鵝肝, 係繼秘制鮑魚之後, 第二道難忘嘅菜式 ~南瓜湯, 南瓜味好濃郁, 仲會飲到啲南瓜茸, 有誠意嘅餐湯!  海膽黑松露野菌意大利飯, 個海膽好好味, 冇腥味之餘又唔會好散, 一小塊伴以黑松露risotto嚟食夠哂正.喺四選二嘅主菜當中就試咗美國安格斯肉眼扒, 肉質幾嫩滑.  另外欣賞嘅係呢度配以海鹽俾客人可以灑一點喺肉眼扒上增添肉香, 呢啲少少嘅細微位令呢份肉眼扒更吸引!香煎銀鱈魚柳, 外層煎得脆香, 而魚肉本身嘅肉質極滑溜, 係8道菜之中最令我印象深刻嘅一道菜~ 最後一道甜品係呢個朱古力球, 入面夾有雲呢拿雪糕, 濃郁朱古力配以冰凍雪糕, 簡約而不失滋味!!總括BEL CIBO嘅2人套餐有八道菜, 食材用料高質之餘, 每道菜都絕不馬虎, 令我寫食評呢刻都有種回味!!
以原價$1,288 /2位雖然唔平, 但算係一份錢一份貨. 不過只要Like佢地 facebook就有65折,  加埋飲品同加一, 每人大約$500, 咁呢個價都算幾抵食, 推介值得一試嘅2人套餐.

Every time a friend always want to worry about where to eat in the end, if it is cafe class, then the dishes are relatively poor

So this time in order to be able to eat well, deliberately chose to eat a atmosphere, but also can sit for a long time the restaurantThe starter is Daily Oyster (4pcs) and Ice Abalone with Cream Sauce

The taste is very smooth, a bite will be divided into two oysters, sea water enoughAND THEN is Smoked Salmon Roll and Fresh Fruit Stuffed Vol-an-vent with Mango Dressing

Sweet savory flavor, and then is the taste of salmon and pastry. Very match to each other.Pan Fried Foie Gras with Carameled Pineapple

Pineapple is very JUICY. Have neutralizing function so that there will not be feeling too much oil.Chef’s Soup

The soup is very delicious since i can eat a lot of ingredients inside itRisotto with Sea Urchin in Black Truffle Cream Sauce

Black truffle fragrance is rich. A large sea urchin on the risotto. The taste is great and match each others

Main CourseGrilled Augus Rib Eye

Do not need any sauce to dip has eaten a lot of beef flavor. The beef is medium. It is very fresh and juicy. Also the fries are tastyGrilled US Pork Rock

It is thicker than normal pork chop. Crisp shells, fresh and juicy.Baked Norway Salmon Dill

Salmon meat itself is relatively hard. But it is okay for me because the taste is special and make the meat more salty which is better than normalPan Fried Cod Fish Fillet

This one is the best in my mind because cod fish is really very slippery. I like its texture and the fish bone is not so much. We can eat it freely.Chocolate Pots and Zabaglione Chocolate Tartufo

There are 4 different fruit inside the white chocolate pots. It is sweeter than black chocolate. Also the chocolate tartufo is very new for me. I gonna like this taste

呢晚嘅目嘅地係BEL CIBO Restaurant，lift門一打開就係餐廳嘅半開放式入口，黑板上仲寫咗當晚嘅優惠同廚師推介。餐廳入面掛咗唔少油畫。天花板就有數盞水晶吊燈。主餐牌圖文並荗，都幾清晰。有好多都想食，最後只係試咗幾款。Cookies Banana Milk Shake，沙冰用鮮香蕉同Oreo打成，再用唔同大小嘅原片Oreo點綴，甜味濃郁。煙三文魚凱撒沙律，煙三文魚捲成兩朵玫瑰花咁，食起嚟帶微微鹹香。羅馬生菜配車厘茄、巴馬臣芝士碎同煙肉乾，口感爽脆，當中嘅沙律醬份量充足，可以均勻咁沾晌蔬菜表面。龍蝦薄餅上面有原隻波士頓龍蝦晌度，賣相非常吸引。餡料入面嘅龍蝦肉都係嚟自呢隻波士頓龍蝦嘅蝦身，當中仲有三色椒、洋蔥同雜菌等等，整塊薄餅都佈滿芝士，批邊質感脆，猶如比較厚身嘅餅乾咁，醬汁就酸酸甜甜。至於龍蝦身就係裝飾性質，龍蝦鉗就可以拆肉嚟食。炭燒日本活性水飼豬鞍，聽侍應講餐廳採用嘅豬鞍係取自等級比黑毛豬高嘅日本活性水飼豬，仲用流質飼料同礦泉水飼養，上網睇佢仲係標榜無菌嘅。由於肉質優，所以餐廳只係燒到七八成熟左右，食起嚟外微焦，內爽腍有肉汁，唔蘸燒汁都夠美味。伴碟嘅蔬菜有新薯、法邊豆同車厘茄，整體味道輕巧無乜負擔。最後仲試埋比利時朱古力火鍋。朱古力漿嘅稀稠度適中，甜而帶微微甘澀，可以輕易沾晌食物表面。配料中嘅士多啤梨雕成花朵形狀，真係幾靚。另外嘅哈密瓜、蜜瓜同棉花糖都係甜甜嘅，同朱古力一齊食都幾夾。

幾日前黎食完晚餐，好滿意!  即刻推介朋友黎食午餐，順便為"她"慶祝生日。
難得這裏星期六亦有提供LUNCH SET，五個人，點了兩個SET，再散點了三樣食物。
A餐: 紅酒燴牛肋條扁意粉 $68，牛肋條非常入味，微微酒香，確實美味。F餐:  西班牙亞米高豬柳扒 $88，份量足，肉質彈牙。LUNCH SET包餐湯、沙律、餐飲，加$10仲可以配精選甜品。 雖然我們只點了兩個餐，但侍應都奉上五碗餐湯，確是很窩心。海鮮拼盤 $528，未食已經好吸引! 龍蝦啖啖肉，但略嫌鮮味不夠。其他有螺、蝦、生蠔、青口、龍蝦，全部都很鮮味，仲配上三種醬汁。呢個海鮮拼盤仲送左叫白酒，BRAVO~凱撒沙律 $98，蔬菜很新鮮。香燒豬仔骨 $168，很超值，大大條豬仔骨，味香肉腍，燒汁很特別，我本身對豬仔骨一般，但呢個確實好食，yummy。朋友們一致認為很美味，質素高，紛紛讚口不絕，侍應服務好又有禮。尤其是午市套餐，只是幾十元，很優惠。外面低質茶仔都四、五十蚊啦，仲要食住受氣。但奇怪的是，晚餐時有九成食客，午餐那麼優惠和高質素卻只得一兩枱食客，感覺像包場慶生，寧靜舒心。

臨近歲晚，朋友間的聚會，又再開始，選址也是以方便大家為主，因為大家放工的時間也不定，旺角或尖沙咀，也總成為我們最後的目的地。

這日有點不幸，工作要OT，朋友先到餐廳拿位子，我就後Join，那麼，選餐廳的重任便交託予朋友了。

最後，朋友選了這間在Openrice很高分，而且地點夠方便的餐廳，這很好，反正我沒吃過，一試也無妨。

餐廳位於厚福街的H8商場，基本這裡整棟商場也是食肆餐廳，所以等lift也需要一定的耐性，如果是低層的餐廳，還可以選擇行樓梯，但這次是12樓，只能忍耐一下了。步入餐廳，不算是很大間，座位都幾舒適，卡位空間感比較好。餐廳正在做promotion，只需在餐廳的facebook專頁給讚，便可享二人晚餐65折優惠，而點選海鮮拼盤，則可以送house wine白酒一支，這沒有拒絕的理由吧！

關鍵只在於：要選二人晚餐，還是海鮮拼盤？二人晚餐份量很豐富，三款頭盤＋餐湯＋意大利飯＋兩款main course＋甜品，這樣大的份量，其實二人很難很得完吧，這根本是3－4人的份量呢！飲品選擇也很多，酒類飲品比較多元化。

而且餐廳有Happy Hour 時間，6－9pm可享Happy Hour價錢，大約是原價6折吧，而9pm後，啤酒也可享買一送一。假如二人晚餐不合適，還有很大本的餐牌可供選擇，有不少的賣相也十分吸引，例如海鮮拼盤，特色雜錦海鮮香香筒，摩天輪小食拼盤，也都用了很特別的器皿去盛載食物，十分有心思，令人花多眼亂。而餐廳「最！最！最！」特別的，是有手工啤Tasting，客人可以去Bar 枱附近試飲手工啤，每種也可以試，而餐廳店員也會用心講解，可以試到岩飲才order，真的很慷慨，最岩我和朋友兩個酒鬼啦！每款也想飲，每款也想試。想飲邊款，和店員說一聲，便會給你一杯tequila份量的小酒杯試飲。不知不覺間，我們便試了4款：

有味道似champaign的Averbode；

麥味超濃，但飲落很醇的Kwak；

蘋果味很重，飲落飲蘋果汁的Floris Apple；

還有女仕會很愛，花香味突出的Wittekerke Rose。其中我和朋友也不約而同選了「佬味」較重的Kwak，酒精濃度比一般啤酒高，有7.5％。Cookies Banana Mike Shake $62

除了手工啤，我又多選了一款非酒精飲品，這款奶昔用了新鮮香蕉打製而成，配合Oero曲奇，賣相吸引，而飲落味道不算很濃，又不太甜，不像其他餐廳的重奶重甜重cream，感覺比較light。鮮果釀酥盒伴煙三文魚花配香芒汁

第一樣頭盤已經很吸引人，酥皮做得很脆，用刀切開聽到「撕撕」聲，絕對是即製的，配上香濃芒果汁，和滿滿的雜果拼盤，既健康又美味。煙三文魚捲成一團，底部加上一塊青瓜，面頭淋上芒果汁，食落很清新。秘製鮮凍鮑魚

冰凍鮑魚上放有忌廉汁，設計很創新，底部放有薯蓉用以為鮑魚定位，鮑魚很大隻，食落既爽且彈牙，但每人一隻，真係有點不夠喉。鮑魚大大隻，鹹香迫人。香煎法國鵝肝伴焦糖菠蘿

食完鮑魚，還有鵝肝，面上放有十分肥美的鵝肝，底下再放有浸滿濃濃焦糖醬的菠蘿。

鵝肝夠肥美，食落軟綿綿，脂肪油份佈滿整個口腔，幸福感爆燈，甜甜的菠蘿有效清理口腔的淡香。精選餐湯 － 魚蓉忌廉湯

餐湯除了用魚蓉外，也吃到有很濃的薯蓉味，所以食落有少少鞋食，飽肚感十足。由於魚蓉和薯蓉本身香濃得黎已經很飽肚，所以餐廳沒有跟上餐包，反而用了條狀餅乾去代替，相互更配合。魚蓉湯很濃，還有少少的魚粒混進了湯之中。海膽黑松露野菌意大利飯

當兩樣最高貴和最濃味的食物混在一起，會有怎樣的化學作用？

海膽和黑松露，兩樣也是我的最愛，今次她們遇上，我覺得黑松露是勝出的。海膽選用了加拿大海膽，所以每一粒海膽也比較大，而因為意大利飯本身的忌廉汁味道已經很濃郁，因飯氣而變熱的海膽我覺得是被破壞了。

海膽我自己比較喜歡刺身凍食，今次和朋友一起食用，用了朋友的吃法，把海膽混入意大利飯中一起食用，但8成的海膽味也被黑松露蓋過了，感覺有一點浪費。美國安格斯肉眼扒

main course可以選兩款，第一款我們選了牛扒，medium，肉質呈粉紅色，烹調功夫到家，份量大約是7到7.5安士之間，食落軟身夠juicy，配黑椒汁很不錯。雖然我問店員拿了芥辣，但最後也選擇了原汁原味食用，靚的牛扒，實在不需要外來的調味。香煎銀鱈魚柳

一款main course選了紅肉，另一款很順理成章的選了銀鱈魚。銀鱈魚份量比牛扒大，煎得非常甘香，連魚皮也是脆脆的。

食落有少量魚油流出，魚肉很滑很鮮甜，而大家記得魚要盡快食用，否則放耐了會有腥味。精選甜品 - Zabaglione Chocolate Tartufo

甜品是外表飲心太軟，其實是Zabaglione。食落有點像movenpick 朱古力雪糕的感覺，食落有一點酒味，加上杏仁粒，軟錦錦像蛋糕的口感，很特別。

而這個口感特別﹐感覺夠創新的甜品也為我這頓豐富的晚餐劃上了完美句號。這個二人餐集合了所有名貴食材於一身，法國鵝肝，鮮凍鮑魚，加拿大海膽，黑松露，安格斯牛扒，每一款也是我的最愛，原價＄1288，也實在不貴，而現時餐廳做緊65折，更是超值呢！

有些餐廳，自己吃過幾次，品質中上，自己吃過再吃的原因，不出幾個。

朋友想吃，有新menu，公司食飯，家人想吃，都是千篇一律的原因，有時，未必想吃也要吃。

今晚我也不是不想來這裡，只不過，上次吃的經驗，很孤獨無助，我害怕再過來記起那傷心的回憶。

朋友是看到promotion提議來這裡的，佢話呢度like 左facebook二人晚餐有六五折，不過有趣的是我地今晚四個人來吃飯。

我認為，呢個係一個笑話。

我不想太煩，於是所有食物也交由我的朋友發辦。

朋友想飲酒，有15款手工啤酒可以選，其中9款喺餐牌，6款會不定期轉款要來自比利時、德國，上次來也沒有咁新鮮的選擇，餐廳也追上了手工啤酒的熱潮。

今晚由於不太舒服的關係，我沒有吃太多，因為我想試一個實驗。

如果紀錄的都是別人說的味覺而不是自己的感覺，會是怎樣。

冷鮑魚配秘製鮑魚忌廉汁和熱鮑魚以黑松露來上，一冷一熱，看你的口味喜那一種，大部分人都是喜歡那個冷鮑魚，因為忌廉汁的味道太特別。

我覺得鵝肝春卷配千島醬係幾新奇刺激的玩意，朋友叫好叫你多次，鵝肝始終不是我好的東西，不過配千島醬倒也是新鮮。

紐西蘭肉眼扒非常大件，這個我沒有多吃，朋友反而吃得多，但他們都說肉眼扒牛味濃，入口尚可但有筋，如可以再煎香一點，會更美味。

龍蝦汁墨魚麵配粟米片，龍蝦汁香濃入味，好多蟹肉，均勻佈滿每條麵，最愛墨魚麵條條的煙韌無比，龍蝦汁也特別搶鏡。

水牛芝士薄餅 Pizza 餅底鬆脆，但配千島醬有點甜，成塊都是滿滿的水牛芝士味，說真，那pizza的感覺對比上次做得好左很多。

甜品有幾個，第一個為chocolate sabayon，裡面有custard moose，朋友E說好好食，而當我試了一啖後，說真，我真係唔係幾明，甜品總是我的弱項。

朋友自私叫的pana cota上面有粟米片、Oreo餅乾碎，感覺十分良好，佢自己一杯完全冇再飲過食過我地其他甜品就知有幾好。

另外的chocolate milk shake with banana flavour and oreo 也是女士極喜歡的味道，朋友簡單幾句，唔算太甜，蕉味濃郁。

這裡的creme brûlée用上了椰汁及椰奶取代鮮奶，更香甜可口，如果選今晚最愛的甜品，這個當之無愧。

當自己完全冇叫野食冇參與太多的時候，一餐飯的感覺可以好不同，叫的食物也是我從未想過，從別人的角度反過來看，原來真是可以看到另一邊，另一邊則是你應該完全看不到的。

BEL CIBO Seafood Bar & Restaurant

尖沙咀厚福街8號H8 12樓

安排了今個聖誕假期兩個旅行, 估計沒有時間陪爸媽食聖誕大餐, 所以決定跟他們提早慶祝聖誕。還記得一年前和同事來吃晚餐, 也是慶祝聖誕, 大家都幾滿意, 而今年就帶兩老來, 希望他們會同樣吃得滿足, 一起開開心心提早過聖誕。餐廳的裝潢跟之前沒有大改變, 一出升降機門便看到磨沙牆身貼滿客人的相片和一些有關餐廳的報導。旁邊擺滿了多支不同口味的啤酒, 相信老爸一定不會放過, 另外還有一塊寫上生蠔推廣的大黑板, 不知兩老今晚想不想吃生蠔呢? 安坐後才慢慢商討 。甫進店內, 以深灰色為主調, 燈光柔和, 全店掛上聖誕飾物, 玻璃窗貼上雪花和噴上白色聖誕景色, 很有feel。餐廳地方不大, 近落地窗位置設有一排高背的卡座, 寬敞闊落, 而中間位置則設有多數六人枱, 枱與枱之間較為密集, 幸兒今晚被安排坐在卡位, 挺舒適。裝潢沒有大改變, 但菜式就帶來不少驚喜, 創出了多款新口味, 令這本大餐牌更豐富更吸引。店員推介正做緊推廣的二人晚餐 ($1288), 有六五折優惠, 包括三款前菜、湯、一客意大利飯、四選二主菜、甜品和飲品, 都幾豐富。除二人晚餐外, 還有單點菜式, 分別有頭盤、薄餅、沙律、小食、主菜、意粉和甜品。最終大家決定先要一個二人晚餐 ($837), 其後再慢慢想加那些單點菜式。

******************************餐廳正在做緊啤酒推廣, 水吧位設有試飲啤酒區, 冰鎮着十多款來自不同產地的啤酒, 讓客人免費任試, 每款一小杯, 款款試齊都得, 好有綽頭! 雖然我不是啤酒愛好者, 但也被這小玩意吸引了, 揀了三款水果啤酒, 分別有芒果味、蘋果味 和櫻桃味, 最吸引我是香甜的芒果味啤酒, 甜甜地易於入口, 同樣也討老爸歡心, 決定點一支 Floris Mango Beer ($68), 話邊喝邊吃扒都適合, 看他讚口不絕, 一滴不流就知他有多喜歡。

******************************前菜有三款, 大家都不吃鵝肝, 餐店讓我們換上多一客鮮果釀酥盒伴煙三文魚花配香芒汁 Smoked Salmon Roll & Fresh Fruit Stuffed Vol-au-vent with Mango Dressing, 太好了! 高身的酥皮盒 都唔細，中心釀滿鮮雜果粒，旁邊伴上新鮮的沙律菜，還有兩朵捲得相當美麗的三文魚玖瑰花，以翠綠的苜蓿芽 點綴，再淋上鮮黃色的香芒汁，色彩豐富，擺設用心，單單賣相已取了不少分數。酥皮盒 焗得金黃酥脆，把其切開，鬆化得散落碎屑，亦清楚看到每層，香脆而不油膩，內藏加入沙律醬 的火龍果粒、奇異果粒 和蘋果粒，鮮果伴酥盒，吃起來清新一點，配搭合宜。煙三文魚花 不止賣相靚，色澤亮麗，肉厚肥美，肉質柔軟油潤，煙鹹味略為過濃，幸兒底部配了一塊清爽的青瓜片，還加了酸酸甜甜的香芒汁，有中和之效。另一款前菜是秘制鮮凍鮑魚 Ice Abalone with Cream Sauce, 一客有兩隻，大小相若，都算幾大頭鮑，中間伴上少許沙律菜，鮑魚底配些薯蓉，再淋上秘制鮮鮑魚忌廉汁。鮑魚入口微凍，肉嫩彈牙，鮮味十足，蘸上鹹鹹地的鮑魚忌廉汁，鹹鮮有至，而薯蓉伴上忌廉汁亦更香滑鮮味，配搭不錯。

******************************廚師精選餐湯 Chef’s Soup 是甘荀粟米湯，伴上幾支香脆的長餅干棒。湯身呈橙黃色, 入口暖烘烘，稀稠度適中，湯身綿綿，嚐到甘荀 的甜美，湯中還有不少甜美的粟米粒，多份口感，亦喜歡沒有加入大量忌廉，喝起來不覺太溜滯，高纖健康。

******************************飯類無得選擇, 但海膽黑松露野菌意大利飯 Risotto with Sea Urchin in Black Truffle Cream Sauce 也很合我們心意。意大利飯 面舖上大量金黃色的海膽，霸氣十足，絕不能欺場，再以少許沙律菜 和香草 裝飾，賣相已不錯。海膽 色澤鮮橙亮麗, 味道甘香鮮美，油潤豐膄, 黏滿口腔, 美中不足是有微腥; 意大利飯粒粒圓潤，啖啖黑松露 幽香，味道不會過濃，份量剛剛好，還有絲絲的芝士溶，鹹香美味，加埋多種爽口的野菌，充滿菇香，不錯！唯一是意大利飯 的生熟度掌握得不夠好，偏軟身，不知是否擔心兩老吃不慣意大利飯，所以煮軟一點呢？雖然它確實很邪惡，吃落有些漏滯，但又難以抗拒，結果也是舀完一羹又一羹，通通吃光。

******************************四選二主菜中, 挑選了一豬一魚。先來一道香煎銀鱈魚柳 PanFried Cod Fish Fillet, 這是兩老最喜歡的菜式。共有兩件銀鱈魚柳, 魚底墊着一大堆薯蓉, 啖啖薯香和牛油香, 還有爆汁的車厘茄、新鮮清爽的豆角 和雜沙律菜, 配備一碗照燒汁, 份量不少。魚柳 底面和周邊都煎至金黃, 燒弄的時間掌握得剛好, 潔白的魚肉片片分明, 肉質相當嫩滑, 存有鮮香的魚油, 烹調入味。試試淋些甜甜地的燒汁, 吃出另一番味道, 但個人還是喜歡不作任何添加, 嚐它本身的鮮味更美味。至於我一向最愛的魚皮 只是稍稍香脆, 若然可煎得再香口一點, 相信會更加吸引。另一客主菜是美國有骨豬鞍扒 Grilled U.S. Pork Rack, 也是份量十足。除了一大件豬鞍扒 外, 還有跟之前主菜銀鱈魚柳一樣的配菜, 同樣清爽入味, 而一大堆的薯蓉則以多件的烤薯仔 取代, 更合我心意。豬鞍扒 煎至底面金黃帶點焦色, 焦香可口, 吃前先淋些所配備的燒汁, 味道鹹香, 配起來亦不錯。可惜……肉質略為硬實, 有點嚡口, 並不腍嫩, 但近骨的肉質較佳好。

******************************三人吃二人餐當然不夠, 再單點一個松子仁野菌薄餅 Pine Nuts, Wild Mushroom Pizza ($188), 有7吋大，預切六件。熱辣辣上枱，菇香四溢，很誘人。薄餅面舖滿野菌、焗至金黃芝士，灑了大量松子仁，用料十足。拿取一件，拉出半溶的芝士絲，鹹香美味。野菌 種類不少，有秀真菇、金菇、冬菇、雞脾菇 等等，啖啖爽口，菇味香濃，加埋焗至香脆可口的松子仁，多份果仁香更加好吃。雖放上大量饀料，但薄餅皮 並不濕淋，邊位還焗至脆卜卜，帶些焦燶，若然餅皮可做得再薄身一點，相信會更理想。

******************************套餐的精選甜品是椰皇焦糖焗蛋 Coconut Cream Brulee。碟上唧了甜忌廉, 插上香葉, 灑上朱古力針作點綴, 再用草莓醬和朱古力醬畫上波紋, 而焗蛋上放了新鮮的草莓片、藍莓和龍珠果, 再灑上糖霜, 裝飾優美, 賣相不俗。先舀一羹焗蛋試試, 挺身得來口感又相當幼滑, 而且滲出椰香, 嚐到椰青的清甜, 而面層的焦糖也做得薄而脆, 甜度亦合宜, 伴埋酸咪咪的鮮果更添美味。

******************************最後以茶來消化解膩, 我和老媽都看中了 Pink Grapefruit Hot Tea (+$20/杯)。以一隻雙層玻璃杯盛裝，不會燙手，貼心！選用Lipton 品牌為茶底, 加入濃縮的西柚果汁 ，茶味甘香，帶有酸咪咪兼微甜的西柚味，入口暖笠笠，舒適順口，亦有消化解膩之效。

------------------------------

相隔一年, 餐廳環境沒有大改變, 但致力在食品上求變, 推出了多款新菜式, 質素亦有進步, 還想到有創意的啤酒試飲推廣活動, 欣賞這份努力!

來這裡很多次了。首先要贊賞這裡員工的服務。 這家餐廳是在外面
點餐，然後員工上菜的。每次來到，員工都很熱烈的帶位。上次點餐時
點了很久，改餐改很多次員工都沒有不耐煩咖啡味道香濃。。還有，平常很少地方可以喝煉奶咖啡。多士烘的很香脆。。但果醬不夠酸：p