星期一從來都令我感到沮喪，工作枱上的文件又再堆積起來，好像一切都要重新開始一樣，因此，星期一的午餐對我來說就如發電機一樣重要。同事一直都有跟我提起過附近有一 food court 很特別，我就決定一試。由於星期一給人的感覺總是飽飽濟濟，沒有胃口，因此選定此間西式輕食小店。Lunch set 可以自行配搭，選好 main dish 後就再選配 salad 及 side dish。我選了雜茄沙津，焗芝士波菜及煙三文魚牛角飽，配熱 cappuccino。雜茄沙津顏色七彩繽紛，未進食前已經令人賞心悅目，沙津汁帶有少少酸味，跟雜茄及蔬菜配搭起來份外清新。
焗芝士波菜，芝士味道不算濃烈，但波菜不會被焗到乾身及變色，仍可保留原味。
煙三文魚牛角飽，飽身外面非常鬆化而且充滿牛油香味，配上煙三文魚的略咸味，味道一流。cappuccino 的咖啡甘香再配上牛奶的幼滑，召回我仍在放假的心靈。

今日去西九龍運輸署辦文件，完事後順路到隔離商場逛一下，路經一間蛋糕店，被忌簾哥的俏像吸引．再走近玻璃櫃，發現有很多不同款式的蛋糕，之前都提過，本人超愛芒果，所以我買了一個香芒溶心芝士蛋糕回去跟家人共享．未食之前，先放入雪櫃，食前才放室溫預15-20分鐘解凍．蛋糕盒手挽用貓耳型狀設計，非常可愛．蛋糕面層鋪滿厚厚的芒果肉，切開蛋糕後，的確有溶心效果，芒果肉又香又甜，芝士味道剛好，軟軟滑滑，不會太膩，連我怕甜的媽媽都不停大讚．

另一半好鍾意食食食，所以我哋平日嘅節目都係週圍搵嘢食為樂，呢間店係老公睇過飲食介紹，一直都想試，今日終於試到了．

此店舖面古舊，入面好少許迫，但睇得出係歷史悠久，我哋兩個最鍾意就係發掘呢類嘅小店，因為驚遲Ｄ會變哂連鎖食店或者藥房．

全店都係得3,4個服務員，好似係全家總動員，所以好有親切感，我哋叫左雞腸麵，蝦球麵同埋黑柏葉．雞腸的確爽口兼彈牙，而且唔會食落有難聞味道，麵條軟硬適中．蝦球麵，好大隻，新鮮甜美．黑柏葉火喉控制得好好，唔會過老，非常爽口．

有一次老公買咗一隻去骨海南雞返屋企做餸，我食過之後覺得好好味，我見呢排得閒就叫老公親自帶我去食一次，原來呢間食店唔止海南雞出名，喇沙湯粉都好出名，我最鍾意就係食喇沙，所以今次兩樣點哂．
先黎喇沙，濃濃嘅椰香味，再加上喇沙本身嘅香辣味，絕對係食指大動，每一啖米粉都沾上喇沙汁，而且配料都多，有魚旦，蝦，最重要嘅豆卜當然都冇缺少啦老公就食海南雞飯，去骨嘅海南雞，入口嫩滑，啖啖肉；雞油飯足滿油香味，係水準之作．

大熱天時要由九龍去元朗幫老闆拎嘢，我已經面燶燶，再加埋咁嘅天氣，真係唔中暑都偷笑，當攪掂哂準備搭西鐵出返九龍嘅時候，經過一間甜品店，由於我已經出汗出到脫水咁濟，就決定入去飲杯嘢．
坐低睇完餐牌，我就比呢個咁獨特的甜品名字吸引，所以就點咗杯黎試下一上台，侍應就好細心叫我攪均先好飲，因為蜜糖沈哂起杯或，我攪完一飲，已經將我嘅怒火同熱火降咗一半，非常冰涼，飲品帶有少少柑桔酸味但加埋蜜糖的甜味，甜酸味非常適中，而且有好多蘆葦果肉，簡直係啖啖肉，消暑之選，飲哂之後簡直將今日嘅怨氣全部掃除．

是日跟同事再光臨此食店，set lunch 選擇多，我選了拿破侖雞肉長通粉配羅宋湯．

先上餐湯及餐包，餐湯顏色就呃到人，但味道淡而無味；餐包太硬而且唔熱，凍冰冰，同事想轉餐包，由長方包轉芝麻包，但侍應說係隨機抽樣出包，所以冇得轉，呢個係一個敗筆，因為呢餐午餐價錢唔平，但少少要求都唔可以配合客人，今時今日咁既服務態度實在不能接受．到主菜，隻碟就大大隻，食物份量偏少，但味道出色，拿破侖好好味，雞肉都好嫩，長通粉軟硬度剛剛好，整體配合得非常好．特飲點了荔枝啤梨綠茶，入面有好多啤梨肉，味道正常．

好友 KY 姐同佢老公新居入伙，新居位於元朗，我哋放假就梗係要去佢哋新居踩吓場，平時好少入元朗，對上一次已經起碼兩年前，今次再入去，好多地方都唔同咗，多咗好多新食市，KY 姐帶左我哋去一條街度搵食，由於 KY 姐老公係食肉獸，我哋就揀左間食燒肉嘅放題開飯嘞．一入去，就會經過自取食物嘅地方，再直行，旁邊有雪櫃放滿飲品同埋甜品，侍應哥哥帶咗我哋去梳化卡位坐低，卡位好舒服，四周圍都好乾淨，唔會有太多油煙
，坐好之後，侍應幫我哋舖在一張白色紙起個爐上面，我都係第一次用燒烤紙，原來用咗唔會〔痴〕底，very good
出去揀食物之前，緊係搵嘢飲啦，我就要咗個羅漢果茶，諗住冇咁熱氣，入口好甘甜．之後就要尐前菜做頭盤，沙律菜，刺身同埋壽司，仲要咗尐熱食，炒蜆，焗蠔，冷盤同熱盤都冇馬虎，可以先幫我哋嘅味蕾做 warm up．食完頭盤，咁就梗係食燒肉啦，選擇非常多，有鴨胸，魚柳，多春魚，雞翼，菇類等等．．
魚柳特別出色，好嫩滑，肉類醃得出色．因為加 $68 可以任食生蠔同長腳蟹，出面少有，我哋梗係有加啦，長腳蟹肉仲保留住海水嘅咸味，唔沾醬汁都食到鮮味．
當晚每枱客都可以抽獎，我見人人有份，有尐係中野飲，有尐係中野食，增添氣氛．

因為天氣太熱，唯有夾埋同事叫外賣，叫左楊州炒飯同乾炒牛河 份量超大，其實可以兩個人一盒，先講楊州炒飯，飯太淋，唔夠乾身，味道一般，至於個乾炒牛河，牛肉冇牛味已經預咗，河粉一舊舊冇分開，味道又超咸，攪到我同同事喪飲水，唔好食

老公有日順路買左個cupcake返黎比我食，我就當然好開心啦，賣相都幾好，一食落口，有雲尼拿香味，cupcake 嘅cream比較硬身，所以我老公拎到返屋企都冇變形，啲cream口感幾滑但我略嫌太甜，食多兩啖已經好膩，要同老公 share先食得哂． 

今日tea time, 老闆捧住呢間法國百年皇室餅店既餅盒入黎, 我地個個當然好開心啦, 話哂係名店，當然要一試！

款式有好多, 我都花多眼亂, 我選左其中一件.淨係賣相已經靚到唔捨得食, 上面舖左少少金箔, 非常有皇室下午茶feel, 一入口, 不得了, 酸中帶甜, 而且口感好creamy, 底層嘅蛋糕底好鬆軟  , 的確唔係浪得虛名.