今日在觀塘做完公司宣傳活動，天氣熱辣辣，大家都想快d揾個地方醫肚。 揾咗間日本野，入去去反而比餐廳推介的牛牛吸引咗。 蒸籠和牛$488/200g和牛A4級數，一籠計落有8塊，可惜上枱後要等佢蒸。
好在係等等等其間有杯Sake cocktail $38，摸下杯底吹吹水。呢杯真係好抵，38蚊有杯Sake, 飲落口好香薄荷味。
等咗3個幾字，終於可以起筷。
第一層肥牛真係好嫩口，一塊放落口，嫩嫩的溶他在口中，加埋芝麻醬就更加激讚。
第二層有蔬菜，蔬菜好鮮味，食落仲有啖啖牛香。原來蒸籠設計係想蒸的同時令牛肉汁，可以走到下層比蔬菜吸收。 之後再來多個串燒。

每一樣燒起上來都好鮮甜。 南瓜$24 蕃薯$24 青椒$21 冬菇$19 整體來講，鋪頭環境好好，好闊落，野食又一流，真係一班朋友食飯吹水好地方。

舊同事聚會, 我地揀返當年認識的地點, "觀塘"

去地鐵站附近商場一定會好多人, 而又聽聞最近觀塘工業區中有好多水準餐廳進駐, 最後我地決定食稻‧拉麵

望望Menu, 都好多選擇, 晚市除拉麵外, 仲有壽司, 刺身, 串燒等等

最後我地決定食推廣中的二人餐, $398

有機蕃茄田園沙律內有蕃茄, 豆腐, 沙律菜配黑醋汁, 最出色係d豆腐, 好滑, 黑醋份量剛好, 賣相都好精緻

極上雜錦刺身, 兩個二人餐的份量雜錦包括三文魚, 吞拿魚, 油甘魚, 全部都係厚切, 每款每人一件, 份量岩岩好

串燒, 白金豚肉串, 露筍串白金豚肉串, 燒完後既豬肉好爽口, 塊肉係一層肉一層膏, 加少少檸檬汁後就唔覺得油膩, 仲好香口
露筍串, 食完肉, 配返d菜, 感覺好舒服, 建議食左肉先食露筍

吉列一級岩手縣白金豬扒睇返資料, 原來白金豬係日本係身價最高既豬, 唔怪得肉質同一般食既唔同, 炸完後仍然爽口, 仲唔會覺得成口油, 配上醬汁更好味

白金豚肉拉麵配豬骨湯肉有白金豚肉, 芽菜, 木耳同葱, 拉麵係幼麵, 豬骨湯好濃

精美甜品我地仲一路估有咩甜品, 原來係奶凍, 由左至右既味道係 芒果, 芋頭及原味, 芒果及芋頭都食到粒粒果肉, 我就較鐘意芋頭, 原因係出面唔多餐廳食到芋頭奶凍

Sake cocktail, $38好抵飲, 味道仲唔錯, 天氣熱飲凍野岩晒

總括黎講今餐都好抵食, 二人餐份量同野食都多, 味道又不錯, 大家都過左個愉快晚上

午飯時間繼續約朋友食, 今次輪到好出名既好時沙嗲, 1點去到剛好有二人位, 唔使問一定要試海南雞, 見枱枱都係叫呢樣野食, 

海南雞飯, $48好搞笑, 連個盤一齊送上, 仲有湯送, 無骨雞好滑好香雞味, 岩晒我鐘意啖啖肉既人, 個底有D生菜, 等D雞油滲落生菜度, 配汁有薑溶(同出面比無咩特別), 辣醬(唔辣), 黑豉油(好濃),三個汁最鐘意黑豉油,
而個飯係油飯黎, 對我黎講偏油, 下次試下叫白飯先

呢一餐好鐘意隻雞, 食完後真係可以令心情變好, 絕對無誇張, 下次會再黎食試其他野 

要留意, 午市都有加一, 埋單要$53,諗左好耐呢個係咩收費....

旅發局「香港FUN享夏日禮」呢個優惠，終於比我同老婆屋企對面有間餐廳見到。 今次仲要係一間食開有信心的餐廳，當然要支持。去到餐廳大約7點已經好熱鬧，我地當然唔會錯過”鵝肝牛柳”($228)買一送一呢個優惠。個餐除主菜外仲有汽水免費無限任飲，紅白洒/啤洒，買一送一，同埋半價夏日消暑特飲。 開始前當然要飲返個一直以來都好欣賞的餐湯，呢個紅湯真係好足料，而且菜同肉的味道都濃濃地溶入湯中。

之後食埋蒜蓉多士，香濃的蒜蓉牛油加上一片脆口多士，真係高級享受。

跟住當然係主菜時間，鵝肝牛柳，一上枱已經香味十足。整個主菜頂層係鵝肝，第二層係牛柳。開始時各切了一小片來試試，鵝肝好香，入口即化。牛柳我點了6成熟，入口牛肉味好出，仲好夠肉汁，口感剛好嫩得來有口感。最低係一層薯蓉，好鬆軟，好滑。 大家真係要把握機會食返餐好。

每次經過Munch Now入面都坐滿食客, 相信質素會唔錯的一間食店, 今日趁假期, 訓飽就落街試下先,
4點鐘去到, 好彩有一枱食客走人岩岩好有位, 望望menu, 都幾多選擇, 統一價錢, 全部$43

費城牛肉三文治, $43估唔到除左個包之外仲有薯條, 老公切左少少比我試,麵包好香脆, 牛肉係切粒粒既, 無咩點醃, 完全食到牛肉本身既香味,同埋好"林"

手指魚薯條, $43相信係即叫即炸, 夠晒熱, 魚手指好大條, 仲要有3條咁多, 魚炸完後仲好有肉汁, 完全唔乾同好滑, 脆醬好薄, 配埋沙律醬更加好味, 而薯條都唔錯, 夠熱, 值得一提既係d沙律菜入面既醋, 好香濃, 好醒胃,食完炸物後配少少菜,係好舒服既

餐飲, 即磨咖啡杯即磨咖啡真係無得彈, 未飲前已聞到咖啡香, 香濃, 飲完後即刻醒晒

去開呢頭陪老公買野, 見到越南牛肉粉專門店裝修都唔錯, 同埋見入面都幾多人食, 估計唔會差得去邊, 咁就決定試下呢度既下午茶

今次揀左札肉河+凍檸茶

上野都好快, 落單到上野唔使5分鐘,可能星期6下午工業區人流唔太多

凍檸茶(套餐凍飲加$2), 爆甜, 但就幾夠茶味, 如有下次都係少甜穩陣啲札肉河
芽菜另上, 仲要係阿姐問要唔要先有, 
札肉幾彈牙, 可加少少青檸汁落湯, 酸酸地唔錯, 只嫌個湯唔夠熱同埋好喊, 芽菜浸極都唔熟, 好腥
河粉都OK既, 起碼唔會煮到好淋先, 不過河粉好少會煮得難食總結, 呢餐不過不失既, 但係呢,食野齋睇裝修係唔夠, 下次都係穩陣啲做下資料先好

朋友約食飯吹水，天氣熱辣辣，估唔到朋友話去火煱串燒。 餐廳叫得澳門仔秘制炭燒豬扒包($28)

當然唔小得，豬扒包外表一般，咬落去包好脆口，勝在豬扒大大塊又嫩口。 小炒皇($88)

賣相好，材料十足。韭菜，腰果，蝦乾……味道鮮甜。 菠蘿生炒骨($78)

生炒骨和菠蘿的味道夾得好好，啖啖肉，酸味剛剛好，連菠蘿一齊食，好好味。 最後叫d海鮮食下先，伙記推介咗2樣，就決定試試。 艇皇古法蟹($198)

蟹的份量剛剛好，蟹肉鮮味，配合一點辣味。 黃金中蝦($98)

這個蝦外表啡啡的，好似脆皮蝦，原來脆皮係用蛋黃造成，一口咬落去，可以食得出係新鮮蝦，用蛋黃香味引出蝦的味道。 甜品時間，我們點了個新口味，椰青大菜糕，在原個椰青中食大菜糕，好清甜解喝。

老婆想打邊爐見係星期日放假，我就落去九龍城買料等佢開心下。 買完野之後見到侯王道有間蛋糕店好多人買，我都過去望望先。

咁多人買，天氣又咁熱，買翻個翻屋企食先，睇左好耐，有好多選擇。朱古力，香蕉，芒果等等，好多都想試。

最後都係買左老婆至愛，芒果溶心芝士蛋糕（$138），佢又中意芒果，又中意芝士蛋糕。

Order完之後，店員會問您幾耐先翻到屋企幫您加乾冰，好細心。另外包裝都好精緻，又夠cute。

味道方面，都幾特別，餅底係朱古力味海棉蛋糕，薄薄既一層，芝士味唔算好濃，邊位較硬，中間有溶心感覺。頂層既芒果都算多，而且仲好甜，全部野加起黎，無一般芝士蛋糕感覺咁肥。

蛋糕唔算太大個，可以俾4至5個人分。計落都幾抵食！

屋企傳統必食生日蛋糕慶祝, 今年都唔例外, 蛋糕都離唔開什果呀, 朱古力,芝士蛋糕咁, 今次想試D未食過既蛋糕款, 有朋友就介紹半熟蛋糕, 一聽到個名就覺得好得意,半熟係咩黎呢, 再搵搵諾亞有咩分店, 咁岩荃灣有一間, 老公收工可以拎埋先返屋企, 咁就順理成章食左第一個半熟蛋糕

比利士朱古力芝士蛋糕$95
店員都好細心, 怕蛋糕會溶, 就加左D乾冰比我地拎返屋企, 係個PACKING外面都有講明先放室溫5-15分鐘先食一切開就知道咩叫半熟蛋糕了,原來中間個層係流心黎, 外表好似tiramisu, 
首先面個層黑朱古力醬, 唔太甜,配上淡淡芝士絕對唔漏, 層糕外層鬆軟
而呢個蛋糕4個人食岩岩好, 唔鐘意食甜野同怕漏既人, 呢個蛋糕就岩晒最後, 好彩屋企人都好鐘意呢個蛋糕
下次會再試下其他味道

今晚約咗朋友在九龍城打邊爐，去到見到門面都好光猛，魚缸中有好多唔同的海鮮。 我們選了一個足料佛跳牆湯底 $198

起初以為它是一個純湯底。估唔到送來的時候，侍應介紹我們可以先飲湯，它竟然真係一個足料的湯

有鮑魚，冬菇，花膠，螺片。湯飲起來鮮味十足，令人要一飲再飲。 接住就來了一個厚褔刺身拼盤$188

刺身好新鮮，有三文魚，帶子，象拔蚌…… 質量絕不輸日本食店。三文魚有魚油香味，帶子鮮甜，象拔蚌新鮮爽口。 秘製香炸松露餃$68

松露不是人人起歡它的味道，同行朋友正是如此，我就大飽口福了。松露餃入口香脆，當中的豬肉和松露味道配合得好好，入口帶有松露味又不會太濃列。 跟住打邊爐時間正式開始，我們點了滿滿一桌食物。 每日限量頂級牛肉$298

牛肉新鮮，不要滾太耐，大約1分鐘後入口味道嫩口有牛味。 伊比利亞黑毛豬柳粒 $88

豬柳粒入口肉味道較小，一口咬落去才是真享受，爽口的感覺當中會有肉汁流出。 爽脆桂花蚌$78，如其名，爽口夠鮮味。 原隻火箭魷魚筒$40

這個侍應叮囑，大約1分鐘就要上水，果然鮮味十足。 巨型花竹蝦



這隻蝦絕對新鮮，鮮味有口感。今次熟食，下次一定要刺身食。 最後，要食返d菜幫助消化。 生菜$28 日本甜薯$28