今天试了這里的一人火锅午餐，蔬菜任吃，牛肉份量挺大的，後加上一份牛五花，份量还挺多的。我坐一樓窗边望着東京街，環境很舒適。希望它也考虑加上外賣食物，和多人用的餐，加多些蔬菜款式，這间餐厅值得來试试啊。

琴晚一家四口去試吓食新開嘅鋪頭，一上到去侍應都好好禮貌問大家想食燒肉定火鍋？因為火鍋就放題任飲任食，而燒肉就套餐咁叫，所以我老公同大仔最終就揀咗試吓食燒肉先🤭環境裝修都好舒適又夠寬敞，用完QR code落單後就知道價錢，方便清晰！食物方面份量好足，我哋都食得好滿足😋我埋單後都有影下火鍋放題有咩供應比大家食，可以參考下！下次會再試吓食火鍋放題，疫情過後好多鋪執，但係好佩服有新鋪開張，希望佢哋可以生意興隆！

嘩，啲嘢真係頂唔住。佢啲刺身全部都有腥味，底下啲水啦，全部都係黃色，有幾衛生，大家都知啦。加埋啲服務態度真係太差，個個服務員都神神地，一係就俾錯單，一係就幾錯嘢，上埋啲都唔係我哋台嘅嘢。同埋上菜速度又好慢，前半個鐘都，之後就一個幾鐘無食過嘢，最後半個鐘先嚟嘢，都唔知搞得啲乜。奉勸大家千其冇嚟，太中伏啦，點解呢間嘢都可以做落去？同埋我想講，只要唔係呢間鋪頭做出嚟嘢，味道都算正常，例如飲料啊醬油啊雪糕啊，如果覺得洗差唔多兩百蚊，食埋呢啲嘢係ok都可以去試下

6月29號嘅中午同另外一個朋友嚟食，一入到嚟靜到好似拍烏蠅咁 蝶蝶刺身係食得出超唔新鮮 食落去一pat pat 同無味。 廚房入面聽到啲員工好大聲打機。 個日返到屋企之後即刻覺得唔舒服，又屙又嘔，個小腸一陣又一陣拿住痛。 唔會有下次，畀錢買難受。

前幾天同朋友去左旺角荷李活稻香食放題火鍋，正價時段每位$188元、價錢很合理食品種類繁多，昨晚九點多又同朋友再次去食、原來宵夜每位只需$138元，非常抵食、最重要係宵夜時段張火鍋紙上什麼都有、海鮮同肥牛特別新鮮、而且叫極都有，沒有呃人喔，飲品種類也很多，加上還有自助吧，非常值得推介

去咗稻香打邊爐,雖然食過N次,但好似冇乜影過相.任用嘅自助區每位收$14,有基本醬料如蒜蓉,蒜炸,辣椒,香蔥,唐芹同豉油等等,飲品方面有各式罐裝汽水,另有水機果汁,夏枯草,洛神花山楂紫貝天葵,豆漿,沙冰等等,仲有中式糖水如芝麻糊,紅豆沙等等.我哋叫咗個椰椰芝麻雞鍋餐,另外加咗幾款食物同任用自助區.象拔蚌,可以生食,亦可以放入鍋度涮一涮嚟食,鮮甜冇腥味.黑豚肉,薄切得嚟口感唔錯,肉質亦唔癡牙.安格斯肥牛,咀嚼起嚟冇渣.桂花蚌,我冇食到,不過睇樣似乎唔錯.廣島蠔,食落Creamy中帶啲爽口.墨魚滑,我事後先發現原來一塊都冇食過.羊肚菇,之前聽講過呢款食物,口感脆脆,幾過癮.四寶丸,有墨魚丸,鯪魚丸,豬肉丸同蝦丸,彈牙但唔太食到鮮味.黃金脆竹卷本身已經稍腍,不過吸晒啲湯咁都唔錯. 炸魚皮就非常香脆,表面沾有辣粉,令佢更惹味.彩虹一籃子,分別有冬菇,秀珍菇,粟米,南瓜,車厘茄,小棠菜,生菜,娃娃菜同西洋菜,蔬菜都算嫩綠,份量仲唔少,食多啲菜感覺都好似健康啲.之後仲飲埋自助吧嘅飲品同糖水,熱飲用嘅杯都幾得意.

佐敦旺區 位置一流
6位卡位 (全窗邊) 坐得舒適
大家目標一致
收費的全不叫 限時2.5 hr
鮮蕃茄薯仔豬軟骨湯底 – 清清地 唔太夠味
肥牛 – 完全食唔到肉味
羊片 – 有少少羊酥味 好食
墨魚滑/三寶丸 – 新鮮足料有咬口
脆肉鯇 – 脆到爆 同中山食果d有得fight 好食
鱔片 – 薄 爽脆 好食 叫好多黎好少
海蝦/吊桶仔 – 新鮮
魚肉蟹棒 –30秒即食
魚皮/響聆 – 10秒即食
雞子 – 新鮮無怪味
飲品大部份任飲
任食黎講 整體質素偏高
位位~$160 抵食!
不過回想食過”新星””德興”
質素差少少 價位亦相應便宜 ~$120
因此最後結論係
”用料新鮮 價錢合理 物有所值”
值得推介!

2013年米芝蓮推介的平民餐廳之中，阿純山東餃子榜上有名。能得此名銜，食物要有質素，價格亦要親民。老闆阿純是山東人，來到香港，一心想做地道山東菜色，所以麵粉、調味料等素材，都要由山東進口，希望能原汁原味呈現山東老家的風味。

我們幫襯阿純，其實同米芝蓮推介無關，純粹因為喜歡它的菜色。早在去年，已經試過這間小店，除了喜歡各式餃子，更愛燒羊排。最近，約了一班朋友到太子樓上咖啡室，大玩桌上遊戲。玩樂過後，已經是晚上七點，於是大家來到阿純山東餃子用膳。

晚飯時候，這間裝修欠奉而又略為擠迫的小店，十分旺場，已幾乎滿座。我們一行五人需要搭檯。坐下後，大家都很興奮，恃著人多，就一股勁兒地點餃子來吃。點了四、五種餃子，印象中包括白菜鮮肉餃、香芹鮮肉餃、西紅柿雞蛋餃、韮菜鮮肉餃。

餃子細細粒，易於入口。用上家鄉麵粉做出來的餃子皮，厚薄適中，有一種柔韌的口感。各種餃子都做得很不錯，欣賞香芹鮮肉餃的清香爽脆，喜歡煎韮菜鮮肉餃的韮菜濃香，不過略油。當中的西紅柿雞蛋餃比較特別，是山東口味，餡料是蕃茄與雞蛋粒，味道鮮甜，在芸芸咸味的餃子中帶來一點新鮮感。
　　
叫了這麼多餃子，卻不會輕易滿足我們的胃口。因為，其他山東小食和菜色都值得一試。小食之一的手撕雞上面堆了滿滿的麻辣醬和花生，入口是一股辛麻，怕辣的朋友可能受不了。手撕雞肉相當嫩滑，屬美味之選，值得一試。
　　
相比之後，雞絲粉皮略為失色。雞肉沒有手撕雞的嫩，粉皮卻做得不錯，薄身、爽口、煙韌。不過，我最想吐糟的是－－花生醬太少了！欠缺濃濃的花生醬，雞絲粉皮的味覺就會變得很寡。
　　
這個酸辣湯中規中矩，味道偏酸一點，如果能再辣些會好得多。
　　
聽到朋友說想吃「叉子燒餅」的時候，我很好奇到底是怎樣的。菜上桌的時候，只見一個個圓筒形的中空烤餅，炸餅外層舖滿了芝麻。中央則放了一小碟，內有肉粒、荀粒、紅蘿蔔粒等材料。食法是用小匙將材料灌進烤餅內，首先嚐到的是酥脆而帶有芝麻香的烤餅，然後是香口的材料。感覺新鮮，味道不錯。
　　
吃了幾道菜後，我最期待的一刻終於到來－－山東香燒羊排上場，便傳來陣陣香味。羊肉煮得非常之軟嫩，入口時帶有洋蔥和椒粒的辛辣，香口惹味，沒有令我失望。同樣令人興趣的，還有那濃重的羊羶味，以及令人滿足的脂肪。推薦!
　　
這碟藍莓山藥片是後來點的，所以上菜比較晚。井字形的賣相精美，輔以葉葉點綴。新鮮山藥遇上酸甜的藍莓醬，感覺清新。比較適合作為開胃前菜，但在重口味的羊排後上場，亦有清清味覺的功效。
　　
最後，又是甜品環節－－安娜最愛的拔絲香蕉。想不到在小店裡，也吃得到講究新鮮即製的拔絲。上一次試過拔絲香蕉和蘋果雙拼，個人覺得蘋果質地硬身而味道偏酸，製成拔絲的效果不理想。所以今次，我們叫了拔絲香蕉及拔絲士多啤梨雙拼。

店員會主動幫客人過冷河，把熱辣辣沾滿半融糖漿的拔絲放進冰水裡然後迅速撈起。脆而甜的拔絲裡，是香甜軟熱的香蕉，味道不俗；反而是士多啤梨遇熱變軟後，無論口味都味道都有點奇怪，所以不太推薦。
　　
五個人，單是餃子都叫了四、五碟，大家可以想像到，桌上放滿各色各樣食物的情境，是多麼令人滿足！整體食物水準令人滿意，在這間餃子店，好吃的又豈止餃子，不少菜色同樣討好，其中我最愛的烤羊排是必食之選。雖然餐館沒有美麗的裝潢，但每位朋友都食得好開心。

埋單一看，位位不用一百元，就已經吃到很飽。這時候，你就會為了小店的價廉物美而感動。平、靚、正，抵你獲米芝蓮推介。

見到咁多人評，點可以唔去試試

特登渣車去試試，講真，好失望，非常一般

total食左$380，價錢中等，諗住格局如此但中等價錢，應該會好食

order左3文魚剌身，鰻魚飯，凍豆腐，仲有一樣，唔記得係乜

3文魚份量預左細，但細份應該精，但係無乜3文應該有0既肥香味，淡身左D

鰻魚飯好普通，無特別好食，但唔算難食，唔明可解有180幾個好評?!

平日二點去食,店內無乜客,叫了炸帶子拉麵.嚟到時漏左帶子,叫我等陣.
拉麵超難食(茶餐廳做拉麵質素)炸帶子個心是冰凍的,然後換左义燒俾我,义燒深黑色的(唔敢食).結果差不多成碗俾番佢(當然有俾錢啦)